02044. ತುತ್ತಿನ ಚೀಲದಲಿತ್ತು ಮುತ್ತು..


02044. ತುತ್ತಿನ ಚೀಲದಲಿತ್ತು ಮುತ್ತು..
______________________________


ತುತ್ತಿನ ಚೀಲದಲಷ್ಟು, ಮುತ್ತುಗಳದೇಕಿದೆಯೋ ?
ಮುತ್ತ ಕಂಡಾದರು, ತುತ್ತಿನ ಬೆಲೆ ಕಾಣಲೆಂದು.

ಬೆಲೆಯೇನೋ ಬಂತು ಮುತ್ತಿಗೆ, ತುತ್ತಿನ ಕಥೆಯೇನು ?
ಕಿತ್ತು ಬಿಸುಡುವ ಗೊಂಚಲು, ಕೊಟ್ಟಷ್ಟು ಕೇಳಿದ ಬೆಲೆ.

ಇದೆಂತ ಘೋರ ಅನ್ಯಾಯ, ಹೆತ್ತೊಡಲಿಗೆ ಕಲ್ಲೆಸೆತ ?
ಉದರದೆ ಕಿತ್ತು ತಿನ್ನುವ ಕೂಸು, ಕರುಳ ಬಳ್ಳಿಗಳದದೆ ಕಥೆ.

ಕೆತ್ತಲಾಗದಲ್ಲ ಜತನದೇ, ಮುತ್ತಿನಾಸೆಗೆ ಮಾತೆಗೆ ಗುದ್ದೆ ?
ಕೆತ್ತಿದ್ದು ಮಾತೆಯಲ್ಲ, ಕೆತ್ತನೆ ಮಾತ್ರ ಅವಳಾ ಕುಶಲತೆ.

ಕೆತ್ತಿ ಕಟ್ಟಿದ ಮುತ್ತು, ಕೊಟ್ಟುಬಿಡುವಳೇಕೋ ಸುಲಭದಲ್ಲಿ ?
ಕೊಡಲಿಲ್ಲವವಳು ಬಿಡದೆ, ಚಿಪ್ಪನೇ ಕೆತ್ತಿದರು ಲಾಲಸಿಗರು.

ಪ್ರಸವದಂತಲ್ಲ ವೇದನೆ, ಅಪರಿಮಿತ ಯಾತನೆ ಹೌದಲ್ಲಾ?
ಕತ್ತರಿಸುವ ಕರವೆ ಸೋಲುವ ಜಿಗುಟು, ಬಿಡದ ಸ್ವಾರ್ಥ ಒಗಟು.

ಪೋಣಿಸಿದ ಮುತ್ತಾಗಿ ಹಾರ, ಪ್ರಕಟಿಸದಲ್ಲ ಯಾತನೆ ಸಾರ ?
ಬಿಡುಗಡೆ ಹರ್ಷದೆ ಮಗ್ನ, ಮನವರಿಕೆಯಾಗದೆ ಹೋಯ್ತೆ ಬಂಧನ.

ರಕ್ಷಣೆಯ ಬಂಧವ ತೊರೆದು, ಪಡೆಯಿತಾದರೂ ಏನನು ಮುತ್ತು ?
ಸ್ವೇಚ್ಛೆಯ ಹವಣಿಸಿ ನಡೆದಿತ್ತು, ಸಿಕ್ಕಿತು ಶಿಸ್ತಲ್ಲಿ ನಲುಗುವ ಚಾಕರಿ.

ಕವಚ ಮುರಿದು, ಮಾಂಸ ಹರಿದು, ಲಕ್ಷಣರೇಖೆ ದಾಟಿದ್ದು ತಪ್ಪೇನು ?
ಬಿಡು ಯಾರು ತಪ್ಪು-ಸರಿ, ಛಿಧ್ರ ಕವಚ ಮಾಂಸ ಮುತ್ತಿನ ವಂಶ.

– ನಾಗೇಶ ಮೈಸೂರು

(Picture source : internet / social media)

Published by

ನಾಗೇಶ ಮೈಸೂರು

ಜೀವನದ ಸುತ್ತಾಟ ಎಲ್ಲೆಲ್ಲಿಗೊ ದಾಟಿಸಿ, ಅರಿವಿನೆಲ್ಲೆ ಮೀರಿಸಿ ಅಲೆದಾಡಿಸತೊಡಗಿ ಇದ್ದಕ್ಕಿದ್ದಂತೆ ಮೂಲದ ಬೇರಿನ ತುಡಿತಗಳೆಲ್ಲ ಏನೆಲ್ಲಾ ತರದ ಸ್ವಗತಗಳಾಗಿ ಕಂಗಾಲಾಗಿಸತೊಡಗಿದಾಗ, ಅದರ ಹೊರ ಹರಿವಿಗೆ ಇದ್ದಕ್ಕಿದ್ದಂತೆ ತೆರೆದುಕೊಂಡ ಹಠಾತ್ ದ್ವಾರವೆ - ಈ 'ಮನದಿಂಗಿತಗಳ ಸ್ವಗತ' ಬ್ಲಾಗ್. ಹುಟ್ಟಿಕೊಂಡ ಹೊತ್ತಿನಿಂದ ಇನ್ನಿಲ್ಲದ ಕಕ್ಕುಲತೆಯಿಂದ ಅಪ್ಪಿಕೊಂಡ ಈ ಮನ ವೈಖರಿಯ ಪ್ರಕಟ ರೂಪ, 'ನನ್ನ ಪಾಡಿಗೆ ನಾನು' ಎಂದು ಹಾಡಿಕೊಂಡು ಹೋಗುವಾಗಲೆ ಅಲ್ಲಿಲ್ಲಿ ಸಿಕ್ಕ ಅವರಿವರನ್ನು ತಟ್ಟಿ, ಕೈ ಕುಲುಕಿ ಸಲಾಮು ಹೊಡೆದು ಮುಂದಕ್ಕೆ ನಡೆಯುತ್ತಲಿದೆ, ಇಲ್ಲಿಯವರೆಗೆ. ಬಾಲಿಶವಾಗಿ ಆರಂಭವಾದ ತುಡಿತ, ಸ್ವಗತಗಳು ತುಸು ಶಿಸ್ತಿನ ದಿರುಸುಟ್ಟು ಠಾಕುಠೀಕಾಗಿದ್ದಲ್ಲದೆ ನಡಿಗೆಯುದ್ದಕ್ಕು ಕಲಿಕೆಯ ವಿಸ್ಮಯವನ್ನು ಉಣಬಡಿಸುತ್ತ ಸಾಗಿವೆ. ಇದು 'ನನ್ನ ಮೈದಾನ, ನನ್ನ ಕುದುರೆ' ಎನ್ನುವ ಧೈರ್ಯಕ್ಕೊ ಏನೊ - ಬರೆಯಬೇಕೆನಿಸಿದ್ದೆಲ್ಲವನ್ನು ಬರೆದಿಟ್ಟು ನಿರಾಳವಾಗುವ ಪರಿ, ಇನ್ನು ಕೈ ಹಿಡಿದು ಮುನ್ನಡೆಸುತ್ತಲೆ ಇದೆ, ವಿವಿಧ ಪ್ರಯೋಗಗಳೊಡನೆ. ಮಂಕುತಿಮ್ಮನ ಪದ್ಯಗಳ ಮೇಲೆ ಟಿಪ್ಪಣಿ ಬರೆದುಕೊಳ್ಳುವಷ್ಟು ಹುಮ್ಮಸ್ಸು ಬರಲು ಬಹುಶ ಈ ಬ್ಲಾಗಿತ್ತ ಧೈರ್ಯವೆ ಕಾರಣವೇನೊ.. ಕೊನೆಯವರೆಗು ಜತೆಗುಳಿಯುವುದೂ ಕೂಡ ಬಹುಶಃ ಇದೇ ಏನೊ.. ಅಕಸ್ಮಾತಾಗಿ ಇಲ್ಲಿ ಇಣಿಕಿದರೆ - ಒಪ್ಪುಗಳ ಬಗೆ ಹೇಳದಿದ್ದರೂ ಸರಿಯೆ, ತಪ್ಪೇನಾದರು ಕಂಡರೆ ಒಂದು ಸಣ್ಣ ಸುಳಿವಿತ್ತು ಹೋಗಿ, ತಿದ್ದಿಕೊಂಡು ಕಲಿತು ಮುನ್ನಡೆಯಲು ಸಹಾಯಕವಾದೀತು, ಈ ನಿರಂತರ ಕಲಿಕೆಯ ಜೀವನ ಯಾತ್ರೆಯಲಿ 😊 ಪ್ರೀತಿಯಿಂದ, - ನಾಗೇಶ ಮೈಸೂರು

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s