01739. ಅತೃಪ್ತಾತ್ಮ…


01739. ಅತೃಪ್ತಾತ್ಮ…

_________________________

ಯಾಕೆ ಹೀಗೆ ಸುರಿವೆ ಮಳೆಯೆ?

ಗುಡಿ ಗೋಪುರ ಶಿಖರ ತೊಳೆಯೆ..||

ಯಾಕೆ ಹೀಗೆ ಸುರಿವೆ ಮಳೆಯೆ?

ನಾನಲ್ಲ ರವಿ ಮಜ್ಜನ ಮೈ ತೊಳೆಯೆ! ||

ಯಾಕೆ ಹೀಗೆ ಸುರಿವೆ ಮಳೆಯೆ?

ಅದು ಒಣಗಿದ ಭುವಿಯಿತ್ತ ಕರೆಯೆ.. ||

ಯಾಕೆ ಹೀಗೆ ಸುರಿವೆ ಮಳೆಯೆ?

ಬೆವರಲಿ ಜನ ಶಪಿಸುವರಲ್ಲ ಸರಿಯೆ..? ||

ಯಾಕೆ ಹೀಗೆ ಸುರಿವೆ ಮಳೆಯೆ?

ಸುರಿಯದಿರೆ ಶಪಿಸುವೆಯಲ್ಲ ನೀನೆ ! ||

ಯಾಕೆ ಹೀಗೆ ಸುರಿವೆ ಮಳೆಯೆ?

ಕವಿ ಪ್ರೇಮಿಗಳು ಬಿಡರಲ್ಲ ಉಳಿಯೆ ! ||

ಯಾಕೆ ಹೀಗೆ ಸುರಿವೆ ಮಳೆಯೆ?

ತೀರಿಸೆ ಋಣ ಜನ್ಮದ ಕರ್ಮ ಕಳೆಯೆ ||

ಯಾಕೆ ಹೀಗೆ ಸುರಿವೆ ಮಳೆಯೆ?

ಸುರಿವುದೆನ್ನ ಹಣೆಬರಹದ ಪರಿಯೆ ||

ಯಾಕೆ ಹೀಗೆ ಸುರಿವೆ ಮಳೆಯೆ?

ಯಾಕ್ಹೀಗೆ ನಿನ್ನ ಪ್ರಶ್ನೆಯ ಸುರಿಮಳೆಯೆ? ||

– ನಾಗೇಶ ಮೈಸೂರು

೨೬.೦೫.೨೦೧೮