00925. ಕನ್ನಡಾಮೃತಂ


00925. ಕನ್ನಡಾಮೃತಂ
_______________________

ಸುರಲೋಕಂ, ಸುರಗಂಗಾ ಸ್ನಾನಂ
ಕಾಮಧೇನು, ಕಲ್ಪತರು ಸಮಾನಂ
ಆಲಿಸೆ ಸರ್ವದಾ, ಕರ್ಣಾನಂದಕರಂ
ಕನ್ನಡ ಕನ್ನಡ, ನಲ್ನುಡಿ ಸವಿ ಮಧುರಂ ||

ತ್ರಿಮೂರ್ತಿಗಣ, ಸಂಭಾಷಿತ ಪೂಜ್ಯಂ
ಸೃಜಿತಂ ಸೃಜನಂ, ಸಜ್ಜನ ವಾದ್ಯಂ
ಸೃಷ್ಟಿ ಸ್ಥಿತಿ ಲಯಂ, ಭೌತಿಕ ವಿಶೇಷಂ
ಅಭೌತಿಕ ಅಲೌಕಿಕ, ಕನ್ನಡ ಸಾಹಿತ್ಯಂ ||

ಚತುರ್ಮುಖ ಬ್ರಹ್ಮ, ಲೇಖ ಸಮೂಲಂ
ಸೃಷ್ಟಿಕರ್ತೃ, ಕ್ರಿಯಾತ್ಮಕ ಸಾಧನಂ
ವೀಣಾಪಾಣಿ, ಸರಸ್ವತಿ ಸುಭಾಷಿತಂ
ವೇದೋಚ್ಚಾರ, ಜೇಂಕಾರ ಅನುರಣಂ ||

ಹರಿಗಾನಾಮೃತ, ನಾರದ ನಮನಂ
ಸುಸ್ಥಿತಿಕಾರಕ, ನಾರಾಯಣ ಪ್ರೀತಂ
ಹೃದಯಲಕ್ಷ್ಮೀ, ಸರಸ ಸಲ್ಲಾಪ ದಿವ್ಯಂ
ಜೇನ್ನುಡಿ ಕನ್ನಡ, ವೈಕುಂಠಮೆ ಜಪಿತಂ ||

ಲಯಕಾರಕ ಶಿವಂ, ಹಿಮಾಲಯ ದೇವಂ
ಪಾರ್ವತೀ ಸಮೇತಂ, ವಾಸಿಪ ತಾಣಂ
ಲಯವಾಗದ ನುಡಿ, ಕನ್ನಡ ಜಪ ತಪಂ
ನಿರ್ಭೀತ ಗಣಂ, ಆರಾಧನ ಮಹೋತ್ಸವಂ ||

ಮುಕ್ಕೋಟಿ ದೇವಗಣ, ಸ್ತುತಿಪ ಕನ್ನಡಂ
ಎದೆಗೂಡ ಗಾಢ, ನಿಗೂಢ ಅಸಮಂಜಸಂ
ಚಾಮರಂ ವಿಶಾಲ, ಆಶ್ರಿತ ರಕ್ಷಾ ಸದನಂ
ಅರಿ ಭಾವ ಮಧುರಂ, ಮುಗುಳ್ನಗು ವದನಂ ||

– ನಾಗೇಶ ಮೈಸೂರು

– ನಾಗೇಶ ಮೈಸೂರು
24.09.2016
(Picture from internet / Facebook)

Advertisements

Published by

ನಾಗೇಶ ಮೈಸೂರು

ಜೀವನದ ಸುತ್ತಾಟ ಎಲ್ಲೆಲ್ಲಿಗೊ ದಾಟಿಸಿ, ಅರಿವಿನೆಲ್ಲೆ ಮೀರಿಸಿ ಅಲೆದಾಡಿಸತೊಡಗಿ ಇದ್ದಕ್ಕಿದ್ದಂತೆ ಮೂಲದ ಬೇರಿನ ತುಡಿತಗಳೆಲ್ಲ ಏನೆಲ್ಲಾ ತರದ ಸ್ವಗತಗಳಾಗಿ ಕಂಗಾಲಾಗಿಸತೊಡಗಿದಾಗ, ಅದರ ಹೊರ ಹರಿವಿಗೆ ಇದ್ದಕ್ಕಿದ್ದಂತೆ ತೆರೆದುಕೊಂಡ ಹಠಾತ್ ದ್ವಾರವೆ - ಈ 'ಮನದಿಂಗಿತಗಳ ಸ್ವಗತ' ಬ್ಲಾಗ್. ಹುಟ್ಟಿಕೊಂಡ ಹೊತ್ತಿನಿಂದ ಇನ್ನಿಲ್ಲದ ಕಕ್ಕುಲತೆಯಿಂದ ಅಪ್ಪಿಕೊಂಡ ಈ ಮನ ವೈಖರಿಯ ಪ್ರಕಟ ರೂಪ, 'ನನ್ನ ಪಾಡಿಗೆ ನಾನು' ಎಂದು ಹಾಡಿಕೊಂಡು ಹೋಗುವಾಗಲೆ ಅಲ್ಲಿಲ್ಲಿ ಸಿಕ್ಕ ಅವರಿವರನ್ನು ತಟ್ಟಿ, ಕೈ ಕುಲುಕಿ ಸಲಾಮು ಹೊಡೆದು ಮುಂದಕ್ಕೆ ನಡೆಯುತ್ತಲಿದೆ, ಇಲ್ಲಿಯವರೆಗೆ. ಬಾಲಿಶವಾಗಿ ಆರಂಭವಾದ ತುಡಿತ, ಸ್ವಗತಗಳು ತುಸು ಶಿಸ್ತಿನ ದಿರುಸುಟ್ಟು ಠಾಕುಠೀಕಾಗಿದ್ದಲ್ಲದೆ ನಡಿಗೆಯುದ್ದಕ್ಕು ಕಲಿಕೆಯ ವಿಸ್ಮಯವನ್ನು ಉಣಬಡಿಸುತ್ತ ಸಾಗಿವೆ. ಇದು 'ನನ್ನ ಮೈದಾನ, ನನ್ನ ಕುದುರೆ' ಎನ್ನುವ ಧೈರ್ಯಕ್ಕೊ ಏನೊ - ಬರೆಯಬೇಕೆನಿಸಿದ್ದೆಲ್ಲವನ್ನು ಬರೆದಿಟ್ಟು ನಿರಾಳವಾಗುವ ಪರಿ, ಇನ್ನು ಕೈ ಹಿಡಿದು ಮುನ್ನಡೆಸುತ್ತಲೆ ಇದೆ, ವಿವಿಧ ಪ್ರಯೋಗಗಳೊಡನೆ. ಮಂಕುತಿಮ್ಮನ ಪದ್ಯಗಳ ಮೇಲೆ ಟಿಪ್ಪಣಿ ಬರೆದುಕೊಳ್ಳುವಷ್ಟು ಹುಮ್ಮಸ್ಸು ಬರಲು ಬಹುಶ ಈ ಬ್ಲಾಗಿತ್ತ ಧೈರ್ಯವೆ ಕಾರಣವೇನೊ.. ಕೊನೆಯವರೆಗು ಜತೆಗುಳಿಯುವುದೂ ಕೂಡ ಬಹುಶಃ ಇದೇ ಏನೊ.. ಅಕಸ್ಮಾತಾಗಿ ಇಲ್ಲಿ ಇಣಿಕಿದರೆ - ಒಪ್ಪುಗಳ ಬಗೆ ಹೇಳದಿದ್ದರೂ ಸರಿಯೆ, ತಪ್ಪೇನಾದರು ಕಂಡರೆ ಒಂದು ಸಣ್ಣ ಸುಳಿವಿತ್ತು ಹೋಗಿ, ತಿದ್ದಿಕೊಂಡು ಕಲಿತು ಮುನ್ನಡೆಯಲು ಸಹಾಯಕವಾದೀತು, ಈ ನಿರಂತರ ಕಲಿಕೆಯ ಜೀವನ ಯಾತ್ರೆಯಲಿ 😊 ಪ್ರೀತಿಯಿಂದ, - ನಾಗೇಶ ಮೈಸೂರು

2 thoughts on “00925. ಕನ್ನಡಾಮೃತಂ”

  1. ಸ್ನಾನಂ, ಸಮಾನಂ.. ಇವೆಲ್ಲವನ್ನೂ ‘೦’ ರಹಿತ ಓದಿದೆ. ಕವಿತೆ ಬಹಳ ಸುಂದರಂ! ‘೦’ ಬಿಟ್ಟರೂ ‘ಸುಂದರ’ವೆ ! ರಾಜ್ಯೋತ್ಸವದ ನೆನಪಿನಲ್ಲಿ ನಿಮ್ಮ ಸರಣಿ ಬರಹ ಅಚ್ಚರಿಯೆ ಸರಿ.

    Liked by 1 person

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s