01084. ಸುಮ್ನೆ ಕೂತ ಹೊತ್ನಲ್ಲಿ, ಸುಮ್ನಿರದೆ ಕೊರೆದದ್ದು…😊


01084. ಸುಮ್ನೆ ಕೂತ ಹೊತ್ನಲ್ಲಿ, ಸುಮ್ನಿರದೆ ಕೊರೆದದ್ದು…😊

ಏನರ್ಥ ಏನರ್ಥ ? 
__________________________


ನಾಗರಿಕತೆ ಧೂರ್ತ, ಏನರ್ಥ ಏನರ್ಥ ?
ಧೂರ್ತನಲ್ಲ ಶಕುನಿ, ದೌರ್ಜನ್ಯ ಅಮೂರ್ತ
ಶಕುನಿಗಾರಿಕೆ ಕಲೆಗೆ, ಗರ ಬೀಳಿಸೊ ಬೆರಗೆ
ದಾಳಗಳುರುಳಿಸಿ ಮಾವ, ಅಹಂಭಾವ ಮೇಲೆತ್ತಿಸಿದ..

ನಾಗರಿಕತೆ ಧೂರ್ತ, ಏನರ್ಥ ಏನರ್ಥ ?
ಧೂರ್ತನಲ್ಲ ಸುಯೋಧನ, ಅಸಹನೆ ಸೇಡಿನ ಕಿಡಿ
ದುಷ್ಟ ಚತುಷ್ಟಯದೆ, ನಿಷ್ಠರಾದ ಜನ ಮಂದೆ
ಒಪ್ಪಿತೊ ಬಿಟ್ಟಿತೊ ನಗಣ್ಯ, ಸ್ನೇಹಕೂಟ ಮಣಿಸಿತ್ತೆಲ್ಲರ..

ನಾಗರಿಕತೆ ಧೂರ್ತ, ಏನರ್ಥ ಏನರ್ಥ ?
ಧೂರ್ತನಲ್ಲ ಕರ್ಣ, ಸ್ವಾಮಿನಿಷ್ಠೆ ಚಲಾವಣೆ ನಾಣ್ಯ
ಸ್ನೇಹದ ಕಟ್ಟಲಿ ಬದ್ಧ, ಅನುಜನ ವಧೆಗೂ ಸಿದ್ಧ
ಅನುಮಾನಿಸಲಿಲ್ಲ ಕೊಟ್ಟ, ದಾನವೆ ಉರುಳಾಗಿ ಕೊಂದರು..!


ನಾಗರಿಕತೆ ಧೂರ್ತ, ಏನರ್ಥ ಏನರ್ಥ ?
ಧೂರ್ತನಲ್ಲ ಕಂಸ, ದುಷ್ಟ ಪ್ರತಿಪಾದಕ
ಕಂಸದಿಂದಾಚೆಗೆ ಕಂಸ, ದಾಟಿದ್ದೆ ಆದ ನಿರ್ವಂಶ
ಉಪಕಾರಿ ರಾಕ್ಷಸ ಗಣ, ಕ್ಷಯವಾಗಿಸಿದ ಬೆನ್ನಟ್ಟಿಸಿ !

ನಾಗರಿಕತೆ ಧೂರ್ತ, ಏನರ್ಥ ಏನರ್ಥ ?
ಧೂರ್ತನಲ್ಲ ರಾವಣ, ಕಾಡಿತ್ತಷ್ಟೆ ಸ್ತ್ರೀ ಮೋಹ
ಹತ್ತು ತಲೆ ಇಪ್ಪತ್ತು ಕೈ, ಹೊತ್ತದ್ದು ಒಂದೇ ಮೈ
ಹತ್ತುತಲೆ ಅತಿ ಬುದ್ಧಿ, ಮಿತಿಯಾಗಿಸಿ ಬದುಕನು..

ನಾಗರಿಕತೆ ಧೂರ್ತ, ಏನರ್ಥ ಏನರ್ಥ ?
ಧೂರ್ತನಲ್ಲ ಹಿರಣ್ಯ, ಕಾರುಣ್ಯವಿಲ್ಲದ ಸ್ವಾರ್ಥ
ಮರೆಯದಿದ್ದರೆ ಮನುಜ, ತಾನೆಂಬ ಸರಳ ನಿಜ
ಚಕ್ರೇಶ್ವರ ಪ್ರಹ್ಲಾದ ಪಿತ, ಆಗುತ್ತಿದ್ದ ಅದ್ಭುತ ದೈತ್ಯ..


ನಾಗರಿಕತೆ ಧೂರ್ತ, ಏನರ್ಥ ಏನರ್ಥ ?
ಧೂರ್ತನಲ್ಲ ಯಾರು, ಅರಿತಿಲ್ಲ ಬದುಕಿನ ಅರ್ಥ
ಉತ್ಕೃಷ್ಟ ನಿಕೃಷ್ಟನ ಗಣನೆ, ಸನ್ನಿವೇಶದ ಪರಿಗಣನೆ
ಅಶನವಸನ ಬಿಟ್ಟೆಲ್ಲ ಮಿಥ್ಯ, ಅರಿಯೆ ಸೌಖ್ಯ ಗಮ್ಯ ನಿಚ್ಚಳ !

ನಾಗರಿಕತೆ ಪೂರ್ತ, ಏನರ್ಥ ಏನರ್ಥ ?
ತಾನೆಂಬ ಪರಿಧಿ ದಾಟಿ, ನಾವೆಂಬ ನಾವೆ ಪಯಣ
ನಾವೆಲ್ಲಿ ನೀವೆಲ್ಲಿ ಹೋಲಿಕೆ, ಮುಠ್ಠಾಳತನ ಸರಮಾಲಿಕೆ
ಒಂದೇ ಹಡಗಲಿ ಚಲಿಸೆ, ತೇಲಿ ಮುಳುಗಿ ಜೊತೆಯಲ್ಲೆ.

– ನಾಗೇಶ ಮೈಸೂರು
೨೧.೦೧.೨೦೧೭
(Picture source: Creative Commons)

Advertisements

Published by

ನಾಗೇಶ ಮೈಸೂರು

ಜೀವನದ ಸುತ್ತಾಟ ಎಲ್ಲೆಲ್ಲಿಗೊ ದಾಟಿಸಿ, ಅರಿವಿನೆಲ್ಲೆ ಮೀರಿಸಿ ಅಲೆದಾಡಿಸತೊಡಗಿ ಇದ್ದಕ್ಕಿದ್ದಂತೆ ಮೂಲದ ಬೇರಿನ ತುಡಿತಗಳೆಲ್ಲ ಏನೆಲ್ಲಾ ತರದ ಸ್ವಗತಗಳಾಗಿ ಕಂಗಾಲಾಗಿಸತೊಡಗಿದಾಗ, ಅದರ ಹೊರ ಹರಿವಿಗೆ ಇದ್ದಕ್ಕಿದ್ದಂತೆ ತೆರೆದುಕೊಂಡ ಹಠಾತ್ ದ್ವಾರವೆ - ಈ 'ಮನದಿಂಗಿತಗಳ ಸ್ವಗತ' ಬ್ಲಾಗ್. ಹುಟ್ಟಿಕೊಂಡ ಹೊತ್ತಿನಿಂದ ಇನ್ನಿಲ್ಲದ ಕಕ್ಕುಲತೆಯಿಂದ ಅಪ್ಪಿಕೊಂಡ ಈ ಮನ ವೈಖರಿಯ ಪ್ರಕಟ ರೂಪ, 'ನನ್ನ ಪಾಡಿಗೆ ನಾನು' ಎಂದು ಹಾಡಿಕೊಂಡು ಹೋಗುವಾಗಲೆ ಅಲ್ಲಿಲ್ಲಿ ಸಿಕ್ಕ ಅವರಿವರನ್ನು ತಟ್ಟಿ, ಕೈ ಕುಲುಕಿ ಸಲಾಮು ಹೊಡೆದು ಮುಂದಕ್ಕೆ ನಡೆಯುತ್ತಲಿದೆ, ಇಲ್ಲಿಯವರೆಗೆ. ಬಾಲಿಶವಾಗಿ ಆರಂಭವಾದ ತುಡಿತ, ಸ್ವಗತಗಳು ತುಸು ಶಿಸ್ತಿನ ದಿರುಸುಟ್ಟು ಠಾಕುಠೀಕಾಗಿದ್ದಲ್ಲದೆ ನಡಿಗೆಯುದ್ದಕ್ಕು ಕಲಿಕೆಯ ವಿಸ್ಮಯವನ್ನು ಉಣಬಡಿಸುತ್ತ ಸಾಗಿವೆ. ಇದು 'ನನ್ನ ಮೈದಾನ, ನನ್ನ ಕುದುರೆ' ಎನ್ನುವ ಧೈರ್ಯಕ್ಕೊ ಏನೊ - ಬರೆಯಬೇಕೆನಿಸಿದ್ದೆಲ್ಲವನ್ನು ಬರೆದಿಟ್ಟು ನಿರಾಳವಾಗುವ ಪರಿ, ಇನ್ನು ಕೈ ಹಿಡಿದು ಮುನ್ನಡೆಸುತ್ತಲೆ ಇದೆ, ವಿವಿಧ ಪ್ರಯೋಗಗಳೊಡನೆ. ಮಂಕುತಿಮ್ಮನ ಪದ್ಯಗಳ ಮೇಲೆ ಟಿಪ್ಪಣಿ ಬರೆದುಕೊಳ್ಳುವಷ್ಟು ಹುಮ್ಮಸ್ಸು ಬರಲು ಬಹುಶ ಈ ಬ್ಲಾಗಿತ್ತ ಧೈರ್ಯವೆ ಕಾರಣವೇನೊ.. ಕೊನೆಯವರೆಗು ಜತೆಗುಳಿಯುವುದೂ ಕೂಡ ಬಹುಶಃ ಇದೇ ಏನೊ.. ಅಕಸ್ಮಾತಾಗಿ ಇಲ್ಲಿ ಇಣಿಕಿದರೆ - ಒಪ್ಪುಗಳ ಬಗೆ ಹೇಳದಿದ್ದರೂ ಸರಿಯೆ, ತಪ್ಪೇನಾದರು ಕಂಡರೆ ಒಂದು ಸಣ್ಣ ಸುಳಿವಿತ್ತು ಹೋಗಿ, ತಿದ್ದಿಕೊಂಡು ಕಲಿತು ಮುನ್ನಡೆಯಲು ಸಹಾಯಕವಾದೀತು, ಈ ನಿರಂತರ ಕಲಿಕೆಯ ಜೀವನ ಯಾತ್ರೆಯಲಿ 😊 ಪ್ರೀತಿಯಿಂದ, - ನಾಗೇಶ ಮೈಸೂರು

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s