01745. ಕನ್ನಡ ತಾಯೆ, ನೀಡೆ ಭಿಕ್ಷೆ..


01745. ಕನ್ನಡ ತಾಯೆ, ನೀಡೆ ಭಿಕ್ಷೆ..

_________________________________

ನೀಡು ಭಿಕ್ಷವ ತಾಯಿ ನೀಡು ಮಾತೆ ಭಿಕ್ಷ

ಅನ್ನ ಬೇಡೆನು ಮಾಡು ಕನ್ನಡವ ಸುಭೀಕ್ಷ

ತಪ ಜಪದ ಹಂಗಿರದೆ ನೀಡಮ್ಮ ಮೋಕ್ಷ

ದೊರಕುವಂತಿರಲಿ ನಿನ್ನ ಕರುಣಾ ಕಟಾಕ್ಷ ||

ಮಾತಾಳಿ ವಾಚಾಳಿ ಮನಸಾರೆ ನುಡಿವ

ಪರಭಾಷೆಯ ಚಾಳಿ ಅಮ್ಮನಾ ಕೊಲುವ

ಮಾತಾಟದಲಿ ಬೇಕೆ ಪರಕೀಯತೆ ಹಂಗು ?

ಮರೆತರೂ ಸರಿಯೆ ಮಾವು ಹಲಸು ತೆಂಗು ? ||

ಇತಿಹಾಸ ಚರಿತೆಯಲಿ ಅಮರವಾಗಿಸಿದೆ

ಅಷ್ಟ ದಿಗ್ಗಜರಂತೆ ಜ್ಞಾನಪೀಠ ಕರುಣಿಸಿದೆ

ಹಲ್ಮಿಡಿ ಶಾಸನ ನಲ್ನುಡಿ ದಾಸ ಶರಣತನ

ಪದ ವಚನ ಸಾಮಾನ್ಯನಧಿಗಮಿಸೆ ಅಜ್ಞಾನ ||

ನವಿರಲಿ ನಯ ನುಡಿ ಕನ್ನಡಿಗರೆದೆಗೆ ಶಿಖರ

ಕುಸುಮ ಪೋಣಿತ ಹಾರ ಸುಂದರಾ ಅಕ್ಷರ

ಹಿರಿಮೆ ಪಡಲೆನಿತಿದೆಯೊ ಅಗಣಿತ ಕೋಟಿ

ಸುಮ್ಮನಿಹನೇಕೊ ಕಂದ ಆದಾಗಲೂ ಲೂಟಿ ? ||

ಎಚ್ಚರಿಸಬೇಕೇಕೊ ಮುಚ್ಚಳಿಕೆ ಬರೆದುಕೊಡು

ಎಚ್ಚರ ತಪ್ಪದ ಕಟ್ಟೆಚ್ಚರದೆ ಕಾವಲು ಸೊಗಡು

ಮಲಗಲಿ ಹೆಮ್ಮೆಯಲವಳು ನೆಮ್ಮದಿ ನಿದಿರೆ

ನಮ್ಮ ಜೋಗುಳದಲಿ ಸ್ವಾವಲಂಬನೆ ಕುದುರೆ ||

– ನಾಗೇಶ ಮೈಸೂರು

೩೦.೦೫.೨೦೧೮

(Picture source: https://goo.gl/images/Kw2YLo)

01492. ಕನ್ನಡ ನಾಡು


01492. ಕನ್ನಡ ನಾಡು

___________________________

ಕನ್ನಡ ನಾಡಿಗೆ ಕನ್ನಡವೆ ಗಾರುಡಿ

ಧಮನಿ ಧಮನಿ ಹರಿದಾಡುವ ಹೊನ್ನುಡಿ

ನೆತ್ತರ ಕಣಕಣ ಬರೆದ ಮುನ್ನುಡಿ

ನರ ನಾಡಿಗಳಲಿ ಅನುರಣಿತ ಜೇನ ನುಡಿ || ಕನ್ನಡ ||

ಭುವನೇಶ್ವರಿ ತಾನಾಡುವ ಭಾಷೆ

ಕವಿಕಾವ್ಯ ಲಹರಿಯಲಿ ಮೆರೆದು ಪರಿಷೆ

ಆಡು ಮಾತೇನು ಬೌದ್ಧಿಕತೆ ಶುದ್ಧ

ಮಿಕ್ಕಿ ಮೂರು ಸಾವಿರ ವರ್ಷ ಪಕ್ವ ಪ್ರಬುದ್ಧ || ಕನ್ನಡ ||

ನಾಡೋಜರಾಳಿದ ಸಾಹಿತ್ಯಲೋಕ

ಪೀಳಿಗೆಯಿಂದ ಪೀಳಿಗೆಗೆ ದಾಟಿಸಿ ಬೆಳಕ

ನಿಂತ ನೀರಲ್ಲ ನಿರಂತರ ಹರಿವು

ಹಳೆ ನಡು ಹೊಸತಲಿ ಕನ್ನಡತನ ಗೆಲುವು || ಕನ್ನಡ ||

ಲಿಪಿಗಳಾ ರಾಣಿ ಮುತ್ತ ಜೋಡಿಸಿತೆ

ದುಂಡುಮಲ್ಲೆ ದಂಡೆ ಸಾಲಾಗಿ ರಾರಾಜಿಸಿತೆ

ಪೋಣಿಸಿ ಕನ್ನಡಿಗರ ಹೃದಯ ಭವ್ಯ

ಕನ್ನಡನಾಡಾಯ್ತೆ ಕನ್ನಡಿಗರೆದೆ ಬರೆದಾ ಕಾವ್ಯ || ಕನ್ನಡ ||

ನಾಡಭಾಷೆ ನಾಡು ಕಟ್ಟಿದ ಚಂದ

ಬೇಧ ಭಾವ ಮರೆಸಿ ಒಗ್ಗೂಡಿಸಿದ ಆನಂದ

ಕರುನಾಡ ಸೀಮೆ ಬೆಸೆದಾಯ್ತು ಏಕ

ಕನ್ನಡಮ್ಮನ ತೇರು ಎಳೆದಾಯ್ತು ಕರ್ನಾಟಕ || ಕನ್ನಡ ||

– ನಾಗೇಶ ಮೈಸೂರು

೨೦.೧೨.೨೦೧೭

02035. ಕಗ್ಗ ೫೮ ರ ಟಿಪ್ಪಣಿ ರೀಡೂ ಕನ್ನಡದಲ್ಲಿ…(ಸೌಮ್ಯ-ರೌದ್ರ ಕೆಳೆಕೂಟ,ಬೆಚ್ಚಿ ಬೆರಗಾಗೋ ಮನದೋಟ..!)


02035. ಕಗ್ಗ ೫೮ ರ ಟಿಪ್ಪಣಿ ರೀಡೂ ಕನ್ನಡದಲ್ಲಿ…(ಸೌಮ್ಯ-ರೌದ್ರ ಕೆಳೆಕೂಟ,ಬೆಚ್ಚಿ ಬೆರಗಾಗೋ ಮನದೋಟ..!)

http://kannada.readoo.in/2017/05/೫೮-ಸೌಮ್ಯ-ರೌದ್ರ-ಕೆಳೆಕೂಟಬೆ

01094. ಚಿನ್ನಾರಿ – ಮುತ್ತು – ಗಡಗಡ – ಕನ್ನಡ


01094. ಚಿನ್ನಾರಿ – ಮುತ್ತು – ಗಡಗಡ – ಕನ್ನಡ

ಚೆಂದದ ಚಿನ್ನಾರಿ ಹೆಂಡತಿಗೆ, ಬೇಕಂತೆ ಬರಿ ಚಿನ್ನದ ಒಡವೆಗಳೆ
ತುಟಿಮುತ್ತು ಸಾಲದು ಆಮಿಷ, ಕೇಳುತ್ತಾಳೆ ಮುತ್ತಿನ ಮಾಲೆ
ಯಾಕಪ್ಪ ನಡುಗುವೆ ಗಡಗಡ, ಪತಿರಾಯ ತಂದುಕೊ ಧೈರ್ಯ
ಹೊಗಳಿ ಓಲೈಸೆ ಕನ್ನಡ ಸತಿ, ಕರಗುವಳು ಸಡಿಲಿಸಿ ಪಟ್ಟಿಯ!

– ನಾಗೇಶ ಮೈಸೂರು
೨೩.೦೧.೨೦೧೭
chouchoupadi

(ಚಿನ್ನಾರಿ – ಮುತ್ತು – ಗಡಗಡ – ಕನ್ನಡ) (೨)

ಕೊಳ್ಳೋಣ ಅಪ್ಪಟ್ಟ ಚಿನ್ನಾರಿ, ಅಗ್ಗವಾಗಿದೆಯಂತೆ ರೇಟು !
ಮುತ್ತು ರತ್ನ ಹವಳ ವಜ್ರದಂತೆ ಏರಿಲ್ಲ ಬೆಲೆ ಸಗಟು 😻😍
ಗಡಗಡ ನಡುಗಿದ ಗಂಡ ಚಿಂತಿಸುತ ಪಾರಾಗೆ ಈ ಕುತ್ತು 😧
ಕನ್ನಡಕದೆ ನುಡಿದ ‘ಚಿಂತೆ ಬಿಡೀಗಲ್ಲ ನಮ್ಚಿನ್ನ ಮಾರೊ ಹೊತ್ತು!’

– ನಾಗೇಶ ಮೈಸೂರು
೨೩.೦೧.೨೦೧೭

00971. ಬಾ ಎಳೆಯುವ ಕನ್ನಡ ರಥ


00971. ಬಾ ಎಳೆಯುವ ಕನ್ನಡ ರಥ
_____________________


ಬಾ ಎಳೆಯುವ ವ್ರತ ಕನ್ನಡ ರಥ
ಇತಿಹಾಸದುಳಿ ಕೆತ್ತಿದ ಶಿಲಾರಥ
ಸಾಕಾರವಾಗೆ ಕಲ್ಪನೆ ಅಮೂರ್ತ
ಮೂರ್ತವಾಗಿ ಸಿರಿಗನ್ನಡ ಸಮರ್ಥ || ಬಾ ಎಳೆಯುವ ||

ಎಡಗೈಯೊ ಬಲದ ಕೈಯೊ
ಹಗ್ಗ ಕಟ್ಟಿ ಎಳೆಯುವ ಮೈಯೊ
ಕಾಲದ ಜತೆ ಹೆಜ್ಜೆ ಹಾಕಿ ಮತ್ತೆ
ನಡೆವ ಕನ್ನಡ ರಥ ಉರುಳಿಸುತ್ತೆ || ಬಾ ಎಳೆಯುವ ||

ತೇರಲ್ಲೊಳಗೆ ಭುವನೇಶ್ವರಿ ಮಾತೆ
ಕಟ್ಟು ಸೇವೆಗೆ ಕಂಕಣ ಭಾಗ್ಯದಾತೆ
ಮುಡಿಪಿಡು ಮನಸು ನುಡಿ ಕನ್ನಡ
ಮಾತಾಗುತಲಿರೆ ಕುಣಿತ ಮೋದ || ಬಾ ಎಳೆಯುವ ||

ಹಳೆಗನ್ನಡವಾಗುತ ನಡುಗನ್ನಡ
ಹೊಸಕನ್ನಡವಾಗಿ ನೆಲೆಸಿ ಗಾಢ
ತಾಯ್ನುಡಿಗೆ ತನು ಮನ ಅರಳೆ
ಬೆನ್ನಟ್ಟೆ ಬೇರೆ ಮುಜುಗರ ಮರುಳೆ || ಬಾ ಎಳೆಯುವ ||

ಬನ್ನಿ ಎಳೆಯುವ ಹಿರಿಕಿರಿ ಜೀವ
ತಾಯ್ಪಲ್ಲಕ್ಕಿಗೇಕೆ ಕಿರಿಕಿರಿ ಭಾವ
ಹೆಮ್ಮೆಯಾಗಿ ಹಗ್ಗ ಗರ್ವಕೆ ಬೇರು
ನಾವು ನಡೆದಲ್ಲೆಲ್ಲ ಕನ್ನಡ ತೇರು || ಬಾ ಎಳೆಯುವ ||

ಬೆಳಗಾವಿ ಮಂಡ್ಯ ಚಿಕ್ಕಬಳ್ಳಾಪುರ
ಕಲಬುರ್ಗಿ ಗದಗ ವಿಜಯಪುರ
ಧಾರವಾಡ ದಾವಣಗೆರೆ ರಾಯಚೂರು
ಉಡುಪಿ ಬೀದರ ಬೆಂಗಳೂರು || ಬಾ ಎಳೆಯುವ ||

ಕೊಪ್ಪಳ ಹಾಸನ ಕೋಲಾರ
ಬಳ್ಳಾರಿ ಕೊಡಗು ರಾಮನಗರ
ತುಮಕೂರು ಹಾಸನ ಹಾವೇರಿ
ಮೈಸೂರು ಶಿವಮೊಗ್ಗ ಯಾದಗಿರಿ || ಬಾ ಎಳೆಯುವ ||

ಚಿಕ್ಕಮಗಳೂರು ಉತ್ತರಕನ್ನಡ
ಬಾಗಲಕೋಟೆ ದಕ್ಷಿಣಕನ್ನಡ
ಚಾಮರಾಜನಗರ ಚಿತ್ರದುರ್ಗ
ಕನ್ನಡ ಜಿಲ್ಲೆ ಹೆಸರುಗಳಲೆ ಸ್ವರ್ಗ || ಬಾ ಎಳೆಯುವ ||

– ನಾಗೇಶ ಮೈಸೂರು

(ಚಿತ್ರ ಮೂಲ: ಕನ್ನಡ ಮೇಮ್ಸ್ ನ ಮೂಲಚಿತ್ರ ಪರಿಷ್ಕರಿಸಿದ್ದು )

00934. ಕನ್ನಡ ರಾಜ್ಯೋತ್ಸವ – 31 ದಿನ ಬಾಕಿ !


00934. ಕನ್ನಡ ರಾಜ್ಯೋತ್ಸವ – 31 ದಿನ ಬಾಕಿ !
______________________________


ನವೆಂಬರ ಒಂದು –
ಮುವ್ವತ್ತೊಂದೆ ದಿನ ಬಾಕಿ
ಏಳಿ ಎದ್ದೇಳಿ ಮೈ ಕೊಡವಿ
ಹಳದಿ ಕೆಂಪು ಕೈಗೆತ್ತಿಕೊಂಡು
ಬಣ್ಣ ಬಾವುಟ ಘೋಷಣೆ ಸದ್ದು.. ||

ಅರಿಶಿನ ಕುಂಕುಮ
ಹಳದಿ ಕೆಂಪು ಅಮಿತ
ದೇವಿ ಪೂಜೆಗವೆರಡೇ ಸಾಕು
ಅರ್ಚನೆ ಪ್ರಸಾದ ತೀರ್ಥ
ಪೂಜನೀಯ ಭಕ್ತಿಯ ಸರಕು ||

ಅರಿಶಿನ ದಿನಕರನಂತೆ
ಉದಯ ನಾಡಾಗಿ ಚೆಲುವು
ಮುತ್ತೈದೆಯ ಭಾಗ್ಯಕು ನೆಲೆ
ಹಚ್ಚಿದ ಹೆಣ್ಣು ಪೂಜನೀಯ
ಅದೆ ಗೌರವ ನೆಲೆ ಮನನೀಯ||

ನೆತ್ತರಂತೆ ಕುಂಕುಮ
ದುಷ್ಟ ದಮನ ದೇವಿ ಘನ
ನೊಸಲಿಗದೆ ಸುರಕ್ಷೆ ತಿಲಕ
ಭಾವಕೂ ಭಕ್ತಿಗೂ ಪುಳಕ
ಸಂಬಂಧಗಳ ಮನೋಧರ್ಮ ||

ಪೂಜನೀಯ ಸಂಕರ
ಪವಿತ್ರ ಮಿಲನ ದ್ವೈತ
ಕನ್ನಡ ಬಾವುಟ ಅದ್ವೈತ
ಭುವನೇಶ್ವರಿ ಪರಕಾಯ
ಕನ್ನಡ ನಾಡು ನುಡಿ ಧ್ಯೇಯ ||

– ನಾಗೇಶ ಮೈಸೂರು
01.10.2016
http://mba.ind.in/forum/karnataka-rajyotsava-images-21683.html

00931. ಕಿಚ್ಚು ಹಚ್ಚುವ ಬಾ ಕನ್ನಡ ಪ್ರೇಮಕೆ..


00931. ಕಿಚ್ಚು ಹಚ್ಚುವ ಬಾ ಕನ್ನಡ ಪ್ರೇಮಕೆ..
________________________


ದೀಪ ಹಚ್ಚುವ ವೇಳೆ
ಧೂಪ ಹಾಕುವ ಸಮಯ
ಹೊತ್ತಿಸು ಊದಿನಕಡ್ಡಿ
ಬೆಳಗಿಸು ಮಂಗಳಾದಾರತಿ
ಕಿಚ್ಚು ಹಚ್ಚುವ ಬಾ ಕನ್ನಡ ಪ್ರೇಮಕೆ ||

ಜ್ವಾಜಾಲಮಾಲಾ ಬೆಳಗಲಿ
ಉಜ್ವಲ ಕಾಂತಿ ಹೊಮ್ಮಲಿ
ದಿಕ್ಕುದಿಕ್ಕುಗಳೆಡೆ ಪಸರಿಸಲಿ
ಕನ್ನಡ ಕಂಪ ಹೊತ್ತು ಮೆರೆಸಲಿ
ಕಿಚ್ಚು ಹಚ್ಚುವ ಬಾ ಕನ್ನಡ ಪ್ರೇಮಕೆ ||

ಜೊಳ್ಳೆಲ್ಲ ಉರಿದು ಹೋಗಲಿ
ಎಳ್ಳುಬತ್ತಿ ಹರಕೆ ತೀರಿಸಲಿ
ಪುಟಕ್ಕಿಟ್ಟ ಅಪರಂಜಿ ಹೇಮ
ಜಗಮಗಿಸಲಿ ಕನ್ನಡದ ಪ್ರೇಮ
ಕಿಚ್ಚು ಹಚ್ಚುವ ಬಾ ಕನ್ನಡ ಪ್ರೇಮಕೆ ||

ಕಿಚ್ಚುರಿಸಲಿ ನೀರಸ ನಿರ್ಲಿಪ್ತತೆ
ತುಡಿಸುತ್ತ ಹೃದಯದಲಾಪ್ತತೆ
ಉರಿದ್ಹೋಗಲಿ ಸಂಕೋಚ ಕೀಳರಿಮೆ
ತೊಲಗಿಸಲಿ ಸೌಜನ್ಯದ ಹುಸಿ ಸೀಮೆ
ಕಿಚ್ಚು ಹಚ್ಚುವ ಬಾ ಕನ್ನಡ ಪ್ರೇಮಕೆ ||

ಹಿಂದೆಂದಿಗಿಂತ ಇಂದು ಏ ಬಂಧು
ಅನಿವಾರ್ಯ ಒಗ್ಗೂಡಿಸೆ ಸುಸಿಂಧು
ಬಿಡು ಮತ ಜಾತಿ ಒಕ್ಕಲು ಪ್ರಾಂತ್ಯ
ಮಾಡಿಸುತೆಲ್ಲ ಬೇಧ ಭಾವಕೆ ಅಂತ್ಯ
ಕಿಚ್ಚು ಹಚ್ಚುವ ಬಾ ಕನ್ನಡ ಪ್ರೇಮಕೆ ||

– ನಾಗೇಶ ಮೈಸೂರು
30.09.2016
(Pictures source Internet / Facebook)

00916. ಕನ್ನಡ ಸಿರಿಗನ್ನಡಿ…


00916. ಕನ್ನಡ ಸಿರಿಗನ್ನಡಿ…
_________________________________________

(ಕನ್ನಡ ರಾಜ್ಯೋತ್ಸವ – 31 ದಿನ ಬಾಕಿ !)


ಕನ್ನಡಂ ಸಿರಿಗನ್ನಡಂ ಕನ್ನಡಿ ನಲ್ನುಡಿ ಗಾರುಡಿ
ಗದ್ಯಂ ಪದ್ಯಂ ಹೃದ್ಯಂ ಕನ್ನಡಿಗರೆದೆ ಗರ್ಭಗುಡಿ
ಗೂಢಂ ನಿಗೂಢಂ ಹೃದಯವೈಶಾಲ್ಯ ಮೂಲಂ
ಗಾಢಾಲಿಂಗನ ಗಾಢಂ, ಮನಕುಲವೊಂದೇ ವಲಂ ||

ನೇತ್ರೆ ಕಾವೇರಿ ಕಪಿಲ ಹಾರಂಗಿ ತುಂಗಾ ಭದ್ರಂ
ತೀರ ಸಾಗರ ಕರಾವಳಿ ನಾಗರೀಕತೆ ಸುಭದ್ರಂ
ಮಲೆನಾಡು ಬಯಲುಸೀಮೆ ಉತ್ತರದಕ್ಷಿಣ ಧ್ರುವಂ
ದ್ರಾವಿಡ ಮುಕುಟ ವಿನೀತಂ ಕೊಡುಗೈ ಕರ್ಣ ವಂಶಂ ||

ತುಳುನಾಡು ಕೊಂಕಣಿ ಕೊಡವ ನೆಲದ ಗಮನೀಯಂ
ಘಮಘಮಿಪ ಏಲಕ್ಕಿ ಕಾಫಿ ಗಜದಂತ ಗಂಧ ಸುಗಂಧಂ
ಆಗುಂಬೆ ಶರಾವತಿ ಜೋಗಂ ಸಹ್ಯಾದ್ರಿ ಸಹಯೋಗಂ
ಯಾಣ ಭಸ್ಮಾಸುರ ತಾಣಂ ಮುರುಡೇಶ್ವರ ಶಿವ ದೇಗುಲಂ ||

ಶೃಂಗೇರಿ ಹೊರನಾಡು ಕೊಲ್ಲೂರು ಕುಕ್ಕೆ ಧರ್ಮಸ್ಥಳಂ
ಉಡುಪಿ ಮೇಲ್ಕೋಟೆ ಬೀಜಾಪುರ ಶ್ರವಣ ಬೆಳಗೊಳಮ್
ಚಿತ್ರದುರ್ಗ ಶಿವಗಂಗಾ ಶಿವಸಮುದ್ರ ರಾಮನಗರಂ
ಚೆನ್ನಪಟ್ಟಣಂ ಬೆಳಗಾವಿ ಕಾಕನ ಕೋಟೆ ಬಂಡೀಪುರಂ ||

ಮೈಸೂರು ಮಂಗಳೂರು ಬೆಂಗಳೂರು ಉದ್ಯಾನವನಂ
ಹುಬ್ಬಳಿ ಧಾರವಾಡ ಕನ್ನಡ ಸೊಗ ಬಸವೇಶ್ವರ ಜಯಂ
ದಾಸಂ ಸರ್ವಜ್ಞಮ್ ಕುವೆಂಪು ಕಾರಂತ ಮಾಸ್ತಿ ಅಸ್ತಿತ್ವಂ
ಮುದ್ದಣ ಕುಮಾರವ್ಯಾಸ ನೃಪತುಂಗ ಅಮುಕ್ತ ವಿವರಂ ||

– ನಾಗೇಶ ಮೈಸೂರು
19.09.2016

(ಯಾವುದೇ ಸಿದ್ಧತೆಯಿಲ್ಲದೆ ಮನಸಿಗೆ ತೋಚಿದ ಹೆಸರುಗಳನ್ನೂ ಬಳಸಿದ್ದೇನೆ – ಸಾಂಕೇತಿಕವಾಗಿ. ಉದ್ದೇಶಪೂರಿತವಾಗಿ ಯಾವುದನ್ನು ಸೇರಿಸಿಲ್ಲ ಅಥವಾ ಬಿಟ್ಟಿಲ್ಲ. ಹೀಗಾಗಿ ಬಿಟ್ಟು ಹೋಗಿರುವ ಎಷ್ಟೋ ಹೆಸರುಗಳಿಗಾಗಿ ಕ್ಷಮೆ ಇರಲಿ. ಆಗಲೇ ಹೇಳಿದಂತೆ ಹೆಸರುಗಳಿಲ್ಲಿ ಸಾಂಕೇತಿಕ ಮತ್ತು ಪ್ರಾತಿನಿಧಿಕ ಮಾತ್ರ 😊🙏)

(Photo from internet / Facebook)

00668. ರಾಜ್ ಇಲ್ಲದ ಕನ್ನಡವೆಂತು ?


00668. ರಾಜ್ ಇಲ್ಲದ ಕನ್ನಡವೆಂತು ?
___________________________

ಏನಪ್ಪಾ ಗತಿ ಕನ್ನಡ ?
ನಿನ್ನ ಹೆಸರಿಲ್ಲದಿದ್ದರೆ ಅಡ್ಡ
ನುಂಗಿ ನೀರು ಕುಡಿದು ಸಕಲ
ಕನ್ನಡ ಹುಡುಕಿದರೂ ಸಿಗದ ಕಾಲ..

ಕಾಲಾಡಿಸಲು ಬಂದವರು
ಜೀವಕಾಲವಿಲ್ಲೇ ಕಳೆವ ಜನರು
ಕಲಿತಾಡಲಿ ಕನ್ನಡನುಡಿ ಬೆರೆಯುತ್ತೆ
ನೋಡಲಿ ಸಾಕು ಸಿನಿಮಾಗಳೆ ಕಲಿಸುತ್ತೆ..

ಮಕ್ಕಳು-ಮರಿಗು ರೀತಿ
ಜೀವನಮೌಲ್ಯದ ಪಾಠ ನೀತಿ
ಬೇಕಲ್ಲವೆ ಬದುಕಿನಡಿಪಾಯ ಸೂತ್ರ
ತೋರಿಸಿ ಸಾಕು ರಾಜಣ್ಣನ ಜೀವನ ಚೈತ್ರ..

ಜನುಮ ದಿನ ಬರಿ ನೆಪ
ನಿತ್ಯ ಸಿನಿಮ ಹಾಡಲಿ ಜಪ
ನೋಡಿ ಕನ್ನಡ ಟೀವಿ ಚಂದದಲಿ
ಚಂದನ ಸುಗಂಧ ಕಸ್ತೂರಿ ಹರಡಲಿ..

ಬೇಡಿನ್ನೇನು ಸ್ಮರಣೆ ನೆನಪು
ಕನ್ನಡ ಮಾತಾಡಿದರದೆ ಕಂಪು
ನಾಡುನುಡಿ ಉಳಿಸೆ ಜೊತೆಗೂಡೆ
ಜತೆಯಾಗಿ ಸದಾ ಕನ್ನಡ ರಾಜನ ಹಾಡೆ..

– ನಾಗೇಶ ಮೈಸೂರು

00455. ಲಘುಹಾಸ್ಯ / ಹರಟೆ: ಗುಬ್ಬಣ್ಣ ಮತ್ತು ಗುಣಿತಾಕಾಕ್ಷರಗಳು..


00455. ಲಘುಹಾಸ್ಯ / ಹರಟೆ: ಗುಬ್ಬಣ್ಣ ಮತ್ತು ಗುಣಿತಾಕಾಕ್ಷರಗಳು..
________________________________________________________

ಮಟಮಟ ಮಧ್ಯಹ್ಮದ ಸುಡು ಬಿಸಿಲಲ್ಲಿ ಬೋರಾಗಿ ಪೇಪರು ತಿರುವುತ್ತಾ ಕೂತಿದ್ದರು ಯಾಕೊ ಮನಸೆಲ್ಲ ಇನ್ನೆಲ್ಲೊ ಇತ್ತು.. ಇಂಥಹ ಸಮಯದಲ್ಲಿ ಗುಬ್ಬಣ್ಣನಾದರು ಇದ್ದಿದ್ದರೆ ಹಾಳು ಹರಟೆ ಹೊಡೆಯುತ್ತಾ ಕಾಲಾಯಾಪನೆ ಮಾಡಬಹುದಿತ್ತಲ್ಲ ಎನಿಸಿ ಮೊಬೈಲ್ ಕೈಗೆತ್ತಿಕೊಂಡು ಕಾಲ್ ಮಾಡಿದೆ. ಗುಬ್ಬಣ್ಣ ಯಾಕೊ ಪೋನ್ ಎತ್ತುವಂತೆ ಕಾಣಲಿಲ್ಲ ಅನಿಸಿದಾಗ ಒಂದು ವಾಟ್ಸಪ್ ಮೆಸೇಜ್ ಕಳಿಸಿದೆ – ‘ಗುಬ್ಬಣ್ಣ, ವಾಟ್ಸ್ ಅಪ್?’ ಎನ್ನುವ ತುಂಡು ಸಂದೇಶವನ್ನೆ ರವಾನಿಸುತ್ತಾ.. ಆದಾಗಿ ಐದು ನಿಮಿಷ ಕಳೆದರು ಆ ಕಡೆಯಿಂದ ಸದ್ದೆ ಇಲ್ಲ. ಸರಿ ಯಾವುದಾದರು ಟೀವಿ ಚಾನಲ್ಲನ್ನಾದರು ಹುಡುಕುತ್ತ ರಿಮೋಟನ್ನು ಗೋಳಾಡಿಸೋಣ ಎಂದುಕೊಂಡು ಮೇಲೇಳುವ ಹೊತ್ತಿಗೆ ಸರಿಯಾಗಿ ವಾಟ್ಸಪ್ಪಿನ ಇನ್ ಕಮಿಂಗ್ ಮೆಸೇಜ್ ಬಂದಿತ್ತು – ಗುಬ್ಬಣ್ಣನಿಂದಲೆ..

‘ನಥಿಂಗ್ ಅಪ್ ಸಾರ್ ಆಲ್ ಡೌನ್… ಲೈಬ್ರರಿಲಿದೀನಿ’

ಯಥಾರೀತಿ ನಾ ಪೂರ್ತಿ ಕನ್ಫ್ಯೂಸ್… ನಾ ಕೇಳಿದ್ದೆ ಒಂದಾದರೆ ಬರುವ ಉತ್ತರವೆ ಇನ್ನೊಂದು..

‘ಗುಬ್ಬಣ್ಣಾ…. ಬೀ ಸೀರಿಯಸ್.. ಐ ಅಮ್ ನಾಟ್ ಟಾಕಿಂಗ್ ಎಬೌಟ್ ಸ್ಟಾಕ್ ಅಂಡ್ ಷೇರು ಮಾರ್ಕೆಟ್ ಅಪ್ ಅಂಡ್ ಡೌನ್..ಎಲ್ಲಿ ಹಾಳಾಗೋಗಿದ್ದೀಯಾ ಎಂದೆ ಅಷ್ಟೆ.. ಯಾವ ಲೈಬ್ರರೀಲಿದೀಯಾ ? ಅಂಗ್ ಮೋ ಕಿಯೊ ಬ್ರಾಂಚಾ? ಸಕತ್ ಬೋರಾಗ್ತಿದೆ ನಾನು ಅಲ್ಲಿಗೆ ಬರ್ತೀನಿ ತಾಳು’ ಎಂದು ಉದ್ದದ ಮೆಸೇಜ್ ಕಳಿಸಿದೆ.. ಹಾಳು ಹೊಸ ಪೀಳಿಗೆಯ ಹುಡುಗರ ಹಾಗೆ ತುಂಡು ಸಂದೇಶ ಕಳಿಸಲು ಬರದಿದ್ದಕ್ಕೆ ನನ್ನನ್ನೆ ಶಪಿಸಿಕೊಳ್ಳುತ್ತಾ..

‘ಇಲ್ಲಾ ಸಾರ್ ಮೀಟಿಂಗ್ ಆಗಲ್ಲ.. ಆಂಗ್ ಮೋ ಕಿಯೊಲಿಲ್ಲ..ಕನ್ನಡ ಲೈಬ್ರರಿಲಿದೀನಿ..’

ಸಿಂಗಪುರದಲ್ಲೆಲ್ಲಿಂದ ಬರ್ಬೇಕು ಕನ್ನಡ ಲೈಬ್ರರಿ ? ಮತ್ತೊಂದು ಟ್ರೈನು ಹತ್ತಿಸ್ತಾ ಇದಾನೆ ಪಾರ್ಟಿ ಅನ್ಕೊಂಡು, ‘ ಗುಬ್ಬಣ್ಣ.. ನೊ ಮೋರ್ ಡ್ರಾಮಾ ಪ್ಲೀಸ್.. ಸಿಂಗಪುರದಲ್ಲೆಂತ ಕನ್ನಡ ಲೈಬ್ರರಿ ..? ರೀಲು ಬಿಡೋಕು ಒಂದು ಲಿಮಿಟ್ ಇರ್ಬೇಕು..ಎಲ್ಲಿದ್ದೀಯಾ ಹೇಳು.. ಸಿಟಿ ಬ್ರಾಂಚಾ ?’ ಎಂದೆ.

‘ ಅಯ್ಯೊ.. ನೋ ಸಾರು.. ನಿಜ್ಜ ಕನ್ನಡ ಲೈಬ್ರರಿಲಿ ಕೂತಿದೀನಿ..ಮೈಸೂರಲ್ಲಿದೀನಿ.. ಸಿಂಗಪುರದಲ್ಲಿಲ್ಲಾ.. ‘ ಎಂದು ಹೊಸ ಬಾಂಬ್ ಬೇರೆ ಹಾರಿಸಿದ..!

ನನಗೆಲ್ಲ ಅಯೋಮಯ.. ಯಾವ ಮೈಸೂರು ? ಯಾವ ಕನ್ನಡ ಲೈಬ್ರರಿ ? ಎಲ್ಲಿಯ ಗುಬ್ಬಣ್ಣ ? ಎಲ್ಲಿಯ ಸಿಂಗಪುರ? ಯಾವುದಕ್ಕು ಲಾಜಿಕಲ್ ಕನೆಕ್ಷನ್ನೆ ಕಾಣಲಿಲ್ಲ ನನಗೆ…

‘ ಸರಿ ವಾಟ್ಸಪ್ಪಲ್ಲೆ ಕಾಲ್ ಮಾಡ್ತೀನಿ ತೊಗೊ.. ಐ ವಾಂಟ್ ಮೋರ್ ಡೀಟೈಲ್ಸ್ ..’ ಎಂದೆ

‘ ತಾಳಿ.. ಸಾರ್..ರೀಡಿಂಗ್ ಜೋನಲ್ಲಿದೀನಿ ಪೋನು ಸೈಲೆಂಟ್ ಮೋಡಲ್ಲಿದೆ..ಈಚೆಗೆ ಬಂದು ಪಿಂಗ್ ಮಾಡ್ತೀನಿ..’ ಎನ್ನುವ ಸಂದೇಶ ರವಾನಿಸಿದ ಗುಬ್ಬಣನ ಮರು ಸಂದೇಶವನ್ನು ಕಾದು ಕುಳಿತೆ..ಐದೆ ನಿಮಿಷದಲ್ಲಿ ಮತ್ತೆ ಸಂದೇಶ ಬಂತು ‘ಕಾಲ್ ಮಾಡಿ ಸಾರ್’ ಅಂತ

‘ಗುಬ್ಬಣ್ಣ.. ವಾಟ್ ಇಸ್ ದಿಸ್ ನಾನ್ಸೆನ್ಸ್ ? ಮೈಸೂರಿಗೆ ಯಾವಾಗ ಹೋದೆ ? ಏನಿದು ಕನ್ನಡ ಲೈಬ್ರರಿ ಮೇಲೆ ಧಾಳಿ ಮಾಡಿದ್ದು ? ಇದ್ಯಾವ ಪ್ರಾಜೆಕ್ಟು ನಿಂದು ? ಮೊನ್ನೆ ಮೊನ್ನೆ ತಾನೆ ಇಲ್ಲೆ ಇದ್ದೆಯಲ್ಲಾ? ಯಾವಾಗ ಹೋಗಿದ್ದು ಮೈಸೂರಿಗೆ ? ‘ ಎಂದು ಮುಂಗಾರು ಮಳೆಯ ಹಾಗೆ ಪ್ರಶ್ನೆಯ ವರ್ಷಧಾರೆ ಸುರಿಸಿದೆ ಪೋನಲ್ಲೆ..

‘ ಅಯ್ಯೊ ಎಲ್ಲಾ ಅರ್ಜೆಂಟಲ್ಲಿ ಆಗಿದ್ದು ಸಾರ್.. ನಾಟ್ ಪ್ಲಾನ್ಡ್… ನಮ್ಮ ಪ್ರಾಜೆಕ್ಟ್ ಕಸ್ಟಮರ್ ಒಬ್ಬರು ಜರ್ಮನಿಯಿಂದ ಬಂದವರು.. ಹೀ ಈಸ್ ಆನ್ ಎ ರಿಸರ್ಚ್ ಪ್ರಾಜೆಕ್ಟ್ ಇನ್ ಕನ್ನಡ.. ಅವರಿಗೆ ಹೆಲ್ಪ್ ಬೇಕೂ ಅಂದಿದ್ದಕ್ಕೆ ಲಾಂಗ್ ವೀಕೆಂಡಲ್ಲಿ ಜತೆಗೆ ಬಂದೆ..’ ಅಂದ

ಗುಬ್ಬಣ್ಣ ಹೇಳಿದ್ದೆಲ್ಲ ಎಷ್ಟೊ ಸಲ ನಂಬಬೇಕೊ ಬಿಡಬೇಕೊ ಗೊತ್ತಾಗೋದೆ ಇಲ್ಲಾ.. ಅಷ್ಟು ಅನುಮಾನ ಬಂದು ಬಿಡುತ್ತೆ.. ಜರ್ಮನಿ ಕಸ್ಟಮರ್, ಸಿಂಗಪುರಕ್ಕೆ ಬಂದು, ಕನ್ನಡ ರಿಸರ್ಚಿಗೆ ಮೈಸೂರಿಗೆ ಹೋಗ್ತಾ ಗುಬ್ಬಣ್ಣನ್ನ ಕರ್ಕೊಂಡು ಹೋಗದು ಅಂದ್ರೆ – ಸಂಥಿಂ ಟೆರ್ರಿಬಲಿ ರಾಂಗ್..

‘ಗುಬ್ಬಣ್ಣ ಇದೆಲ್ಲ ಗೊಂಡಾವನ ಥಿಯರಿ ಇದ್ದ ಹಾಗಿನ ಬುರುಡೆ ಬೇಡ.. ಕಮ್ ಕ್ಲೀನ್ ವಿತ್ ಟ್ರುಥ್.. ನನ್ನ ಕಿವಿಗೆ ಹೂ ಇಡೋದು ಬೇಡ.. ಜರ್ಮನಿಗೂ ಕನ್ನಡಕ್ಕು ಎಲ್ಲಿಯ ಲಿಂಕು..? ಏನೊ ಯಾವುದೊ ಐಟಿ ಪ್ರಾಜೆಕ್ಟಿಗೆ ಬೆಂಗಳೂರಿಗೊ, ಮೈಸೂರಿಗೊ ಬಂದಿದಾರೆ ಅಂದ್ರೆ ನಂಬಬಹುದು.. ಇದು ಟೋಟಲಿ ಅಬ್ಸರ್ಡ್..’ಎಂದೆ ತುಸು ಎತ್ತರಿಸಿದ ದನಿಯಲ್ಲಿ..

ಅತ್ತ ಕಡೆಯಿಂದ ಅರೆಗಳಿಗೆಯ ಮೌನ.. ಏನೊ ಹುಡುಕುತ್ತಿರುವ ಹಾಗೆ.. ಆಮೇಲೆ ಉತ್ತರದ ಬದಲು ಮತ್ತೊಂದು ಪ್ರಶ್ನೆ ತೂರಿ ಬಂತು..’ ಸಾರ್.. ಅದ್ಯಾರೊ ಕಿಟ್ಟೆಲ್ ಅಂತಿದಾರಂತೆ ಗೊತ್ತಾ ? ಜರ್ಮನ್ ಅಂತೆ..’

ಈಗ ನಾನೆ ಅರೆಗಳಿಗೆ ಮೌನವಾದೆ.. ಜರ್ಮನಿಗು ಕನ್ನಡ / ಕರ್ನಾಟಕಕ್ಕು ಏನೂ ಸಂಬಂದ ಅಂತ ಕೇಳಬಾರದಿತ್ತು.. ಜಾರ್ಜ್ ರೆವರೆಂಡ್ ಫರ್ಡಿನಾಂಡ್ ಕಿಟ್ಟೆಲ್ ಅನ್ನೊ ಹೆಸರು ಎಲ್ಲಾ ಕನ್ನಡಿಗರಿಗು ಗೊತ್ತಿಲ್ಲದೆ ಇರಬಹುದು.. ಆದರೆ ಅವರ ಅಚ್ಚಗನ್ನಡದ ಮೊದಲ ಕನ್ನಡ ಪದಕೋಶದ ಕುರಿತು ಗೊತ್ತಿರುವವರಾರು ಕನ್ನಡಕ್ಕು ಜರ್ಮನಿಗು ಏನು ಸಂಬಂಧ ಅಂತ ಕೇಳೋ ಧೈರ್ಯ ಮಾಡಲ್ಲ… ನಾನು ಅದನ್ನ ಮೊದಲ ಬಾರಿಗೆ ನೋಡಿದಾಗ ‘ ಏನ್ರಯ್ಯಾ ಇದು ? ಈ ಪದಕೋಶದ ಪುಸ್ತಕ ಹೊತ್ತುಕೊಂಡು ಬರೋಕೆ ಒಂದು ಜಟಕಾ ಗಾಡಿ ಮಾಡಬೇಕಲ್ರಪ್ಪಾ ? ಇನ್ನು ಇದನ್ನ ತಂದು ಓದೊ ಮಾತೆಲ್ಲಿ ಬರ್ಬೇಕು ?’ ಅಂತ ಛೇಡಿಸಿದ್ದೆ. ಅದನ್ನ ಕೇಳಿ ರಾಮು ಮಾಮ ‘ಜಟಕಾಗಿಂತ ಆಟೊ ವಾಸಿ, ಬರುತ್ತೇ ಅನ್ನೊ ಗ್ಯಾರಂಟಿ ಇರುತ್ತೆ.. ಜಟಕಾ ಅದ್ರೆ ಯಾವುದೊ ಮುದಿ ಕುದುರೆಗೆ ತಗಲ್ಹಾಕಿರ್ತಾರೆ ಗಾಡಿನ.. ಅದು ‘ಉಸ್ಸಪ್ಪಾ’ ಅಂತ್ ಎಳ್ಕೊಂಡ್ ಬರೋದ್ರಲ್ಲಿ ಅಲ್ಲೆ ಮಧ್ಯದಲ್ಲಿ ಗೊಟಕ್ ಅಂದ್ಬಿಟ್ಟಿರುತ್ತೆ.. ಈ ಪುಸ್ತಕದ ಭಾರಕ್ಕೆ..’ ಅಂತ ಒಗ್ಗರಣೆ ಹಾಕಿದ್ದ..

ಆಗ ಪುಸ್ತಕದ ಸೈಜಿಗೆ ಹಾಸ್ಯ ಮಾಡೋಕಿಂತ ಹೆಚ್ಚಾಗಿ ವಿದೇಶಿಯರಾಗಿದ್ದೂ ಹಳ್ಳಿ ಹಳ್ಳಿ, ಕಾಡುಮೇಡು, ಊರುಕೇರಿ ಸುತ್ತಿ ಕನ್ನಡ ಪದಗಳ ಅರ್ಥ ಪತ್ತೆ ಹಚ್ಚಿ ಕನ್ನಡಕ್ಕಿಂತಹ ಒಂದು ನಿಘಂಟು ಮಾಡಿಕೊಟ್ಟರಲ್ಲ ಅನ್ನೊ ಅಚ್ಚರಿ, ಮೆಚ್ಚುಗೆ ಬೆರೆತ ಯಾವುದೊ ಕಾರಣವಿಲ್ಲದ ಒಣ ಅಸಹನೆಯು ಸೇರಿಕೊಂಡು ಹೀಗೆ ಜೋಕುಗಳ ರೂಪದಲ್ಲಿ ಹೊರಹೊಮ್ಮುತ್ತಿತ್ತೊ ಏನೊ ..? ಬಹುಶಃ ನಮ್ಮವರು ಮಾಡದೆ ವಿದೇಶಿಯವರು ಮಾಡಿದರಲ್ಲ – ಅನ್ನುವ ಈರ್ಷೆಯಿಂದೊಡಗೂಡಿದ ಮೆಚ್ಚುಗೆಯ ಭಾವವು ಕಾರಣವಾಗಿದ್ದಿರಬೇಕು..

‘ ಗೊತ್ತಿರಲ್ಲ ಅಂತ ಕಾಣುತ್ತೆ ಬಿಡಿ ಸಾ.. ನಮ್ಮವರೆ ನಮಗೆ ಗೊತ್ತಿರಲ್ಲಾ ಇನ್ನು ವಿದೇಶದವರು, ಅದರಲ್ಲು ಜರ್ಮನಿಯವರು ಎಲ್ಲಿ ಗೊತ್ತಿರ್ತಾರೆ..? ಅವರಾರೊ ಕನ್ನಡಕ್ಕೆ ದೊಡ್ಡ ನಿಘಂಟು ಮಾಡಿಕೊಟ್ಟೊದ್ರಂತೆ ಅಂದ ಕಾಲತ್ತಿಲೆ.. ಇವರು ಅವರ ಕಟ್ಟಾ ಅಭಿಮಾನಿ ಅಂತೆ ಸಾರ್… ಅದಕ್ಕೋಸ್ಕರ ಕನ್ನಡದಲ್ಲಿ ಏನೊ ರಿಸರ್ಚ್ ಮಾಡಬೇಕೂ ಅಂತ ಏನೊ ಸಬ್ಜೆಕ್ಟ್ ತೊಗೊಂಡಿದಾರಂತೆ .. ಸಾರ್.. ನಾ ಕನ್ನಡದ ಎಕ್ಸ್ಪರ್ಟ್ ಅಲ್ಲಾ ಅಂದ್ರು ಕೇಳ್ದೆ ನನ್ನ ಜತೆಗೆಳ್ಕೊಂಡ್ ಬಂದಿದಾರೆ ಸಾರ್.. ನನಗೆ ಕನ್ನಡ ಮಾತಾಡಕ್ ಬರುತ್ತೆ ಅಂತ ಗೊತ್ತಾಗಿ…’

‘ ಅಯ್ಯೊ ಗುಬ್ಬಣ್ಣ.. ಕಿಟ್ಟೆಲ್ ಅಂದ್ರೆ ಗ್ರೇಟ್ ಪರ್ಸನಾಲಿಟಿ ಕಣೊ.. ಕನ್ನಡದವರೂ ಮಾಡದೆ ಇದ್ದ ಕೆಲಸಾನ ಅವರು ಮಾಡಿ ಬಿಟ್ಟಿದ್ದಾರೆ ಆ ಕಾಲದಲ್ಲೆ.. ಅವರ ನೆನಪಿಗೆ ಅಂತ ಬೆಂಗಳೂರಿನ ಒಂದು ಬೀದಿಗೆ ಅವರ ಹೆಸರನ್ನೆ ಇಟ್ಬಿಟ್ಟು ಗೌರವ ತೋರಿಸಿದಾರೆ.. ಅಂತವ್ರು ಗೊತ್ತಿಲ್ಲ ಅಂತ ಹೇಳಿ ಯಾವ ನರಕಕ್ಕೆ ಹೋಗ್ಲಿ ? ಅದು ಬಿಡು, ಇದೇನಿದು ರಿಸರ್ಚುಕಥೆ ? ನೀನ್ಯಾವ ರಿಸರ್ಚ್ ಮಾಡ್ತಿಯಪ್ಪ ಕನ್ನಡದಲ್ಲಿ? ‘ ಎಂದೆ ನಾನು ಕುತೂಹಲದ ದನಿಯಲ್ಲಿ…

‘ ಅಯ್ಯೊ ನಾನ್ಯಾವ ರಿಸರ್ಚ್ ಮಾಡ್ತೀನಿ ತಕ್ಕೊಳಿ ಸಾರ್… ಕಸ್ಟಮರ್ ಕರೆದ್ರಲ್ಲಾ ಇಲ್ಲಾ ಅನ್ನೊಕ್ಕಾಗಲ್ಲ ಅಂತ ಬಂದೆ ಅಷ್ಟೆ.. ಹಾಗು ಅವರಿಗೆ ಬಡ್ಕೊಂಡೆ ಸಾರ್ ಬೇಕಿದ್ರೆ ನಮ್ ಫ್ರೆಂಡೊಬ್ಬರು ಇದಾರೆ.. ಕನ್ನಡ, ಗಿನ್ನಡ ಅಂತ ಏನೊ ಬರ್ಕೊಂಡ್ ಹಾರಾಡ್ತಾ ಇರ್ತಾರೆ.. ಅವರನ್ನ ಕರ್ಕೊಂಡ್ ಹೋಗಿ ಸರಿಹೋಗುತ್ತೆ ಅಂತ.. ಕೇಳ್ಬೇಕಲ್ಲಾ ಅವರು..?’ ಎಂದ ಗುಬ್ಬಣ್ಣ.. ನನಗು ತಿಳಿಯದ ಆ ‘… ಔರ್ ವೊ ಕೌನ್ ?’ ಅನ್ನೊ ಕುತೂಹಲದಲ್ಲಿ.. ‘ ನೀನು ಹೇಳೊದೇನೊ ಸರಿ.. ಆದರೆ ಆ ಮಿಸ್ಟರಿ ಕ್ಯಾರಕ್ಟರು ಯಾರು ಅಂತ್ಲೆ ಗೊತ್ತಾಗ್ಲಿಲ್ವೆ..?’ ಅಂದೆ.

‘ ನನಗೆ ಗೊತ್ತಿರೊ ಹಾಗೆ ಕನ್ನಡ ಬರೆಯೋರು ಇನ್ನಾರಿದಾರೆ ಸಾರ್, ನಿಮ್ಮನ್ನ ಬಿಟ್ರೆ ? ನಿಮ್ಮನ್ನೆ ತಗಲ್ಹಾಕಿ ಕಳಿಸೋಣ ಅನ್ಕೊಂಡಿದ್ದೆ.. ಆದರೆ ಆ ಪಾರ್ಟಿ ಸದ್ಯಕ್ಕೆ ಕನ್ನಡ ಮಾತಾಡೊಕ್ ಗೊತ್ತಿದ್ರೆ ಸಾಕು.. ಅದ್ರಲ್ಲೂ ನೀವು ಪರಿಚಯ ಇರೊ ಪಾರ್ಟಿ ನೀವೆ ಬನ್ನಿ ಅಂತ ಪಟ್ಟು ಹಿಡಿದ್ರು.. ವಿಧಿಯಿಲ್ದೆ ಬಂದೆ ‘ ಅಂದ ಗುಬ್ಬಣ್ಣ ನಿಟ್ಟುಸಿರು ಬಿಡುತ್ತಾ..

ಅವನೇನು ನನ್ನ ಕನ್ನಡ ಸೇವೆಯನ್ನ ಹೊಗಳುತ್ತಿದ್ದಾನೊ ಇಲ್ಲ ತನ್ನ ದುರದೃಷ್ಟವನ್ನು ಹಳಿದುಕೊಳ್ಳುತ್ತಲೆ ತೆಗಳುತ್ತಿದ್ದಾನೊ ಗೊತ್ತಾಗದೆ ಪಿಳಿಪಿಳಿ ಕಣ್ ಬಿಡುತ್ತಲೆ, ‘ ಸಿಕ್ಕಿದ್ದೆ ಛಾನ್ಸ್ ಅಂತ ಬಾರಿಸೋದೆ ಅಲ್ವಾ ? ಎಂಜಾಯ್ ದ ಟ್ರಿಪ್’ ಅಂದೆ..

‘ಏನು ಎಂಜಾಯೊ ಕಾಣೆ ಸಾರ್… ಸುಮ್ನೆ ಜತೆಗಿದ್ರೆ ಸಾಕು ಅಂತ ಕರ್ಕೊಂಡು ಬಂದೊರು ಈಗ ಕನ್ನಡದ ವ್ಯಾಕರಣದ ಪ್ರಶ್ನೆ ಕೇಳೋಕ್ ಶುರು ಮಾಡ್ಕೊಂಡಿದಾರೆ.. ಮೊದಲೆ ನನ್ನ ಕನ್ನಡವೆ ಅಧ್ವಾನ. ಅದರಲ್ಲಿ ವ್ಯಾಕರಣ ಅಂದ್ರಂತು ಮಾತಾಡಂಗೆ ಇಲ್ಲಾ.. ನಾನೆ ನಿಮಗೆ ಕಾಲ್ ಮಾಡಿ ಆ ಡೌಟೆಲ್ಲಾ ಕೇಳೋಣಾಂತಿದ್ದೆ.. ಅಷ್ಟಕ್ಕೆ ನೀವೆ ಪಿಂಗ್ ಮಾಡಿದ್ರಲ್ಲಾ..’ ಎಂದ ಗುಬ್ಬಣ್ಣ..

ಕಾಗುಣಿತ ವ್ಯಾಕರಣದಲ್ಲೆಲ್ಲ ಗುಬ್ಬಣ್ಣ ಭಾರಿ ವೀಕು.. ಅದರಲ್ಲೂ ಕನ್ನಡ ವ್ಯಾಕರಣ ಅಂದ್ರೆ ಮಾತನಾಡೊ ಹಾಗೆ ಇಲ್ಲಾ.. ನನಗೆ ಒಳಗೊಳಗೆ ಖುಷಿಯಾಯ್ತು ಅವನು ಪರದಾಡುತ್ತಿರುವ ಸೀನನ್ನು ಊಹಿಸಿಕೊಳ್ಳುತ್ತಲೆ. ಕನ್ಸಲ್ಟಿಂಗ್ ಕೆಲಸದಲ್ಲಿ ಎಲ್ಲರನ್ನು ಏಮಾರಿಸಿ ಮಾತಾಡಿ ತಲೆ ಸವರಿದಂತಲ್ಲಾ ಕನ್ನಡ ವ್ಯಾಕರಣ… ಹೈಸ್ಕೂಲಿನಲ್ಲಿ ಗುಂಡಪ್ಪ ಮೇಸ್ಟ್ರು ಕೈಯಿನ ರೂಲು ದೊಣ್ಣೆಯಲ್ಲಿ ‘ಕನ್ನಡನಾಡಲ್ಲಿ ಹುಟ್ಟಿ ಕನ್ನಡ ವ್ಯಾಕರಣಕ್ಕೆ ಅವಮಾನ ಮಾಡ್ತೀಯಾ.. ನಿನ್ನ ಬಲೀ ಹಾಕಿ ಬಿಡ್ತೀನಿ ತಾಳು..’ ಅಂತ ಎಕ್ಕಾಮುಕ್ಕಾ , ಎಗ್ಗು ಸಿಗ್ಗಿಲ್ಲದೆ ಲಾತ ತಿಂದಿರೊ ರೆಕಾರ್ಡು ಇವತ್ತಿಗು ಗುಬ್ಬಣ್ಣನ ಹೆಸರಲ್ಲೆ ಇರೋದು..

ಆ ಫ್ಲಾಶ್ ಬ್ಯಾಕಿಗೆ ಹೋದರೆ ನನಗೆ ನೆನಪಾಗುತ್ತಿದ್ದುದ್ದು ಅವನ ಸಂಧಿ ಸಮಾಸಗಳ ಉವಾಚವೆ.. ಪಾರಿವಾಳ ಸಾಕುವ ಹುಚ್ಚಿನಲ್ಲಿ ಮೈಸೂರಿನ ಗಲ್ಲಿಗಲ್ಲಿ ಸಂದಿಗೊಂದಿಯೆಲ್ಲ ಸುತ್ತಿ ಅಲೆಯುತ್ತಿದ್ದವನ ಬಾಯಲ್ಲಿ ಬರುತ್ತಿದ್ದ ಹೆಸರುಗಳೆಲ್ಲ ಬರಿ ಜಾಕ್, ತಿರುವಾಲ್, ಜಂಗ್ಲೀ ಅನ್ನೊ ಕಪೋತ ನಾಮಧೇಯಗಳೆ. ಅದು ಬಿಟ್ಟರೆ ಮಿಕ್ಕೆಲ್ಲ ಗಲ್ಲಿ, ಸಂದಿಗಳ ಹೆಸರು ಆ ಪಾರಿವಾಳ ಸಾಕುವ ಅಥವಾ ಮಾರುವ ಓಣಿಗಳು ಮಾತ್ರವೆ.. ಗುಂಡಪ್ಪ ಮೇಸ್ಟ್ರು ಕೆಂಗಣ್ಣು ಬಿಟ್ಟುಕೊಂಡೆ ಒಮ್ಮೆ, ‘ಕೆಂಗಣ್ಣು ಪದ ಸಮಾಸವಾಗುತ್ತೊ, ಸಂಧಿಯಾಗುತ್ತೊ ಹೇಳು’ ಅಂತ ಗದರಿಸಿದಾಗ, ಅದು ‘ಕೋಪ ಲೋಪ ಸಂಧಿ ಸಾರ್’ ಅಂತ ಒದೆ ತಿಂದಿದ್ದ.. ಕೆಂಪಾದ + ಕಣ್ಣು = ಕೆಂಗಣ್ಣು ಸಂಧಿಯಲ್ಲ, ಸಮಾಸ ಎಂದಾಗ, ಅದು ವೆಜ್ ಸಮೋಸನೊ, ನಾನ್ ವೆಜ್ಜ್ ಸಮೋಸನೊ ಅಂತ ಕೇಳಿ ಇನ್ನು ನಾಲಕ್ಕು ಇಕ್ಕಿಸಿಕೊಂಡಿದ್ದ.

ಇದೆಲ್ಲ ಹಿನ್ನಲೆ ನೆನಪಾಗಿಯೆ ಖುಷಿಯಾಗಿದ್ದು.. ಆಗೆಲ್ಲ ಸ್ಕೂಲಲ್ಲಿ ಓತ್ಲಾ ಒಡೆದು ಹೆಂಗೊ ಜಸ್ಟ್ ಪಾಸ್ ಮಾಡಿ ಮುಂದಕ್ಕೆ ಹೋಗಿಬಿಟ್ಟರಾಯ್ತಾ? ಈಗ ಉತ್ತರ ಕೊಡಲಿ ನೋಡೋಣ ? .. ಗೊತ್ತಾಗುತ್ತೆ.. ‘ಕನ್ನಡ ಕಲಿತರೆ ಮಲ್ಲಿಗೆ ಇಡ್ಲಿ, ಕಲಿಯದಿದ್ದರೆ ನೀರಿಳಿಯದ ಗಂಟಲಿಗೆ ತುರುಕಿದ ಕಡುಬು..’ – ಅಂತ…..ಹೀಗೆಲ್ಲಾ ಒಳಗೊಳಗೆ ಖುಷಿ ಪಟ್ಟುಕೊಂಡೆ, ಮೇಲೆ ಮಾತ್ರ ಸಹಾನುಭೂತಿಯ ನಗೆ ತೊಟ್ಟು , ‘ ನೀ ಮಾಡೊಕಾಗದ್ದೇನಿರುತ್ತೊ ಗುಬ್ಬಣ್ಣ.. ಮೊದಲೆ ನೀನು ಕನ್ಸಲ್ಟೆಂಟ್ ಅಲ್ವಾ ? ಹೇಗೊ ಏಮಾರಿಸ್ತಿಯಾ ಬಿಡು’ ಅಂದೆ..

‘ ಬೇರೆ ಕಡೆ ಆಗ್ತಿತ್ತೇನೊ …ಆದ್ರೆ ಈ ಕೇಸಲ್ಲಿ ಆಗಲ್ಲ ಸಾರ್.. ಪೂರ ಕನ್ನಡದ ಕಾಗುಣಿತ, ವ್ಯಾಕರಣ, ಒತ್ತಕ್ಷರದ ಬೇಸಿಕ್ ಗೆ ಹೊರಟುಬಿಟ್ಟರೆ ನಾನೆಲ್ಲಿಂದ ಆನ್ಸರ ಮಾಡಲಿ..? ನನ್ನ ಕನ್ನಡ ಭಾಷಾ ಪಾಂಡಿತ್ಯ ನಿಮಗಾಗಲೆ ಗೊತ್ತು..’

‘ ಅಂಥಾದ್ದೇನು ಕೇಳಿಬಿಟ್ಟ್ರೊ ಗುಬ್ಬಣ್ಣ..? ಏನು ನಾಮಪದ, ಸರ್ವನಾಮ, ವಿಭಕ್ತಿ ಪ್ರತ್ಯಯಗಳನ್ನೆಲ್ಲದರ ಜತೆ ಅಲಂಕಾರಾದಿ ಲಘು ಗುರು ಎಣೆಸಾಟವನ್ನೆಲ್ಲ ಒಟ್ಟಾಗಿಸಿ ಕೇಳಿ ತಲೆ ಕೆಡಿಸ್ಬಿಟ್ರಾ?’ ಎಂದೆ..

‘ ಅಯ್ಯೊ..ಅದೆಲ್ಲಾ ಕೇಳಿದ್ರೆ ವಾಸಿಯಿರ್ತಿತ್ತು ಸಾರ್.. ಈ ಮನುಷ್ಯ ಅದೆಲ್ಲಾ ಬಿಟ್ಟು ಒಂದು ಒತ್ತಕ್ಷರದ ಮೂಲ ಕುರಿತು ಪ್ರಶ್ನೆ ಕೇಳಿ ಎಲ್ಲಾ ದಾರಿ ತಪ್ಪಿಸಿಬಿಟ್ಟ.. ನೀವೆ ಹೇಳಿ ಸಾರ್.. ನಾವು ಹೇಗೊ ಹೆಣಗಾಡಿ ಅಷ್ಟೊ ಇಷ್ಟೊ ಕನ್ನಡ ಕಲ್ತು ಎಕ್ಸಾಮ್ ಪಾಸ್ ಮಾಡಿ ಆ ಕಡೆ ಮುಖಾನು ಹಾಕ್ದೆ ಏನೊ ಹೊಟ್ಟೆ ಪಾಡಿನ್ ಕಸುಬು ಮಾಡ್ಕೊಂಡಿರೊ ಜನ.. ನಮಗೆ ಆ ಒತ್ತಕ್ಷರದ ಲಾಜಿಕ್ಕು , ಮೂಲ ಎಲ್ಲಾ ಹೇಗೆ ಗೊತ್ತಿರುತ್ತೆ..?’

ನನಗೆ ಇನ್ನು ಸಿಚುಯೇಶನ್ ಕ್ರಿಸ್ಟಲ್ ಕ್ಲಿಯರ್ ಅಂತ ಅನಿಸಲಿಲ್ಲ.. ‘ ಒತ್ತಕ್ಷರದಲ್ಲಿ ಎಂತದ್ದೊ ಮೂಲ, ಮಣ್ಣು ಮಸಿ ? ಯಾವುದೊ ಒಂದಕ್ಷರಕ್ಕೆ ಅರ್ಧ ಅಕ್ಷರ ಒತ್ತು ಕೊಡೋದು ತಾನೆ ? ಅದರಲ್ಲೇನು ಗ್ರೇಟ್ ಸೈನ್ಸ್, ಆರ್ಟ್ಸ್ ಇರೋದು ?’

‘ ನಾನು ಹಾಗೆ ಅನ್ಕೊಂಡಿದ್ದೆ ಸಾರ್.. ಆದರೆ ಅವನು ನನ್ನೆ ಉಲ್ಟಾಪಳ್ಟ ಪ್ರಶ್ನೆ ಕೇಳಿ ಎಲ್ಲಾ ಉಡೀಸ್ ಮಾಡ್ಬಿಟ್ಟಾ ಸಾರ್.. ಸಾಲದ್ದಕ್ಕೆ ಅವನ ಪ್ರಶ್ನೆಗೆ ಉತ್ತರ ಕೊಡಕಾಗದೆ ನಮ್ಮ ಭಾಷೆಲಿ ನಮ್ ತಿಳುವಳಿಕೆ ಇಷ್ಟೇನಾ ಅಂತ ಪೂರ ನಾಚಿಕೆನೂ ಆಗೋಯ್ತು ಸಾರ್..’

ಆಗಬೇಕಾದ್ದೆ.. ಯಾರೊ ಪರದೇಶಿಗೆ ಕನ್ನಡದ ಮೇಲಿರೊ ಮೋಹ, ಜ್ಞಾನ ನಮಗಿಲ್ಲ ಅಂದ್ರೆ ಅದು ತೀರಾ ಅಬ್ಸರ್ಡ್..ಆದರು ಆ ಟಾಫಿಕ್ ಏನೂಂತ ಮೊದಲು ಕ್ಲಾರಿಫೈ ಮಾಡ್ಕೊಬೇಕು ಅಂದ್ಕೊಂಡು ..’ ಏನಪ್ಪ ಅಂಥಾ ಉಲ್ಟಾಪಲ್ಟಾ ಕ್ವೆಶ್ಚನ್ ಅವನು ಕೇಳಿಬಿಟ್ಟಿದ್ದು.. ?’ ಅಂದೆ.

‘ ಸಾರ್.. ಮೊದಲು ನಮ್ಮ ಒತ್ತಕ್ಷರದ ಕಾನ್ಸೆಪ್ಟ್ ನೋಡಿದ್ದೆ , ಸುಪರ್ ಅಂತ ಕುಣಿದಾಡಿ ಹೊಗಳಿಟ್ಟುಬಿಟ್ಟ ಆ ಮಾರಾಯ .. ‘ಲಗ್+ನ’ = ಲಗ್ನ, ‘ರತ್+ನ’ = ರತ್ನ, ‘ಮುಕ್+ತಾ’ = ಮುಕ್ತಾ… ಅಂತಾ ಯಾವುದೆ ಒತ್ತಕ್ಷರದ ಪದ ತಗೊಂಡ್ರು, ಮೊದಲ ಭಾಗದ ಕೊನೆಯಕ್ಷರಕ್ಕೆ ಸೇರಿಕೊಳ್ಳುವ ಅರ್ಧ ಒತ್ತಕ್ಷರ ಆ ಪದಕ್ಕೆ ಕೊನೆ ಸೌಂಡ್ ಕೊಡುತ್ತೆ.. ಅಲ್ವಾ ಸಾರ್..?’

‘ಹೂಂ.. ರತ್ನ ಲಿ , ‘ತ+ನ’= ತ್ನ ಆಗೊ ಹಾಗೆ..’

‘ ಅದೇ ಅಕ್ಷರದ ಒತ್ತಾದ್ರೆ ಇನ್ನು ಸುಲಭ ಸಾರ್.. ಉದಾಹರಣೆಗೆ ‘ಕನ್ನಡ’ ಪದದಲ್ಲಿ ‘ನ’ ಗೆ ‘ನ’ ಒತ್ತಕ್ಷರ ಬಂದು ‘ನ್ನ’ ಆಗುತ್ತಲ್ಲಾ, ಹಾಗೆ..’

‘ಸರೀ..?’

‘ಆದರೆ ಈ ‘ರ’ ಒತ್ತಕ್ಷರ ಬಂದ್ರೆ ಮಾತ್ರ ಯಾಕೆ ಈ ಲಾಜಿಕ್ಕು ವರ್ಕ್ ಆಗಲ್ಲ ಅಂತ ಅವರ ಪ್ರಶ್ನೆ..!’

ನನಗಲ್ಲೇನು ತರ್ಕ ಮಿಸ್ಸಾಗಿದೆಯೊ ಕಾಣಿಸಲಿಲ್ಲ..’ ಅಲ್ವೊ ಗುಬ್ಬಣ್ಣ ..ಅಲ್ಲೇನು ಮಿಸ್ಸಿಂಗ್ ಎಲಿಮೆಂಟ್ ಕಾಣ್ತಿಲ್ಲ್ವಲ್ಲೊ.. ಉದಾಹರಣೆಗೆ ತ್ರಿಪುರ ತಗೊ.. ‘ತಿ+ರಿ= ತ್ರಿ ‘ ಆಗುತ್ತೆ.. ಹಾಗೆ ‘ಕಿ+ ರಿ= ಕ್ರಿ’ ಅನ್ನೊ ಲಾಜಿಕ್ಕಲ್ಲಿ ಕ್ರೀಡೆ, ಕ್ರಿಯೆ ಅನ್ನೊ ಪದಗಳು ಹುಟ್ಟುತ್ತೆ.. ಇದರಲ್ಲೇನು ವಿಶೇಷ ಇದೆಯೊ ?’

‘ ವಿಶೇಷ ಏನಿದೆಯೊ ಗೊತ್ತಾಗುತ್ತೆ ಹಾಗೆಯೆ ನಿಮ್ಮ ಲಾಜಿಕ್ ನ ‘ಕೀರ್ತಿ’, ‘ ಕರ್ನಾಟಕ’ ‘ಅರ್ಧ’ ತರದ ಪದಗಳಲ್ಲಿ ಅಪ್ಲೈ ಮಾಡಿ ವಿವರಿಸಿ ನೋಡೋಣಾ..?’

‘ ಹೂ ತೊಗೊ ಅದಕ್ಕೇನಂತೆ.. ಮೊದಲಿಗೆ ಕರ್ನಾಟಕವನ್ನೆ ತೊಗೊ, ‘ಕರ್+ನಾಟಕ = ಕರ್ನಾಟಕ’, ‘ಕೀರ್+ತಿ = ಕೀರ್ತಿ’, ‘ಅರ್+ಧ = ಅರ್ಧ’ .. ಅದರಲ್ಲೇನು ವಿಶೇಷ ? ‘

‘ನೋಡಿದ್ರಾ ನೀವೂ ಮಿಸ್ ಮಾಡ್ಕೊಂಡ್ರಿ ನನ್ ತರಾನೆ… ಬೇರೆ ಕಡೆಯೆಲ್ಲ ಒತ್ತಕ್ಷರ ಮೂಲ ಅಕ್ಷರದ ಪಕ್ಕದಲ್ಲೆ ಬರುತ್ತೆ – ‘ಗ’ ಜತೆ ‘ನ’ ಸೇರಿ- ‘ಗ್ನ’ ಆದ ಹಾಗೆ.. ಆದರೆ ‘ರ’ ಒತ್ತಕ್ಷರದಲ್ಲಿ ಮಾತ್ರ ಈ ಫಾರ್ಮುಲ ಎಡವಟ್ಟಾಗಿಬಿಡುತ್ತೆ.. ತ್ರಿಪುರದಲ್ಲಿ ಸರಿಯಾಗಿ ‘ತಿ+ರಿ’ ಆಗಿ ‘ತ್ರಿ’ ಬಂದಿದೆ.. ಆದರೆ ಅದೆ ‘ಕರ್ನಾಟಕ’ ಪದದಲ್ಲಿ ಯಾಕೆ ‘ರ’ ಒತ್ತಕ್ಷರ ‘ಕ’ ಆದಮೇಲೆ ಬರದೆ, ‘ನಾ’ ಆದ ಮೇಲೆ ಬರುತ್ತೆ ? ಸರಿಯಾಗಿ ಬರೆದರೆ ‘ಕರ್-ನಾಟಕ’ ಅಥವಾ ‘ಕರ್-ಣಾಟಕ’ ಆಗ್ಬೇಕಲ್ವಾ ? ಹಾಗೆ ಬರೆದರೆ ‘ಕರ್ನಾಟಕ’ ವನ್ನ ‘ಕನಾರ+ಟಕ’ ಅಂತ ಬರೆದ ಹಾಗಾಗಲಿಲ್ಲವ ? ಹಾಗೆಯೆ ಅರ್ಧ ಹೋಗಿ ‘ಅಧ+ರ= ಅಧ್ರ’ ಅಂದ ಹಾಗೆ ಆಗ್ಲಿಲ್ಲಾ ? ಕರೆಕ್ಟಾಗಿ ಬರೆದರೆ ‘ಅರ್+ಧ=ಅರ್-ಧ’ ಅಂತ ತಾನೆ ಆಗ್ಬೇಕು…?’ ಅದೇ ಲಾಜಿಕ್ಕಲ್ಲಿ ಕೀರ್ತಿ ಕೂಡ ‘ಕೀರ್-ತಿ’ ತಾನೆ ಆಗ್ಬೇಕು.. ಎಲ್ಲೆಲ್ಲಿ ‘ರ’ ಒತ್ತಕ್ಷರ, ಪದದ ಮಧ್ಯ ಬರುತ್ತೊ ಅಲ್ಲೆಲ್ಲಾ ಇದೆ ತರ ಇದೆಯಲ್ಲಾ ಯಾಕೆ ಅಂತ ಅವನ ಪ್ರಶ್ನೆ ಸಾರ್..’

ಯೋಚಿಸಿ ನೋಡಿದೆ.. ನನಗೂ ಉತ್ತರ ಗೊತ್ತಿರಲಿಲ್ಲ…. ಅವನ ಪ್ರಶ್ನೆಯ ಲಾಜಿಕ್ ಮಾತ್ರ ಸರಿಯೆ ಇದೆಯಲ್ಲಾ? ಅನಿಸಿತು.. ನಮಗ್ಯಾಕೆ ಇದು ಇಷ್ಟು ದಿನ ತೋಚಲೆ ಇಲ್ಲಾ ? ಸುಮ್ಮನೆ ವಿವೇಚಿಸದೆ ಒಪ್ಪಿಕೊಂಡುಬಿಟ್ಟಿದ್ದೀವ ಹೇಗೆ?

‘ಹೌದಲ್ಲೊ ಗುಬ್ಬಣ್ಣ… ಈ ಲಾಜಿಕ್ಕಲ್ಲೇನೊ ಎಡವಟ್ಟಿರೊ ಹಾಗೆ ಕಾಣುತ್ತಲ್ಲೊ…?’

‘ ನೋಡಿದ್ರಾ ಸಾರ್..? ಕನ್ನಡ ಪಂಟರು ನಿಮಗೆ ಹೀಗನಿಸಿದ್ರೆ , ಇನ್ನು ನಮ್ಮ ಪಾಡೇನು ಹೇಳಿ?’

‘ ಇದೊಂದೆ ತಾನೆ ? ಯಾರಿಗಾದರು ಗೊತ್ತಿರುತ್ತೆ ಕೇಳಿ ಹೇಳ್ತೀನಿ.. ಅಂದ್ರಾಗ್ತಿತ್ತು..’ ನಾನಿನ್ನು ಡಿಫೆನ್ಸಿವ್ ಷಾಟ್ ಮೂಡಲ್ಲೆ ಇದ್ದೆ..

‘ಅಯ್ಯೊ ಹಾಗನ್ಕೋಬೇಡಿ ಸಾರ್.. ನಾನೂ ಹಾಗೆ ತೇಲಿಸೋಣಾ ಅಂತ ಹೊರಟ್ರೆ ಇನ್ನೊಂದು ಮೂಲ ಹಿಡಿದು ಅಳ್ಳಾಡಿಸಿಬಿಡೋದೆ – ಅದರಲ್ಲೂ ‘ಓಂ’ ಪದದ ಉದಾಹರಣೆ ಹಿಡ್ಕೊಂಡು?’

‘ ಅದ್ಯಾವುದೊ ಇನ್ನೊಂದು ಮೂಲ..?’ ಫೌಂಡೇಷನ್ನೆ ಅಲುಗಾಡಿಸುತ್ತಿರೊ ಭೀತಿಯಲ್ಲಿ ನಾನು ಸ್ವಲ್ಪ ಜೋರಾದ ಗಾಬರಿ ದನಿಯಲ್ಲೆ ಕೇಳಿದೆ..

‘ ಸಾರ್.. ನಾವು ಸ್ವರಗಳನ್ನೆಲ್ಲ ವ್ಯಂಜನಕ್ಕೆ ಜೋಡಿಸಿ ತಾನೆ ಕಾಗುಣಿತ ಮಾಡೋದು ? ‘ಕ್+ ಅ= ಕ’…, ‘ಕ್+ ಆ= ಕಾ’………ಹಾಗೆಯೆ ಸ್ವರ + ಅನುಸ್ವಾರದ ಜತೆಯ ಕಾಂಬಿನೇಷನ್ನಿಗೆ – ‘ಕ್+ಅಂ=ಕಂ’, ‘ಕ್+ಆಃ=ಕಃ’ ತನಕ?’

‘ಹೌದೌದು… ಹಾಗೆ ತಾನೆ ‘ಕ’ ನಿಂದ ‘ ಕ್ಷ’ ವರೆಗು ಕಾಗುಣಿತ ಬರೋದು ?’

‘ಹೂಂ.. ಅದರಲ್ಲಿ ‘ಓಂ’ ಎಲ್ಲಿಂದ ಬಂತು ತೋರ್ಸು ಅಂದ್ರು..!’

ನಾ ಗಾಬರಿಗೆ ಬೆಚ್ಚಿ ಬಿದ್ದೆ…. ‘ಓಂ’ ಅನ್ನ ಒಡೆದರೆ ‘ಓ + ಅಂ’. ಅಲ್ಲಿ ಅನುಸ್ವಾರ, ವ್ಯಂಜನ ಮಿಕ್ಸ್ ಇಲ್ಲಾ! ಇದೇನು ಸಂಸ್ಕೃತದಿಂದ ಬಂದಿರೊ ಅಕ್ಷರ ಅಂತ ವಿಶೇಷಾನ ? ಅಥವಾ ಇದೂ ಮಿಸ್ಸಿಂಗ್ ಲಿಂಕೊ ? ನಾವು ಕಲೀತಿರೊ ಕನ್ನಡದಲ್ಲಿ ಇದಾವುದು ಹೇಳಿಕೊಟ್ಟ ನೆನಪೆ ಇಲ್ಲವಲ್ಲ ?

‘ ಗುಬ್ಬಣ್ಣಾ.. ಅವರ್ಯಾರೊ.. ಮರಿ ಕಿಟ್ಟೆಲ್ಲೆ ಇರೊ ಹಾಗೆ ಕಾಣ್ತಾ ಇದೆ.. ಯಾರೊ ಅವರ ವಂಶದವರೆ ಇರಬೇಕು ವಿಚಾರಿಸಿದೆಯಾ ? ‘

‘ ಯಾರಾದ್ರೂ ಆಗ್ಲಿ ಬಿಡಿ ಸಾರ್… ಅದು ಅಷ್ಟಕ್ಕೆ ನಿಲ್ಲಲಿಲ್ಲ… ಇಂಗ್ಲಿಷಲ್ಲಿ ‘ಇ+ಅಂ=ಇಂ’, ‘ಉಂಡ’ದಲ್ಲಿ ‘ಉ+ಅಂ=ಉಂ’ , ‘ಐಂದ್ರಾಜಾಲ’ದಲ್ಲಿ ‘ಐ+ಅಂ=ಐಂ’ – ಇವ್ಯಾವ್ದು ಯಾಕೆ ಲಿಸ್ಟಲಿಲ್ಲಾ ಅಂತ ಪ್ರಶ್ನೆ ಅವರದು..’

‘ ಅರ್ಥಾತ್, ಸ್ವರ ಮತ್ತು ಅನುಸ್ವಾರ ಕಾಂಬಿನೇಷನ್ ಅಕ್ಷರ ಮಾತ್ರ ಯಥೇಚ್ಛವಾಗಿ ಬಳಸ್ತಾ ಇದೀವಿ.. ಆದರೆ ಯಾಕೆ ಅದೆಲ್ಲು ಕಾಣಿಸಲ್ಲ – ಅಕ್ಷರಮಾಲೆಲಾಗ್ಲಿ, ಕಾಗುಣಿತದಲ್ಲಾಗ್ಲಿ ಅಂತ ಅವರ ಕ್ವೈರಿ ಅನ್ನು..’

‘ ಹೂ ಸಾರ್.. ಈ ಕನ್ನಡ ಸ್ವರಗಳು ‘ಅಃ’ ಅಂದ್ರೆ ವಿಸರ್ಗದ ಜತೆಗು ಸೇರಿಕೊಂಡು ಇನ್ನು ಓಃ, ಇಃ, ಈಃ, ಉಃ, ಔಃ ತರದ ಹದಿನಾಲ್ಕು ಅಕ್ಷರಗಳಾಗಿರೊ ಛಾನ್ಸ್ ಇದೆ ಅಂತ ವಾದ ಬೇರೆ ಶುರು ಮಾಡಿದಾರೆ ಸಾರ್..’

‘ಹಾಂ…!’

‘ಸ್ವರ ಮತ್ತು ಅನುಸ್ವಾರ, ವಿಸರ್ಗದ ಕಾಂಬಿನೇಷನ್ನಿನಲ್ಲಿ ಹದಿನಾಲ್ಕು + ಹದಿನಾಲ್ಕು ಹೊಸ ಅಕ್ಷರ ಕನ್ನಡ ಕಾಗುಣಿತಕ್ಕೆ ಫಾರ್ಮಲ್ ಆಗಿ ಸೇರಿಸಬೇಕು ಅಂತ ಹೊಸ ಆರ್ಗುಮೆಂಟ್ ತೊಗೊಂಡಿದಾರೆ ಸಾರ್.. ಅದೇ ರಿಸರ್ಚ್ ಟಾಫಿಕ್ ಅಂತೆ…!’

ನನಗ್ಯಾಕೊ ಇದು ನಮ್ಮಂತಹ ಪುಡಿ ಪಂಡಿತರ ಅಳತೆಗೆ ಮೀರಿದ ಟಾಪಿಕ್ಕು ಅನಿಸಿತು..ಅದೇ ತರ್ಕದಲ್ಲಿ ನುಡಿದೆ, ‘ ಗುಬ್ಬಣ್ಣ.. ಇದು ನಾನು ನೀನು ಆರ್ಗ್ಯು ಮಾಡೋಕಾಗೊ ವಿಷಯ ಅಲ್ಲ… ನಾ ಒಂದು ಐಡಿಯಾ ಕೊಡ್ತೀನಿ ಕೇಳು.. ಎಲ್ಲ ಡೀಟೈಲ್ಸ್ ತಗೊಂಡ್ ನೀನು ಹೊರಡು.. ನಾನು ಮೈಸೂರಲ್ಲಿರೊ ಒಬ್ಬ ಕನ್ನಡ ವಿದ್ವಾಂಸರ ಅಡ್ರೆಸ್ ಕೊಡ್ತೀನಿ.. ಅವರಿಬ್ಬರಿಗು ಕನೆಕ್ಷನ್ ಮಾಡಿಸಿಬಿಡು.. ಅವರವರಲ್ಲಿ ಚರ್ಚಿಸಿ ಪರಿಹರಿಸಿಕೊಳ್ಳಲಿ..’

‘ ನಂಗೂ ಅದೇ ಸರಿ ಅನ್ಸುತ್ತೆ ಸಾರ್.. ಆದ್ರೆ ನಂಗೂ ಡೌಟು ಯಾಕೆ ‘ರ’ ಒತ್ತು ಹಾಗೆ ಅಂತ… ಹಾಗೆ ‘ಓಂ’ ಅಕ್ಷರದ ವಿಚಾರನೂ….’

‘ಗುಬ್ಬಣ್ಣಾ…..?’

‘ ಗೊತ್ತಾಯ್ತು ಸಾರ್… ಆಳ ಗೊತ್ತಿಲ್ಲದ ಬಾವಿಗೆ ಇಳಿಯೊ ಅಡ್ವೆಂಚರ್ ಬೇಡ ಅಂತೀರಾ..’

‘ ಗುಡ್… ಅವ್ರೆಲ್ಲ ರಿಸರ್ಚ್ ಮಾಡಿ ಪೇಪರ ಪಬ್ಲಿಷ್ ಮಾಡ್ಲಿ.. ಹೇಗು ಥ್ಯಾಂಕ್ಯೂ ಲಿಸ್ಟಲ್ಲಿ ನಿನ್ನ ಹೆಸರೂ ಇರುತ್ತೆ… ಅವರ ಜತೆ ಈಗ ಹೆಣಗೋದು ಕಷ್ಟ ಅದರ ಬದಲು ಅವರಿಗೆ ನಾ ಹೇಳಿದ ಕನೆಕ್ಷನ್ ಕೊಡಿಸಿಬಿಡು..’

‘ ಆಯ್ತು ಸಾರ್…ಆದ್ರೆ ಇದು ಅಷ್ಟಕ್ಕೂ ನಿಲ್ಲೊ ಹಾಗೆ ಕಾಣ್ಲಿಲ್ಲಾ ಸಾರ್…’

‘ ಯಾಕೆ ? ಇನ್ನು ಏನಾದರು ಹೊಸ ಬಾಂಬ್ ಹಾಕಿದ್ರಾ ನಿಮ್ ಕಸ್ಟಮರು..?’

‘ ಹೊಸದೂಂತ ಅಲ್ಲ… ಈ ಅನುಸ್ವಾರ, ವಿಸರ್ಗದ ಕಾಂಬಿನೇಷನ್ ಬರಿ ಅ ಆ ಇ ಈ ಸ್ವರಗಳ ಜತೆಮಾತ್ರ ಅಲ್ಲಾ, ವ್ಯಂಜನಗಳ ಜತೆಗು ಇದೆ.. ಅರ್ಥಾತ್ ಪ್ರತಿ ಕಾಗುಣಿತಾಕ್ಷರದ ಜತೆಗು ಇದೆ, ಆದರೆ ಅದನ್ನು ಕೂಡಾ ನಾವು ಸ್ಪಷ್ಟವಾಗಿ ತೋರ್ಸಿಲ್ಲಾ ಎಲ್ಲೂವೆ ಅಂತ ಆರ್ಗ್ಯುಮೆಂಟ್ ಸಾರ್..’

‘ ಕಂ, ಕಃ, ಗಂ, ಗಃ, ಚಂ, ಚಃ ಅಂತ ಅದನ್ನ ಆಗಲೆ ತೋರಿಸಿದಿವಲ್ಲಯ್ಯ ? ಪ್ರತಿ ಕಾಗುಣಿತದ ಕೊನೆ ಎರಡು ಅಕ್ಷರ ಅವೆ ಅಲ್ವಾ ?’ ನಾನು ತುಸು ರೇಗಿದ ದನಿಯಲ್ಲೆ ಕೂಗಿದೆ..

‘ ನಾನು ಡಿಟೊ ಇದೆ ಟೋನಲ್ಲಿ ಹೀಗೆ ಹೇಳಿದೆ ಸಾರ್.. ಅವರು ಕುಂಡ, ಗುಂಡ, ಕಾಂಡ, ಚಾಂಡಾಲ, ಸುಂಕ, ಚುಂಬನ….. ಹೀಗೆ ಪದಗಳ ಮೇಲೆ ಪದ ತೋರಿಸಿ ಅಲ್ಲೆಲ್ಲ ಕುಂ, ಗುಂ, ಕಾಂ, ಚಾಂ, ಸುಂ, ಚುಂ ತರದ ಕಾಗುಣಿತಾಕ್ಷರಗಳೆಲ್ಲ ಅನುಸ್ವಾರದ ಜತೆ ಸೇರಿ ಹೊಸ ಅಕ್ಷರವಾಗಿರೋದನ್ನ ವಿವರಿಸಿ – ಎಲ್ಲಾಯ್ಯಾ ಅವೆಲ್ಲ ಅಕ್ಷರಗಳು ? ಲಿಸ್ಟಲ್ಲೆ ಇಲ್ಲಾ ‘ ಅಂತ ಜಾಡಿಸಿಬಿಟ್ರು..’

ಭಗವಂತ..! ಈ ಲೆಕ್ಕದಲ್ಲಿ ಹೋದರೆ ಇರೊ 34 ವ್ಯಂಜನಗಳ ಮಿಕ್ಕುಳಿದ ಎಲ್ಲಾ 14 ಕಾಗುಣಿತಾಕ್ಷರಕ್ಕು ಪಕ್ಕದಲ್ಲೊಂದು ಸೊನ್ನೆ ಸುತ್ತುವುದು ಸಾಧ್ಯ ಅಂತಾಯ್ತು.. ಅದೇ ಲಾಜಿಕ್ಕನ್ನ ವಿಸರ್ಗಕ್ಕೂ ವಿಸ್ತರಿಸಿಬಿಟ್ರೆ 34 X 14 ಕಾಗುಣಿತಾಕ್ಷರದ ಜತೆಗೆ ಪಕ್ಕ ಎರಡು ಸೊನ್ನೆ ಹಾಕೋದು ಸಾಧ್ಯ ಅನ್ನೊ ವಾದಾನು ಶುರುವಾಗುತ್ತೆ… ಓಹ್ ಮೈ ಗಾಡ್…

ಅಲ್ಲಿಗೆ ಹದಿನಾಲ್ಕು + ಹದಿನಾಲ್ಕು = ಇಪ್ಪತ್ತೆಂಟು ಹೊಸ ಅಕ್ಷರ ಮಾತ್ರ ಅಲ್ಲ.. ಇನ್ನು ಮುವತ್ತನಾಲ್ಕು ವ್ಯಂಜನಾಕ್ಷರ ಇಂಟು ಹದಿನಾಲ್ಕು = ನಾನೂರ ಎಪ್ಪತ್ತಾರು ಅಕ್ಷರಗಳ ಲೆಕ್ಕಾ..! ಅದಕ್ಕೆ ಮೊದಲಿನ ಇಪ್ಪತ್ತೆಂಟು ಸೇರಿಬಿಟ್ಟರೆ ಒಟ್ಟು ಐನೂರ ನಾಲ್ಕು ಅಕ್ಷರಗಳು… ಅದರಲ್ಲಿ ಅನುಸ್ವಾರ ಮಾತ್ರ ಲೆಕ್ಕ ಇಟ್ಟು ವಿಸರ್ಗಕ್ಕೆ ಸೋಡಾ ಚೀಟಿ ಕೊಟ್ಟರು… ಇನ್ನು ಅನುಸ್ವಾರದ ಆ ನಾನೂರ ಎಪ್ಪತ್ತಾರು ಅಕ್ಷರಗಳನ್ನು ಸೇರಿಸಿದರೆ – ಐನೂರನಾಲ್ಕು ಪ್ಲಸ್ ನಾನೂರ ಎಪ್ಪತ್ತಾರು = ಒಂಭೈನೂರ ಎಂಭತ್ತು ಅಕ್ಷರಗಳಾಗಿ ಹೋಗುತ್ತೆ.. ಶಿವ , ಶಿವಾ!!

‘ಗುಬ್ಬಣ್ಣ ನಾ ಆಗ್ಲೆ ಹೇಳಿದ ಹಾಗೆ ಮೊದಲು ಆ ವಿದ್ವಾಂಸರ ಕೈಗೆ ಒಪ್ಪಿಸಿ ಕೈ ತೊಳ್ಕೊ.. ನಾವಿನ್ನು ಡೀಪ್ ಹೋದರೆ ನಮಗೆ ಎಲಿಮೆಂಟರಿ ನಾಲೆಡ್ಜು ಇಲ್ವೇನೊ ಅಂತ ಅನುಮಾನ ಬರೋಕೆ ಶುರುವಾಗಿಬಿಡುತ್ತೆ… ವಿ ಡೊಂಟ್ ನೋ ವಾಟ್ ವಿ ಡೊಂಟ್ ನೋ..!’
ಎಂದು ಗಾಬರಿಯಲ್ಲೆ ಉಸುರುತ್ತ, ಹಾಗೆಯೆ ಮಾತಿನ ಟ್ರಾಕ್ ಬದಲಿಸಲು ‘ಹೇಗೂ ಹೋಗೋದು ಹೋಗಿದೀಯಾ… ಹಾಗೆ ಬರ್ತಾ ಅಣ್ಣಾವ್ರು ಹಾಡಿರೊ ಮಂಕುತಿಮ್ಮನ ಕಗ್ಗ ಸಿಡಿ ತೊಗೊಂಡ್ ಬಾ.. ಕೂತ್ಕೊಂಡು ಒಟ್ಟಿಗೆ ಕೇಳೋಣ…’ ಅಂದೆ.

‘ಅಣ್ಣಾವ್ರೂ ಕಗ್ಗ ಹಾಡಿದಾರಾ ?!’ ಅಚ್ಚರಿ , ಗಾಬರಿ ಎರಡು ಬೆರೆಸಿ ಕೇಳಿದ ಗುಬ್ಬಣ್ಣಾ..

‘ ಮತ್ತೆ ? ತುಂಬಾ ಜನಕ್ಕೆ ಗೊತ್ತಿಲ್ಲ ಅಷ್ಟೆ.. ಹುಡುಕಿ ತೊಗೊಂಡು ಬಾ ..’ ಎನ್ನುತ್ತಿದ್ದ ಹಾಗೆ ಅತ್ತ ಕಡೆಯಿಂದ ಗುಬ್ಬಣ್ಣನ ದನಿ ನಡುವೆಯೆ ತೂರಿ ಬಂತು..’ ಸಾರ್.. ಸ್ಮಾರ್ಟ್ ಪೋನ್ ಬ್ಯಾಟರಿ ಔಟ್.. ಪವರ್ ಬ್ಯಾಂಕೂ ಡೆಡ್.. ಈಗ ಲೈನ್ ಕಟ್ ಆಗುತ್ತೆ …’

ಹಾಗೆನ್ನುತ್ತಿದ್ದ ಹಾಗೆಯೆ ಲೈನ್ ಕಟ್ಟಾಯ್ತು.. ಹೇಗೊ ಬೋರಾದಾಗ ಗುಬ್ಬಣ್ಣ ಮಾತಿಗೆ ಸಿಕ್ಕನಲ್ಲ ಎಂದು ನಿರಾಳವಾಗಿ, ನಾನು ಅಕ್ಷರಮಾಲೆಯ ಇ-ಪುಸ್ತಕವೇನಾದರು ಸಿಗುತ್ತಾ ನೋಡೋಣ ಎಂದು ಗೂಗಲಿಸತೊಡಗಿದೆ..

– ನಾಗೇಶ ಮೈಸೂರು
(https://nageshamysore.wordpress.com)

0423. ಮೆಲ್ಲುಸಿರೆ ಸವಿಗಾನ….!


0423. ಮೆಲ್ಲುಸಿರೆ ಸವಿಗಾನ….!

https://prabuddategekenidde.wordpress.com/2015/11/25/0004-%e0%b2%ae%e0%b3%86%e0%b2%b2%e0%b3%8d%e0%b2%b2%e0%b3%81%e0%b2%b8%e0%b2%bf%e0%b2%b0%e0%b3%86-%e0%b2%b8%e0%b2%b5%e0%b2%bf%e0%b2%97%e0%b2%be%e0%b2%a8/

(https://prabuddategekenidde.wordpress.com/)

ಹಿನ್ನಲೆ
_____________
ನನ್ನ ಗದ್ಯಮುಖಿ ಬರಹಗಳಿಗೊಂದು ಬೇರ್ಪಡಿಸಿದ ಬ್ಲಾಗು..!
ಈಚೆಗೆ ಗಮನಿಸಿದಂತೆ ನನ್ನ ಬ್ಲಾಗಿನಲ್ಲಿ 400ಕ್ಕು ಮೀರಿ ಬರಹಗಳು ಸೇರಿಕೊಂಡುಬಿಟ್ಟಿವೆ – ಸಣ್ಣಕಥೆ, ಪ್ರಬಂಧ, ಕಾವ್ಯ ಬರಹ, ಲೇಕನ, ಕವನ, ಹರಟೆ, ಹಾಸ್ಯ ಇತ್ಯಾದಿ. ಎಲ್ಲವು ಕಲಸು ಮೇಲೋಗರವಾಗಿರುವುದು ಒಂದಾದರೆ ನನ್ನ ಸಮಯಾಭಾವ ಮತ್ತು ಸೋಮಾರಿತನದಿಂದ ಅದಕ್ಕೊಂದು ವ್ಯವಸ್ಥಿತ ರೂಪ ನೀಡಲು ಸಾಧ್ಯವಾಗಿಲ್ಲವೆನ್ನುವುದು ನಿಜವೆ. ಇದರ ಜತೆಗೆ ಮೊದಲಿಗೆ ಸುಮಾರು ಬರಹಗಳು ಪೋಸ್ಟ್ ಆಗಿ ಹಾಕದೆ ಪೇಜಿನಲ್ಲಿ ಹಾಕಿದ ಕಾರಣ ಅವು ಓದುಗರಿಗೆ ಇ ಮೇಲ್ ಮೂಲಕ ಪ್ರಕಟವಾಗಲೆ ಇಲ್ಲ ಮತ್ತು ಸರ್ಚ್ ಎಂಜಿನ್ನಿನಲ್ಲು ಸುಲಭದಲ್ಲಿ ಸಿಗುವುದಿಲ್ಲ. ಇದನ್ನೆಲ್ಲ ಪರಿಗಣಿಸಿ ಕನಿಷ್ಠ ಗದ್ಯ ಇರುವ ಬರಹಗಳನ್ನೆಲ್ಲ ಒಗ್ಗೂಡಿಸಿ ಒಂದು ಬ್ಲಾಗಿನಲ್ಲಿ ಹಾಕಿ, ಸರಿಯಾಗಿ ವಿಂಗಡಿಸಿದರೆ ಸೂಕ್ತ ಅನಿಸಿತು – ಪೋಸ್ಟ್ ರೂಪದಲ್ಲಿ. ನಂತರ ಕವನಗಳನ್ನು ಮತ್ತೊಂದು ಬ್ಲಾಗಿಗೆ ಸೇರಿಸಬಹುದು ಮತ್ತು ಪರಿಭ್ರಮಣದಂತಹ ಕಾದಂಬರಿಯನ್ನೆ ಬೇರೆ ಬ್ಲಾಗಿನಲ್ಲಿ ಹಾಕಿಬಿಡಬಹುದು ಮತ್ತೇನನ್ನು ಮಿಶ್ರ ಮಾಡದೆ (ಮಂಕುತಿಮ್ಮನ ಕಗ್ಗದ ಟಿಪ್ಪಣಿಯ ಹಾಗೆ). ಅದೆಲ್ಲಕ್ಕು ಸಾಮಾನ್ಯ ಕೊಂಡಿಯಾಗಿ ಈ ಮನದಿಂಗಿತಗಳ ಸ್ವಗತದ ಬ್ಲಾಗ್ ಸಂಪರ್ಕ ಸೇತುವೆಯಾಗಿ ಎಲ್ಲವನ್ನು ಸಮಷ್ಟಿಯಲ್ಲಿ ಹಿಡಿದಿಡುವ ಕೆಲಸ ನಿಭಾಯಿಸಬಹುದು.. ಈ ಆಲೋಚನೆ ಬಂದದ್ದೆ ಅದನ್ನು ಕಾರ್ಯ ರೂಪಕ್ಕೆ ತರಲು ನಿರ್ಧರಿಸಿ ತಕ್ಷಣದಿಂದಲೆ ಆರಂಭಿಸಿಬಿಟ್ಟೆ, ಒಂದೊಂದಾಗಿ ಲೇಖನಗಳನ್ನು, ಬರಹಗಳನ್ನು ವರ್ಗಾಯಿಸಲು. ಪ್ರತಿ ಬಾರಿ ವರ್ಗಾಯಿಸಿ ಪೋಸ್ಟ್ ಮಾಡಿದಾಗಲೂ ಇಲ್ಲಿ ಅಪ್ಡೇಟ್ ಮಾಡಿ ಬರಹದ ಲಿಂಕು ಕೊಡುತ್ತೇನೆ ಒಂದೊಂದಾಗಿ ಎಲ್ಲಾ ವರ್ಗಾವಣೆ ಆಗುವ ತನಕ. ನನ್ನ ಹಳೆ ಬರಹ ನೋಡಿರದಿದ್ದರೆ ಅದನ್ನು ನೋಡುವ ಅವಕಾಶದ ಈ ಮುಖೇನ 😀

ಅಂದ ಹಾಗೆ ಇವೆಲ್ಲಾ ಬಹುತೇಕ ಒಂದಲ್ಲಾ ಒಂದು ಪ್ರಕಟವಾಗಿರುವಂತದ್ದೆ – ಹೆಚ್ಚಿನವು ಸಂಪದದಲ್ಲಿ ಪ್ರಕಟಿಸಿಕೊಂಡಂತವು. ಪೋಸ್ಟ್ ಮಾಡಿದ ಹಾಗೆ ಬರಹದ ಹೆಸರನ್ನ ಈ ಕೆಳಗೆ ಸೇರಿಸುತ್ತಾ ಹೋಗುತ್ತೇನೆ 😊

0004.ಮೆಲ್ಲುಸಿರೆ ಸವಿಗಾನ….!
https://prabuddategekenidde.wordpress.com/2015/11/25/0004-%e0%b2%ae%e0%b3%86%e0%b2%b2%e0%b3%8d%e0%b2%b2%e0%b3%81%e0%b2%b8%e0%b2%bf%e0%b2%b0%e0%b3%86-%e0%b2%b8%e0%b2%b5%e0%b2%bf%e0%b2%97%e0%b2%be%e0%b2%a8/

0003. ಗಮನೇಶ್ವರಿಯ ಗಮಕ, ವಯಸ್ಸಿನಾ ಮಯಕ…!
https://prabuddategekenidde.wordpress.com/2015/11/24/0003-%e0%b2%97%e0%b2%ae%e0%b2%a8%e0%b3%87%e0%b2%b6%e0%b3%8d%e0%b2%b5%e0%b2%b0%e0%b2%bf%e0%b2%af-%e0%b2%97%e0%b2%ae%e0%b2%95-%e0%b2%b5%e0%b2%af%e0%b2%b8%e0%b3%8d%e0%b2%b8%e0%b2%bf%e0%b2%a8%e0%b2%be/

0002. ನೀನೋದಿದ ವಿದ್ಯೆಗೆಲ್ಲಿಡುವೆ ನೈವೇದ್ಯ?
https://prabuddategekenidde.wordpress.com/2015/11/23/0002-%e0%b2%a8%e0%b3%80%e0%b2%a8%e0%b3%8b%e0%b2%a6%e0%b2%bf%e0%b2%a6-%e0%b2%b5%e0%b2%bf%e0%b2%a6%e0%b3%8d%e0%b2%af%e0%b3%86%e0%b2%97%e0%b3%86%e0%b2%b2%e0%b3%8d%e0%b2%b2%e0%b2%bf%e0%b2%a1%e0%b3%81/

0001. ಏನಾಗಿದೀದಿನಗಳಿಗೆ
https://prabuddategekenidde.wordpress.com/2015/11/22/0001-%e0%b2%8f%e0%b2%a8%e0%b2%be%e0%b2%97%e0%b2%bf%e0%b2%a6%e0%b3%80%e0%b2%a6%e0%b2%bf%e0%b2%a8%e0%b2%97%e0%b2%b3%e0%b2%bf%e0%b2%97%e0%b3%86/

00389. ಕಲಿತಾಡು ಕನ್ನಡವ..


00389. ಕಲಿತಾಡು ಕನ್ನಡವ..
_______________________
(published in Suragi 29.10.2015)

ಕನ್ನಡ ಕಲಿ
‘ಕನ್ನಡ’ಕದಲಿ
‘ಕದ’ಲಿದರೆ ಕದ
ನಿಧಿ ಪೆಟ್ಟಿಗೆ ಸದಾ ||

ತೆರೆದಾ ಮನ
ತೆರೆ ಸರಿಸಿ ಘನ
ಬಿಚ್ಚಿದ ಕೊಡೆ ಮಾಯೆ
ಕನ್ನಡದಲದರದೆ ಛಾಯೆ ||

ನಾಲಿಗೆ ಸದಾ
ಎಲುಬಿಲ್ಲದ ಸಿದ್ಧ
ಶುದ್ಧ ಮಾಡುವ ತರ
ನುಡಿ ಕನ್ನಡ ಸ್ವರ ಸರ ||

ಸರಸರ ಸಾರ
ನುಡಿದೆ ಸಾದರ
ಮಾತಾಗುತ ಸದರ
ಮನಸಾಗುವ ಹಗುರ ||

ಕನ್ನಡಿ ಗಂಟು
ಆಗದಂತೆ ನಂಟು
ಸರಿ ಕಲಿತವರದೆಷ್ಟು
ಕವಿ ಕಾವ್ಯ ಬರೆದವರಷ್ಟು ||

ಕನ್ನ ಹಾಕಲಿ
ಕನ್ನಡವ ಬಾಚಲಿ
ಕದ್ದಿದ್ದೆಲ್ಲಾ ಶಾಶ್ವತ
ಸಿರಿವಂತ ಕನ್ನಡ ಸುತ ||

ಕನ್ನಡ ನಗಲಿ
ನಗೆಗಡಲೆ ಸಿಗಲಿ
ಕಡಲೆ ಕಬ್ಬಿಣ ಕರಗಿ
ಮಲ್ಲೆ ಸಂಪಿಗೆ ಸುರಗಿ ||

———————–
ನಾಗೇಶ ಮೈಸೂರು

ಕಲಿತಾಡು,ನಾಗೇಶಮೈಸೂರು,ಕನ್ನಡ,ನವೆಂಬರ್,nagesha,ನಾಗೇಶ,ನಾಡು,ನುಡಿ,ಮೈಸೂರು,nageshamysore,ರಾಜ್ಯೋತ್ಸವ,ಮಾತೆ,ಮೈಸೂರು,

00384. ಮಾತೆಯರಾಗಲಿ ಕನ್ನಡ ಮಾತೆ..


00384. ಮಾತೆಯರಾಗಲಿ ಕನ್ನಡ ಮಾತೆ..
________________________________

ಕನ್ನಡ ರಾಜ್ಯೋತ್ಸವ ಹತ್ತಿರವಾಗುತ್ತಿದೆ – ಎಂದಿನಂತೆ ನವೆಂಬರಿನ ಸೆರಗು ಹೊದ್ದು. ಆಡಂಬರ ಆಚರಣೆಗಳ ಸಡಗರ ಸಂಭ್ರಮ ಎಂದಿನಂತೆ ಹಾಯ್ದು ಹೋಗಲಿರುವಾಗಲೆ ಯಾವ ಅಬ್ಬರ ಆಡಂಬರಗಳಿಲ್ಲದೆ ಮಾಡಬಹುದಾದ ಮತ್ತೊಂದು ವಿಷಯ ಮನಸಿಗೆ ಬರುತ್ತಿದೆ. ಅದರಲ್ಲೂ ವಿದೇಶದಲ್ಲಿ ಕನ್ನಡ ಗಂಧವಿಲ್ಲದೆ ಬೆಳೆಯುವ ಮಕ್ಕಳ ವಿಷಯದಲ್ಲಿ ಇದು ತುಂಬಾ ಮುಖ್ಯವಾದದ್ದು. ಅದು ಪ್ರತಿಯೊಬ್ಬ ತಾಯಿಯೂ ತನ್ನ ಮಕ್ಕಳಿಗೆ ಮಾಡಬಹುದಾದ ಸುಲಭದ ಕೆಲಸ – ಕನಿಷ್ಠ ಮಾತಾನಾಡಬಲ್ಲ ಆಡು ಕನ್ನಡವನ್ನು ಮಕ್ಕಳಿಗೆ ಹೇಳಿಕೊಡುವುದು, ನಿರಂತರ ಮಾತನಾಡಿಸಿ ಅದು ಅಭ್ಯಾಸವಾಗುವಂತೆ ಮಾಡುವುದು. ತೀರಾ ಕೊಂಡಿ ಕಳಚಿ ಹೋಗದಂತೆ ಮಾಡುವಲ್ಲಿ ಇದು ಅಷ್ಟಿಷ್ಟಾದರೂ ಸಹಾಯಕಾರಿ. ಈ ಯೋಚನೆ ಬಂದಿದ್ದು ಏಕೆಂದರೆ ಮಗರಾಯ ಐಪ್ಯಾಡಿನ ಭಾಷಾಂತರ ನಿಘಂಟಿನ ಆವೃತ್ತಿಯೊಂದನ್ನು ಹಿಡಿದುಕೊಂಡು ಇಂಗ್ಲೀಷಿನಿಂದ ಕನ್ನಡಕ್ಕೆ ಪರಿವರ್ತಿಸಿ ಆ ಕನ್ನಡ ಅಕ್ಷರ ಕೂಡಿಸಿ ಓದಲು ಯತ್ನಿಸುತ್ತಿದ್ದ – ಸ್ವಪ್ರೇರಣೆಯಿಂದ. ಇನ್ನು ಕಾಗುಣಿತಾಕ್ಷರ ಬರದಿದ್ದರೂ ಅವನ ಯತ್ನಕ್ಕೆ ಖುಷಿಯಾಗಿ ನಾವು ಸಹಾಯ ಮಾಡಲೆತ್ನಿಸುತ್ತಿದ್ದಾಗ ಅನಿಸಿತು – ಈ ತರದ ಸಲಕರಣೆಗಳಿಂದ ಸರಿಯಾದ ಮಾರ್ಗದರ್ಶನ ನೀಡಿದರೆ ಅವರೆ ಕಲಿಯುವ ಸಾಧ್ಯತೆಯಿದೆಯೆಂದು. ಅದರ ಬುನಾದಿಯಾಗಿ, ತಳಹದಿಯಾಗಿ ಸ್ವಲ್ಪ ಆ ಭಾಷಾ ಪ್ರೇಮ ಹುಟ್ಟುವ ವಾತಾವರಣ ಸೃಜಿಸಿದರೆ ಸಾಕು. ಅದರ ಮೊದಲ ಹೆಜ್ಜೆಯಾಗಿ ಮನೆಯಲ್ಲಿ ಅಪ್ಪ, ಅಮ್ಮ ತರದ ಸಣ್ಣ ಪದಗಳಿಂದಲೆ ಆರಂಭಿಸಬಹುದು. ಈಗಾಗಲೆ ಎಷ್ಟೊ ಜನ ಇದಕ್ಕು ಹೆಚ್ಚು ಮಾಡುತ್ತಿರಬಹುದು.. ಇನ್ನು ಆರಂಭಿಸದಿದ್ದವರು ಈ ಕನ್ನಡ ರಾಜ್ಯೋತ್ಸವದಿಂದಾದರು ಆರಂಭಿಸಿದರೆ ಕನ್ನಡಕ್ಕೊಂದು ಅಮೂಲ್ಯ ಕೊಡುಗೆ ನೀಡಿದಂತಾಗುತ್ತದೆ, ಮುಂದಿನ ಪೀಳಿಗೆಗೆ ದಾಟಿಸುವ ಯತ್ನದಲ್ಲಿ. ಇದರಲ್ಲಿ ತಂದೆಗಳ ಪಾತ್ರವೂ ಹಿರಿದೆ ಆದರು ಮಾತೆಯರು ಮೊದಲ ಅಡಿಗಲ್ಲು ಹಾಕಿದರೆ ಭಾವನಾತ್ಮಕ ಬಂಧ ಬಲವಾಗಲಿಕ್ಕೆ ರಹದಾರಿ ಕೊಟ್ಟಂತಾಗುತ್ತದೆ. ಕನ್ನಡ ಮಾತಾಡಲೊಲ್ಲದ ಕನ್ನಡ ಮಾತೆಯರೂ ಇರುವುದು ನಿಜವಾದ ಕಾರಣ ಅವರಿಗೊಂದು ವಿಶೇಷ ಮನವಿಯಾಗಿ ಈ ಪುಟ್ಟ ಕವನ – ಕನ್ನಡ ಮಾತೆಯರಾಗಿ ಕನ್ನಡ ಮಾತೆಯನ್ನು ಪೋಷಿಸಲೆಂದು ಆಶಿಸುತ್ತ, ವಿನಂತಿಸಿಕೊಳ್ಳುತ್ತ.

ಕನ್ನಡ ಮಾತೆಯರೇಕೊ..
______________________

ಕನ್ನಡ ಮಾತೆಯರೇಕೊ
ಕನ್ನಡ ಮಾತೆ ಆಡರಲ್ಲ ?
ಮಕ್ಕಳೊಡನೆ ಮಾತಾಟ
ಕನ್ನಡವೆಲ್ಲಿ ಕಾಣೆಯಾಯ್ತ ? ||

ಮಮ್ಮೀ ಡ್ಯಾಡೀ ಮಧುರ
ಕರೆಯಲದೆಷ್ಟೂ ಸದರ
ಅಪ್ಪ ಅವ್ವಾ ಅಮ್ಮಾ ಅಣ್ಣ
ಅನ್ನಬೇಕಿತ್ತಲ್ಲಾ ಉದರ ? ||

ಉಳಿವಿಗಾಗಿ ಹೋರಾಟ
ನಿಜ ಬದುಕೆ ಜೂಜಾಟ
ಜೂಜಿನ ಜೂಟಾಟ ಕುತ್ತೆ
ಕಳುವಾಗದಿಹಳೆ ಮಾತೆ ? ||

ಉಂಡು ತಿಂದು ಲಾಲಿ
ಹಾಡುವಾಗ ಜೋಕಾಲಿ
ಕಂದ ಮಲಗೆಂದು ಹಾಡಿ
ಮಿಡಿದರದೆ ಕನ್ನಡ ದುಡಿ ||

ಟುಸು ಪುಸು ಜಗದಾಚೆ
ಜತೆ ಕೂತ ಆತ್ಮೀಯತೆ
ಬಚ್ಚಿಡದೆ ಬಿಚ್ಚಲಿ ಮಾತೆ
ಕನ್ನಡ ತಾಯಿಗೆ ಘನತೆ ||

– ನಾಗೇಶ ಮೈಸೂರು

ಕನ್ನಡ, ಮಾತೆ, ರಾಜ್ಯೋತ್ಸವ, ನಾಡು, ನುಡಿ, ನವೆಂಬರ್, ನಾಗೇಶ, ಮೈಸೂರು, ನಾಗೇಶಮೈಸೂರು, nagesha, Mysore, nageshamysore

00329. ವರ್ಣಮಾಲಾಕ್ಷರ ಲಹರಿ: ಚಂಡಮಾರುತ ಪ್ರಕೋಪ


00329. ವರ್ಣಮಾಲಾಕ್ಷರ ಲಹರಿ: ‘ಚಂಡಮಾರುತ ಪ್ರಕೋಪ’

_________________________________________________]

ಸುಮಾರು 2013 ರ ಆರಂಭದಲ್ಲಿ ಒಂದು ದಿನ ಸಂಜೆ ಹೀಗೆ ಏನೊ ಓದುತ್ತಾ, ಬರೆಯುತ್ತಾ ಕುಳಿತಿದ್ದೆ – ಒಂದೆ ಸಮನೆ ಸುರಿಯುತ್ತಿದ್ದ ತಣ್ಣಗಿನ ಮಳೆಯ ಸದ್ದಿನ ಜತೆಗಿನ ನೀರವ ಮೌನದ ನಡುವೆ. ಆ ಮಳೆ ಎರಡು ದಿನದಿಂದ ಚಂಡಿ ಹಿಡಿದವರಂತೆ ಹೊಡೆಯುತ್ತಲೆ ಇತ್ತು – ಯಾವುದೊ ತೈಪೂನ್ / ಚಂಡಮಾರುತದ ಫಲಿತವಾಗಿದ್ದ ಕಾರಣ. ಆ ಗಳಿಗೆಯಲ್ಲಿ ಕನ್ನಡ ವರ್ಣಮಾಲೆಯ ಅಕ್ಷರಗಳನ್ನು ಏನೊ ಕಾರಣಕ್ಕೆ ವೀಕ್ಷಿಸುತ್ತಿದ್ದೆ. ಅದೇನು ವಯಸಿನ ಫಲವೊ ಅಥವಾ ಮರೆಗುಳಿತನವೊ – ಆಗಾಗ ಕನ್ನಡ ಸ್ವರ ಮತ್ತು ವ್ಯಂಜನಾಕ್ಷರಗಳ ಅನುಕ್ರಮಣಿಕೆಯಲ್ಲಿ ಗೊಂದಲ ಮೂಡಿ ಸಂಶಯ ಹುಟ್ಟಿಬಿಡುವುದರಿಂದ, ಅನುಮಾನವಾದಾಗೆಲ್ಲ ಈ ಪುಟ ತೆರೆದು ನೋಡುವ ಅಭ್ಯಾಸ. ಆ ದಿನವೂ ಅದೇ ಕಾಯಕದಲ್ಲಿ ನಿರತನಾಗಿದ್ದೆ. ಆಗ ಇದ್ದಕ್ಕಿದ್ದಂತೆ ಅರೆ ತೆರೆದ ಕಿಟಕಿಯ ಸಂದಿನಿಂದ ಎರಚಲಾಗಿ ಹನಿಗಳ ಜೊಂಪೆಯೊಂದು ಆ ಹೊತ್ತಿನ ಗಾಳಿಯ ರಭಸಕ್ಕೊ ಏನೊ – ತೂರಿ ಒಳಬಂದು ಕೈಲಿ ಹಿಡಿದ ಪುಸ್ತಕವನ್ನೆಲ್ಲ ಒಂದೆ ಏಟಿಗೆ ಒದ್ದೆಯಾಗಿಸಿಬಿಟ್ಟಿತು. ಆಗ ತೆರೆದಿದ್ದ ಪುಟದಲ್ಲಿದ್ದ ವರ್ಣಮಾಲೆಯ ಅಕ್ಷರಗಳು ಒದ್ದೆಯಾಗಿ ಕಲಸಿಹೋಗಿ, ಹಾಳೆ ಪೂರ್ತಿ ಮುದುರಿ ನಶಿಸತೊಡಗಿದಾಗ ಕನಿಷ್ಠ ಮುಂದಿನ ಸಾರಿಯ ಬಳಕೆಗೆ ಇರಲಿ ಎಂದುಕೊಂಡು, ಆ ಅಕ್ಷರಗಳನ್ನೆಲ್ಲ ಅದೇ ಕ್ರಮದಲ್ಲಿ ನಕಲು ಮಾಡಿಡತೊಡಗಿದೆ (ಸಿಂಗಪುರದಲ್ಲಿ ಬೇಕೆಂದಾಗ ಕನ್ನಡ ಪುಸ್ತಕ ಸಿಗಬೇಕಲ್ಲ ? ಸದ್ಯಕ್ಕೆ ಒಂದು ತಾತ್ಕಾಲಿಕ ಪ್ರತಿಯಾದರು ಇರಲಿ ಅನ್ನುವ ಕಾರಣಕ್ಕೆ!)…….

(Read the rest of the article in the page link below :   https://nageshamysore.wordpress.com/00329-%e0%b2%b5%e0%b2%b0%e0%b3%8d%e0%b2%a3%e0%b2%ae%e0%b2%be%e0%b2%b2%e0%b2%be%e0%b2%95%e0%b3%8d%e0%b2%b7%e0%b2%b0-%e0%b2%b2%e0%b2%b9%e0%b2%b0%e0%b2%bf-%e0%b2%9a%e0%b2%82%e0%b2%a1%e0%b2%ae%e0%b2%be/ )

Thanks and best regards,

Nagesha MN

00281. ನಾಡದೇವಿಗೊಂದು ನಮನ


00281. ನಾಡದೇವಿಗೊಂದು ನಮನ
________________________

ಮತ್ತೆ ನಾಡಹಬ್ಬ ‘ಕನ್ನಡ ರಾಜ್ಯೋತ್ಸವ’ ಕಾಲಿಕ್ಕುತಿದೆ. ಇಡೀ ವರ್ಷ ಧೂಳು ಹಿಡಿಯುತ್ತಿದ್ದ ಕನ್ನಡ ಬಾವುಟಗಳೆಲ್ಲ ಕೊಡವಿಕೊಂಡೆದ್ದು ನಿಂತು, ಸಿಂಗರಿಸಿಕೊಂಡು ಮೆರೆದಾಡುವ ಕಾಲ. ರಸ್ತೆ, ಗಲ್ಲಿ, ಸರ್ಕಲ್ಲುಗಳ ಕಂಬಗಳಿಗೂ ಸಿಂಗರಿಸಿಕೊಂಡು ನಲಿಸಾಡುವ ಸುಸಮಯ. ರಾಜ್ಯ ಸರಕಾರವೂ ಸೇರಿದಂತೆ, ಆಡಳಿತದ ಚುಕ್ಕಾಣಿ ಹಿಡಿದ ಸೂತ್ರಧಾರರು ಭಾಷಣಗಳ ಜತೆಗೆ ನಾಡು-ನುಡಿಯ ಏಳಿಗೆ, ಪ್ರಗತಿಗೆ ನಿಜಾಯತಿಯಿಂದ, ಪ್ರಾಮಾಣಿಕತೆಯಿಂದ ಏನನ್ನಾದರೂ ಮಾಡಬಹುದಾದ ಅವಕಾಶ.

https://nageshamysore.wordpress.com/00281-%e0%b2%a8%e0%b2%be%e0%b2%a1%e0%b2%a6%e0%b3%87%e0%b2%b5%e0%b2%bf%e0%b2%97%e0%b3%8a%e0%b2%82%e0%b2%a6%e0%b3%81-%e0%b2%a8%e0%b2%ae%e0%b2%a8/

ಧನ್ಯವಾದಗಳೊಂದಿಗೆ / ನಾಗೇಶ ಮೈಸೂರು
Thanks & Best Regards / Nagesha Mysore
WeBlog site: nageshamysore.wordpress.com

00226. ‘ಕನ್ನಡ ಜಾಣ’ ಪದ – 02


00226. ‘ಕನ್ನಡ ಜಾಣ’ ಪದ – 02

ಜೀವನದ ಕೆಲವು ದ್ವಂದ್ವಗಳು ಸತ್ಯವಿದ್ದಷ್ಟೆ ವಿಸ್ಮಯಕಾರಿ ವಾಸ್ತವಗಳು. ಪುರಾಣದಿಂದ ಪುರಾತನದತನಕ ನೋಡಿದೆಡೆಯೆಲ್ಲ ಕಾಣುವ ಈ ದ್ವಂದ್ವ ಬಹುಶಃ ಅದರ ಸಾರ್ವತ್ರಿಕತೆಯನ್ನು ಸಾರುವಷ್ಟೆ ಸಹಜವಾಗಿ ಅದೊಡ್ಡುವ ಪಂಥವನ್ನು , ಸಂದಿಗ್ದವನ್ನು ಪ್ರತಿನಿಧಿಸುತ್ತಿರಬಹುದೇನೊ?….

https://nageshamysore.wordpress.com/00226-%e0%b2%95%e0%b2%a8%e0%b3%8d%e0%b2%a8%e0%b2%a1-%e0%b2%9c%e0%b2%be%e0%b2%a3-%e0%b2%aa%e0%b2%a6-02/

ಧನ್ಯವಾದಗಳೊಂದಿಗೆ / ನಾಗೇಶ ಮೈಸೂರು
Thanks & Best Regards / Nageshar Mysore
WeBlog site: nageshamysore.wordpress.com

00224. ಕನ್ನಡ ಜಾಣನ ಪದಗಳು


00224. ಕನ್ನಡ ಜಾಣನ ಪದಗಳು
__________________________

(ಸಂಪದದ ಹತ್ತರ ಸಂಭ್ರಮಕ್ಕೆ ಅಭಿನಂದನೆಯ ರೂಪದಲ್ಲಿ ಮತ್ತೊಂದು ತುಣುಕು – ನಾಗೇಶ ಮೈಸೂರು)

ಬ್ರಹ್ಮಾಂಡದೊಳಬ್ರಹ್ಮಾಂಡ ಜುಟ್ಟಿನ ಜಟಿಲ
ಕೂತು ಕಟ್ಟುವ ಪೀಠ ಮೋಟುದ್ದದ ಬಾಲ
ಯಾವ ಪಾಕದ ಗುಟ್ಟಿಗ್ಹಡೆದೊಡೆಯಿತೊ ಜಗದೊಗಟು ?
ಅದ ಮುರಿದು ಕಟ್ಟುವ ಬಗೆಯರಿತವ ಧನ್ಯ ಕನ್ನಡ ಜಾಣ ||…….

https://nageshamysore.wordpress.com/00224-%e0%b2%95%e0%b2%a8%e0%b3%8d%e0%b2%a8%e0%b2%a1-%e0%b2%9c%e0%b2%be%e0%b2%a3%e0%b2%a8-%e0%b2%aa%e0%b2%a6%e0%b2%97%e0%b2%b3%e0%b3%81/

ಧನ್ಯವಾದಗಳೊಂದಿಗೆ / ನಾಗೇಶ ಮೈಸೂರು
Thanks & Best Regards / Nagesha Mysore
WeBlog site: nageshamysore.wordpress.com

00154. ಮುದ್ದಣನೆಂಬ ಕನ್ನಡದ ಆಸ್ತಿ


00154. ಮುದ್ದಣನೆಂಬ ಕನ್ನಡದ ಆಸ್ತಿ

ನಾಳೆ ಅಂದರೆ ಇಪ್ಪತ್ನಾಲ್ಕನೆ ಜನವರಿ ಮಹಾಕವಿ ಮುದ್ದಣನ ಜನ್ಮದಿನವೆಂದು ನನ್ನ ಸಾಹಿತ್ಯಾಭಿಮಾನಿ ಕೂಟದ ಮಿಂಚಂಚೆ ನೆನಪಿಸಿದಾಗ, ಕವಿ ಮುದ್ದಣನ ಕುರಿತು ನೆಟ್ನಲ್ಲಿ ಏನಿದೆಯೆಂದು ನೋಡಲು ಯತ್ನಿಸಿದೆ. ವಿಕಿ ಕನ್ನಡ, ವಿಕಿ, ಕಣಜ ಮತ್ತಿತರ ಕಡೆ ಕೆಲವು ವಿಷಯ ಸಿಕ್ಕಿತು. ಜತೆಗೆ ಮುದ್ದಣನ ಕುರಿತಾದ ಪುಸ್ತಕ ಮತ್ತು ಎಂಪಿ 3 ಕುರಿತು ಮಾಹಿತಿ ಸಿಕ್ಕಿತು. ಅದನ್ನೆಲ್ಲ ಕಲೆ ಹಾಕಿ ಈ ಕೆಳಗಿನ ಪುಟ್ಟ ಕವನದಲ್ಲಿ ಹಿಡಿದಿಡಲು ಯತ್ನಿಸಿದ್ದೇನೆ. ಕವನದ …….

https://nageshamysore.wordpress.com/00155-%e0%b2%ae%e0%b3%81%e0%b2%a6%e0%b3%8d%e0%b2%a6%e0%b2%a3%e0%b2%a8%e0%b3%86%e0%b2%82%e0%b2%ac-%e0%b2%95%e0%b2%a8%e0%b3%8d%e0%b2%a8%e0%b2%a1%e0%b2%a6-%e0%b2%86%e0%b2%b8%e0%b3%8d%e0%b2%a4%e0%b2%bf/

ಧನ್ಯವಾದಗಳೊಂದಿಗೆ / ನಾಗೇಶ ಮೈಸೂರು
Thanks & Best Regards / Nagesha Mysore
WeBlog site: nageshamysore.wordpress.com

00000. ಮನದಿಂಗಿತಗಳ ಸ್ವಗತ – ಪರಿವಿಡಿ ಮತ್ತು ಇತರೆ ವಿವರ


______________________________________________________________________________

00000. ಮನದಿಂಗಿತಗಳ ಸ್ವಗತ – ಪರಿವಿಡಿ ಮತ್ತು ಇತರೆ ವಿವರ
______________________________________________________________________________

00140. ಶುಮಾಕರನೆಂಬ ವೇಗದ ವಿಪರ್ಯಾಸ (ಕಿರು ಬರಹ + ಕವನ)

00138. ಎರಡು ದೋಣಿಯ ಮೇಲೆ ಕಾಲಿಟ್ಟ ಬದುಕು…(ಅನುಭವ + ಕಿರು ಪ್ರಬಂಧ)

00139. ಕಾಲದ ಗಡಿಯಾರ . (ಕಿರು ಬರಹ + ಕವನ)

00137. ಮಳೆಯಾಗವ್ಳೆ ಚೌಡಿ.. (ಕಿರು ಬರಹ + ಕವನ)

00136. ಹೋಗ್ಲಿ ಬಿಡಿ, ಹಾಳಾಗ್ಲಿ ಬಿಡ್ರಿ..(ಹೊಸದ ತಂದು ಹಳತ ಮರೆತುಬಿಡಿ..)

00135. ಸುದ್ದಿ ಮುಟ್ಟಿ ಮನ ಸೂತಕ…(ಕಳಚಿದ ಕೊಂಡಿ) (ಕಿರು ಬರಹ + ಕವನ)

00134. ದೇವರು ನಮಗೆ ಹಾಕಿದ ಟೋಪಿ (ಮಕ್ಕಳ ಪದ್ಯ) (ಕಿರು ಬರಹ + ಕವನ)

00133. ಚಿತ್ರಗುಪ್ತನಿಗೊಂದು ಸಲಹೆ (ಸರಿ ತಪ್ಪುಗಳ ಲೆಕ್ಕ) (ಕಿರು ಬರಹ + ಕವನ)

00132. ಅಂಗಜನ ಅಂಗದ ಸದ್ದು … (ಕಿರು ಬರಹ + ಕವನ)

00131. ಮಳೆಯಾಗುತ ಸಾಂಗತ್ಯ…. (ಕಿರು ಬರಹ + ಕವನ).

00130. ರಾಜರತ್ನಂ ನೆನಪಿಗೆ (ಕಿರು ಬರಹ + ಕವನ)

00129. ಪುಸ್ತಕ ವಿಮರ್ಶೆ: ಕಣ್ಣೀರಜ್ಜ ಮತ್ತು ಇತರ ಕಥೆಗಳು (ಪುಸ್ತಕ ವಿಮರ್ಶೆ)

00128. “ಬೀರ” ದೇವರು ಒಳಗಿಳಿದರೆ ಶುರು! (ಕಿರು ಬರಹ + ಕವನ)

00127. ಮುರಿದು ಬಿದ್ದ ಪಿಎಸ್ಪಿ (ಬರಹ + ಕವನ)

00126. ನೂರು ಶತಕಗಳ ಸರದಾರ (ಕಿರು ಬರಹ + ಕವನ)

00125. ಶ್ರೀ ಸತ್ಯನಾರಾಯಣ ವ್ರತದಿ ಪೂಜಾಂಗವಾಗಿಹ ಕಥನ (ಸರಳ ಕಾವ್ಯರೂಪದಲ್ಲಿ)

00124. ಈ ಕೆಮ್ಮೊಣಕೆಮ್ಮು… (ಕಿರು ಬರಹ + ಕವನ)

00123. ತುಳಸಿಗಿಂದು ಸಂಭ್ರಮ (ಕಿರು ಬರಹ + ಕವನ)

00122. ಈ ಸಂಪದ (ಕಿರು ಬರಹ + ಕವನ)

00121. ಮಂಗಳಗ್ರಹಕ್ಕೊಂದು ಗ್ರಹಕೊಂದು ಕಲ್ಲು (ಕಿರು ಬರಹ + ಕವನ)

00120. ಹುಡುಗಾಟ ಆಡಿದ್ರೆ, ಪಟಾಕಿ ಸುಮ್ನೆ ಬಿಡುತ್ತ? (ಕಿರು ಬರಹ + ಕವನ) (04.11.2013)

00119. ದೀಪೋತ್ಸಾಹಂ ಭುವಂಗತೆ.. (ಬರಹ + 2 ಕವನ) (02.11.2013)

00118. ರಾಜ್ಯೋತ್ಸವದ ಮನವಿ : ಪದಗಳಿಗಾಗುತ ದನಿ (ಕವನ + ಕಿರು ಬರಹ) (01.11.2013)

00117. ಗುಜರಾತಿನ ಮೋಡಿ, ಪಟೇಲರ ಹಾಡಿ (ಕವನ + ಕಿರು ಬರಹ)

00116. ‘ಐ’ಗಳ ಪುರಾಣ – 03 …’ಐ’-ಪೋನು, ಪಾಡು, ಪ್ಯಾಡುಗಳ ಪಾಡಿನ ಹರಟೆ, (ಪ್ರಬಂಧ + ಲೇಖನ + ಕಥನ + ಹರಟೆ + ಅನುಭವ)

00115. ಮಂಡೋದರಿ, ನಿನಗ್ಯಾಕಿ ಪರಿ ಕಿರಿಕಿರಿ..? (ಕವನ + ಬರಹ) (WIP)

00114. 00114. ಸಮಾನಾಂತರ ಚಿಂತನಾ ಚಿತ್ತ (ಕವನ + ಕಿರು ಬರಹ)

00113. ಹಾಸ್ಯದಲೆ ಕೊಲ್ಲೆ ಪೂರ್ತಿ, ಸಿದ್ದಹಸ್ತ ನರಸಿಂಹಮೂರ್ತಿ (ಕವನ + ಕಿರು ಬರಹ)

00112. ಪೌರ್ಣಿಮೆ ಚಂದ್ರನ ಕಾಲೆಳೆಯುತ್ತ….(ಕವನ + ಕಿರು ಬರಹ)

00111. ಖೈರುದ್ದೀನನಿಗೆ ಹಬ್ಬದ ಶುಭಾಶಯ ಹೇಳಿ…(ಕವನ + ಕಿರು ಬರಹ)

00110. ಸಿಂಗಪುರ್ ಈಸ್ ಏ ಫೈನ್ ಸಿಟಿ…(ಕವನ + ಕಿರು ಬರಹ)

00109. ಆಯುಧ ಪೂಜೆ, ವಿಜಯದಶಮಿ (2) (ಕವನ + ಕಿರು ಬರಹ)

00108. ಮಹಾಲಯ ಅಮಾವಾಸೆ (ಮಹಾನವಮಿ) (01) (ಕವನ + ಕಿರು ಬರಹ)

00107. ಪಾತ್ರಗಳೆ ರಾಯರಿಗೆ ಸಲ್ಲಿಸಿವೆ ವಂದನ ! (ಕವನ + ಕಿರು ಬರಹ)

00106. …..ನಿನ್ನ ನೆನಸುತ್ತೇನೆ ! (ಕವನ + ಕಿರು ಬರಹ)

00105. ಯಾರದು ಮುಂದಿನ ಪಾಳಿ? (ಕವನ + ಕಿರು ಬರಹ)

00104. ಕೂರ್ಮಾವತಾರ : ಸಾಮಾನ್ಯ ಪ್ರೇಕ್ಷಕನೊಬ್ಬನ ಅನುಭವ, ವಿಮರ್ಶೆಯ ಒಳನೋಟ (ಅನುಭವ + ವಿಮರ್ಶೆ + ಬರಹ)

00103. ಯಾರ ಗೆಲುವು – ‘ಛಿಧ್ರವೋ, ಸಮಗ್ರವೋ? (ಕವನ + ಕಿರು ಬರಹ)

00102. ಪಂಚ್ಲೈನ್ ‘ಪಂಚೆ’ ಸಿದ್ರಾಮಣ್ಣ.. (ಕವನ + ಕಿರು ಬರಹ)

00101. ಯಾರು..? (ಚಿಣ್ಣರ ಹಾಡು) (ಕವನ + ಕಿರು ಬರಹ)

00100. ನಮ್ಮ ಬಾಲ್ಯದ ‘ಶರ್ಲಾಕ್ ಹೋಂ’ “ಎನ್. ನರಸಿಂಹಯ್ಯ” ನೆನಪಲಿ ..(ಕವನ + ಕಿರು ಬರಹ)

00099. ಕೆಂಪೇಗೌಡರೆ ಬನ್ನಿ ಹೀಗೆ ……(ಕವನ + ಕಿರು ಬರಹ)

00098. “ಮುದ್ದಣ್ಣ ಮನೋರಮೆ ಕಲಿತ ಚೀನಿ ಭಾಷೆ – 02” (ಭಾಗ – 02) (ಹಾಸ್ಯಬರಹ + ಹರಟೆ + ವ್ಯಂಗ್ಯ)

00097. ತೊಡಕುಗಳನು ಬಿಡಿಸಲು “ತೊಡಕಿನ ಸಿದ್ದಾಂತ – 04” – (ತೊಡಕು ಸಿದ್ದಾಂತ) (ತಾಂತ್ರಿಕ + ಮ್ಯಾನೇಜ್ಮೆಂಟು + ವ್ಯವಸ್ಥೆ )

00096. ತೊಡಕುಗಳನು ಬಿಡಿಸಲು “ತೊಡಕಿನ ಸಿದ್ದಾಂತ – 03” – (ತೊಡಕು ಸಿದ್ದಾಂತ) (ತಾಂತ್ರಿಕ + ಮ್ಯಾನೇಜ್ಮೆಂಟು + ವ್ಯವಸ್ಥೆ )

00095. ತೊಡಕುಗಳನು ಬಿಡಿಸಲು “ತೊಡಕಿನ ಸಿದ್ದಾಂತ – 02” – (ತೊಡಕು ಸಿದ್ದಾಂತ) (ತಾಂತ್ರಿಕ + ಮ್ಯಾನೇಜ್ಮೆಂಟು + ವ್ಯವಸ್ಥೆ )

00094. ‘ಐ’ಗಳ ಪುರಾಣ – 02 …’ಐ’-ಪೋನು, ಪಾಡು, ಪ್ಯಾಡುಗಳ ಪಾಡಿನ ಹರಟೆ, (ಪ್ರಬಂಧ + ಲೇಖನ + ಕಥನ + ಹರಟೆ + ಅನುಭವ)

00093. ಅಲ್ಲಿರೋದು ನಮ್ಮನೆ, ಇಲ್ಲಿರೋದು ಸುಮ್ಮನೆ…(ಕವನ + ಕಿರು ಬರಹ)

00092. ಗಜಾನನ ಗಜ-ಮೂಷಿಕಾಸುರ ಕಥೆ (ಕವನ + ಕಿರು ಬರಹ)

00091. ಹುಟ್ಟುಹಬ್ಬದ ನಮಸ್ತೆ..(ಪೂಚಂತೆ ಯಾರಂತೆ?) (ಕವನ + ಕಿರು ಬರಹ)

00090. ಅವರಿತ್ತ ಜೀವನ ಭಿಕ್ಷೆ (ಕವನ + ಕಿರು ಬರಹ)

00089. ಶ್ರಾವಣ (ಕವನ + ಕಿರು ಬರಹ)

00088. ಮಿನುಗುತಾರೆ, ಗುನುಗುತ್ತಾರೆ… (ಕವನ + ಕಿರು ಬರಹ)

00087. ಡಾಲರ ರೂಪಾಯಿ ಲೆಕ್ಕಾಚಾರ (ಕವನ + ಕಿರು ಬರಹ)

00086. ಗೋಕುಲದಲಿ ಅಷ್ಟಮಿ , ಗೋಕುಲಾಷ್ಟಮಿ.. (ಕವನ + ಕಿರು ಬರಹ)

00085. ಜಲಚಕ್ರ (ಕವನ + ಕಿರು ಬರಹ)

00084. ವರಮಹಾಲಕ್ಷ್ಮಿ ವ್ರತ (ಕವನ + ಕಿರು ಬರಹ)

00083. ಅಷ್ಟಲಕ್ಷ್ಮಿಯರ ವರ (ಕವನ + ಕಿರು ಬರಹ)

00082. ಭಾರತಿಮನ, ಭಾರತಿತನ! (ಕವನ)

00081. ಮತ್ತೊಂದು ಸ್ವಾತಂತ್ರದ ದಿನ…. (ಕವನ + ಕಿರು ಬರಹ)

00080. ನಿಯತಿಯ ಶಿರ (ಕವನ)

00079. ಬದಲಾಗಬೇಕಾಗಿದ್ದು ನಾವು-ನೀವಾ ಅಥವಾ ಈ ವ್ಯವಸ್ಥೆಯಾ? (ಚಿಂತನೆ + ಲೇಖನ + ವಾಸ್ತವ )

00078. ಕಟ್ಟುವ ಬನ್ನಿ ಕನ್ನಡ ಉಳಿಸಿ ಬೆಳೆಸುವ ಪೀಳಿಗೆ (ಚಿಂತನೆ + ಅಂಕಣ: ಚಿಂತಕರ ಚಾವಡಿ (ಕನ್ನಡ ಸಂಘ)+ ಲೇಖನ + ಸಿಂಚನ)

00077. ಮೋಡ ಚುಂಬನ..ಗಾಢಾಲಿಂಗನ.. (ಕವನ + ಕಿರು ಬರಹ)

00076. ಎರಡು ಆಷಾಡ ಗೀತೆಗಳು (ಕವನ + ಕಿರು ಬರಹ)

00075. ಪುಟ್ಟನ ಅಳಲು .. (ಕವನ + ಕಿರು ಬರಹ)

00074. ಕಲಿಯಲು ಎಲ್ಲಿದೆ ಬಿಡುವು? (ಕವನ + ಕಿರು ಬರಹ)

00073. ದೆವ್ವ ಭೂತದ ಭೀತಿ! (ಕವನ)

00072. ಆಧ್ಯಾತ್ಮಿಕ ಕರ ಬಾಡಿಗೆ ತರ..! (ಕವನ + ಕಿರು ಬರಹ)

00071. ಅಸಂಗತ..! (ಕವನ + ಕಿರು ಬರಹ)

00070. ಹೆಣ್ಮನದ ಹವಾಗುಣ….! (ಕವನ + ಕಿರು ಬರಹ)

00069. ಬಿಟ್ಟುಬಿಡಿ ಸಿಗರೇಟು…! (ಬಿಟ್ಟು ಬೀಡಿ ಸಿಗರೇಟು..) (ಕವನ + ವಾಸ್ತವ)

00068. ಚಿಲ್ಲರೆ ಅಂಗಡಿ ಕಾಕ , ರೀಟೇಲಲಿ ಅಕ್ಕಿ..! ( ಕವನ + ವಾಸ್ತವ)

00067. ಧೂಮಸ್ನಾನ….! (ಕವನ + ವಾಸ್ತವ)

00066. ಧೂಮ-ಸಾಹಿತ್ಯ…! (ಕವನ + ವಾಸ್ತವ)

00065. ಸರಿ ತಪ್ಪುಗಳ ಲೆಕ್ಕ (ಚಿತ್ರಗುಪ್ತ ವಾಗ್ವಾದ – ಪೂರ್ವಾರ್ಧ: ಲಘು ಹಾಸ್ಯದ ಧಾಟಿ) (ಕವನ + ಕಿರು ಬರಹ)

00064. ಗಂಗಾವತಾರಣ (ಗಂಗಾ + ಅವತಾರ + ರಣ) (ಕವನ + ಬರಹ + ವಾಸ್ತವ + ಪೌರಾಣಿಕ)

00063. ಗಂಗಾವತರಣ…! (ಕವನ + ಕಿರು ಬರಹ)

00062. ಪಾಂಚಾಲಿಯ ಹಾಡು (ಕವನ + ಕಿರು ಬರಹ)

00061. ಈ ಅಪ್ಪಗಳು (ಕವನ + ಕಿರು ಬರಹ)

00060. ಸಾವೆಂಬ ಸಕಲೇಶಪುರದಲ್ಲಿ….!

00059. ನಿರಂತರ ಕುಣಿತ! (ಕವನ)

00058. ಗುಂಪಿನೊಳಗವಿತಿದೆಯೆ ವರ್ಣ? (ಕವನ + ಕಿರು ಬರಹ)

00057. ಈ ದಿನ ತನು ಮನ ಭಾವ….! (ಕವನ)

00056. ಹಿತ್ತಲ ಗಿಡದ ಮದ್ದು (ಕವನ + ಕಿರು ಬರಹ)

00055. ಏಕಾಂತದ ಏಕಾಂತ…! (ಕವನ + ಕಿರು ಬರಹ)

00054. ಈ ಅಮ್ಮಗಳು (ಕವನ + ಕಿರು ಬರಹ)

00053. ಚುನಾವಣಾ ಫಲಿತಾಂಶ ! (ಕವನ)

00052. ಸೃಷ್ಟಿ ರಹಸ್ಯ..! (ಈ ಅಂಡ ಪಿಂಡ ಬ್ರಹ್ಮಾಂಡದ ಸಶೇಷ ಭಾಗ) (ಕವನ + ಕಿರು ಬರಹ)

00051. ಈ ಅಂಡ ಪಿಂಡ ಬ್ರಹ್ಮಾಂಡ …(ಕವನ + ಕಿರು ಬರಹ)

00050. ಈ ಏಪ್ರಿಲ್ಲಿಗೇಕೊ ಮುನಿಸು…(ಕವನ + ಕಿರು ಬರಹ)

00049. ಯುಗಾದಿಯಾಗಲಿ ಜಾಗತಿಕ…! (ಕವನ)

00048. ಒತ್ತಡಗಳ ಬೆತ್ತ ! (ಕವನ)

00047. ಸುಖಕಿರುವ ಅವಸರ….! (ಕವನ)

00046. ತ್ಸುನಾಮಿ ಹೊತ್ತಲಿ…(ಕವನ)

00045. ಗುಬ್ಬಣ್ಣನ ಸ್ವಗತಗಳು (ಚುಟುಕಗಳು)

00044. ಮುಗಿದರೆ ಇಹ ವ್ಯಾಪಾರ…..(ಕವನ)

00043. ಮಾತಿಗೊಬ್ಬರ ….(ಕವನ)

00042. ವಚನದಲ್ಲಿ ನಾಮಾಮೃತ ತುಂಬಿದ ವಚನಾಂಜಲಿ ಕಾರ್ಯಕ್ರಮ (ವರದಿ) (ಕನ್ನಡ ಸಂಘ + ವರದಿ + ಲೇಖನ)

00041. ‘ಕನ್ನಡ ಪ್ರಭ’ದ ಕಬ್ಬಿಗ ತೋಟದಲ್ಲರಳಿದ ಡಬ್ಲ್ಯು. ಬಿ. ಏಟ್ಸನ ಕವನ : ನನ್ನ ಮೊದಲ ಅನುವಾದದ ಯತ್ನ..(ಕವನ + ಬರಹ)

00040. ಆಗ್ನೇಯೇಷ್ಯಾದ ಹಣ್ಣಿನ ರಾಣಿ – ‘ಮಾಂಗಸ್ಟೀನ್’! (ಹಣ್ಣುಗಳ ಪರಿಚಯ + ಲಘು ಹಾಸ್ಯ)

00039. “ಮುದ್ದಣ್ಣ ಮನೋರಮೆ ಕಲಿತ ಚೀನಿ ಭಾಷೆ – 01!” (ಹಾಸ್ಯಬರಹ + ಹರಟೆ + ವ್ಯಂಗ್ಯ)

00038 – ಹೊಸ (ಹಳೆ) ರುಚಿ: “ಹಸಿ-ಹುಳಿ” (ಹೊಸ ರುಚಿ + ಲಘು ಹಾಸ್ಯ)

00037 – ರುಚಿಗೆ ರಾಜಾ, ವಾಸನೆಯೆ ಗಾರ್ಬೇಜಾ! (ಹಣ್ಣುಗಳ ಪರಿಚಯ + ಲಘು ಹಾಸ್ಯ)

00036 – ಈ ಕೆಂಪಮ್ಮನ ಹೆಸರೆ ಡ್ರಾಗನ್ ಫ್ರೂಟು, ನೋಡಲೆ ಸೊಗಸು ಅವಳಾಕಿದ ಸೂಟು! (ಹಣ್ಣುಗಳ ಪರಿಚಯ + ಲಘು ಹಾಸ್ಯ)

00035 – ಜುಟ್ಟಿನ ಬಟ್ಟೆ ಹೊದ್ದ ‘ಕೇಶೀರಾಜ’, ಮುತ್ತಿನ ಬಣ್ಣದ ‘ರಂಬೂತಾನ್’ ಹಣ್ಣೆ ಖನಿಜ! (ಹಣ್ಣುಗಳ ಪರಿಚಯ + ಲಘು ಹಾಸ್ಯ)

00034 – ವಿಷಾಪಹಾರಿ ‘ಡ್ರಾಗನ್ನಿನ ಕಣ್ಣು’, ಈ ರುಜಾಪಹಾರಿ ‘ಲೊಂಗನ್’ ಹಣ್ಣು! (ಹಣ್ಣುಗಳ ಪರಿಚಯ + ಲಘು ಹಾಸ್ಯ)

033A – ಸಿಂಗಾಪುರದ “ಹಾವ್ ಪಾರ ವಿಲ್ಲಾ” ದೃಶ್ಯ ಕಲಾ ತೋಟ! (photos) (ಪ್ರವಾಸಿ ತಾಣ ಪರಿಚಯ + ಪ್ರವಾಸ ಅನುಭವ)

033 – ಸಿಂಗಪುರದಲ್ಲಿನ ಚೀಣಿ ದೃಶ್ಯ ಕಾವ್ಯ “ಹಾವ್ ಪಾರ್ ವಿಲ್ಲಾ” ( ಪ್ರವಾಸಿ ತಾಣ ಪರಿಚಯ + ಪ್ರವಾಸ ಅನುಭವ + ಲಘು ಹಾಸ್ಯ)

00032 – ಸಂಪತ್ತಿನ ಬೀಜ, ಸಸಿ ಮತ್ತು ವೃಕ್ಷಗಳ ನೀತಿ ಭೋಧಕ ಕಥೆ (ಆಧುನಿಕ ಪುರಾಣ ಕಥಾ ಕಾಲಕ್ಷೇಪ)! (ಆಧುನಿಕ ನೀತಿ ಭೋಧೆ + ವಿಡಂಬನೆ + ವ್ಯಂಗ್ಯ)

00031 – ಅಪೂರ್ವ ಕವನದ ಕುರಿತು ಹಿರಿಯ ಕವಿಯೊಬ್ಬರ ಮಾತು (ಲೇಖನ + ಬರಹ + ಪ್ರಬಂಧ + ಕವನ + ವ್ಯಕ್ತಿತ್ವ )

00030 – ಪುಸ್ತಕ ವಿಮರ್ಶೆ: ಮಾವೋನ ಕೊನೆಯ ನರ್ತಕ (ಪುಸ್ತಕ ವಿಮರ್ಶೆ)

00029. ಇರುವೆ ಮತ್ತು ಒಂದು ತುಂಡು ರೊಟ್ಟಿಯ ಕಥೆ! (ಆಧುನಿಕ ನೀತಿ ಭೋಧೆ + ವಿಡಂಬನೆ + ವ್ಯಂಗ್ಯ)

00028. ಸಿಂಗನ್ನಡಿಗರಿಂದ ಸಿಂಗನ್ನಡಿಗರಿಗಾಗಿ! – ಸಿಂಗಾರ ಉತ್ಸವ 2013 (ಕನ್ನಡ ಸಂಘ + ವರದಿ + ಲೇಖನ )

00027. ಗುಬ್ಬಣ್ಣನ ಯೂನಿವೆರ್ಸಲ್ ಸ್ಟುಡಿಯೊ ದಂಡಯಾತ್ರೆ ! (ಭಾಗ – 02) (ಹಾಸ್ಯಬರಹ + ಹರಟೆ)

00026. ಗುಬ್ಬಣ್ಣನ ಯೂನಿವೆರ್ಸಲ್ ಸ್ಟುಡಿಯೊ ದಂಡಯಾತ್ರೆ ! (ಭಾಗ – 01) (ಹಾಸ್ಯಬರಹ + ಹರಟೆ)

00025. ಸರಿಯಪ್ಪಾ ಸಾಕು ಬಿಡು ಕಲಿಸಿದ್ದು ಸುಗ್ಗಿ, ಉರು ಹೊಡೆದೇ ಕಲಿವೆ ನಾ ಕನ್ನಡದ ಮಗ್ಗಿ! ( ಲಘು ಹಾಸ್ಯ + ಕಥನ + ಅನುಭವ)

00024. ಜತೆ ನೀ ಕಾಡಿಗೆ , ಹೋಗಲಿಲ್ಲವೇಕೆ ಊರ್ಮಿಳೆ? (ಬರಹ + ಕಾವ್ಯಬರಹ + ಪೌರಾಣಿಕ + ವ್ಯಕ್ತಿತ್ವ + ಪಾತ್ರ)

00023. ಶೂರ್ಪನಖಿ, ಆಹಾ! ಎಂಥಾ ಸುಖಿ! (ಬರಹ + ಕಾವ್ಯಬರಹ + ಪೌರಾಣಿಕ + ವ್ಯಕ್ತಿತ್ವ + ಪಾತ್ರ)

00022. ದುರಂತ ನಾಯಕಿ ಸೀತೆಯ ಬದುಕು………! (ಬರಹ + ಕಾವ್ಯಬರಹ + ಪೌರಾಣಿಕ + ವ್ಯಕ್ತಿತ್ವ + ಪಾತ್ರ)

00021. ಶ್ರೀ ರಾಮನಿಗೇನಿತ್ತನಿವಾರ್ಯ….? (ಬರಹ + ಕವನ + ಪೌರಾಣಿಕ + ವ್ಯಕ್ತಿತ್ವ + ಪಾತ್ರ)

00020. ಈ ದಿನ ಜನುಮದಿನಾ…..! (ಬರಹ + ಕವನ + ನೆನಪು + ಭಾವನೆ)

00019. ‘ಐ’ಗಳ ಪುರಾಣ – 01….’ಐ’-ಪೋನು, ಪಾಡು, ಪ್ಯಾಡುಗಳ ಪಾಡಿನ ಹರಟೆ, (ಪ್ರಬಂಧ + ಲೇಖನ + ಕಥನ + ಹರಟೆ + ಅನುಭವ)

00018. ಸಿಂಗಪೂರ ಸುತ್ತಾಟ, ಊಟ – ಸಿಕ್ಕಿತ ಕನಿಷ್ಟ ರೋಟಿ, ಪರಾಟ..? (ಪ್ರವಾಸದ ಅನುಭವ + ಕವನ + ಲಘು ಹಾಸ್ಯ )

00017. ಹುಡುಕೂ, ವರ್ಷದ್ಹುಡುಕು ..! (ಹಬ್ಬ + ಹರಿದಿನ + ಸಂಪ್ರದಾಯ + ಬರಹ + ಲೇಖನ)

00016. ಅಂತರಂಗದಂತಃಪುರದ ಕದಪದ ಮನದನ್ನೆಯರು…! (ಬರಹ + ಕವನ + ಅನುಭವ + ಆಡಳಿತಾತ್ಮಕ + ಲಘು ಹಾಸ್ಯ)

00015 – ತರ ತರ ಋತು ಸಂವತ್ಸರ……ಹಳತೊಸತು ಮೇಳೈಸಿತೊ ಬೆರೆತು! (ಹಬ್ಬ + ಹರಿದಿನ + ಸಂಪ್ರದಾಯ + ಬರಹ + ಕವನ)

00014 – ಉಚ್ಚೈಶ್ರವಸ್ಸಿನ ಕಪ್ಪು ಬಾಲದಮಚ್ಚೆ….! (ನೀಳ್ಗಾವ್ಯ + ಕಾವ್ಯ + ಪೌರಾಣಿಕ)

00013 – ಹಾರುತ ದೂರಾದೂರ…..! (ಅನುಭವ + ಪ್ರಬಂಧ + ಹಾಸ್ಯಲೇಖನ + ಲಘು ಹಾಸ್ಯ)

00012. ಹೆಚ್ಚು ಬೆಲೆಯೆಂದರೆ ಶ್ರೇಷ್ಟ ಗುಣಮಟ್ಟವಿರಬೇಕೆಂದೇನಿಲ್ಲ, ಗೊತ್ತಾ! (ಆಡಳಿತಾತ್ಮಕ + ಮ್ಯಾನೇಜ್ಮೆಂಟು + ವ್ಯವಸ್ಥೆ + ವಾಸ್ತವ)

00011. ಲಘು ಪ್ರಬಂಧ: ನನ್ನ ಪ್ರಧಾನ ಸಂಪಾದಕ ಹುದ್ದೆ…! (ಅನುಭವ + ಪ್ರಬಂಧ + ಹಾಸ್ಯಲೇಖನ + ಲಘು ಹಾಸ್ಯ)

00010. ವಿಮರ್ಶೆ : ಕವನ ಸಂಕಲನ: “ಅಂತರ ಹಾಗು ಇತರ ಕವನಗಳು” ಕವಿ: ವಸಂತ ಕುಲಕರ್ಣಿ

00009. ತೊಡಕುಗಳನು ಬಿಡಿಸಲು “ತೊಡಕಿನ ಸಿದ್ದಾಂತ – 01” – (ತೊಡಕು ಸಿದ್ದಾಂತ) (ತಾಂತ್ರಿಕ + ಮ್ಯಾನೇಜ್ಮೆಂಟು + ವ್ಯವಸ್ಥೆ )

00008. ಆ “ಸ್ವಾಭಿಮಾನದ ನಲ್ಲೆ” ಯರ ನೆನೆನೆನೆದು…..(03) (ಬರಹ + ವಿಡಂಬನೆ + ಲೇಖನ)

00007. ಆ “ಸ್ವಾಭಿಮಾನದ ನಲ್ಲೆ” ಯರ ನೆನೆನೆನೆದು…..(02) (ಬರಹ + ವಿಡಂಬನೆ + ಲೇಖನ)

00006. ಆ “ಸ್ವಾಭಿಮಾನದ ನಲ್ಲೆ” ಯರ ನೆನೆನೆನೆದು…..(01) (ಬರಹ + ವಿಡಂಬನೆ + ಲೇಖನ)

00005. ಮೆಲ್ಲುಸಿರೆ ಸವಿಗಾನ….! (ಬರಹ + ಭಾವನೆ + ವಿಮರ್ಶೆ)

00004. ಗಮನೇಶ್ವರಿಯ ಗಮಕ, ವಯಸ್ಸಿನಾ ಮಯಕ…! (ಬರಹ + ಅನುಭವ)

00003. ನೀನೋದಿದ ವಿದ್ಯೆಗೆಲ್ಲಿಡುವೆ ನೈವೇದ್ಯ? (ಲೇಖನ)

00002. ಏನಾಗಿದೀದಿನಗಳಿಗೆ? (ಲೇಖನ)

00001. ಮೊದಲ ಬ್ಲಾಗ್ – ಮನದಿಂಗಿತಗಳ ಸ್ವಗತ! (ಬರಹ + ಕವನ)