00787. ಬಲ್ಬು ರಚನೆ…


00787. ಬಲ್ಬು ರಚನೆ…
____________________________________

ಲೈಟ್ ಬಲ್ಬಿನ ರಚನೆ ಹೇಗಿರುತ್ತದೆಂದು ಮಗನಿಗೊಂದು ಕವನ ಕಟ್ಟಿ ವಿವರಿಸ ಹೊರಟಾಗಿನ ಪಾಡು ಇದು. ನಿಮಗೂ ಏನಾದರೂ ಉಪಯೋಗಕ್ಕೆ ಬಂದೀತಾ ನೋಡಿ 😜😊


ಬಲ್ಬು ರಚನೆ ಬಹು ಸರಳ ಮಗನೆ
ಹೊರ ಕಾಣೊ ಕವಚ ಗಾಜಿನ ಮನೆ
ಒಳಗೆಲ್ಲ ತುಂಬಿದೆ ನಿರ್ವಾತ ಗಮನೆ
ಆಮ್ಲಜನಕವೆ ಇರದ ವಾತಾವರಣೆ ||

ಹೃದಯ ಭಾಗವೆ ಫಿಲಮೆಂಟು ಕಂದ
ಟಂಗುಸ್ಟನ್ನ ಬಲು ಗಟ್ಟಿ ಲೋಹ ಬಂದ
ಹರಿದರೆ ಕರೆಂಟು ಈ ಫಿಲಮೆಂಟಿಂದ
ಹೊತ್ತಿ ಬೆಳಕು ಶಾಖ ಬರುವ ಅನಂದ ||

ಗಾಜಿನ ಬೊಡ್ಡೆ ಫಿಲಮೆಂಟು ಜೋಡಿಸೆ
ಲೋಹ ಟೊಪ್ಪಿಯ ಕ್ಯಾಪು ಒಂದಾಗಿಸೆ
ಎಳೆದೊಂದು ತಂತಿ ಟೊಪ್ಪಿತಳ ತನಕ
ಮತ್ತೊಂದೆಳೆಯಪ್ಪಿಸಿ ಹೊಟ್ಟೆಯ ಸಖ ||

ಫಿಲಮೆಂಟು ಗ್ಲಾಸ್ಬಲ್ಬು ಮೆಟಲ್ಕ್ಯಾಪು
ಕ್ಯಾಪಿನ ಟಿಪ್ಪು ಸೇರೆ ಬಲ್ಬಿನ ಸೂಪು
ನವಮಾದರಿ ಹೊಸ ಫ್ಲೋರೋಸೆಂಟು
ಶಕ್ತಿ ಖರ್ಚು ವೆಚ್ಚ ಉಳಿತಾಯ ಗಂಟು ||

– ನಾಗೇಶ ಮೈಸೂರು

(Picture source: http://images.clipartpanda.com/light-bulbs-4ibd7j5ig.jpeg)

Published by

ನಾಗೇಶ ಮೈಸೂರು

ಜೀವನದ ಸುತ್ತಾಟ ಎಲ್ಲೆಲ್ಲಿಗೊ ದಾಟಿಸಿ, ಅರಿವಿನೆಲ್ಲೆ ಮೀರಿಸಿ ಅಲೆದಾಡಿಸತೊಡಗಿ ಇದ್ದಕ್ಕಿದ್ದಂತೆ ಮೂಲದ ಬೇರಿನ ತುಡಿತಗಳೆಲ್ಲ ಏನೆಲ್ಲಾ ತರದ ಸ್ವಗತಗಳಾಗಿ ಕಂಗಾಲಾಗಿಸತೊಡಗಿದಾಗ, ಅದರ ಹೊರ ಹರಿವಿಗೆ ಇದ್ದಕ್ಕಿದ್ದಂತೆ ತೆರೆದುಕೊಂಡ ಹಠಾತ್ ದ್ವಾರವೆ - ಈ 'ಮನದಿಂಗಿತಗಳ ಸ್ವಗತ' ಬ್ಲಾಗ್. ಹುಟ್ಟಿಕೊಂಡ ಹೊತ್ತಿನಿಂದ ಇನ್ನಿಲ್ಲದ ಕಕ್ಕುಲತೆಯಿಂದ ಅಪ್ಪಿಕೊಂಡ ಈ ಮನ ವೈಖರಿಯ ಪ್ರಕಟ ರೂಪ, 'ನನ್ನ ಪಾಡಿಗೆ ನಾನು' ಎಂದು ಹಾಡಿಕೊಂಡು ಹೋಗುವಾಗಲೆ ಅಲ್ಲಿಲ್ಲಿ ಸಿಕ್ಕ ಅವರಿವರನ್ನು ತಟ್ಟಿ, ಕೈ ಕುಲುಕಿ ಸಲಾಮು ಹೊಡೆದು ಮುಂದಕ್ಕೆ ನಡೆಯುತ್ತಲಿದೆ, ಇಲ್ಲಿಯವರೆಗೆ. ಬಾಲಿಶವಾಗಿ ಆರಂಭವಾದ ತುಡಿತ, ಸ್ವಗತಗಳು ತುಸು ಶಿಸ್ತಿನ ದಿರುಸುಟ್ಟು ಠಾಕುಠೀಕಾಗಿದ್ದಲ್ಲದೆ ನಡಿಗೆಯುದ್ದಕ್ಕು ಕಲಿಕೆಯ ವಿಸ್ಮಯವನ್ನು ಉಣಬಡಿಸುತ್ತ ಸಾಗಿವೆ. ಇದು 'ನನ್ನ ಮೈದಾನ, ನನ್ನ ಕುದುರೆ' ಎನ್ನುವ ಧೈರ್ಯಕ್ಕೊ ಏನೊ - ಬರೆಯಬೇಕೆನಿಸಿದ್ದೆಲ್ಲವನ್ನು ಬರೆದಿಟ್ಟು ನಿರಾಳವಾಗುವ ಪರಿ, ಇನ್ನು ಕೈ ಹಿಡಿದು ಮುನ್ನಡೆಸುತ್ತಲೆ ಇದೆ, ವಿವಿಧ ಪ್ರಯೋಗಗಳೊಡನೆ. ಮಂಕುತಿಮ್ಮನ ಪದ್ಯಗಳ ಮೇಲೆ ಟಿಪ್ಪಣಿ ಬರೆದುಕೊಳ್ಳುವಷ್ಟು ಹುಮ್ಮಸ್ಸು ಬರಲು ಬಹುಶ ಈ ಬ್ಲಾಗಿತ್ತ ಧೈರ್ಯವೆ ಕಾರಣವೇನೊ.. ಕೊನೆಯವರೆಗು ಜತೆಗುಳಿಯುವುದೂ ಕೂಡ ಬಹುಶಃ ಇದೇ ಏನೊ.. ಅಕಸ್ಮಾತಾಗಿ ಇಲ್ಲಿ ಇಣಿಕಿದರೆ - ಒಪ್ಪುಗಳ ಬಗೆ ಹೇಳದಿದ್ದರೂ ಸರಿಯೆ, ತಪ್ಪೇನಾದರು ಕಂಡರೆ ಒಂದು ಸಣ್ಣ ಸುಳಿವಿತ್ತು ಹೋಗಿ, ತಿದ್ದಿಕೊಂಡು ಕಲಿತು ಮುನ್ನಡೆಯಲು ಸಹಾಯಕವಾದೀತು, ಈ ನಿರಂತರ ಕಲಿಕೆಯ ಜೀವನ ಯಾತ್ರೆಯಲಿ 😊 ಪ್ರೀತಿಯಿಂದ, - ನಾಗೇಶ ಮೈಸೂರು

2 thoughts on “00787. ಬಲ್ಬು ರಚನೆ…”

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s