00765. ನಾಲಿಗೆ, ಕಿವಿ ಕುಣಿದಾಟ..


00765. ನಾಲಿಗೆ, ಕಿವಿ ಕುಣಿದಾಟ..
________________________


ಬರೆದರೆಲ್ಲ ಕಣ್ಣು ಮೂಗು ಬಾಯಿ
ಕಮಲ ನಯನ, ಸಂಪಿಗೆ ಮೂಗು,
ತೊಂಡೆ ತುಟಿ, ದಾಳಿಂಬೆ ಹಲ್ಲು
ಹೀಗೆ ಎಲ್ಲಾ ಮೆಚ್ಚುವುದು ಹೊರಗೆ
ಅಂತ ಪಾಪ ನಾಲಿಗೆ ಕೊರಗೆ !

ಎಷ್ಟಿದ್ದರು ತಾನೆ ಏನು ಬಣ್ಣ ಬೋಗಸ್
ಅನಿಸೊ ಮಾತಾಡೊ ಜಿಹ್ವೆಯ ಲಾಜಿಕ್
ನೋಡೊ ರೂಪಕ್ಕೊಂದು ಸುಂದರ ಮೈಕಟ್ಟು
ಗೋಧಿ ಬಣ್ಣ ಇರಲಿ ಬಿಡಲಿ ಕೊಡೊ ಜುಟ್ಟು
ಬೀಗ ಹಾಕಿ ತುಟಿ ದಂತದ ಕೋಟೆಯೊಳಗೆ..

ಸಾಕು ಸುಮ್ಮನಿರಯ್ಯ ಕೇಳಿದ್ದೀನಿ ಪುರಾಣ
ಆಡಿದರೆ ಸಾಕ ? ಬೇಕು ಕೇಳುವ ಜನರೀಗ
ಆಡಿದ್ದಕ್ಕೊಂದಾಡಿ ಅನಾಡಿ ತಂದಿಕ್ಕೊ ಜೋಗಿ
ಕಟ್ಟಿದ ಕೆಳೆ ನಂಟಿಗು, ನಿನ್ನ ಮಾತಲ್ಲೆ ಹಚ್ಚೊ ಕಿಡಿ
ಒಳಿತು ಕೆಡುಕು ಎಲ್ಲಾ ಮೌನದಲೆ ಭರಿಸಿರುವೆ..

ಆಡುವವನೊಬ್ಬನೆ ನಾಲಿಗೆ, ಮಾಡುವ ದಾಂಧಲೆ
ಎಡಬಿಡಂಗಿ ಢೋಂಗಿ, ಸರಿ ತಪ್ಪೆಲ್ಲ ಅವರಿವರ ಮೇಲೆ..
ಕೇಳುವವರಿಬ್ಬರಿದ್ದರೂ, ಯಾಕೊ ಮೌನದಲೆ ಆಲಿಸುತ
ಕೊಟ್ಟಂತೆ ಉತ್ತೇಜನ, ನಾಲಿಗೆಯ ಹರಿಯಾಬಿಡುತ
ಕೂತಂತೆ ವಸ್ತ್ರಾಪಹರಣದ ಹೊತ್ತಲಿ ಭೀಷ್ಮ, ದ್ರೋಣ..

ಅದೆಲ್ಲಿತ್ತೊ ಅಲ್ಲಿಯವರೆಗೂ ಮೌನದಲಿ ಅಂತಃಕರಣ
ಸಾಕು ಸುಮ್ಮನಿರೆಂದು ಮುಚ್ಚಿಸಿತು ಇಬ್ಬರ ವಾದವನ್ನು
ಆಡಬೇಕು ನಾಲಿಗೆ, ಆಡುವ ಮೊದಲು ಕೇಳಿ ಕಿವಿಗೆ
ಕೇಳಬೇಕು ಕಿವಿ, ಮಾತಾಗುವ ಮೊದಲು ನಾಲಿಗೆಗೆ
ಜೊತೆಯಾಗಿರೆ ಸಖ್ಯ ಕಣ್ಣು ಮೂಗು ಬಾಯಿ ನಿರ್ಲಕ್ಷ್ಯ !

– ನಾಗೇಶ ಮೈಸೂರು

(Picture source : https://www.emaze.com/@AZIQLCZ/Psychology)

Advertisements

00760. ಕಪ್ಪು ಕಂಗಳ ಕೊಳದೆ…


00760. ಕಪ್ಪು ಕಂಗಳ ಕೊಳದೆ…
______________________

ಮಾತಿನ ಹಾದಿ ಹಿಡಿಯದ ಮೌನದ ಹುಡುಕಾಟವೆಲ್ಲ ಕಂಗಳ ಮೂಲಕವೆ ತಾನೇ ?


ನಿನ್ನ ಕಪ್ಪು ಕಂಗಳ ಕೊಳದೆ
ಭಾವಗಳ ಮೀನಾಗಿ ಕರಗಿ
ನೀರಾಗಿ ತೇಲಾಡುವಾಸೆ ಸಖಿ
ಮಿಂಚಿನ ಬೆಳಕಾಗಿ ತುಳುಕಿ..

ಅಳೆದು ಎರಕ ಹೊಯ್ದ
ದಳದ ರೆಪ್ಪೆಯ ಸೆರಗಲಿ
ಅಡಗುವೆ ತನ್ಮಯ ತಂಪುಣಿಸೆ
ಬೆವರಿದ ರೋಮವ ಗುಣಿಸೆಣಿಸೆ..

ಹುಬ್ಬು ಗಂಟಿಕ್ಕಿಸಿ ಹುಸಿ
ಮುನಿಸಾದ ಸೊಗದಲ್ಲಿ
ಕೆಂಪೇರಿಸೊ ನೆತ್ತರಲಿ ಬೆರೆತು
ತಂಪೆರೆವೆನಿನಿತು ಜಗ ಮರೆತು..

ಅತ್ತಿತ್ತಾಡುವಾ ಕಣ್ಣಾಲಿಗಳು
ಆಯಾಸದೆ ದಣಿದು ಕೂರೆ
ತಟ್ಟಿ ರಮಿಸುವೆ ಹೊದಿಸುತ
ರೆಪ್ಪೆಯ್ಹೊದಿಕೆಯಲಿ ಮಲಗಿಸುತ..

ಗೆಳತಿ ಮಲಗು ನಿದಿರೆಯಲಿ
ಹಿಂಡಿ ಸೋರಿಸಿಬಿಡುವೆ ಕಂಬನಿ
ಕಣ್ತೆರೆಯೆ ಕಂಗೊಳದೆ ಪನ್ನೀರ ಹನಿ
ಸಿಂಪಡಿಸಿ ರಮಿಸಲಿ ನಯನ ದೋಣಿ..

– ನಾಗೇಶ ಮೈಸೂರು

(Picture source: https://pixabay.com/en/indian-eyes-face-female-lady-154387/)

00516. ಚಾಳೀಸಿನ ಬಾಳು


00516. ಚಾಳೀಸಿನ ಬಾಳು
__________________________

ಈಗಿನ ಜಗದ ದೈನಂದಿನ ಬದುಕಿನಲ್ಲಿ ಹೆಚ್ಚೂ ಕಡಿಮೆ ಎಲ್ಲರಲ್ಲು ಕಾಣಬಹುದಾದ ಸಾಮಾನ್ಯ ಅಂಶ – ಚಾಳೀಸು ಧಾರಣೆ. ಸುಲೋಚನೆ ಅಥವ ಕನ್ನಡಕ ಧರಿಸದವರೆ ಅಪರೂಪವೆನ್ನಬಹುದಾದ ಈ ಕಾಲಧರ್ಮದ ಕುರಿತ ಛೇಡನೆ, ಈ ಜೋಡಿ ಪದ್ಯ.

ಮೊದಲದರ ಗುರಿ ಚಿಕ್ಕ ವಯಸ್ಸಿನಲ್ಲೆ ಚಾಳೀಸು ಧರಿಸುವ ಸ್ಥಿತಿಗಿಳಿದ ಮಕ್ಕಳ ಹಾಗೂ ಅದನ್ನುಂಟು ಮಾಡುವ ಪರಿಸ್ಥಿತಿಯ ಸುತ್ತ ಗಿರಕಿ ಹೊಡೆಯುತ್ತದೆ.

ಎರಡನೆಯ ಭಾಗ ವಯಸ್ಕರ ಸುತ್ತ ಗಿರಕಿ ಹೊಡೆಯುತ್ತಾ ಹಾಗೆ ಎರಡರಲ್ಲೂ ಆರು ತಿಂಗಳಿಗೆ ಪರೀಕ್ಷೆ ಮಾಡಿಸಿಕೊಳ್ಳಬೇನ್ನುವ ನಿರೀಕ್ಷೆ, ಹೆಚ್ಚೆಚ್ಚು ಬೆಲೆಯ ಹೆಚ್ಚುವರಿ ಸುವಿಧತೆಗಳ ಆಕರ್ಷಣೆಗೆ ಬಲಿಯಾಗುವ ಅನಿವಾರ್ಯತೆ ಮತ್ತು ಸುತ್ತುವರಿದ ವಾಣಿಜ್ಯತೆಗಳನ್ನು ತಟ್ಟಿಸುವ ಕವನ ಲಹರಿ ಇಲ್ಲಿದೆ.

01. ಚಾಳೀಸಿನ ಬಾಳು – ಬಾಲ್ಯಕೆ ಕಣ್ಹಾಳು!
_____________________________________

  
(picture source wikipedia : https://en.m.wikipedia.org/wiki/File:Reading-Glasses.jpg)

ಈ ಚಾಳೀಸಿನ ಬಾಳು
ಪೂರ ಮನೆ ಹಾಳು
ಮಕ್ಕಳಿಂದ ಮುದಿ ತನಕ
ಸಂಸಾರವೆ ಕನ್ನಡಕ ||

ಈಗ ಮಕ್ಕಳು ನರ್ಸರಿಗಳಲೆ
ಕಣ್ಣೇರಿಸಿ ಮರಿ ಕನ್ನಡಕ
ಬೇಡವೆಂದರು ವೀಡಿಯೋ ಟೀವಿ
ಐದಾರು ವರ್ಷಕೆ ಕಣ್ಮುದುಕ ||

ಕೂತರೆ ಹಿಂದಿನ ಬೆಂಚು
ಕಣ್ಕಾಣದ ಬೋರ್ಡು
ದೂರದಲಿ ಕಟ್ಟಿದ ಫಲಕ
ಏನೊ ಕಲಸಿದ ಬರಹ ||

ಹೆಸರಷ್ಟೇ ಸುಲೋಚನೆ
ಖರ್ಚಿನ ಆಲೋಚನೆ
ವರ್ಷಕೊಮ್ಮೆ ಟೆಸ್ಟಾರ್ಚನೆ
ಜೇಬಿನ ಕ್ಷೌರಕೆ ಕರಣೆ ||

ಒಂದೆರಡಲ್ಲ ತರ ತರ ಕವಣೆ
ಕಣ್ಣಿಗೂ ಮೀರಿ ದುಬಾರಿ ತಾನೆ
ಪ್ರೋಗ್ರೆಸ್ಸಿವ್ ಆಂಟಿಗ್ಲೇರ್ ಕೊನೆ
ಎಲ್ಲಕು ಹೆಚ್ಚಾಗುವ ಬೆಲೆ ಬವಣೆ ||

-ನಾಗೇಶ ಮೈಸೂರು
02. ಚಾಳೀಸಿನ ಬಾಳು – ವಯಸೆ ಗೋಳು
____________________________________

  
(picture source wikipedia :https://en.m.wikipedia.org/wiki/File:Szem%C3%BCveg_-_1920-as_%C3%A9vek.JPG)

ಗಂಡ ಹೆಂಡತಿ ಕಾಲೇಜಿನಲೆ
ಅಪ್ಪಿಕೊಂಡ ಕಣ್ಣ ಸುಖ
ಓದು ಬರೆಯಲು ಕೂತಾಗಲೆ
ಮುಖವಪ್ಪುತ ಕೂರೆ ಸಖ ||

ವಯಸಿನ ಲೀಲೆ ನಲವತ್ತು
ಪೇಪರು ಓದಲು ಎಡವಟ್ಟು
ಕನ್ನಡಕದಲೆ ಓದಲು ಕಷ್ಟ
ಹೊಸ ಕನ್ನಡಕದ ಸಂಕಷ್ಟ ||

ಅಪ್ಪ ಅಮ್ಮ ವಯಸಾಗಿ ಬಲು
ಕಾಣದ ದೃಷ್ಟಿಗೆ ಕನ್ನಡಕ
ವಯೋಧರ್ಮ ಮೈಮನ ನಗ್ಗಲು
ಕಣ್ಣಿನ ಜತೆಗೆ ದನಿ ನಡುಕ ||

ಹತ್ತಿರಕೊಂದು ದೂರಕೊಂದು
ಕಂಪ್ಯುಟರಿಗೆ ಇನ್ನೊಂದು
ಛಾಯಾಚಿತ್ರ ಸ್ಟೈಲ್ಗಿನ್ನೊಂದು
ತಂಪಿಗುಡುಕು ಮತ್ತೊಂದು ||

ಎರಡೆರಡು ಚಾಳೀಸ ಚಾಳಿ
ಹತ್ತಿರ ದೂರ ನೋಟ ಗಾಳಿ
ಹೊಸ ತಾಂತ್ರಿಕತೆ ಧಾಳಿ
ಪ್ರೋಗ್ರೆಸ್ಸಿವಿನ ಮಹಾಕಾಳಿ ||

ಹೀಗೆ ಚಾಳೀಸಿನ ಬಾಳು
ಎಲ್ಲ ಮನೆ ಮನ ತೆವಲು
ಬೇಕಿರಲಿ ಬಿಡಲಿ ಕೊನೆಗೆ
ಕಣ್ಣಿನ ಟೋಪಿಯ ಹಾಗೆ ||

– ನಾಗೇಶ ಮೈಸೂರು

00366. ಕಣ್ಣು ಮುಚ್ಚಾಲೆಯಾಟ


00366. ಕಣ್ಣು ಮುಚ್ಚಾಲೆಯಾಟ
________________________________  

ಚಿತ್ರ ಕೃಪೆ: ಸ್ವಯಂಕೃತಾಪರಾಧ !

‘ಕಣ್ಣಾ ಮುಚ್ಚೆ ಕಾಡೆ ಗೂಡೆ’
ಜೀವ ತೊರೆದ ಮೇಲೆ
ಹುಟ್ಟಿದ ಮನೆಯಾದರೇನು ?
ಅಟ್ಟಿದ ಕಾಡಾದರೇನು ?

‘ಉದ್ದಿನ ಮೂಟೆ ಉರುಳೆ ಹೋಯ್ತು’
ಗುಂಡುಕಲ್ಲಂತಿದ್ದ ಕಾಯ
ಸ್ವಸ್ಥ ಕೂತಿತ್ತಲ್ಲ ಮೂಟೆಯಂತೆ
ಉರುಳಿ ಹೋಯ್ತಲ್ಲ ಸಾವಾಗುತೆ !

‘ನಮ್ಮಯ ಹಕ್ಕಿ ಬಿಟ್ಟೆ ಬಿಟ್ಟೆ’
ಉಸಿರಿದ್ದವರೆಗೆ ಅದು ನಮದು
ಹಕ್ಕಿತ್ತಲ್ಲಾ ಅದರ ಮೇಲೆಮಗೆ
ಈಗ ಹಾರಿ ಬಿಟ್ಟೆವು ನಿಮಗೆ ..

‘ನಿಮ್ಮಯ ಹಕ್ಕಿ ಹಿಡಿದುಕೊಳ್ಳಿ’
ನಿಮ್ಮ ಹಕ್ಕಿಗೆ ಕೊಟ್ಟಾಯಿತಲ್ಲಾ ?
ಪಾಪಪುಣ್ಯ ಸ್ವರ್ಗನರಕ ಸಕಲ
ಹಕ್ಕಿಯನ್ಹಿಡಿದೆ ಕೈಲಿ ನೋಡಿಕೊಳ್ಳಿ..

ಹೀಗೆ ನಶ್ವರ ಬದುಕಿನ ಸತ್ಯವ
ನಾಕೇ ಆಟದ ಸಾಲಲಿ ಹಿಡಿದ
‘ಕಣ್ಣಾಮುಚ್ಚಾಲೆಯಾಟ’ದ ಸೊಗಡ
ಬರೆದ ಕವಿ ಯಾರೊ? ನಿನಗೆ ಶರಣು ..!

– ನಾಗೇಶಮೈಸೂರು

ಮೈಸೂರು,ನಾಗೇಶಮೈಸೂರು, mysore,ನಾಗೇಶ,nagesha,nageshamysore, ಕಣ್ಣಮುಚ್ಚಾಲೆಯಾಟ, ಕಣ್ಣು, ಮುಚ್ಚಾಲೆ

00000. ಮನದಿಂಗಿತಗಳ ಸ್ವಗತ – ಪರಿವಿಡಿ ಮತ್ತು ಇತರೆ ವಿವರ


______________________________________________________________________________

00000. ಮನದಿಂಗಿತಗಳ ಸ್ವಗತ – ಪರಿವಿಡಿ ಮತ್ತು ಇತರೆ ವಿವರ
______________________________________________________________________________

00140. ಶುಮಾಕರನೆಂಬ ವೇಗದ ವಿಪರ್ಯಾಸ (ಕಿರು ಬರಹ + ಕವನ)

00138. ಎರಡು ದೋಣಿಯ ಮೇಲೆ ಕಾಲಿಟ್ಟ ಬದುಕು…(ಅನುಭವ + ಕಿರು ಪ್ರಬಂಧ)

00139. ಕಾಲದ ಗಡಿಯಾರ . (ಕಿರು ಬರಹ + ಕವನ)

00137. ಮಳೆಯಾಗವ್ಳೆ ಚೌಡಿ.. (ಕಿರು ಬರಹ + ಕವನ)

00136. ಹೋಗ್ಲಿ ಬಿಡಿ, ಹಾಳಾಗ್ಲಿ ಬಿಡ್ರಿ..(ಹೊಸದ ತಂದು ಹಳತ ಮರೆತುಬಿಡಿ..)

00135. ಸುದ್ದಿ ಮುಟ್ಟಿ ಮನ ಸೂತಕ…(ಕಳಚಿದ ಕೊಂಡಿ) (ಕಿರು ಬರಹ + ಕವನ)

00134. ದೇವರು ನಮಗೆ ಹಾಕಿದ ಟೋಪಿ (ಮಕ್ಕಳ ಪದ್ಯ) (ಕಿರು ಬರಹ + ಕವನ)

00133. ಚಿತ್ರಗುಪ್ತನಿಗೊಂದು ಸಲಹೆ (ಸರಿ ತಪ್ಪುಗಳ ಲೆಕ್ಕ) (ಕಿರು ಬರಹ + ಕವನ)

00132. ಅಂಗಜನ ಅಂಗದ ಸದ್ದು … (ಕಿರು ಬರಹ + ಕವನ)

00131. ಮಳೆಯಾಗುತ ಸಾಂಗತ್ಯ…. (ಕಿರು ಬರಹ + ಕವನ).

00130. ರಾಜರತ್ನಂ ನೆನಪಿಗೆ (ಕಿರು ಬರಹ + ಕವನ)

00129. ಪುಸ್ತಕ ವಿಮರ್ಶೆ: ಕಣ್ಣೀರಜ್ಜ ಮತ್ತು ಇತರ ಕಥೆಗಳು (ಪುಸ್ತಕ ವಿಮರ್ಶೆ)

00128. “ಬೀರ” ದೇವರು ಒಳಗಿಳಿದರೆ ಶುರು! (ಕಿರು ಬರಹ + ಕವನ)

00127. ಮುರಿದು ಬಿದ್ದ ಪಿಎಸ್ಪಿ (ಬರಹ + ಕವನ)

00126. ನೂರು ಶತಕಗಳ ಸರದಾರ (ಕಿರು ಬರಹ + ಕವನ)

00125. ಶ್ರೀ ಸತ್ಯನಾರಾಯಣ ವ್ರತದಿ ಪೂಜಾಂಗವಾಗಿಹ ಕಥನ (ಸರಳ ಕಾವ್ಯರೂಪದಲ್ಲಿ)

00124. ಈ ಕೆಮ್ಮೊಣಕೆಮ್ಮು… (ಕಿರು ಬರಹ + ಕವನ)

00123. ತುಳಸಿಗಿಂದು ಸಂಭ್ರಮ (ಕಿರು ಬರಹ + ಕವನ)

00122. ಈ ಸಂಪದ (ಕಿರು ಬರಹ + ಕವನ)

00121. ಮಂಗಳಗ್ರಹಕ್ಕೊಂದು ಗ್ರಹಕೊಂದು ಕಲ್ಲು (ಕಿರು ಬರಹ + ಕವನ)

00120. ಹುಡುಗಾಟ ಆಡಿದ್ರೆ, ಪಟಾಕಿ ಸುಮ್ನೆ ಬಿಡುತ್ತ? (ಕಿರು ಬರಹ + ಕವನ) (04.11.2013)

00119. ದೀಪೋತ್ಸಾಹಂ ಭುವಂಗತೆ.. (ಬರಹ + 2 ಕವನ) (02.11.2013)

00118. ರಾಜ್ಯೋತ್ಸವದ ಮನವಿ : ಪದಗಳಿಗಾಗುತ ದನಿ (ಕವನ + ಕಿರು ಬರಹ) (01.11.2013)

00117. ಗುಜರಾತಿನ ಮೋಡಿ, ಪಟೇಲರ ಹಾಡಿ (ಕವನ + ಕಿರು ಬರಹ)

00116. ‘ಐ’ಗಳ ಪುರಾಣ – 03 …’ಐ’-ಪೋನು, ಪಾಡು, ಪ್ಯಾಡುಗಳ ಪಾಡಿನ ಹರಟೆ, (ಪ್ರಬಂಧ + ಲೇಖನ + ಕಥನ + ಹರಟೆ + ಅನುಭವ)

00115. ಮಂಡೋದರಿ, ನಿನಗ್ಯಾಕಿ ಪರಿ ಕಿರಿಕಿರಿ..? (ಕವನ + ಬರಹ) (WIP)

00114. 00114. ಸಮಾನಾಂತರ ಚಿಂತನಾ ಚಿತ್ತ (ಕವನ + ಕಿರು ಬರಹ)

00113. ಹಾಸ್ಯದಲೆ ಕೊಲ್ಲೆ ಪೂರ್ತಿ, ಸಿದ್ದಹಸ್ತ ನರಸಿಂಹಮೂರ್ತಿ (ಕವನ + ಕಿರು ಬರಹ)

00112. ಪೌರ್ಣಿಮೆ ಚಂದ್ರನ ಕಾಲೆಳೆಯುತ್ತ….(ಕವನ + ಕಿರು ಬರಹ)

00111. ಖೈರುದ್ದೀನನಿಗೆ ಹಬ್ಬದ ಶುಭಾಶಯ ಹೇಳಿ…(ಕವನ + ಕಿರು ಬರಹ)

00110. ಸಿಂಗಪುರ್ ಈಸ್ ಏ ಫೈನ್ ಸಿಟಿ…(ಕವನ + ಕಿರು ಬರಹ)

00109. ಆಯುಧ ಪೂಜೆ, ವಿಜಯದಶಮಿ (2) (ಕವನ + ಕಿರು ಬರಹ)

00108. ಮಹಾಲಯ ಅಮಾವಾಸೆ (ಮಹಾನವಮಿ) (01) (ಕವನ + ಕಿರು ಬರಹ)

00107. ಪಾತ್ರಗಳೆ ರಾಯರಿಗೆ ಸಲ್ಲಿಸಿವೆ ವಂದನ ! (ಕವನ + ಕಿರು ಬರಹ)

00106. …..ನಿನ್ನ ನೆನಸುತ್ತೇನೆ ! (ಕವನ + ಕಿರು ಬರಹ)

00105. ಯಾರದು ಮುಂದಿನ ಪಾಳಿ? (ಕವನ + ಕಿರು ಬರಹ)

00104. ಕೂರ್ಮಾವತಾರ : ಸಾಮಾನ್ಯ ಪ್ರೇಕ್ಷಕನೊಬ್ಬನ ಅನುಭವ, ವಿಮರ್ಶೆಯ ಒಳನೋಟ (ಅನುಭವ + ವಿಮರ್ಶೆ + ಬರಹ)

00103. ಯಾರ ಗೆಲುವು – ‘ಛಿಧ್ರವೋ, ಸಮಗ್ರವೋ? (ಕವನ + ಕಿರು ಬರಹ)

00102. ಪಂಚ್ಲೈನ್ ‘ಪಂಚೆ’ ಸಿದ್ರಾಮಣ್ಣ.. (ಕವನ + ಕಿರು ಬರಹ)

00101. ಯಾರು..? (ಚಿಣ್ಣರ ಹಾಡು) (ಕವನ + ಕಿರು ಬರಹ)

00100. ನಮ್ಮ ಬಾಲ್ಯದ ‘ಶರ್ಲಾಕ್ ಹೋಂ’ “ಎನ್. ನರಸಿಂಹಯ್ಯ” ನೆನಪಲಿ ..(ಕವನ + ಕಿರು ಬರಹ)

00099. ಕೆಂಪೇಗೌಡರೆ ಬನ್ನಿ ಹೀಗೆ ……(ಕವನ + ಕಿರು ಬರಹ)

00098. “ಮುದ್ದಣ್ಣ ಮನೋರಮೆ ಕಲಿತ ಚೀನಿ ಭಾಷೆ – 02” (ಭಾಗ – 02) (ಹಾಸ್ಯಬರಹ + ಹರಟೆ + ವ್ಯಂಗ್ಯ)

00097. ತೊಡಕುಗಳನು ಬಿಡಿಸಲು “ತೊಡಕಿನ ಸಿದ್ದಾಂತ – 04” – (ತೊಡಕು ಸಿದ್ದಾಂತ) (ತಾಂತ್ರಿಕ + ಮ್ಯಾನೇಜ್ಮೆಂಟು + ವ್ಯವಸ್ಥೆ )

00096. ತೊಡಕುಗಳನು ಬಿಡಿಸಲು “ತೊಡಕಿನ ಸಿದ್ದಾಂತ – 03” – (ತೊಡಕು ಸಿದ್ದಾಂತ) (ತಾಂತ್ರಿಕ + ಮ್ಯಾನೇಜ್ಮೆಂಟು + ವ್ಯವಸ್ಥೆ )

00095. ತೊಡಕುಗಳನು ಬಿಡಿಸಲು “ತೊಡಕಿನ ಸಿದ್ದಾಂತ – 02” – (ತೊಡಕು ಸಿದ್ದಾಂತ) (ತಾಂತ್ರಿಕ + ಮ್ಯಾನೇಜ್ಮೆಂಟು + ವ್ಯವಸ್ಥೆ )

00094. ‘ಐ’ಗಳ ಪುರಾಣ – 02 …’ಐ’-ಪೋನು, ಪಾಡು, ಪ್ಯಾಡುಗಳ ಪಾಡಿನ ಹರಟೆ, (ಪ್ರಬಂಧ + ಲೇಖನ + ಕಥನ + ಹರಟೆ + ಅನುಭವ)

00093. ಅಲ್ಲಿರೋದು ನಮ್ಮನೆ, ಇಲ್ಲಿರೋದು ಸುಮ್ಮನೆ…(ಕವನ + ಕಿರು ಬರಹ)

00092. ಗಜಾನನ ಗಜ-ಮೂಷಿಕಾಸುರ ಕಥೆ (ಕವನ + ಕಿರು ಬರಹ)

00091. ಹುಟ್ಟುಹಬ್ಬದ ನಮಸ್ತೆ..(ಪೂಚಂತೆ ಯಾರಂತೆ?) (ಕವನ + ಕಿರು ಬರಹ)

00090. ಅವರಿತ್ತ ಜೀವನ ಭಿಕ್ಷೆ (ಕವನ + ಕಿರು ಬರಹ)

00089. ಶ್ರಾವಣ (ಕವನ + ಕಿರು ಬರಹ)

00088. ಮಿನುಗುತಾರೆ, ಗುನುಗುತ್ತಾರೆ… (ಕವನ + ಕಿರು ಬರಹ)

00087. ಡಾಲರ ರೂಪಾಯಿ ಲೆಕ್ಕಾಚಾರ (ಕವನ + ಕಿರು ಬರಹ)

00086. ಗೋಕುಲದಲಿ ಅಷ್ಟಮಿ , ಗೋಕುಲಾಷ್ಟಮಿ.. (ಕವನ + ಕಿರು ಬರಹ)

00085. ಜಲಚಕ್ರ (ಕವನ + ಕಿರು ಬರಹ)

00084. ವರಮಹಾಲಕ್ಷ್ಮಿ ವ್ರತ (ಕವನ + ಕಿರು ಬರಹ)

00083. ಅಷ್ಟಲಕ್ಷ್ಮಿಯರ ವರ (ಕವನ + ಕಿರು ಬರಹ)

00082. ಭಾರತಿಮನ, ಭಾರತಿತನ! (ಕವನ)

00081. ಮತ್ತೊಂದು ಸ್ವಾತಂತ್ರದ ದಿನ…. (ಕವನ + ಕಿರು ಬರಹ)

00080. ನಿಯತಿಯ ಶಿರ (ಕವನ)

00079. ಬದಲಾಗಬೇಕಾಗಿದ್ದು ನಾವು-ನೀವಾ ಅಥವಾ ಈ ವ್ಯವಸ್ಥೆಯಾ? (ಚಿಂತನೆ + ಲೇಖನ + ವಾಸ್ತವ )

00078. ಕಟ್ಟುವ ಬನ್ನಿ ಕನ್ನಡ ಉಳಿಸಿ ಬೆಳೆಸುವ ಪೀಳಿಗೆ (ಚಿಂತನೆ + ಅಂಕಣ: ಚಿಂತಕರ ಚಾವಡಿ (ಕನ್ನಡ ಸಂಘ)+ ಲೇಖನ + ಸಿಂಚನ)

00077. ಮೋಡ ಚುಂಬನ..ಗಾಢಾಲಿಂಗನ.. (ಕವನ + ಕಿರು ಬರಹ)

00076. ಎರಡು ಆಷಾಡ ಗೀತೆಗಳು (ಕವನ + ಕಿರು ಬರಹ)

00075. ಪುಟ್ಟನ ಅಳಲು .. (ಕವನ + ಕಿರು ಬರಹ)

00074. ಕಲಿಯಲು ಎಲ್ಲಿದೆ ಬಿಡುವು? (ಕವನ + ಕಿರು ಬರಹ)

00073. ದೆವ್ವ ಭೂತದ ಭೀತಿ! (ಕವನ)

00072. ಆಧ್ಯಾತ್ಮಿಕ ಕರ ಬಾಡಿಗೆ ತರ..! (ಕವನ + ಕಿರು ಬರಹ)

00071. ಅಸಂಗತ..! (ಕವನ + ಕಿರು ಬರಹ)

00070. ಹೆಣ್ಮನದ ಹವಾಗುಣ….! (ಕವನ + ಕಿರು ಬರಹ)

00069. ಬಿಟ್ಟುಬಿಡಿ ಸಿಗರೇಟು…! (ಬಿಟ್ಟು ಬೀಡಿ ಸಿಗರೇಟು..) (ಕವನ + ವಾಸ್ತವ)

00068. ಚಿಲ್ಲರೆ ಅಂಗಡಿ ಕಾಕ , ರೀಟೇಲಲಿ ಅಕ್ಕಿ..! ( ಕವನ + ವಾಸ್ತವ)

00067. ಧೂಮಸ್ನಾನ….! (ಕವನ + ವಾಸ್ತವ)

00066. ಧೂಮ-ಸಾಹಿತ್ಯ…! (ಕವನ + ವಾಸ್ತವ)

00065. ಸರಿ ತಪ್ಪುಗಳ ಲೆಕ್ಕ (ಚಿತ್ರಗುಪ್ತ ವಾಗ್ವಾದ – ಪೂರ್ವಾರ್ಧ: ಲಘು ಹಾಸ್ಯದ ಧಾಟಿ) (ಕವನ + ಕಿರು ಬರಹ)

00064. ಗಂಗಾವತಾರಣ (ಗಂಗಾ + ಅವತಾರ + ರಣ) (ಕವನ + ಬರಹ + ವಾಸ್ತವ + ಪೌರಾಣಿಕ)

00063. ಗಂಗಾವತರಣ…! (ಕವನ + ಕಿರು ಬರಹ)

00062. ಪಾಂಚಾಲಿಯ ಹಾಡು (ಕವನ + ಕಿರು ಬರಹ)

00061. ಈ ಅಪ್ಪಗಳು (ಕವನ + ಕಿರು ಬರಹ)

00060. ಸಾವೆಂಬ ಸಕಲೇಶಪುರದಲ್ಲಿ….!

00059. ನಿರಂತರ ಕುಣಿತ! (ಕವನ)

00058. ಗುಂಪಿನೊಳಗವಿತಿದೆಯೆ ವರ್ಣ? (ಕವನ + ಕಿರು ಬರಹ)

00057. ಈ ದಿನ ತನು ಮನ ಭಾವ….! (ಕವನ)

00056. ಹಿತ್ತಲ ಗಿಡದ ಮದ್ದು (ಕವನ + ಕಿರು ಬರಹ)

00055. ಏಕಾಂತದ ಏಕಾಂತ…! (ಕವನ + ಕಿರು ಬರಹ)

00054. ಈ ಅಮ್ಮಗಳು (ಕವನ + ಕಿರು ಬರಹ)

00053. ಚುನಾವಣಾ ಫಲಿತಾಂಶ ! (ಕವನ)

00052. ಸೃಷ್ಟಿ ರಹಸ್ಯ..! (ಈ ಅಂಡ ಪಿಂಡ ಬ್ರಹ್ಮಾಂಡದ ಸಶೇಷ ಭಾಗ) (ಕವನ + ಕಿರು ಬರಹ)

00051. ಈ ಅಂಡ ಪಿಂಡ ಬ್ರಹ್ಮಾಂಡ …(ಕವನ + ಕಿರು ಬರಹ)

00050. ಈ ಏಪ್ರಿಲ್ಲಿಗೇಕೊ ಮುನಿಸು…(ಕವನ + ಕಿರು ಬರಹ)

00049. ಯುಗಾದಿಯಾಗಲಿ ಜಾಗತಿಕ…! (ಕವನ)

00048. ಒತ್ತಡಗಳ ಬೆತ್ತ ! (ಕವನ)

00047. ಸುಖಕಿರುವ ಅವಸರ….! (ಕವನ)

00046. ತ್ಸುನಾಮಿ ಹೊತ್ತಲಿ…(ಕವನ)

00045. ಗುಬ್ಬಣ್ಣನ ಸ್ವಗತಗಳು (ಚುಟುಕಗಳು)

00044. ಮುಗಿದರೆ ಇಹ ವ್ಯಾಪಾರ…..(ಕವನ)

00043. ಮಾತಿಗೊಬ್ಬರ ….(ಕವನ)

00042. ವಚನದಲ್ಲಿ ನಾಮಾಮೃತ ತುಂಬಿದ ವಚನಾಂಜಲಿ ಕಾರ್ಯಕ್ರಮ (ವರದಿ) (ಕನ್ನಡ ಸಂಘ + ವರದಿ + ಲೇಖನ)

00041. ‘ಕನ್ನಡ ಪ್ರಭ’ದ ಕಬ್ಬಿಗ ತೋಟದಲ್ಲರಳಿದ ಡಬ್ಲ್ಯು. ಬಿ. ಏಟ್ಸನ ಕವನ : ನನ್ನ ಮೊದಲ ಅನುವಾದದ ಯತ್ನ..(ಕವನ + ಬರಹ)

00040. ಆಗ್ನೇಯೇಷ್ಯಾದ ಹಣ್ಣಿನ ರಾಣಿ – ‘ಮಾಂಗಸ್ಟೀನ್’! (ಹಣ್ಣುಗಳ ಪರಿಚಯ + ಲಘು ಹಾಸ್ಯ)

00039. “ಮುದ್ದಣ್ಣ ಮನೋರಮೆ ಕಲಿತ ಚೀನಿ ಭಾಷೆ – 01!” (ಹಾಸ್ಯಬರಹ + ಹರಟೆ + ವ್ಯಂಗ್ಯ)

00038 – ಹೊಸ (ಹಳೆ) ರುಚಿ: “ಹಸಿ-ಹುಳಿ” (ಹೊಸ ರುಚಿ + ಲಘು ಹಾಸ್ಯ)

00037 – ರುಚಿಗೆ ರಾಜಾ, ವಾಸನೆಯೆ ಗಾರ್ಬೇಜಾ! (ಹಣ್ಣುಗಳ ಪರಿಚಯ + ಲಘು ಹಾಸ್ಯ)

00036 – ಈ ಕೆಂಪಮ್ಮನ ಹೆಸರೆ ಡ್ರಾಗನ್ ಫ್ರೂಟು, ನೋಡಲೆ ಸೊಗಸು ಅವಳಾಕಿದ ಸೂಟು! (ಹಣ್ಣುಗಳ ಪರಿಚಯ + ಲಘು ಹಾಸ್ಯ)

00035 – ಜುಟ್ಟಿನ ಬಟ್ಟೆ ಹೊದ್ದ ‘ಕೇಶೀರಾಜ’, ಮುತ್ತಿನ ಬಣ್ಣದ ‘ರಂಬೂತಾನ್’ ಹಣ್ಣೆ ಖನಿಜ! (ಹಣ್ಣುಗಳ ಪರಿಚಯ + ಲಘು ಹಾಸ್ಯ)

00034 – ವಿಷಾಪಹಾರಿ ‘ಡ್ರಾಗನ್ನಿನ ಕಣ್ಣು’, ಈ ರುಜಾಪಹಾರಿ ‘ಲೊಂಗನ್’ ಹಣ್ಣು! (ಹಣ್ಣುಗಳ ಪರಿಚಯ + ಲಘು ಹಾಸ್ಯ)

033A – ಸಿಂಗಾಪುರದ “ಹಾವ್ ಪಾರ ವಿಲ್ಲಾ” ದೃಶ್ಯ ಕಲಾ ತೋಟ! (photos) (ಪ್ರವಾಸಿ ತಾಣ ಪರಿಚಯ + ಪ್ರವಾಸ ಅನುಭವ)

033 – ಸಿಂಗಪುರದಲ್ಲಿನ ಚೀಣಿ ದೃಶ್ಯ ಕಾವ್ಯ “ಹಾವ್ ಪಾರ್ ವಿಲ್ಲಾ” ( ಪ್ರವಾಸಿ ತಾಣ ಪರಿಚಯ + ಪ್ರವಾಸ ಅನುಭವ + ಲಘು ಹಾಸ್ಯ)

00032 – ಸಂಪತ್ತಿನ ಬೀಜ, ಸಸಿ ಮತ್ತು ವೃಕ್ಷಗಳ ನೀತಿ ಭೋಧಕ ಕಥೆ (ಆಧುನಿಕ ಪುರಾಣ ಕಥಾ ಕಾಲಕ್ಷೇಪ)! (ಆಧುನಿಕ ನೀತಿ ಭೋಧೆ + ವಿಡಂಬನೆ + ವ್ಯಂಗ್ಯ)

00031 – ಅಪೂರ್ವ ಕವನದ ಕುರಿತು ಹಿರಿಯ ಕವಿಯೊಬ್ಬರ ಮಾತು (ಲೇಖನ + ಬರಹ + ಪ್ರಬಂಧ + ಕವನ + ವ್ಯಕ್ತಿತ್ವ )

00030 – ಪುಸ್ತಕ ವಿಮರ್ಶೆ: ಮಾವೋನ ಕೊನೆಯ ನರ್ತಕ (ಪುಸ್ತಕ ವಿಮರ್ಶೆ)

00029. ಇರುವೆ ಮತ್ತು ಒಂದು ತುಂಡು ರೊಟ್ಟಿಯ ಕಥೆ! (ಆಧುನಿಕ ನೀತಿ ಭೋಧೆ + ವಿಡಂಬನೆ + ವ್ಯಂಗ್ಯ)

00028. ಸಿಂಗನ್ನಡಿಗರಿಂದ ಸಿಂಗನ್ನಡಿಗರಿಗಾಗಿ! – ಸಿಂಗಾರ ಉತ್ಸವ 2013 (ಕನ್ನಡ ಸಂಘ + ವರದಿ + ಲೇಖನ )

00027. ಗುಬ್ಬಣ್ಣನ ಯೂನಿವೆರ್ಸಲ್ ಸ್ಟುಡಿಯೊ ದಂಡಯಾತ್ರೆ ! (ಭಾಗ – 02) (ಹಾಸ್ಯಬರಹ + ಹರಟೆ)

00026. ಗುಬ್ಬಣ್ಣನ ಯೂನಿವೆರ್ಸಲ್ ಸ್ಟುಡಿಯೊ ದಂಡಯಾತ್ರೆ ! (ಭಾಗ – 01) (ಹಾಸ್ಯಬರಹ + ಹರಟೆ)

00025. ಸರಿಯಪ್ಪಾ ಸಾಕು ಬಿಡು ಕಲಿಸಿದ್ದು ಸುಗ್ಗಿ, ಉರು ಹೊಡೆದೇ ಕಲಿವೆ ನಾ ಕನ್ನಡದ ಮಗ್ಗಿ! ( ಲಘು ಹಾಸ್ಯ + ಕಥನ + ಅನುಭವ)

00024. ಜತೆ ನೀ ಕಾಡಿಗೆ , ಹೋಗಲಿಲ್ಲವೇಕೆ ಊರ್ಮಿಳೆ? (ಬರಹ + ಕಾವ್ಯಬರಹ + ಪೌರಾಣಿಕ + ವ್ಯಕ್ತಿತ್ವ + ಪಾತ್ರ)

00023. ಶೂರ್ಪನಖಿ, ಆಹಾ! ಎಂಥಾ ಸುಖಿ! (ಬರಹ + ಕಾವ್ಯಬರಹ + ಪೌರಾಣಿಕ + ವ್ಯಕ್ತಿತ್ವ + ಪಾತ್ರ)

00022. ದುರಂತ ನಾಯಕಿ ಸೀತೆಯ ಬದುಕು………! (ಬರಹ + ಕಾವ್ಯಬರಹ + ಪೌರಾಣಿಕ + ವ್ಯಕ್ತಿತ್ವ + ಪಾತ್ರ)

00021. ಶ್ರೀ ರಾಮನಿಗೇನಿತ್ತನಿವಾರ್ಯ….? (ಬರಹ + ಕವನ + ಪೌರಾಣಿಕ + ವ್ಯಕ್ತಿತ್ವ + ಪಾತ್ರ)

00020. ಈ ದಿನ ಜನುಮದಿನಾ…..! (ಬರಹ + ಕವನ + ನೆನಪು + ಭಾವನೆ)

00019. ‘ಐ’ಗಳ ಪುರಾಣ – 01….’ಐ’-ಪೋನು, ಪಾಡು, ಪ್ಯಾಡುಗಳ ಪಾಡಿನ ಹರಟೆ, (ಪ್ರಬಂಧ + ಲೇಖನ + ಕಥನ + ಹರಟೆ + ಅನುಭವ)

00018. ಸಿಂಗಪೂರ ಸುತ್ತಾಟ, ಊಟ – ಸಿಕ್ಕಿತ ಕನಿಷ್ಟ ರೋಟಿ, ಪರಾಟ..? (ಪ್ರವಾಸದ ಅನುಭವ + ಕವನ + ಲಘು ಹಾಸ್ಯ )

00017. ಹುಡುಕೂ, ವರ್ಷದ್ಹುಡುಕು ..! (ಹಬ್ಬ + ಹರಿದಿನ + ಸಂಪ್ರದಾಯ + ಬರಹ + ಲೇಖನ)

00016. ಅಂತರಂಗದಂತಃಪುರದ ಕದಪದ ಮನದನ್ನೆಯರು…! (ಬರಹ + ಕವನ + ಅನುಭವ + ಆಡಳಿತಾತ್ಮಕ + ಲಘು ಹಾಸ್ಯ)

00015 – ತರ ತರ ಋತು ಸಂವತ್ಸರ……ಹಳತೊಸತು ಮೇಳೈಸಿತೊ ಬೆರೆತು! (ಹಬ್ಬ + ಹರಿದಿನ + ಸಂಪ್ರದಾಯ + ಬರಹ + ಕವನ)

00014 – ಉಚ್ಚೈಶ್ರವಸ್ಸಿನ ಕಪ್ಪು ಬಾಲದಮಚ್ಚೆ….! (ನೀಳ್ಗಾವ್ಯ + ಕಾವ್ಯ + ಪೌರಾಣಿಕ)

00013 – ಹಾರುತ ದೂರಾದೂರ…..! (ಅನುಭವ + ಪ್ರಬಂಧ + ಹಾಸ್ಯಲೇಖನ + ಲಘು ಹಾಸ್ಯ)

00012. ಹೆಚ್ಚು ಬೆಲೆಯೆಂದರೆ ಶ್ರೇಷ್ಟ ಗುಣಮಟ್ಟವಿರಬೇಕೆಂದೇನಿಲ್ಲ, ಗೊತ್ತಾ! (ಆಡಳಿತಾತ್ಮಕ + ಮ್ಯಾನೇಜ್ಮೆಂಟು + ವ್ಯವಸ್ಥೆ + ವಾಸ್ತವ)

00011. ಲಘು ಪ್ರಬಂಧ: ನನ್ನ ಪ್ರಧಾನ ಸಂಪಾದಕ ಹುದ್ದೆ…! (ಅನುಭವ + ಪ್ರಬಂಧ + ಹಾಸ್ಯಲೇಖನ + ಲಘು ಹಾಸ್ಯ)

00010. ವಿಮರ್ಶೆ : ಕವನ ಸಂಕಲನ: “ಅಂತರ ಹಾಗು ಇತರ ಕವನಗಳು” ಕವಿ: ವಸಂತ ಕುಲಕರ್ಣಿ

00009. ತೊಡಕುಗಳನು ಬಿಡಿಸಲು “ತೊಡಕಿನ ಸಿದ್ದಾಂತ – 01” – (ತೊಡಕು ಸಿದ್ದಾಂತ) (ತಾಂತ್ರಿಕ + ಮ್ಯಾನೇಜ್ಮೆಂಟು + ವ್ಯವಸ್ಥೆ )

00008. ಆ “ಸ್ವಾಭಿಮಾನದ ನಲ್ಲೆ” ಯರ ನೆನೆನೆನೆದು…..(03) (ಬರಹ + ವಿಡಂಬನೆ + ಲೇಖನ)

00007. ಆ “ಸ್ವಾಭಿಮಾನದ ನಲ್ಲೆ” ಯರ ನೆನೆನೆನೆದು…..(02) (ಬರಹ + ವಿಡಂಬನೆ + ಲೇಖನ)

00006. ಆ “ಸ್ವಾಭಿಮಾನದ ನಲ್ಲೆ” ಯರ ನೆನೆನೆನೆದು…..(01) (ಬರಹ + ವಿಡಂಬನೆ + ಲೇಖನ)

00005. ಮೆಲ್ಲುಸಿರೆ ಸವಿಗಾನ….! (ಬರಹ + ಭಾವನೆ + ವಿಮರ್ಶೆ)

00004. ಗಮನೇಶ್ವರಿಯ ಗಮಕ, ವಯಸ್ಸಿನಾ ಮಯಕ…! (ಬರಹ + ಅನುಭವ)

00003. ನೀನೋದಿದ ವಿದ್ಯೆಗೆಲ್ಲಿಡುವೆ ನೈವೇದ್ಯ? (ಲೇಖನ)

00002. ಏನಾಗಿದೀದಿನಗಳಿಗೆ? (ಲೇಖನ)

00001. ಮೊದಲ ಬ್ಲಾಗ್ – ಮನದಿಂಗಿತಗಳ ಸ್ವಗತ! (ಬರಹ + ಕವನ)