01747. ಬರ್ದಾಕು ಮನಸಾದಾಗ..
____________________________
ಬಿಡು ಬರೆಯೋಣ ಮನಸಾದಾಗ
ಅಂದರಾಯ್ತ? ಆಗೋದ್ಯಾವಾಗ ?
ಅನಿಸಿದಾಗಲೆ ಬರಕೊ ಮರುಳೆ
ಯಾರಿಗ್ಗೊತ್ತು, ಏನಾಗುತ್ತೊ ನಾಳೆ ?! ||
ಬರೆಯೋಕಂತ ಬಂದಾಗ ಸ್ಪೂರ್ತಿ
ಹಿಡಿದಿಟ್ಕೋಬೇಕು ಕೈಯಲ್ಲಿ ಪೂರ್ತಿ
ಪದ ಮರೆಯೋದುಂಟು ಆಗಿ ಕಗ್ಗಂಟು
ಆಗೋಕೆ ಮುಂಚೆ ಬರೆದಾದ್ರೆ ನಂಟು ||
ಎಲ್ಲಾರಿಗು ಸಿಕ್ಕೊ ಸೌಭಾಗ್ಯ ಇದಲ್ಲ
ಸಾಲು ಬರೆಯೋದಕ್ಕು ತಿಣುಕ್ತಾರೆಲ್ಲ
ಬರೆಯೋಕೆ ಮನಸು ಇರಲಿ ಬಿಡಲಿ
ಗೀಚ್ತಾ ಇರ್ಬೇಕು ತೋಚಿದ್ ಗೀಚ್ಕೊಳ್ಲಿ! ||
ಸರಿಯೊ ತಪ್ಪೊಂತ ಯಾಕಪ್ಪ ಚಿಂತೆ?
ಬರೆದಿದ್ದನ್ಯಾರು ನೋಡೋದಿದೆ ಮತ್ತೆ?
ಬರ್ಕೊಳ್ಳೊ ತೆವಲು ನಮ್ಮನಸಿನ ಡೌಲು
ಮಳೆಗೆ ಗರಿ ಬಿಚ್ಚಿ ಕುಣಿದಾಡ್ದಂಗೆ ನವಿಲು ||
ಮನಸಾದಾಗ ಬರಿಯೋಕೆದೆ ಜಾಗ
ಇದ್ರೂನು ಭಾವನೆ ಬರದಿದ್ರೆ ಸರಾಗ
ಗೀಚಿದ್ದ ಮುದುರಿ ಎಸೆಯೋಲ್ವ ಕಾಣ್ದಂಗೆ
ಬರ್ದಾಕು ಈಗ್ಲೂನು ಎಸೀಬೋದು ಹಂಗೆ ! ||
– ನಾಗೇಶ ಮೈಸೂರು
೨೮.೦೫.೨೦೧೮
(Picture source: internet / social media)
Published by
ನಾಗೇಶ ಮೈಸೂರು
ಜೀವನದ ಸುತ್ತಾಟ ಎಲ್ಲೆಲ್ಲಿಗೊ ದಾಟಿಸಿ, ಅರಿವಿನೆಲ್ಲೆ ಮೀರಿಸಿ ಅಲೆದಾಡಿಸತೊಡಗಿ ಇದ್ದಕ್ಕಿದ್ದಂತೆ ಮೂಲದ ಬೇರಿನ ತುಡಿತಗಳೆಲ್ಲ ಏನೆಲ್ಲಾ ತರದ ಸ್ವಗತಗಳಾಗಿ ಕಂಗಾಲಾಗಿಸತೊಡಗಿದಾಗ, ಅದರ ಹೊರ ಹರಿವಿಗೆ ಇದ್ದಕ್ಕಿದ್ದಂತೆ ತೆರೆದುಕೊಂಡ ಹಠಾತ್ ದ್ವಾರವೆ - ಈ 'ಮನದಿಂಗಿತಗಳ ಸ್ವಗತ' ಬ್ಲಾಗ್. ಹುಟ್ಟಿಕೊಂಡ ಹೊತ್ತಿನಿಂದ ಇನ್ನಿಲ್ಲದ ಕಕ್ಕುಲತೆಯಿಂದ ಅಪ್ಪಿಕೊಂಡ ಈ ಮನ ವೈಖರಿಯ ಪ್ರಕಟ ರೂಪ, 'ನನ್ನ ಪಾಡಿಗೆ ನಾನು' ಎಂದು ಹಾಡಿಕೊಂಡು ಹೋಗುವಾಗಲೆ ಅಲ್ಲಿಲ್ಲಿ ಸಿಕ್ಕ ಅವರಿವರನ್ನು ತಟ್ಟಿ, ಕೈ ಕುಲುಕಿ ಸಲಾಮು ಹೊಡೆದು ಮುಂದಕ್ಕೆ ನಡೆಯುತ್ತಲಿದೆ, ಇಲ್ಲಿಯವರೆಗೆ. ಬಾಲಿಶವಾಗಿ ಆರಂಭವಾದ ತುಡಿತ, ಸ್ವಗತಗಳು ತುಸು ಶಿಸ್ತಿನ ದಿರುಸುಟ್ಟು ಠಾಕುಠೀಕಾಗಿದ್ದಲ್ಲದೆ ನಡಿಗೆಯುದ್ದಕ್ಕು ಕಲಿಕೆಯ ವಿಸ್ಮಯವನ್ನು ಉಣಬಡಿಸುತ್ತ ಸಾಗಿವೆ. ಇದು 'ನನ್ನ ಮೈದಾನ, ನನ್ನ ಕುದುರೆ' ಎನ್ನುವ ಧೈರ್ಯಕ್ಕೊ ಏನೊ - ಬರೆಯಬೇಕೆನಿಸಿದ್ದೆಲ್ಲವನ್ನು ಬರೆದಿಟ್ಟು ನಿರಾಳವಾಗುವ ಪರಿ, ಇನ್ನು ಕೈ ಹಿಡಿದು ಮುನ್ನಡೆಸುತ್ತಲೆ ಇದೆ, ವಿವಿಧ ಪ್ರಯೋಗಗಳೊಡನೆ. ಮಂಕುತಿಮ್ಮನ ಪದ್ಯಗಳ ಮೇಲೆ ಟಿಪ್ಪಣಿ ಬರೆದುಕೊಳ್ಳುವಷ್ಟು ಹುಮ್ಮಸ್ಸು ಬರಲು ಬಹುಶ ಈ ಬ್ಲಾಗಿತ್ತ ಧೈರ್ಯವೆ ಕಾರಣವೇನೊ.. ಕೊನೆಯವರೆಗು ಜತೆಗುಳಿಯುವುದೂ ಕೂಡ ಬಹುಶಃ ಇದೇ ಏನೊ..
ಅಕಸ್ಮಾತಾಗಿ ಇಲ್ಲಿ ಇಣಿಕಿದರೆ - ಒಪ್ಪುಗಳ ಬಗೆ ಹೇಳದಿದ್ದರೂ ಸರಿಯೆ, ತಪ್ಪೇನಾದರು ಕಂಡರೆ ಒಂದು ಸಣ್ಣ ಸುಳಿವಿತ್ತು ಹೋಗಿ, ತಿದ್ದಿಕೊಂಡು ಕಲಿತು ಮುನ್ನಡೆಯಲು ಸಹಾಯಕವಾದೀತು, ಈ ನಿರಂತರ ಕಲಿಕೆಯ ಜೀವನ ಯಾತ್ರೆಯಲಿ 😊
ಪ್ರೀತಿಯಿಂದ,
- ನಾಗೇಶ ಮೈಸೂರು
ನಾಗೇಶ ಮೈಸೂರು ಅವರ ಎಲ್ಲಾ ಲೇಖನಗಳನ್ನು ನೋಡಿ
⭐👌👌👌
LikeLike
ಧನ್ಯವಾದಗಳು 🙏😊👍
LikeLiked by 1 person
pujalikitha.wordpress.com
ಓದಿ… ಹಂಚಿ…
LikeLiked by 1 person
ಫೇಸ್ಬುಕ್ ಇದ್ದರೆ ಈ ಐಡಿ ಹುಡುಕಿ ಸಂಪರ್ಕಿಸಿ (Nagesha Mn). ನನ್ನ ಬಹುತೇಕ ಈಚಿನ ಕವಿತೆಗಳು ಅಲ್ಲಿವೆ..
LikeLike
👍
LikeLike
👍👌😊
LikeLiked by 1 person
ಹೀಂಗಂತೀರಾ👌👌😊
LikeLiked by 1 person
howdu!! 😊🙏👍
LikeLike