00779. ವಿಸರ್ಜಿಸೆ ಅಸಹಾಯಕತೆ, ಏಕಾಂತದೆ ಪ್ರಬುದ್ಧತೆ..


00779. ವಿಸರ್ಜಿಸೆ ಅಸಹಾಯಕತೆ, ಏಕಾಂತದೆ ಪ್ರಬುದ್ಧತೆ..
___________________________________________


ಒಬ್ಬಂಟಿಯೆಂದೆಕೊ ವಿಲಪಿಸುವೆ ?
ದಾರಿ ಕಾಣದವನಂತೆ ಕಂಗೆಟ್ಟು ತಪಿಸುವೆ ?
ಒಂಟಿತನ ಏಕಾಂಗಿತನಕಿಂತ ಕೆಟ್ಟದು – ಅಸಹಾಯಕತೆ
ಏಕಾಂತ ಬೇಕೆಂದು ಹಪಹಪಿಸಿದರು ಸಿಗದು, ಧೂರ್ತ ಮಾಯೆ ..

ನಿಜವಿರಬಹುದು ಬಿಟ್ಟು ಹೋದ ಸಖ್ಯ
ಸರಿ ತಪ್ಪು ವಿಷಾದ ಖೇದ ಕ್ರೋಧಾಪರಾಧ
ಹೋಗಲೆಂದು ಹೊರಟ ಮೇಲೆಲ್ಲ ನೆಪ ಕುಣಿಕೆ ಗಾಳ
ಎಣಿಸಲೇಕೊ ಮೂಢ, ಜಗದನ್ನ್ಯಾಯ ಬಿದ್ದಂತೆ ನಿನ್ನ ಬುಡದೇ ?

ದೂರವಾದದ್ದಕ್ಕಿಂತಲು ದೂರವೆನ್ನೊ ಭಾವ
ಕಾಡುವ ಮಾಯಾಜಾಲ, ದೂರವೇನಲ್ಲ ಯಾತನೆ
ಯಾತನೆಯ ಭಾವದ ಗಳಿಕೆ, ಘಾಸಿಯಾಗೋ ಅಹಮಿಕೆಗೆ
ಒಬ್ಬಂಟಿತನ ಸವರೋ ಗಾಯದುಪ್ಪು, ಬದಲಿಸಿಕೊ ಏಕಾಂತಕೆ..

ಬರೆದುಬಿಡೆಲ್ಲ ಆಲಾಪ ವಿಲಾಪ ಪ್ರಲಾಪ ಮೊತ್ತ
ಕಥೆ ಕವನ ಪೀಡನೆಗಳಾಗಲಿ ಪುಟದಕ್ಷರದಲಿ ವಿಶ್ರಾಂತ
ಮಿಕ್ಕುವುದಾಗ ಶಾಂತ ಮನದಲಿ ಹುಡುಕು ಏಕಾಂತದ ನೆಲೆ
ನೀನೆನಲ್ಲ ಅಸಹಾಯಕ ಬದುಕಿತ್ತು ಮೊದಲೂ, ಬೇರಾಗೊ ಮೊದಲು..

ಕಟ್ಟಿಕೊಟ್ಟಿದ್ದು ಅನುಭವ ತುಲನೆಯಾಗಲಿ ಸುತ್ತ
ಯಾವುದಿತ್ತು ಸರಿ ತಪ್ಪು ಮನವರಿಕೆಯಾಗಿ ಸಮಚಿತ್ತ
ಅಸಹಾಯಕ ಕ್ಷಣವದು ನೀನಲ್ಲ, ನಿನ್ನರಿವೆ ಗುರುವಾಗುತ
ಮೇಲೆದ್ದು ಬಾ ಏಕಾಂತದ ಸಮಾಧಿಯಿಂದೆದ್ದು ಮತ್ತದೇ ಬದುಕಿಗೆ..

– ನಾಗೇಶ ಮೈಸೂರು

(Picture source : https://en.m.wikipedia.org/wiki/File:Thoma_Loneliness.jpg)

Published by

ನಾಗೇಶ ಮೈಸೂರು

ಜೀವನದ ಸುತ್ತಾಟ ಎಲ್ಲೆಲ್ಲಿಗೊ ದಾಟಿಸಿ, ಅರಿವಿನೆಲ್ಲೆ ಮೀರಿಸಿ ಅಲೆದಾಡಿಸತೊಡಗಿ ಇದ್ದಕ್ಕಿದ್ದಂತೆ ಮೂಲದ ಬೇರಿನ ತುಡಿತಗಳೆಲ್ಲ ಏನೆಲ್ಲಾ ತರದ ಸ್ವಗತಗಳಾಗಿ ಕಂಗಾಲಾಗಿಸತೊಡಗಿದಾಗ, ಅದರ ಹೊರ ಹರಿವಿಗೆ ಇದ್ದಕ್ಕಿದ್ದಂತೆ ತೆರೆದುಕೊಂಡ ಹಠಾತ್ ದ್ವಾರವೆ - ಈ 'ಮನದಿಂಗಿತಗಳ ಸ್ವಗತ' ಬ್ಲಾಗ್. ಹುಟ್ಟಿಕೊಂಡ ಹೊತ್ತಿನಿಂದ ಇನ್ನಿಲ್ಲದ ಕಕ್ಕುಲತೆಯಿಂದ ಅಪ್ಪಿಕೊಂಡ ಈ ಮನ ವೈಖರಿಯ ಪ್ರಕಟ ರೂಪ, 'ನನ್ನ ಪಾಡಿಗೆ ನಾನು' ಎಂದು ಹಾಡಿಕೊಂಡು ಹೋಗುವಾಗಲೆ ಅಲ್ಲಿಲ್ಲಿ ಸಿಕ್ಕ ಅವರಿವರನ್ನು ತಟ್ಟಿ, ಕೈ ಕುಲುಕಿ ಸಲಾಮು ಹೊಡೆದು ಮುಂದಕ್ಕೆ ನಡೆಯುತ್ತಲಿದೆ, ಇಲ್ಲಿಯವರೆಗೆ. ಬಾಲಿಶವಾಗಿ ಆರಂಭವಾದ ತುಡಿತ, ಸ್ವಗತಗಳು ತುಸು ಶಿಸ್ತಿನ ದಿರುಸುಟ್ಟು ಠಾಕುಠೀಕಾಗಿದ್ದಲ್ಲದೆ ನಡಿಗೆಯುದ್ದಕ್ಕು ಕಲಿಕೆಯ ವಿಸ್ಮಯವನ್ನು ಉಣಬಡಿಸುತ್ತ ಸಾಗಿವೆ. ಇದು 'ನನ್ನ ಮೈದಾನ, ನನ್ನ ಕುದುರೆ' ಎನ್ನುವ ಧೈರ್ಯಕ್ಕೊ ಏನೊ - ಬರೆಯಬೇಕೆನಿಸಿದ್ದೆಲ್ಲವನ್ನು ಬರೆದಿಟ್ಟು ನಿರಾಳವಾಗುವ ಪರಿ, ಇನ್ನು ಕೈ ಹಿಡಿದು ಮುನ್ನಡೆಸುತ್ತಲೆ ಇದೆ, ವಿವಿಧ ಪ್ರಯೋಗಗಳೊಡನೆ. ಮಂಕುತಿಮ್ಮನ ಪದ್ಯಗಳ ಮೇಲೆ ಟಿಪ್ಪಣಿ ಬರೆದುಕೊಳ್ಳುವಷ್ಟು ಹುಮ್ಮಸ್ಸು ಬರಲು ಬಹುಶ ಈ ಬ್ಲಾಗಿತ್ತ ಧೈರ್ಯವೆ ಕಾರಣವೇನೊ.. ಕೊನೆಯವರೆಗು ಜತೆಗುಳಿಯುವುದೂ ಕೂಡ ಬಹುಶಃ ಇದೇ ಏನೊ.. ಅಕಸ್ಮಾತಾಗಿ ಇಲ್ಲಿ ಇಣಿಕಿದರೆ - ಒಪ್ಪುಗಳ ಬಗೆ ಹೇಳದಿದ್ದರೂ ಸರಿಯೆ, ತಪ್ಪೇನಾದರು ಕಂಡರೆ ಒಂದು ಸಣ್ಣ ಸುಳಿವಿತ್ತು ಹೋಗಿ, ತಿದ್ದಿಕೊಂಡು ಕಲಿತು ಮುನ್ನಡೆಯಲು ಸಹಾಯಕವಾದೀತು, ಈ ನಿರಂತರ ಕಲಿಕೆಯ ಜೀವನ ಯಾತ್ರೆಯಲಿ 😊 ಪ್ರೀತಿಯಿಂದ, - ನಾಗೇಶ ಮೈಸೂರು

6 thoughts on “00779. ವಿಸರ್ಜಿಸೆ ಅಸಹಾಯಕತೆ, ಏಕಾಂತದೆ ಪ್ರಬುದ್ಧತೆ..”

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s