01484. ಗುಂಡಿಗೆಯವರಾರಿಲ್ಲಿ?

01484. ಗುಂಡಿಗೆಯವರಾರಿಲ್ಲಿ?

________________________________

ಶಾಕಿನಿ ಡಾಕಿನಿ ಮೋಹಿನಿ

ವಿಷಾಚಿ ಪಿಶಾಚಿ ಪ್ರೇತಾತ್ಮ

ಶಾಪ ವಿಮೋಚನೆ ಸಲುವೆ

ಮಂತ್ರದ ಸೇಬ ಹಿಡಿದಿರುವೆ ||

ಹಣ್ಣೇನೊ ಕೈ ಸೇರಿದೆ ಸ್ವಸ್ಥ

ನಡೆ ವಿಧಿವಿಧಾನ ಅಸ್ತವ್ಯಸ್ತ

ಅರಿವಿಲ್ಲ ಮಂತ್ರಬೀಜಾಕ್ಷರ

ಬರಬೇಕಂತಲ್ಲ ರಾಜಕುಮಾರ ! ||

ನಾ ಹೇಳಬಾರದಂತೆ ಗುಟ್ಟು

ನನ್ನ ಪೂರ್ವಾಶ್ರಮದ ಒಗಟು

ನುಡಿದರೆ ನಿಜವ ರಾಜಕುಮಾರಿ

ಮತ್ತಿಲ್ಲವಂತೆ ವಿಮೋಚನೆ ದಾರಿ ||

ಕಾದು ಕುಳಿತಿಹೆನದಕೆ ಹಿಡಿದು

ಬರಲೊಬ್ಬ ರಾಜಕುಮಾರನೆಂದು

ಕಚ್ಚಿ ತಿನ್ನಬೇಕು ಹಣ್ಣ ಹಸಿದವರಂತೆ

ಹೆದರದೆ ಅಪ್ಪೆ ಈ ಶಾಪ ಕಳೆವುದಂತೆ ||

ನೀನಾ? ನೀನಾ? ಅವನಾ?

ಯಾರಾಗುವಿರಿ ಸಾಹಸಿ ಶೂರ ಘನ!

ದಕ್ಕುವ ಫಲ ಸಿಕ್ಕುವ ಸಂಪದ ಅಪಾರ

ಗುಂಡಿಗೆಯವರು ಬಂದೆನ್ನಾ ಅಪ್ಪುವಿರಾ? ||

– ನಾಗೇಶ ಮೈಸೂರು

೧೭.೧೨.೨೦೧೭

(Picture : muddu?)