00654. ಅಪ್ಪನಿಲ್ಲದ ಚಿತ್ರಗಳು..


00654. ಅಪ್ಪನಿಲ್ಲದ ಚಿತ್ರಗಳು..
________________________

  
(Picture from: http://www.prajavani.net )

ನಮ್ಮ ಬಾಲ್ಯವೆಲ್ಲ ಬರಿ ನೆನಪು
ಸ್ಮೃತಿಗಷ್ಟೆ ದಾಖಲೆ ಅರೆಬರೆ ಮಸುಕು
ಅವ್ವಾ ಅಪ್ಪಾ ಅಜ್ಜಿ ತಾತಾ ಬಳಗ
ಹೇಳುವ ಕಥೆಗಳ ತಳುಕು
ಬಾಲ್ಯದ ಪೋಟೊ ವೈಭವಾ..

ಎಲ್ಲಿತ್ತು ಟೀವಿ, ವಿಡಿಯೊ ಪುಟಗೋಸಿ
ಸೈಕಲ್ಲು ರೇಡಿಯೊಗಳೆ ಜೂರತ್ತು
ಬಿದ್ದು ಬೀದಿಗೆ ಹಾಡಿದ್ದೆ ಲಗೋರಿ
ಗೋಲಿ ಬುಗುರಿ ಚಿನ್ನಿದಾಂಡು ಕ್ರಿಕೆಟ್ಟು
ಅವಲಕ್ಕಿ ಪವಲಕ್ಕಿ ಅಳಿಗುಳ್ಳಿ ಕವಡೆ
ನೆನಪಷ್ಟೆ ಮೊತ್ತದೆ..

ಇಂದು ವಿಡಿಯೊ ಕ್ಯಾಮರ ಪೋನಲಿ
ಕಂದಮ್ಮಗಳಾಟವೆಲ್ಲ ಸೆರೆಯಾಗಿ
ಹೆಜ್ಜೆಹೆಜ್ಜೆಗೂ ದಾಖಲೆ ಪುರುಸೊತ್ತಿಲ್ಲ
ನೋಡಿದರೋ ಬಿಟ್ಟರೊ ಡಿಜಿಟಲ್ಲಲಿ
ಸೇರಿತ್ತ ಸರಕು ಧೂಳು ಹಿಡಿದ
ಅಲ್ಬಮ್ಮುಗಳ ಜತೆಯಲ್ಲಿ..

ಧೂಳು ಬಡಿಯುತ ಮೊನ್ನೆ ಸಿಕ್ಕಾಗ
ಎಳೆದು ಕೂರಿಸಿದೆ ಮಗನ
ನೋಡೆನ್ನುತ್ತ ನಿನ್ನದೇ ಪುರಾಣ;
ವಾಚಿಸಿ ಅಚ್ಚರಿ ‘ಬರಿ ಅಮ್ಮ ನಾನು !’
ಉದ್ಗಾರ ಮುಗಿವ ಮೊದಲೇ ನುಡಿದೆ
‘ಹೌದು ವಿಡಿಯೊ ತೆಗೆದಿದ್ದು ನಾನು!’

ಅಪ್ಪಗಳೆಲ್ಲ ಹಾಗೆ ಹಿನ್ನಲೆಗೆ
ಸರಿವುದೇನು ಪ್ರಕೃತಿ ನಿಯಮ ?
ನೇಪಥ್ಯದಲಿ ಮಾಡಿಟ್ಟು ಪೆಚ್ಚಾಗಿ
ನಗುತ ಮೂಲೆ ಹಿಡಿಯುವ ಕರ್ಮ ?
ಅಂದುಕೊಂಡೆ ತೆರೆದೇ ಮನದ ಅಲ್ಬಮ್ಮು
ಕಂಡಿತ್ತಲ್ಯಾಕೊ ಬರಿ ಅಪ್ಪನಿಲ್ಲದ ಚಿತ್ರಗಳು..

– ನಾಗೇಶ ಮೈಸೂರು

00653. ಕಗ್ಗಕೊಂದು ಹಗ್ಗ ಹೊಸೆದು – 03


ಕಗ್ಗಕೊಂದು ಹಗ್ಗ ಹೊಸೆದು…

ಮೂರನೆಯ ಕಗ್ಗದ ಮೇಲಿನ ನನ್ನ ಟಿಪ್ಪಣಿ : ಇಂದಿನ ರೀಡೂ ಕನ್ನಡದಲ್ಲಿ (೧೨.೦೪.೨೦೧೬)

ಮಂಕುತಿಮ್ಮನ ಕಗ್ಗ – ಟಿಪ್ಪಣಿ ೦೦೩ : http://kannada.readoo.in/2016/04/ಕಗ್ಗಕೊಂದು-ಹಗ್ಗ-ಹೊಸೆದು-3

– ನಾಗೇಶ ಮೈಸೂರು