01130. ಚುಂಬನಾ ಅವಲಂಬನಾ..


01130. ಚುಂಬನಾ ಅವಲಂಬನಾ..
_________________________________


ಹರಿವ ನೀರು ದಡಗಳ, ಸ್ವತಃ ಚುಂಬಿಸುತ್ತ
ಮುದ್ದಿಸಿ ಹೋದ ಕ್ಷಣಗಣನೆ, ಲೆಕ್ಕದಾನಂತ
ತೀರಿಸಲೆಂತೂ ಋಣ, ಹೊಣೆ ಯಾರದಿತ್ತ ?
ಹೊನಲು ನಕ್ಕಿತ್ತು ಬಿಟ್ಟುಬಿಡು, ನೀ ಋಣದ ಮಾತ
ನಿತ್ಯ ನಿರಂತರ ಸತತ – ನಾನೇ ಋಣಮುಕ್ತ !

ನೀರೆ ಬೆವರಿದ ಹನಿ ಮಣಿಮಾಲೆ ಚುಂಬನ
ಬೆವರಿದ ರೈತನ ಹಣೆಯಲಿ ಜಾರಿ ಸನ್ಮಾನ
ಯೋಧ ಪಟು ಸೇವಕ ಸಾಮಾಜಿಕ ಶ್ರಮಿಕ
ಧಾರೆಯೆರೆದಲ್ಲರ ಕಸು ನುಂಗಿ ತಣಿವಾ ಲೆಕ್ಕ
ಮರಳಿಸುತಿರುವೆ ದಡಕೆ – ಸ್ಪರ್ಶಿಸಿ ಪುಳಕ !


ಎಲ್ಲೊ ಸ್ಪುರಿಸಿದ ಸ್ಫೂರ್ತಿ, ಯಾವುದೊ ಕವಿತೆ
ಎಲ್ಲೊ ಸುರಿದಾವರ್ಷಾ, ಋತುವಿನದು ಬರಿ ಮಾತೆ ?
ಎಲ್ಲೊ ಚೆಲ್ಲಿದ ಹೂವು, ಇನ್ನೆಲ್ಲೊ ಕಂಪು ಇರುಮುಡಿ
ಎಲ್ಲಿಯದೊ ಕೊಳ ಕಾಲುವೆ, ಹನಿಯೊಗ್ಗಟ್ಟು ಗಾರುಡಿ
ನನ್ನೊಡಲ ಸೇರಿದ ಋಣಕೊಂದು ಮುತ್ತಿನ ಜರಡಿ !

ಕೊಟ್ಟು ಕೊಳ್ಳುವ ಪಣ್ಯ, ಯುಗಯುಗದ ಲಾವಣ್ಯ
ಸಜ್ಜನರ ಸೃಜಿಸಿದೆ ಗಣ್ಯ, ಗಣಿಸುತ ಪಾಪಪುಣ್ಯ
ಕತ್ತಿ ಹಿರಿದು ನೆತ್ತರು, ಕೊಚ್ಚೆ ವಿಷದ ಬೀಜ ನೆಟ್ಟರೂ
ಎಲ್ಲೊ ಯಾರೊ ಬಿಡದೆ, ಮೌನವ್ರತವ ತೊಟ್ಟವರು
ಚುಂಬಿಸೆ ಧರ್ಮ, ನೆಲ ಬಸಿರಾಯ್ತು ಇದ್ದೂ ಬಂಜರು..!

ಋಣದ ಮಾತು ಬಿಡಿ, ಕರ್ಮದ ಪಾಲು ಪರಸ್ಪರ
ಶರಧಿಯಿತ್ತರೂ ಮುತ್ತು, ಲವಣ ಬೆರೆಸಿ ಸಂಸ್ಕಾರ
ಯಾರಿಗ್ಯಾವದು ಲಭ್ಯ, ಅವರವರ ಪಾಲಿನ ಸಭ್ಯ
ಆಗುತೆ ಸ್ವಯಂಯೋಗ್ಯ, ಬೆಳೆದರೆ ಹುಟ್ಟಿದಾರಭ್ಯ
ಋಣಮುಕ್ತರಾಗೆ ಚುಂಬಿಸುತ, ಏನೂ ನಿರೀಕ್ಷಿಸದೆ ಪುನಃ !


– ನಾಗೇಶ ಮೈಸೂರು
೩೧.೦೧.೨೦೧೭
(Picture source : second picture from Nagaraj Subba Rao (thanks Nagaraj 🙏😊); other 2 from social media, Creative Commons, internet)
(ಶ್ರೀಪಾದರಾವ್ ಮಂಜುನಾಥರವರ ಸ್ಟೇಟಸ್ ಸಾಲುಗಳಿಟ್ಟ ಪ್ರೇರಣೆ, ಥ್ಯಾಂಕ್ಸ್ ಸಾರ್ ! -‘ ಹರಿವ ನೀರು ದಡಗಳ ಚುಂಬಿಸಿದ ಕ್ಷಣಗಳ ಲೆಕ್ಕವಿಟ್ಟರೆ !!!!! ಋಣ ತೀರಿಸುವ ಹೊಣೆಯಾರದು’.)

Advertisements

Published by

ನಾಗೇಶ ಮೈಸೂರು

ಜೀವನದ ಸುತ್ತಾಟ ಎಲ್ಲೆಲ್ಲಿಗೊ ದಾಟಿಸಿ, ಅರಿವಿನೆಲ್ಲೆ ಮೀರಿಸಿ ಅಲೆದಾಡಿಸತೊಡಗಿ ಇದ್ದಕ್ಕಿದ್ದಂತೆ ಮೂಲದ ಬೇರಿನ ತುಡಿತಗಳೆಲ್ಲ ಏನೆಲ್ಲಾ ತರದ ಸ್ವಗತಗಳಾಗಿ ಕಂಗಾಲಾಗಿಸತೊಡಗಿದಾಗ, ಅದರ ಹೊರ ಹರಿವಿಗೆ ಇದ್ದಕ್ಕಿದ್ದಂತೆ ತೆರೆದುಕೊಂಡ ಹಠಾತ್ ದ್ವಾರವೆ - ಈ 'ಮನದಿಂಗಿತಗಳ ಸ್ವಗತ' ಬ್ಲಾಗ್. ಹುಟ್ಟಿಕೊಂಡ ಹೊತ್ತಿನಿಂದ ಇನ್ನಿಲ್ಲದ ಕಕ್ಕುಲತೆಯಿಂದ ಅಪ್ಪಿಕೊಂಡ ಈ ಮನ ವೈಖರಿಯ ಪ್ರಕಟ ರೂಪ, 'ನನ್ನ ಪಾಡಿಗೆ ನಾನು' ಎಂದು ಹಾಡಿಕೊಂಡು ಹೋಗುವಾಗಲೆ ಅಲ್ಲಿಲ್ಲಿ ಸಿಕ್ಕ ಅವರಿವರನ್ನು ತಟ್ಟಿ, ಕೈ ಕುಲುಕಿ ಸಲಾಮು ಹೊಡೆದು ಮುಂದಕ್ಕೆ ನಡೆಯುತ್ತಲಿದೆ, ಇಲ್ಲಿಯವರೆಗೆ. ಬಾಲಿಶವಾಗಿ ಆರಂಭವಾದ ತುಡಿತ, ಸ್ವಗತಗಳು ತುಸು ಶಿಸ್ತಿನ ದಿರುಸುಟ್ಟು ಠಾಕುಠೀಕಾಗಿದ್ದಲ್ಲದೆ ನಡಿಗೆಯುದ್ದಕ್ಕು ಕಲಿಕೆಯ ವಿಸ್ಮಯವನ್ನು ಉಣಬಡಿಸುತ್ತ ಸಾಗಿವೆ. ಇದು 'ನನ್ನ ಮೈದಾನ, ನನ್ನ ಕುದುರೆ' ಎನ್ನುವ ಧೈರ್ಯಕ್ಕೊ ಏನೊ - ಬರೆಯಬೇಕೆನಿಸಿದ್ದೆಲ್ಲವನ್ನು ಬರೆದಿಟ್ಟು ನಿರಾಳವಾಗುವ ಪರಿ, ಇನ್ನು ಕೈ ಹಿಡಿದು ಮುನ್ನಡೆಸುತ್ತಲೆ ಇದೆ, ವಿವಿಧ ಪ್ರಯೋಗಗಳೊಡನೆ. ಮಂಕುತಿಮ್ಮನ ಪದ್ಯಗಳ ಮೇಲೆ ಟಿಪ್ಪಣಿ ಬರೆದುಕೊಳ್ಳುವಷ್ಟು ಹುಮ್ಮಸ್ಸು ಬರಲು ಬಹುಶ ಈ ಬ್ಲಾಗಿತ್ತ ಧೈರ್ಯವೆ ಕಾರಣವೇನೊ.. ಕೊನೆಯವರೆಗು ಜತೆಗುಳಿಯುವುದೂ ಕೂಡ ಬಹುಶಃ ಇದೇ ಏನೊ.. ಅಕಸ್ಮಾತಾಗಿ ಇಲ್ಲಿ ಇಣಿಕಿದರೆ - ಒಪ್ಪುಗಳ ಬಗೆ ಹೇಳದಿದ್ದರೂ ಸರಿಯೆ, ತಪ್ಪೇನಾದರು ಕಂಡರೆ ಒಂದು ಸಣ್ಣ ಸುಳಿವಿತ್ತು ಹೋಗಿ, ತಿದ್ದಿಕೊಂಡು ಕಲಿತು ಮುನ್ನಡೆಯಲು ಸಹಾಯಕವಾದೀತು, ಈ ನಿರಂತರ ಕಲಿಕೆಯ ಜೀವನ ಯಾತ್ರೆಯಲಿ 😊 ಪ್ರೀತಿಯಿಂದ, - ನಾಗೇಶ ಮೈಸೂರು

2 thoughts on “01130. ಚುಂಬನಾ ಅವಲಂಬನಾ..”

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s