01538. ಅಕ್ಕಾ ನೋಡಿಲ್ಲಿ..


01538. ಅಕ್ಕಾ ನೋಡಿಲ್ಲಿ..

___________________________

ಅಟ್ಟದ ಮೇಲಿತ್ತೆ ಅಕ್ಕ

ಆ ತಾತನ ಕಾಲದ್ದು

ದಪ್ಪ ಕಪ್ಪು ರಟ್ಟಿನ ಹೊದಿಕೆ

ಕಪ್ಪುಬಿಳುಪು ಚಿತ್ರದ್ದು ||

ಅಕ್ಕಾ ! ನೋಡಿಲ್ಲೀ ಚಿತ್ರ

ಅಪ್ಪನೆಷ್ಟು ಹುಡುಗ !

ಅಯ್ಯೊ ! ಇದು ಅಮ್ಮನದೆ?

ನೋಡು.. ಗುರುತೇ ಸಿಗದು ! ||

ಯಾರಿದು ಅಜ್ಜಿ ತಾತರೆ?

ನೋಡಿದೆಯ ಮೀಸೆ ಗತ್ತು !

ಗುಮ್ಮನ ಹಾಗೆ ಅಜ್ಜಿ

ಮಂಗಿಯ ತರ ಕೂತ ಮಸ್ತು ! ||

ಇಲ್ಲಿ ನೋಡೆ ಮಕ್ಕಳ ಸೈನ್ಯ?

ಕುಟುಂಬದಲ್ಲೆ ಕ್ರಿಕೆಟ್ಟು ಟೀಮೆ !

ಚಿಕ್ಕಪ್ಪ ದೊಡ್ಡಪ್ಪ ಮಾವರ ಲೆಕ್ಕ

ಅವರ ಸಂಸಾರ ಸೇರೆ ಜೋರೆ ||

ಅರೆ! ಇದು ನೀನು ನಾನು ಅವಳು

ಪುಟಾಣಿಗಳ ಪೋಟೊ ನಮದು..

ತುಂಡು ಲಂಗ ಸೀರೆ ಮೊಗ್ಗಿನ ಜಡೆ

ಅತ್ತು ಅಣ್ಣನ ಜೊತೆ ಸೊಟ್ಟ ನಿಂತದ್ದು ! ||

– ನಾಗೇಶ ಮೈಸೂರು

(Nagesha Mn)(Picture source : Internet / social media received via FB friends – thank you 😊👍🙏- can’t remember who sent exactly, if you are the one please comment! )

Advertisements

Published by

ನಾಗೇಶ ಮೈಸೂರು

ಜೀವನದ ಸುತ್ತಾಟ ಎಲ್ಲೆಲ್ಲಿಗೊ ದಾಟಿಸಿ, ಅರಿವಿನೆಲ್ಲೆ ಮೀರಿಸಿ ಅಲೆದಾಡಿಸತೊಡಗಿ ಇದ್ದಕ್ಕಿದ್ದಂತೆ ಮೂಲದ ಬೇರಿನ ತುಡಿತಗಳೆಲ್ಲ ಏನೆಲ್ಲಾ ತರದ ಸ್ವಗತಗಳಾಗಿ ಕಂಗಾಲಾಗಿಸತೊಡಗಿದಾಗ, ಅದರ ಹೊರ ಹರಿವಿಗೆ ಇದ್ದಕ್ಕಿದ್ದಂತೆ ತೆರೆದುಕೊಂಡ ಹಠಾತ್ ದ್ವಾರವೆ - ಈ 'ಮನದಿಂಗಿತಗಳ ಸ್ವಗತ' ಬ್ಲಾಗ್. ಹುಟ್ಟಿಕೊಂಡ ಹೊತ್ತಿನಿಂದ ಇನ್ನಿಲ್ಲದ ಕಕ್ಕುಲತೆಯಿಂದ ಅಪ್ಪಿಕೊಂಡ ಈ ಮನ ವೈಖರಿಯ ಪ್ರಕಟ ರೂಪ, 'ನನ್ನ ಪಾಡಿಗೆ ನಾನು' ಎಂದು ಹಾಡಿಕೊಂಡು ಹೋಗುವಾಗಲೆ ಅಲ್ಲಿಲ್ಲಿ ಸಿಕ್ಕ ಅವರಿವರನ್ನು ತಟ್ಟಿ, ಕೈ ಕುಲುಕಿ ಸಲಾಮು ಹೊಡೆದು ಮುಂದಕ್ಕೆ ನಡೆಯುತ್ತಲಿದೆ, ಇಲ್ಲಿಯವರೆಗೆ. ಬಾಲಿಶವಾಗಿ ಆರಂಭವಾದ ತುಡಿತ, ಸ್ವಗತಗಳು ತುಸು ಶಿಸ್ತಿನ ದಿರುಸುಟ್ಟು ಠಾಕುಠೀಕಾಗಿದ್ದಲ್ಲದೆ ನಡಿಗೆಯುದ್ದಕ್ಕು ಕಲಿಕೆಯ ವಿಸ್ಮಯವನ್ನು ಉಣಬಡಿಸುತ್ತ ಸಾಗಿವೆ. ಇದು 'ನನ್ನ ಮೈದಾನ, ನನ್ನ ಕುದುರೆ' ಎನ್ನುವ ಧೈರ್ಯಕ್ಕೊ ಏನೊ - ಬರೆಯಬೇಕೆನಿಸಿದ್ದೆಲ್ಲವನ್ನು ಬರೆದಿಟ್ಟು ನಿರಾಳವಾಗುವ ಪರಿ, ಇನ್ನು ಕೈ ಹಿಡಿದು ಮುನ್ನಡೆಸುತ್ತಲೆ ಇದೆ, ವಿವಿಧ ಪ್ರಯೋಗಗಳೊಡನೆ. ಮಂಕುತಿಮ್ಮನ ಪದ್ಯಗಳ ಮೇಲೆ ಟಿಪ್ಪಣಿ ಬರೆದುಕೊಳ್ಳುವಷ್ಟು ಹುಮ್ಮಸ್ಸು ಬರಲು ಬಹುಶ ಈ ಬ್ಲಾಗಿತ್ತ ಧೈರ್ಯವೆ ಕಾರಣವೇನೊ.. ಕೊನೆಯವರೆಗು ಜತೆಗುಳಿಯುವುದೂ ಕೂಡ ಬಹುಶಃ ಇದೇ ಏನೊ.. ಅಕಸ್ಮಾತಾಗಿ ಇಲ್ಲಿ ಇಣಿಕಿದರೆ - ಒಪ್ಪುಗಳ ಬಗೆ ಹೇಳದಿದ್ದರೂ ಸರಿಯೆ, ತಪ್ಪೇನಾದರು ಕಂಡರೆ ಒಂದು ಸಣ್ಣ ಸುಳಿವಿತ್ತು ಹೋಗಿ, ತಿದ್ದಿಕೊಂಡು ಕಲಿತು ಮುನ್ನಡೆಯಲು ಸಹಾಯಕವಾದೀತು, ಈ ನಿರಂತರ ಕಲಿಕೆಯ ಜೀವನ ಯಾತ್ರೆಯಲಿ 😊 ಪ್ರೀತಿಯಿಂದ, - ನಾಗೇಶ ಮೈಸೂರು

2 thoughts on “01538. ಅಕ್ಕಾ ನೋಡಿಲ್ಲಿ..”

    1. ಬಹುಶಃ ಅತ್ತು ಸೊಟ್ಟ ನಿಂತ ಹಳೆಯ ಪೋಟೊಗಳು ಪ್ರತಿಯೊಬ್ಬರ ನೆನಪಿನಲ್ಲು ಇರುವ ಚಿತ್ರವೇನೊ? ಆ ಕಾಲದಲ್ಲಿ ಡಿಜಿಟಲ್ ಇಲ್ಲದ ಕಾರಣ ಒಮ್ಮೆ ತೆಗೆದರೆ ಮುಗಿಯಿತು – ಹಾಗೆಯೆ ಇಟ್ಟುಕೊಳ್ಳಬೇಕಾದ ಅನಿವಾರ್ಯ! ಧನ್ಯವಾದಗಳು 🙏😊👍

      Like

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s