01508. ಬರೆಯಲೇಕೆ ಕವಿ, ಕವಿತೆ?


01508. ಬರೆಯಲೇಕೆ ಕವಿ, ಕವಿತೆ?

________________________________

ಕವಿಯೊಬ್ಬನ ಕವಿತೆ

ಜೀವಕೋಶದ ಮಾತೆ

ಮಾತಾಗಿ ಸೇರಿದ ಮಾತೆ

ಯಾರೊ ಕಾಣೆ ಹರಸುತೆ ||

ಪದ ಲಾಸ್ಯ ತುಸು ಹಾಸ್ಯ

ಜೀವಂತಿಕೆ ಭಾವದ ಮೋಹ

ಕೋಶದುತ್ಪನ್ನ ಜೀವದ ರಸ

ನಿಲದೇ ಹರಿದೆಲ್ಲೆಡೆ ತುಂಬುತ್ತ ||

ಬರೆಯದಿರಲೆಂತು ಕವಿಗೆ ?

ಬಿಗಿದು ಕಟ್ಟಲು ಅನಾಹುತ

ಓದಲಿ ಬಿಡಲಿ ಸಾರಸ್ವತರು

ಎದೆ ಹಗುರ ಮಾತಾಗೆ ಮೂರ್ತ ||

ಮೆಚ್ಚಿಸಲಲ್ಲ ಪದಕ ಪದವಿಗೆ

ಬರುವ ಪದದಲಿಲ್ಲ ಪಗಾರ

ಉಸಿರಾಡುವ ಪರಿ ಪದಗಾರಿಕೆ

ಹೈನುಗಾರಿಕೆ ಪದವೇ ಬೇಸಾಯ ||

ಸ್ರವಿಸುವ ತನಕ ಜೀವಕೋಶ

ತುಂಬುತಲಿ ಕವಿ ಭಾವಕೋಶ

ಬರೆಯುವ ತನಗಾಗಿಯೆ ಖುದ್ಧು

ತಾನಾಗದಿರೆ ತನದೇ ಸರಹದ್ದು ||

– ನಾಗೇಶ ಮೈಸೂರು

೨೪.೧೨.೨೦೧೭

01499. ಕವಿತೆ ಇದ್ದರೆ ಸಾಕು..


01499. ಕವಿತೆ ಇದ್ದರೆ ಸಾಕು..

_____________________________

ಕವಿತೆ ಇದ್ದರೆ ಸಾಕು

ಕವಿಗಿನ್ನೇನು ಬೇಕು ?

ಧಾರಾಕಾರ ಕವಿತೆಗಳು

ಕವಿ ತೆಗಳ ಓದದಿದ್ದರು ! ||

ಕವಿತೆ ಅವಳಿದ್ದರೆ ಸಾಕು

ಕವಿಗಿನ್ನೇನು ಜತೆ ಬೇಕು ?

ಮನಭಾವದ ಮಿಲನೋತ್ಸವ

ಶಿಶುವಿನಂತೆ ಪ್ರಸವ ಕಾವ್ಯ ||

ಕವಿತೆ ಕವಿಯುಟ್ಟಂತೆ ಸೀರೆ

ಹೊಕ್ಕವಳೊಳಗಾಗುವ ತದ್ಭವ

ತಂಗಾಳಿ ಸೆರಗು ಮುಂಗುರುಳಲೆ

ಜೊಂಪೆ ಜೊಂಪೆ ತತ್ಸಮ ಕವಿತೆ ||

ಕ’ವಿ’ತೆಯೊಳಗವಿತಿಹನೆ ಕತೆ

ನಡು ‘ವಿ’ಸ್ಮಯ ಹೊರದೂಡೆ

ಕತೆಯಾಗಲಲ್ಲಿ ಕವಿ ನಿರುಪಾಯ

ವಿದಾಯ ಗೀತೆ ಬರೆವಾ ಸಮಯ ||

ಕವಿತೆ ಲೋಕದ ಕನ್ನಡಿ

ಬಿಚ್ಚಿಡೆ ನೈಜ ಕಲ್ಪನೆ ಲಹರಿ

ತನ್ನಂದ ತಾನೆ ಕಾಣದ ನೀರೆ

ಚಂದ ಕವಿತೆ ಕಾಣದು ತನ್ನನ್ನೆ ||

ಕವಿಗಿಲ್ಲ ಸುಖ ದುಃಖ

ಭಾವನೆ ಪುಂಖಾನುಪುಂಖ

ಸಂಭಾವನೆ ಆಸ್ವಾದಿಸೆ ಘನತೆ

ಅಭಾವದಲು ಸೃಜಿಸುವ ಕವಿತೆ ||

– ನಾಗೇಶ ಮೈಸೂರು

(Nagesha Mn)

(Picture source : Internet / social media / Creative Commons)

01135. ಕವಿತೆ ನೀ ಮೋಸ


01135. ಕವಿತೆ ನೀ ಮೋಸ
_____________________________

ಕವಿತೆಗಳೆಲ್ಲ ಮೋಸ
ಬರಿ ಬಣ್ಣದ ಲೋಕದ ಕಥೆ
ಇದ್ದ ವಾಸ್ತವ ಹತ್ತಾದರೆ
ಮೇಲೆದ್ದ ಕಲ್ಪನೆ ತೊಂಭತ್ತು..


ಪ್ರೀತಿ ಪ್ರೀತಿಸಿತ್ತು
ಸುಮ್ಮನೆ ನಿಸರ್ಗ ಸಹಜ
ನಿರೀಕ್ಷೆಯ ರೆಕ್ಕೆ ಪುಕ್ಕ ಹಚ್ಚಿ
ಪರೀಕ್ಷೆಯಾಗಿಸಿದ್ದು ತಪ್ಪು ಕವಿತೆ..

ಪ್ರೇಮ ಹಾರಾಡುತ್ತ
ಮುಗ್ದ ಲೋಕದ ವಿಹಾರ
ಹಾರಿದ್ದೆ ಸೋಲು ಸತ್ಯ ಬಚ್ಚಿಟ್ಟು
ಹಾರಾಡಿಸಿದ ಕವಿತೆಯದು ಸಣ್ಣತಪ್ಪೇ ?


ಪ್ರಣಯ ಕಾಮನೆಯ
ತೆವಲಿನ ತೀರುವಳಿ ಮಾರಾಟ
ಕವಿತೆಯ ಮಾತಾಟ ಸುಳ್ಳಿನ ಜಾಡಿ
ಕರಗತ ವಶವಾಗಿಸಿಕೊಳ್ಳೆ ಹೊಡೆದಿತ್ತ..

ಪರಿಣಯ ತೀರಾ ಮೋಸ
ಹುಳುಕೊಂದನು ತೋರದೆ ಬರಿ
ಕನಸಿನ ಬಲೆ ನೇಯ್ದು ಸೆರೆ ಸುತ್ತ
ಅರಿವಾಗುವ ಹೊತ್ತಿಗೆ ಹೊತ್ತೆ ಮೀರಿತ್ತು..


ಶೃಂಗಾರದ ರಸಸಾಗರ
ನವರಸದುನ್ನತ ತೀರದ ಭ್ರಮೆ
ಸೋತು ಸೊರಗುರುಳುವ ನಿಜವ
ಉದರದ ಶಿಶುವಾಗಿಸಿ ಕವಿತೆ ನಗುವ..

ಮುನಿಸು ಮನಸು ಸೊಗಸು
ಕನಸು ನನಸು ಮೈ ಮರೆಸು
ಸಿಕ್ಕಿದ್ದನ್ನೆಲ್ಲ ಸಿಕ್ಕಸಿಕ್ಕಂತೆ ಸಿಕ್ಕಾಗಿಸಿ
ನಕ್ಕು ಅಣಕಿಸುವ ಕವಿತೆ ನೀ ತೀರಾ ಮೋಸ !


– ನಾಗೇಶ ಮೈಸೂರು
೧೧.೦೨.೨೦೧೭
(Pictures from internet/ social media / Creative Commons)

01072. ಅರ್ಥವಾಗದ ಕವಿತೆ


01072. ಅರ್ಥವಾಗದ ಕವಿತೆ
________________


ಕವನದೊಳಗರ್ಥ
ಕವನದ ಒಳಾರ್ಥ
ಅರ್ಥವಾದರೆ ಗರ್ಭಿತ
ಅರ್ಥವಾಗದೆ ವ್ಯರ್ಥ ..

ಅರ್ಥವಾಗಿಸಲೆಂದು
ಅರ್ಥೈಸುವ ಸತತ
ಅರ್ಥವಾಗುವುದೊಂದು
ಅರ್ಥವಾಗದ ನೂರು..!

ಅನರ್ಥವಾಗದ ರಚಿತ
ಬಹಿರಂಗಕೆ ಉಚಿತ
ಅಸಮಾಧಾನ ಖಚಿತ
ಅರೆಬರೆಯುಗುಳಿ ಕವಿಚಿತ್ತ..

ಪರರಿಗಾದರು ಅರ್ಥ
ಕವಿಗಾಗಬೇಕಿಲ್ಲ ‘ಅರ್ಥ’
ತೆವಲಿನ ಪಾಡು ನಿಸ್ವಾರ್ಥ
ಪುಕ್ಕಟೆ ಮೆಚ್ಚುಗೆ ಅನಂತ..

ಈ ಕವನ ಅರ್ಥಗರ್ಭಿತ
ಆಗಬಹುದರೆಬರೆ ಅರ್ಥ
ಚಿಂತೆ ಬಿಡು ಕವಿಯ ಪಾಡದೆ
ಕಾಣದ್ದವಗೂ ನೀ ಕಾಣುವೆ..

– ನಾಗೇಶ ಮೈಸೂರು
೧೫.೦೧.೨೦೧೬
(Picture source: Creative Commons)
ಹೀಗೆ ಸುಮ್ನೆ: ಕಠಿಣ ಪದಗಳ ಅರ್ಥ (ಕಠಿಣ ಪದಾರ್ಥ) : ಅರ್ಥ = ಹಣ, ದ್ರವ್ಯ 😛

01069. ಬಂತೀಗೊಂದು ಕವಿತೆ ಹೆಣ್ಣಾಗಿ..


01069. ಬಂತೀಗೊಂದು ಕವಿತೆ ಹೆಣ್ಣಾಗಿ..
________________________________


ಯಾರೀಕೆ ? ಯಾವ ಯುಗದ ಕವಿತೆ
ಗಂಧರ್ವ ಕಿನ್ನರಿ ಅಪ್ಸರಲೋಕದ ಸೊಗಡು
ಮುಡಿಯ ತುಂಬ ಮಲ್ಲಿಗೆ ಹೆರಳ ಮಾತು
ಮೌನದಲೆ ಆಡುತ ಬಂದ ಅಪರಿಮಿತೆ..

ದಾರಿಹೋಕನ ದಾಹದಾಳವ ಅಳೆದು
ತಣಿಸೋ ನೀರಿನ ಪಾತ್ರದತ್ತ ನಡೆಸುತ್ತ
ಸುರಿದಳಾ ಕಣ್ಣಲಿ ಮುತ್ತು ರತ್ನ ಸಕಾಂತಿ
ಮೆಚ್ಚುಗೆಯ ಭರಪೂರ ಕ್ರಾಂತಿಯ ಹುನ್ನಾರ..

ಧುತ್ತೆಂದವತರಿಸಿದದೆಲ್ಲಿಂದಲೋ ಪ್ರಕಟ
ನಿಯಾಮಕ ಕರುಣೆ ಮಿಂಚಂತೆರಗುವ ಪರಿ
ಗೊತ್ತು ಗುರಿಯಿತ್ತೇನು? ಕತ್ತಲಲ್ಹೂಡಿದ ಬಾಣವೆ ?
ಖಾಲಿ ಬತ್ತಳಿಕೆಯ ತುಂಬೆ ಶರವರ್ಷವಾದಂತೆ..!

ಕಾದು ಬಿರುಕಾದ ನೆಲ ತತ್ತರಿಸಿ ಬರಿ ಬಿರುಸು
ಉಣಿಸಲಿಲ್ಲ ಧರಣಿ ಜಲದವಶೇಷ ಬಿರುಕು ತುಟಿ
ಮುಗಿಯಿತ್ತಿನ್ನೆಲ್ಲ ಮೂಟೆ ಕಟ್ಟುವ ಹೊತ್ತೆಂದ ಸತ್ಯ
ಸುಳ್ಳಾಗಿಸುವಂತೆ ನೀರೆ ಹನಿ ನೀರಾಗಿ ಜಿನುಗುತಾ..

ಇಣುಕಿ ನೋಡಲೊಲ್ಲೆ ಆಳಕೆ, ಬಂದಂತೆ ಬದುಕು
ಒಂದು ಕ್ಷಣ ಗಳಿಗೆ ದಿನ ಋತು, ಪಾಲಿನಷ್ಟು ಪಾಕ
ಯುಗಾಂತರದ ಕಾತರ ವೇದನೆ ಕಾದ ಯಾತನೆ
ಕರಗಿಸಿಬಿಟ್ಟಳರೆಕ್ಷಣದಲಿ ಸರಿದು ಹೋದಂತೆ ತಂಗಾಳಿ !


– ನಾಗೇಶ ಮೈಸೂರು
೧೫.೦೧.೨೦೧೬
(Picture from Creative Commons / internet sources)

00779. ವಿಸರ್ಜಿಸೆ ಅಸಹಾಯಕತೆ, ಏಕಾಂತದೆ ಪ್ರಬುದ್ಧತೆ..


00779. ವಿಸರ್ಜಿಸೆ ಅಸಹಾಯಕತೆ, ಏಕಾಂತದೆ ಪ್ರಬುದ್ಧತೆ..
___________________________________________


ಒಬ್ಬಂಟಿಯೆಂದೆಕೊ ವಿಲಪಿಸುವೆ ?
ದಾರಿ ಕಾಣದವನಂತೆ ಕಂಗೆಟ್ಟು ತಪಿಸುವೆ ?
ಒಂಟಿತನ ಏಕಾಂಗಿತನಕಿಂತ ಕೆಟ್ಟದು – ಅಸಹಾಯಕತೆ
ಏಕಾಂತ ಬೇಕೆಂದು ಹಪಹಪಿಸಿದರು ಸಿಗದು, ಧೂರ್ತ ಮಾಯೆ ..

ನಿಜವಿರಬಹುದು ಬಿಟ್ಟು ಹೋದ ಸಖ್ಯ
ಸರಿ ತಪ್ಪು ವಿಷಾದ ಖೇದ ಕ್ರೋಧಾಪರಾಧ
ಹೋಗಲೆಂದು ಹೊರಟ ಮೇಲೆಲ್ಲ ನೆಪ ಕುಣಿಕೆ ಗಾಳ
ಎಣಿಸಲೇಕೊ ಮೂಢ, ಜಗದನ್ನ್ಯಾಯ ಬಿದ್ದಂತೆ ನಿನ್ನ ಬುಡದೇ ?

ದೂರವಾದದ್ದಕ್ಕಿಂತಲು ದೂರವೆನ್ನೊ ಭಾವ
ಕಾಡುವ ಮಾಯಾಜಾಲ, ದೂರವೇನಲ್ಲ ಯಾತನೆ
ಯಾತನೆಯ ಭಾವದ ಗಳಿಕೆ, ಘಾಸಿಯಾಗೋ ಅಹಮಿಕೆಗೆ
ಒಬ್ಬಂಟಿತನ ಸವರೋ ಗಾಯದುಪ್ಪು, ಬದಲಿಸಿಕೊ ಏಕಾಂತಕೆ..

ಬರೆದುಬಿಡೆಲ್ಲ ಆಲಾಪ ವಿಲಾಪ ಪ್ರಲಾಪ ಮೊತ್ತ
ಕಥೆ ಕವನ ಪೀಡನೆಗಳಾಗಲಿ ಪುಟದಕ್ಷರದಲಿ ವಿಶ್ರಾಂತ
ಮಿಕ್ಕುವುದಾಗ ಶಾಂತ ಮನದಲಿ ಹುಡುಕು ಏಕಾಂತದ ನೆಲೆ
ನೀನೆನಲ್ಲ ಅಸಹಾಯಕ ಬದುಕಿತ್ತು ಮೊದಲೂ, ಬೇರಾಗೊ ಮೊದಲು..

ಕಟ್ಟಿಕೊಟ್ಟಿದ್ದು ಅನುಭವ ತುಲನೆಯಾಗಲಿ ಸುತ್ತ
ಯಾವುದಿತ್ತು ಸರಿ ತಪ್ಪು ಮನವರಿಕೆಯಾಗಿ ಸಮಚಿತ್ತ
ಅಸಹಾಯಕ ಕ್ಷಣವದು ನೀನಲ್ಲ, ನಿನ್ನರಿವೆ ಗುರುವಾಗುತ
ಮೇಲೆದ್ದು ಬಾ ಏಕಾಂತದ ಸಮಾಧಿಯಿಂದೆದ್ದು ಮತ್ತದೇ ಬದುಕಿಗೆ..

– ನಾಗೇಶ ಮೈಸೂರು

(Picture source : https://en.m.wikipedia.org/wiki/File:Thoma_Loneliness.jpg)

00777. ಎಲ್ಲ ಮೀರಿದ ಗೆಳತಿ ನೀ…


00777. ಎಲ್ಲ ಮೀರಿದ ಗೆಳತಿ ನೀ…
________________________________

ಪ್ರಕೃತಿಗೆ ಪುರುಷ ಬರೆದ ಪುರವಣಿ, ವಿಶ್ವಸೃಷ್ಟಿಯ ನಿತ್ಯೋತ್ಸವದ ಉರವಣಿ…ಪ್ರಕೃತಿ ಹೆಣ್ಣೊ, ಹೆಣ್ಣೆ ಪ್ರಕೃತಿಯೊ ? ಪುರುಷನ ಆರಾಧನೆ ಮಾತ್ರ ಅವಿರತ..

ಎಲ್ಲ ಮೀರಿದ ಗೆಳತಿ ನೀ…
________________________________


ನೀನೆ ಭುವಿಯಾಗಿರುವೆ ಗೆಳತಿ, ಭುವನ ಸುಂದರಿ ಸಖಿ
ಧರಣಿ ಮಿಡುಕಿದಳೇಕೊ, ಗಣಿಸುತಲಿ ನಿನ್ನನೆ ಸವತಿ
ಚಂದ್ರಮನ ಮೊಗದಲದೇನೊ, ಅಸಹನೆ ಸಿಡುಕು
ಚಂದ್ರಮುಖಿ ನಿನ್ನ ವದನ, ತಂದಂತೇನೊ ಕೀಳರಿಮೆ !

ಕ್ಷಮಯಾ ಧರಿತ್ರಿ ನೀ, ಕ್ಷಮಿಸಿಬಿಡು ಅವನೀ ಪಾಡು
ಸಿಕ್ಕಸಿಕ್ಕವರೆಲ್ಲ ಮಾಡಿಟ್ಟವಳ, ಬೆತ್ತಲೆ ಸಹಜ ಸಿಟ್ಟು
ವರ್ಷಾಂತರಗಳ ವಯೋವೃದ್ಧೆ, ನಿನ್ನಂತಹ ತರುಣಿ
ಕಣ್ಣಿಗೆ ಬಿದ್ದಾಗ ಸಹಜ, ನೆನಪಾಗದಿಹುದೇ ಪ್ರಾಯ…?

ಇನ್ನು ಶಶಿಯ ಮಾತು ಬಿಡು, ಮೊದಲೇ ಮಂಕಾಗಿ
ಎರವಲು ದ್ಯುತಿಗೆ ಕಾದು, ಕ್ಷಯವೃದ್ಧಿ ಹಗಲಿರುಳು
ಮಾಸಕೊಮ್ಮೆ ಹುಣ್ಣಿಮೆ, ಪೂರ್ಣಚಂದ್ರನಾಗುವ ಭಾಗ್ಯ
ನಿತ್ಯ ಪೌರ್ಣಿಮೆ ಮೊಗದ, ನಿನ್ನ ಕಂಡಾಗ ಅಸೂಯೆಯೆ..!

ಇನ್ನು ನಿನ್ನ ನಗೆಯ ಕಾಂತಿಗೆ, ಸೋತು ಸುಸ್ತಾಗಿ ರವಿ
ನಗುವನ್ನೇ ಮರೆತ ಮಂಕು, ದೀಪವಾಗಿ ಮೋಡದಲಿ
ಮರೆಯಲಡಗಿ ತನ್ನನ್ನೇ, ಬಚ್ಚಿಟ್ಟುಕೊಂಡು ಮಾನವನು
ಉಳಿಸಿಕೊಳ್ಳುವ ವಿಫಲ, ಯತ್ನದಲಿ ಇಣುಕಿ ನಿರಾಶೆ..

ಮಿಕ್ಕೆಲ್ಲ ಗ್ರಹ ತಾರೆ ನೀಹಾರಿಕೆ, ನೆರೆದಿವೆ ಕುತೂಹಲ
ಏನೀ ಸೃಷ್ಟಿಯ ಅದ್ಭುತ? ಎಂದೆನ್ನುತ ಬಣ್ಣಿಸಿ ನಿನ್ನನ್ನೆ
ಚಲನೆಯ ಮರೆತಂತೆ, ನಿನ್ನ ರೆಪ್ಪೆಯ ಅದುರಲಿ ಕರಗಿ
ನಿನ್ನೆ ವಿಶ್ವದ ಸೃಷ್ಟಿಯ, ಮೂಲಬೀಜವೆಂದು ಅರಾಧಿಸಿವೆ..

– ನಾಗೇಶ ಮೈಸೂರು

(Picture source: http://www.freestockphotos.name/wallpaper/2120/woman-with-painted-birds-and-butterflies-images-photography.html)

00774. ಸಜ್ಜನಿಕೆಯ ಮುಸಕಲಿಟ್ಟ ಪ್ರೀತಿ ಕಥೆ..


00774. ಸಜ್ಜನಿಕೆಯ ಮುಸಕಲಿಟ್ಟ ಪ್ರೀತಿ ಕಥೆ..
_________________________________

ಪ್ರೀತಿಯಲಿರೆ ನಾ ಸಜ್ಜನ ಪ್ರಾಮಾಣಿಕ
ದಿಟ್ಟಿಸಲೆಂತೆ ? ಹಾರಿಸೆ ಸೆರಗ ಮಾರುತ
ತಲೆ ತಗ್ಗಿಸಿ ಎತ್ತಲೊ ನೋಡಿದೆ ದಿಟ್ಟಿಸಿ
ಯಾಕೊ ಮನದಲೆಂತದೊ ನಿರಾಶೆ ಕಸಿವಿಸಿ..

ಮಾಡಲೇನೆ ಪ್ರೀತಿ ಪ್ರೇಮದಲಿ ಮೊದಲ
ಪಾಠವದೆ ತಾನೇ ತೋರಬೇಕು ಸದ್ಗುಣಗಳ
ಒಳಗೇನಲ್ಲಾ ಸಂತ, ಆಸೆಬುರುಕ-ದುರ್ಬಲ
ಕಟ್ಟುಬಿದ್ದ ಸಂಹಿತೆ, ನಿನ್ನ ಕಣ್ಣಲಾಗದಿರೆ ಖೂಳ

ಎಷ್ಟೊಂದು ಸುಳ್ಳು ! ಕಟ್ಟೆ ಸಂಭಾವಿತನ ವೇಷ
ನಂಬಿಸೆ ಸಜ್ಜನಿಕೆ ಸರಿ ಸೂಕ್ತತೆ ಸ್ಪರ್ಧಾತ್ಮಕ
ಗೊತ್ತಿದ್ದೂ ಹಲವು, ಮೆಚ್ಚಿದ್ದದನೆ ತಾನೇ ನೀನು ?
ಇಂದೆಂತು ದಾಟಲಿ, ಸೀಮಾರೇಖೆಯ ತಡೆಗೋಡೆ..

ಬಿಡದಲ್ಲ ಖೂಳ ಮನ, ಕದ್ದು ದಿಟ್ಟಿಸುವ ಹುನ್ನಾರ
ಹಾರುವ ಮುಂಗುರುಳ, ನೋಡೊ ನೆಪದಲ್ಲಿ ಜಾಲ
ಎಲ್ಲೊ ನೋಡುತೆಲ್ಲೊ ನೋಡಲೆಷ್ಟು ಕಠಿಣ ಪ್ರಭುವೇ
ಮುಜುಗರ ನಾಚಿಕೆ, ತಪ್ಪು ಮಾಡಿಸುತಿಹ ಕುತೂಹಲ

ಸದರವದು ಬಿಡದು ತೂಗುಯ್ಯಾಲೆ ಮನಸಾಗಿ ಬಗೆ
ನಾಟಕವಾಡಿದರು ನಿಜದೆ ನೀನೊಂದು ಅದ್ಭುತ ಬೆರಗೆ
ನಿನ್ನೆಲ್ಲ ವಿಸ್ಮಯ ಬಿಡಿಸಿ, ಆವರಣದೊಳಗನಾವರಣ
ನಿನ್ನೊಳಗೆ ನಾನಾಗುವ, ಚೈತ್ರಯಾತ್ರೆ ನೈಜ ಹಂಬಲ..

– ನಾಗೇಶ ಮೈಸೂರು

(picture source : http://www.indiebazaar.com/product/22430/pure-georgette-crochet-saree-with-crochet-sleeves)

00771. ಮೊದಲ ಸ್ಪರ್ಶ


00771. ಮೊದಲ ಸ್ಪರ್ಶ
___________________

ಪ್ರೇಮಿಗಳಲ್ಲಿ ಪ್ರತಿಯೊಂದು ಸಣ್ಣ ವಸ್ತು ವಿಷಯವು ಪ್ರಾಮುಖ್ಯವಾಗಿಬಿಡುತ್ತದೆ – ಅದರ ಭೌತಿಕ ಮೌಲ್ಯದ ಲೆಕ್ಕಾಚಾರವಿಡದೆ. ಪ್ರತಿಯೊಂದು ಹೊಸ ಅನುಭವ ಕಟ್ಟಿಕೊಡುವ, ರೋಮಾಂಚನ ನೀಡುವ ಅದ್ಭುತವಾಗಿಬಿಡುತ್ತದೆ.. ತೀರ ನಿರ್ಲಕ್ಷಿಸಬಹುದಾದ ಸಂಗತಿಯೂ ದೊಡ್ಡದಾಗಿ ಮುನಿಸು, ಮೌನಗಳಿಗೆ ಕಾರಣವಾಗುವುದೂ ಸಹಜವೇ.

ಆಕಸ್ಮಿಕವಾಗಿ ಉಂಟಾದ ‘ಪ್ರೀತಿ’ಯ ಮೊದಲ ಸ್ಪರ್ಶ ಹುಟ್ಟಿಸುವ ರಸಭಾವ ಈ ಕೆಳಗಿನ ಪದ್ಯದ ಸಾರ.. ಅದು ಪದಗಳಲ್ಲಿ ಕವಿತೆಯಾಗದಿದ್ದರು, ಮನದ ಭಾವದ ಲಲಿತೆಯಾಗುವುದು ಬಹುತೇಕರ ಅನುಭವ ಎನ್ನಬಹುದೇನೋ..

ನಿನ್ನ ಮೊದಲ ಬೆರಳ ಸ್ಪರ್ಶ
___________________

ನಿನ್ನ ಮೊದಲ ಬೆರಳ ಸ್ಪರ್ಶ
ತಂದ ಮಧುರ ರೋಮಾಂಚನ
ಹಿಡಿಯದಾವ ಪದ ಕಸರತ್ತು
ತನು ಅದುರಿತಲ್ಲೆ ಕಂಪಿಸಿ ಮನ.. ||

ಆಕಸ್ಮಿಕಕದೆಂಥ ಅನುಭೂತಿ ?
ಅನುಭವ ಅನುಭಾವ ಗಣತಿ
ಪ್ರಣತಿಯಾಗಿ ರೋಮರೋಮದೆ
ಹಚ್ಚಿಕೊಂಡವಲ್ಲೆ ದೀಪದ ಸಾಲೆ..! ||

ಬೆಳಗಿದ ಬೆಳಕು ಬೆಚ್ಚಗಾಗಿಸಿತು
ಮೈ ನವಿರೇಳುತೆಲ್ಲ ಹೊಚ್ಚ ಹೊಸತು
ನಿನಗೂ ಇತ್ತೇನು ಅದೇ ಭಾವ ?
ಓದಬಿಡದಲ್ಲ, ಮರೆಮಾಚಿದ ಕಿರುನಗೆ..! ||

ಬೆಸೆದಿತ್ತಲ್ಲಿಯತನಕ ಬರಿ ಭಾವ
ಮಾತುಗಳಲೆ ಹೃದಯ ಕಾವ್ಯ
ನಿಸ್ತಂತು ನಡುವಿನಂತರಕೆ ಕಾತರ
ಸಂಚಾಗಿ ಮಿಂಚು ವಿದ್ಯುತ್ಸಂಚಾರ..! ||

ನೋಡಂದಿನ ಮಾಂತ್ರಿಕ ಸ್ಪರ್ಶ
ಇಂದಿರದಿದ್ದರು ನೆನಪೇ ಪರುಷ
ತಂಪಾಗಿ ತಗುಲಿ ಬೆಚ್ಚಗಾಗಿ ಮನ
ಅನುರಣಿಸುತಿದೆ ಅದರದೆ ಪುನರುಕ್ತಿ .. ||

– ನಾಗೇಶ ಮೈಸೂರು

(Picture source: http://luna.typepad.com/weblog/2009/09/and-than-there-was-the-womanit-was-love-at-first-touch-rather-than-first-sight-for-i-had-met-her-several-times-before-with.html)

ಮಾತಿಗೊಬ್ಬರ…


ಮಾತಿಗೊಬ್ಬರ…
__________________

ಯಾಕೋ ಮಾತಿನ ಬಗ್ಗೆ ಬರೆಯುತ್ತಿರುವಾಗ, ಹಿಂದೊಮ್ಮೆ ಬರಿ ಮಾತಿನ ಮಹತ್ತನ್ನೆ ಕುರಿತು ಬರೆದಿದ್ದ ಹಳೆಯ ಪದ್ಯವೊಂದು ನೆನಪಾಯ್ತು… ಬರಿ ಪ್ರಾಸವನ್ನೆ ಮುಖ್ಯವಾಗಿಟ್ಟುಕೊಂಡು ಬರೆದದ್ದೆ ಆದರು, ಕೆಲವು ಅಧಿಕಾರ್ಥ ಪದಪುಂಜಗಳಿಂದ ( ದ್ವಂದ್ವಾರ್ಥ ಅಲ್ಲ) ಇಷ್ಟವಾಗಬಹುದೆನಿಸಿ ಹಾಕುತ್ತಿದ್ದೇನೆ ( ಉದಾಹರಣೆಗೆ : ಸಿಕ್ಕು ಮಾತೆ ಗೊಬ್ಬರ – ಎನ್ನುವಲ್ಲಿ ಮಾತಿಗೊಬ್ಬರು ಸಿಕ್ಕಾಗ ಮಾತೆ ಗೊಬ್ಬರದಂತೆ ಹುಲುಸು ಎನ್ನುವ ಅರ್ಥ ಇದ್ದರೆ, ‘ಸಿಕ್ಕು’ ಪದವನ್ನು ಸಿಕ್ಕಾದ ಮಾತು ಎನ್ನುವರ್ಥದಲ್ಲಿ ನೋಡಿದಾಗ ಅಂತಹ ಮಾತೆ ಗಬ್ಬು ಹೊಡೆವ ಗೊಬ್ಬರದಂತೆ ಎನ್ನುವ ಅರ್ಥ ಹೊರಡುತ್ತದೆ..) ಎನಿಲ್ಲವಾದರು ಪ್ರಾಸಬದ್ಧ ಸಾಲಾದರೂ ಖುಷಿ ಕೊಟ್ಟೀತೆಂಬ ಅನಿಸಿಕೆಯಲ್ಲಿ, ನಿಮ್ಮ ಮುಂದೆ 😊


ಮಾತಿಗೊಬ್ಬರ ….
________________

ಸಿಗಬೇಕು ಮಾತಿಗೊಬ್ಬರ
ಸಿಕ್ಕು ಮಾತೆ ಗೊಬ್ಬರ
ಇರದೆ ಬರಿ ಮಾತಿನಬ್ಬರ
ಸೊಗಸಾದ ಮಾತಿನ ಸರ! ||

ಮಾತೆ ಜನ್ಮ ಚೇತೋಹಾರಿ
ಮಾತೆ ತಾನೆ ರಹದಾರಿ
ಮಾತಲೆ ಮನೆ ಮಾತಾಗಿರಿ
ಮಾತೆ ತಾನೆ ಮೌನದ ಗುರಿ! ||

ಸುಲಲಿತಪ್ರಸವ ಮಾತಡಿಕೆ
ಮಾತಣಿಸುವ ನೀರಡಿಕೆ
ಮಾತುಣಿಸುವ ಮನ ಹಸಿವೆ
ಸರಿ ಬೌದ್ಧಿಕತೆ ಮಾತಾಗಿಸುವೆ! ||

ಮನ ಮಾತಿನ ಮಧುರ ವೀಣೆ
ನುಡಿಮಾತೆಷ್ಟೊ ತನ್ನಂತಾನೆ
ಮೆದುಳಲಿತ್ತೆ ಮಾತ ತಿರುಗಣೆ
ಬಾಯಾಗೊ ಮುನ್ನ ಮಾತಾಣೆ! ||

ಆಡಿದ ಮಾತು ಹೂಡಿದ ಬಾಣ
ನೆತ್ತರಿಲ್ಲದ ಮಾತವನೆ ಜಾಣ
ಮಾತಿದ್ದೂ ಮುಗ್ದ ತಪ್ಪದ ಸಂದಿಗ್ದ
ಮಾತೆ ನಿಯತಿಯಂಟಿಸಿ ಪ್ರಾರಬ್ದ! ||

– ನಾಗೇಶ ಮೈಸೂರು

(Picture from: http://m.wikihow.com/Talk-Minnesotan)

00764. ಕವಿ ಪುರಾಣ..


00764. ಕವಿ ಪುರಾಣ..
_____________________

ಕವಿಗಳದೇನಾದರೂ ಕಪಿಚೇಷ್ಟೆ ಇರಬೇಕಲ್ಲಾ ? 😜😊


ಯಾರು ಇಟ್ಟ ಹೆಸರೋ ಕವಿಗೆ
ಕವಿತೆಯವನ ಆಶಯ
ಭಾವಗಳಿಗೆ ತೇಪೆ ಹೊಲಿಗೆ
ಹಾಕುತ ದಿನದಿನ ವಿಸ್ಮಯ..

ಹೊಲಿದುದನೆ ಹೊಲಿಯುತಲಿ
ಬಡಿಸುತಡಿಗೆ ಅದನೆ
ಒಲಿದವಳನೆ ಓಲೈಸುವಂತೆ
ಪ್ರಿಯತಮೆಯ ಗೆಲ್ಲಲಡಿಗಡಿಗೆ..

ಪದಗಳಲಿಡೆ ಸಿರಿವಂತಿಕೆ
ಎದೆಯೊಳಗೆ ಭಾವದ ವಂತಿಕೆ
ಮೊಗೆದಷ್ಟೂ ಸಮೃದ್ಧ ಫಸಲು
ತೀರದ ಸ್ಪೂರ್ತಿ ಕಾವ್ಯದ ಅಸಲು..

ಹತಾಶೆ ನೋವು ಸಿಟ್ಟು ನಲಿವು
ಪದಗಳಾಗಿ ದುಡಿಯುವಾಳು
ಕವನ ಬದುಕೊ ? ಬದುಕೇ ಕವನವೊ ?
ಕವಿವಾಣಿ ದಿಟ ಅದಕೂ ಇದಕೂ ಎದಕೂ !

ಬರಲೊಲ್ಲದ ಲಕುಮಿಯ ಬದಲು
ಕೈ ಹಿಡಿದ ಶಾರದೆಯ ಕಥೆ
ಬರೆದು ಬದುಕುವರುಂಟೆ ? ನಿಜ, ಇಲ್ಲಾ
ಬರೆಯದೆ ಕವಿ ಬದುಕುವುದಿಲ್ಲ.. !

– ನಾಗೇಶ ಮೈಸೂರು

http://folhadepoesia.blogspot.com/2015/06/poet-voice.html?m=1

00760. ಕಪ್ಪು ಕಂಗಳ ಕೊಳದೆ…


00760. ಕಪ್ಪು ಕಂಗಳ ಕೊಳದೆ…
______________________

ಮಾತಿನ ಹಾದಿ ಹಿಡಿಯದ ಮೌನದ ಹುಡುಕಾಟವೆಲ್ಲ ಕಂಗಳ ಮೂಲಕವೆ ತಾನೇ ?


ನಿನ್ನ ಕಪ್ಪು ಕಂಗಳ ಕೊಳದೆ
ಭಾವಗಳ ಮೀನಾಗಿ ಕರಗಿ
ನೀರಾಗಿ ತೇಲಾಡುವಾಸೆ ಸಖಿ
ಮಿಂಚಿನ ಬೆಳಕಾಗಿ ತುಳುಕಿ..

ಅಳೆದು ಎರಕ ಹೊಯ್ದ
ದಳದ ರೆಪ್ಪೆಯ ಸೆರಗಲಿ
ಅಡಗುವೆ ತನ್ಮಯ ತಂಪುಣಿಸೆ
ಬೆವರಿದ ರೋಮವ ಗುಣಿಸೆಣಿಸೆ..

ಹುಬ್ಬು ಗಂಟಿಕ್ಕಿಸಿ ಹುಸಿ
ಮುನಿಸಾದ ಸೊಗದಲ್ಲಿ
ಕೆಂಪೇರಿಸೊ ನೆತ್ತರಲಿ ಬೆರೆತು
ತಂಪೆರೆವೆನಿನಿತು ಜಗ ಮರೆತು..

ಅತ್ತಿತ್ತಾಡುವಾ ಕಣ್ಣಾಲಿಗಳು
ಆಯಾಸದೆ ದಣಿದು ಕೂರೆ
ತಟ್ಟಿ ರಮಿಸುವೆ ಹೊದಿಸುತ
ರೆಪ್ಪೆಯ್ಹೊದಿಕೆಯಲಿ ಮಲಗಿಸುತ..

ಗೆಳತಿ ಮಲಗು ನಿದಿರೆಯಲಿ
ಹಿಂಡಿ ಸೋರಿಸಿಬಿಡುವೆ ಕಂಬನಿ
ಕಣ್ತೆರೆಯೆ ಕಂಗೊಳದೆ ಪನ್ನೀರ ಹನಿ
ಸಿಂಪಡಿಸಿ ರಮಿಸಲಿ ನಯನ ದೋಣಿ..

– ನಾಗೇಶ ಮೈಸೂರು

(Picture source: https://pixabay.com/en/indian-eyes-face-female-lady-154387/)

00759. ತಲುಪಿಸಲಾಗದ ಮಾತುಗಳು..


00759. ತಲುಪಿಸಲಾಗದ ಮಾತುಗಳು..
______________________________

ತುಟ್ಟಿ ಭಾವಗಳಿಂದ, ತೆಳು ಹಾಳೆಯ ಹೃದಯ
ತುಂಬಿಸಲೆಣಿಸಿ ಬರೆದ, ಮನದ ಮಾತುಗಳಿವು
ಹಕ್ಕಿಪುಕ್ಕದ ಹಗುರ, ಗರಿಗೆ ತುಂಬಿಸಿ ಶಾಯಿ
ಕುಂಚವಾಗಿಸಿ ತಿದ್ದಿದ, ಕಲೆಯ ನವಿರ ನೈಪುಣ್ಯ..

ತೂಕದಾ ಮಾತುಗಳು, ಓಲೆಗರಿ ಹರಿವಾ ಭೀತಿ
ಅಂಜಂಜುತಲೆ ಬರೆದ, ಒಲವ ಭಾಷ್ಯವಿದು
ಜತನದಲಿ ಸ್ವೀಕರಿಸು, ಒರಟು ಭಾವವಿದಲ್ಲ
ಎದೆಯ ತಳಮಳದೆಲ್ಲ, ಬೇಗುದಿಯ ಹರಿವಾಣ..

ಕೇಳುವನಿವಾರ್ಯವಿಲ್ಲದಿರಬಹುದು ನಿನಗೆ
ಹೇಳುವನಿವಾರ್ಯವದು, ತುಂಬಿ ಚೆಲ್ಲಿದೆ ಜೋಳಿಗೆ
ಹೆಕ್ಕುವವರಿಲ್ಲದ ಗಳಿಗೆ, ಹಕ್ಕು ನೀಡಿರುವೆ ನಾನಾಗಿ
ಸಂಕಟವೆ ಕಾಡುಮಲ್ಲಿಗೆ, ವ್ಯರ್ಥವಾದಂತೆ ಪರಿಮಳ..

ಯಾಕಿಲ್ಲಿ ತುಚ್ಛತನ, ನಿರ್ಲಕ್ಷ್ಯ ಭಾವದ ಸಂಭ್ರಮ ?
ಶೋಧನೆಯೊ, ವೇದನೆಯೊ ಗೊಂದಲದ ತಾಣ
ಸಹಿಸಲಸದಳ ನೋವು, ಬಾವಾಗಿ ಕಾಡುತಿದೆ
ರಣವಾಗೊ ಮುನ್ನ ವ್ರಣಕೆ, ಹಚ್ಚು ಸಂತೈಕೆಯ ಮದ್ದು..

ಯಾರೂ ಕೇಳದ ಆಲಾಪವಿದು, ಮನ ಮೂಲೆಯ ದ್ವೀಪ
ಕೊರಗುತಿದೆ ಆಕ್ರಂದನ, ಯಾಕೊ ಸದ್ದಿಲ್ಲದ ನಿಶ್ಯಬ್ದ
ನಿನ್ನ ಸೇರದು ಮಾತಿದು, ಅರಿವಿದ್ದೂ ಸುಮ್ಮನಿರದು ಹೀಗೆ
ವಿಲಪಿಸುತ, ಪ್ರಲಾಪದಲಿ ಕಳೆದುಕೊಂಡಂತಿದೆ ತನ್ನನೆ..

– ನಾಗೇಶ ಮೈಸೂರು

(Picture source :https://theuntoldme.wordpress.com/category/uncategorized/)

00758. ಹಚ್ಚಿ ವಿದಾಯದಲೊಂದು ಹಣತೆ..


00758. ಹಚ್ಚಿ ವಿದಾಯದಲೊಂದು ಹಣತೆ..
___________________________


ಹಚ್ಚಿಬಿಡು ಬೆಳಕೊಂದನು ಗೆಳತಿ
ಆದರೂ ಸರಿ ಕೊಟ್ಟ ಕೊನೆಯ ಬಾರಿ
ಬಿಟ್ಟುಹೋದರು ದೂರ ನಕ್ಷತ್ರವಾಗಿ
ಹಚ್ಚಿಟ್ಟ ಬೆಳಕ ಗೆರೆ ಮಿಂಚಲಿ ಕತ್ತಲಲಿ

ಯಾಕೆ ಬೇಕು ದೂರು? ದುಗುಡ ದುಮ್ಮಾನ
ಹಚ್ಚಿಕೊಂಡೆವು ನಾವು, ನಮಗೆಂಥ ಬಿಗುಮಾನ ?
ಅನುಮಾನ ಬಿಡು ಗೆಳತಿ ಸರಿ ತಪ್ಪು ಬೇಕೆ ?
ನಮ್ಮಭಿಮಾನದ ಕೂಸು ನಮ್ಮತನ ಸೊಗಸೇ..

ನೋಡು ದಿಗಿಲಿಲ್ಲಾ ಇನಿತು ನಮ್ಮ ಸಖ್ಯ
ಅರಿಸಿತಲ್ಲವೆ ನಂಟು ನಮ್ಮಂತರಾಳಗಳ
ಅರಿತ ಮೇಲರಿತರೂ, ಅರೆಕೊರೆಗಳ ಹೊರೆ
ಕುಗ್ಗಬೇಕೆ ಗೌರವ ? ಪರಿಪಕ್ವ ತಾನೆ ಯಾರೆ ?

ನನಗದೆ ಹೆಮ್ಮೆ ಗರ್ವ ಇದ್ದಷ್ಟೆ ಜತೆಗೆ
ಎಷ್ಟು ಸಂತಸ ಕನಸ ಹಂಚಿತೆ ಆ ಗಳಿಗೆ ?
ಹುರಿದುಂಬಿಸಿದ ಮಾತು, ಕಾದ ಆತಂಕದ ಹೊತ್ತು
ಸುಳ್ಳಾಗಿಬಿಡುವುದೇನು ? ದೂರವಾದ ಇ ದಿನದೆ…

ಇರಲಿ ಬಿಡು ಅಲಿಖಿತದೆ, ಒಪ್ಪಂದ ನಮ್ಮ ನಡುವೆ
ಕೆಸರೆರಚುವಿಕೆ ಬೇಡ, ಗೌರವವಿರಲಿ ಬಿಡದೆ
ಹಾರೈಸಲಿ ಮನಸು, ಸುಂದರ ಭವಿತದ ಕನಸು
ನನಸಾಗಲೆಂದು ಜೊತೆ, ಹಚ್ಚಿಬಿಡುವ ಹೊಸ ಹಣತೆ..

– ನಾಗೇಶ ಮೈಸೂರು

(Picture source : http://m.wikihow.com/Break-up-With-a-Guy-Nicely)

00756. Bear all the pain..


00756. Bear all the pain..
__________________________________


ಇಂಗ್ಲಿಷಲ್ಲಿ ಪದ್ಯ ಬರೆಯೋವಷ್ಟು ಜ್ಞಾನವೂ ಇಲ್ಲ, ಫ್ರೌಢಿಮೆಯೂ ಇಲ್ಲ, ಪಾಂಡಿತ್ಯವೂ ಇಲ್ಲ.. ಆದರೂ ಸುಮ್ನೆ ಒಂದು ಅಟೆಂಫ್ಟ್ ಮಾಡಿದ್ದು.. 😀 ( being a novice and alien to English writing, I should not be attempting to write poems in English. But still attempted this one)

Bear all the pain..
_____________________________


I am a grown up man
should bear all the pain
However unbearable it is..
It screams from the TOP..
Whining shouting with all might
But I have to fit a silencer – muzzle
And behave as if nothing has gone wrong;

It is not that pain just casual..
Really It’s so unbearable,
Making each step, hurting in the deep..
But pretending as I walk
All over wearing, smiling mask
Displaying all in perfect solid shape..
Hiding true and genuine feeling deep..

Doctors, Lawyers, heart dwellers
Even the boss who sanction leave
Take piece of truth, bit by bit – alive
How could I hide the cough and love ?
They are in the out, soon or late
Making the account confusing and pale..
– But grown up men should bear it all the while..

– Nagesha Mysore

(picture source :
http://natalieyvonneeast.weebly.com/the-concept.html
https://www.theodysseyonline.com/growing-up-expectation-vs-reality)

00755.ಮುಟ್ಟಿದರೆ ಮುನಿ…(ಮಕ್ಕಳ ಪದ್ಯ)


00755.ಮುಟ್ಟಿದರೆ ಮುನಿ…(ಮಕ್ಕಳ ಪದ್ಯ)
__________________________________

ಮುಟ್ಟಿದರೆ ಮುನಿ ಗಿಡ ಯಾರಿಗೆ ತಾನೇ ಗೊತ್ತಿಲ್ಲ? ಯಾಚಿತವಾಗಿಯೊ, ಅಯಾಚಿತವಾಗಿಯೊ ತಗುಲಿದರೆ ಸಾಕು ನಾಚಿ ಮುದುರುವ ಇದರ ಪರಿ ಚಿಣ್ಣರಿಗೆಲ್ಲ ಕುತೂಹಲಕಾರಿ ಅದ್ಭುತ. ನನಗೆ ಅದಕ್ಕೂ ಮೀರಿದ ಅದ್ಭುತವೆಂದರೆ ಅದರ ಚೆಂಡಿನಾಕಾರದ ಗುಂಡಾದ ಸುಂದರ ಹೂವು. ಆದರೂ ಏಕೋ ಬಾಲ್ಯದ ನೆನಪುಗಳಲ್ಲಿ ಬರಿಯ ಮುದುರುವ ಎಲೆಗಳ ಅಚ್ಚರಿಯೆ ಪ್ರಮುಖವಾಗಿತ್ತೆ ಹೊರತು ಹೂವಿನ ಶೃಂಗಾರ ವೈಭವವಲ್ಲ. ಈಚೆಗೊಮ್ಮೆ ಮಕ್ಕಳಿಗೆ ಆ ಎಲೆಗಳ ಮುದುರಾಟದ ಪರಿಚಯ ಮಾಡಿಕೊಡುವಾಗ ಕಣ್ಣಿಗೆ ಬಿತ್ತು ಅದರ ಹೂವು. ಅವೆರಡರ ಪ್ರೇರಣೆ ಹೊರಡಿಸಿದ ಪದಗಳು ಸಾಲಾಗಿದ್ದು ಈ ಕೆಳಕಂಡಂತೆ. ಮಕ್ಕಳ ಪದ್ಯವೆಂದುಕೊಂಡು ಓದಬಹುದೆಂದು ಇಲ್ಲಿ ಹಾಕಿದ್ದೇನೆ 😊


ಮುಟ್ಟಿದರೆನೆ ಮುನಿ, ನಿನ್ನ ಹೂವೆ ಕಣ್ಮಣಿ
ಚೆಂಡಿನ ಹಾಗೇ ಚಿನ್ನಿ, ಗೊಂಚಲಿನ ಕಹಾನಿ ||

ಎಲೆಗಳೆಲೆ ಸಾಲಂಕೆ, ಮುಟ್ಟುವರೆನೆ ಶಂಕೆ
ಏನಷ್ಟು ಸಂಕೋಚಕೆ ? ಮುದುರುವ ಮೈಯಾಕೆ ||

ಮುಟ್ಟೆ ರೋಮಾಂಚಕೆ, ನಿಮಿರುವುದೇಕೆ ತಾಕೆ ?
ನಾಚಿಕೆಯೆ ಯವ್ವನಿಕೆ, ಇಷ್ಟೊಂದಿರಲೇ ಬೇಕೇಕೆ ? ||

ಬಹುಶಃ ಅಂಜಿಕೆಯೆ ? ಎಚ್ಚರದ ಹವಣಿಕೆಯೆ ?
ಏನಾದರು ನೀ ಸರಿಯೆ ! ಮುದುರದಿರೆ ಅರಗಿಣಿಯೆ ||

ಮುಟ್ಟಿದರೆ ಕೋಪವೆ ? ಮುಟ್ಟಾ ಮುನಿ ಶಾಪವೆ ?
ಕೋಪಕೆ ಪರಿತಾಪವೆ ? ಸಂತಸ ಪರಿಹಾಸವೆ ? ||

ಸಣ್ಣೆಲೆಗಳೆ ಮಡಚಿರೆ, ಕಂದನ ಕಣ್ಣ ನೆನೆಸಿರೆ
ಮುದುಡಿದ ಮನಸೇ, ಮುಚ್ಚಿರೆ ಬರಿ ಕನಸೆ ||

ಏನಾಗಲಿ ನಿ ಅದ್ಭುತ, ನೀಡುವೆ ಮನಸಿಗೆ ಹಿತ
ಮಕ್ಕಳ ಕುತೂಹಲಕೆ, ನೀನಾಗುವೆ ಸರಿ ಲಸಿಕೆ ||

ಮುಟ್ಟಿದರೆ ಮುನಿಯಾ, ಕಟ್ಟಿಸಿದ ಧಮನಿಯಾ
ನರನಾಡಿಗಳ ನೆತ್ತರು, ಶಮನಗೊಳಿಸೆ ಅತ್ತರು ||

ಅಲ್ಲಿಯ ತನಕ ಅವಿತು, ಅಡಗಿ ಹುಲ್ಲಲಿ ಹೂತು
ಕಾಲ್ಮುಟ್ಟಿದರು ಆಕಸ್ಮಿಕ, ಸೆಟೆದು ನಿಲ್ಲೆ ಮುಗ್ದ ಮುಖ ||

———————————————————-
ನಾಗೇಶ ಮೈಸೂರು
———————————————————

(Picture source: https://en.m.wikipedia.org/wiki/File:Mimosa_pudica_-_Kerala_1.jpg)

00742. ಐವತ್ತು…. ಯಾವತ್ತು ?


00742. ಐವತ್ತು…. ಯಾವತ್ತು ?
__________________________

ಐವತ್ತು…. ಯಾವತ್ತು ?
ಯಾರಿಗೆ ಗೊತ್ತು ಬಿಜಿ ಹೊತ್ತು
ಅರ್ಧ ಸೆಂಚುರಿ ಆಗುವ ಹೊತ್ತು
ಅರ್ಧ ಆಯಸ್ಸು ಮುಗಿದೇ ಹೋಯ್ತು !

ಯಾವಾ ಲೆಕ್ಕದಲರ್ಧ ?
ಏನು ಖಾತರಿ ನೂರರ ತರ್ಕ ?
ಅರ್ಧಕು ಮೊದಲೆ ಬಿದ್ದವೆಷ್ಟೋ
ಅರ್ಧ ದಾಟಿ ಉದುರಿದವಿನ್ನೆಷ್ಟೊ !

ಅರ್ಧ ಕಳೆದರು ಇನ್ನು
ಅರ್ಧಂಬರ್ಧ ಬೆಂದಕ್ಕಿ ಜೀವ
ಮಾಡುವುದೇನ ಅರಿಯುವುದೇ ಆಯ್ತು
ಮಾಡಲಿರುವಾಗಲೆ ಅರ್ಧ ಕಳೆದು ಹೋಯ್ತು..

ಮಾಡೀಗ ಎಂದರೆ ಆಯ್ತೆ ?
ಕಸುವೆಲ್ಲಿದೆ ಅರಿವಿದ್ದರೆ ಸಾಕೆ?
ಹಲ್ಲಿದ್ದಾಗಿರದ ಕಡಲೆ ಬೊಗಸೆ ತುಂಬಾ
ತಿನ್ನಲಾಗದ ಸಂಕಟ ಹಲ್ಲೆ ನಿರ್ಬಂಧ..

ಮಾಡಬೇಕಿತ್ತು ತಯಾರಿ ಸಂತತಿ
ಮಾಡಲಪ್ಪಣೆ ಅಣತಿಯ ದಾರಿ
ಹುಡುಕಾಟ ತೊಳಲಾಟದೆ ಸಿಕ್ಕಿ ಪೀಳಿಗೆ
ತಾನೆ ನರಳುವಾಗ ತಂದೀತೇನು ಏಳಿಗೆ ?

ಬಿಡು ಬಿಡು ಎಲ್ಲಾ ಸಂಖ್ಯೆಯ ಜೂಟಾಟ
ಅಂಕಿ ಅಂಶಗಳ ಬೆನ್ನಟ್ಟಿದ ಜೂಜಾಟ
ಐವತ್ತರ ಒಳಗದೆ ಹಸಿ ಮನ ಎಳಸು
ಪಕ್ವತೆ ಕಾಣದೆ ಮಾಯದೆ ಮಾಗೀತೆ ತಿನಿಸು ?

– ನಾಗೇಶ ಮೈಸೂರು

(picture source: http://www.gifts.com)

 

00741. ಯಾರು, ಯಾರು ಅವರಾರು ?


00741. ಯಾರು, ಯಾರು ಅವರಾರು ?
__________________________


ಯಾರು ಹಚ್ಚಿದ ಪ್ರಣತಿ ?
ಯಾರು ನಡೆಸಿಹ ನೌಕೆ ?
ಯಾರಿದರ ಯಜಮಾನ ?
ತೀರದ ಭಾವಗಳ ಪಯಣ …

ಯಾರು ಜೊತೆಗೂಡಿದರು ?
ಯಾರು ಜೊತೆಗೂಡಿಸಿದರು ?
ಯಾರಣತಿಗಿಲ್ಲಿ ಕ್ರಮಣ ?
ಕಾಣದೆ ತಿಣುಕಿದರು ನಿಲ್ದಾಣ..

ಯಾರು ನಿರ್ಧರಿಸಿಹ ಸುಂಕ ?
ಯಾರು ಸುಖದುಃಖಕೆ ತೀರ್ಪು ?
ಯಾರ ತೀರ್ಮಾನದ ಅಂತಿಮ ?
ನೀಡಿದ ರೂಪುರೇಷೆ, ವಿನ್ಯಾಸ..

ಯಾರ ಕಲ್ಪನೆ ನರ ಕೂಸು ?
ಯಾರು ತನಮನಕೆ ವಾರಿಸು ?
ಯಾರ ಜೋಡಣೆಯಿಟ್ಟ ಕಲ್ಪನೆ ?
ಮೂಡಿಸಿದ ಬೆರಗು ನರ-ಮನೆ…

ಯಾರು ಯಾರೆಂದು ಹುಡುಕಿ
ಯಾರಾರಿಗೊ ತದುಕಿ ತಿರಿದು
ಯಾರದಿ ಒಳಗ್ಹೊರಗು ಶೋಧನೆ
ಸೃಜಿಸಿದ ವಿಚಿತ್ರ ಅಂತರಂಗದೆ ..

– ನಾಗೇಶ ಮೈಸೂರು.

(Picture source : http://guardianlv.com/wp-content/uploads/2014/07/Was-the-Universe-Created-650×487.jpg)

00735. ಕವಿ(ತೆ)ಗಳ ಬಾಣಂತನ..


00735. ಕವಿ(ತೆ)ಗಳ ಬಾಣಂತನ..
__________________________


ಯಾರಿಗೆ ತಾನೇ ಗೊತ್ತು ?
ಕವಿ(ತೆ)ಗಳ ಗರ್ಭಧಾರಣೆ
ದಿನನಿತ್ಯದ ಪ್ರಸವ ವೇದನೆಗೆ
ಅಂತರಂಗದ ಪ್ರಸೂತಿಗೃಹದಲಿ ತಜ್ಞ
ನಿಷ್ಣಾತರಂತೆ ನಟಿಸುವ ಸೂತಗಿತ್ತಿತನ..

ಹಾಳು ಹೊತ್ತು ಗೊತ್ತಿಲ್ಲದ ಸಂಭೋಗ
ಧುತ್ತೆಂದುದಿಸಿ ಆವರಿಸಿ ತುಣುಕ ಚಳುಕು
ನೋವು, ನಗೆ, ಕುಹುಕ, ವ್ಯಂಗ್ಯ, ಹತಾಶೆ
ಕೋಪದಾಶಯವೆಲ್ಲ ಆವಿಯಾಗುವ ಮೊದಲೆ
ಭರಿಸಿಬಿಡಬೇಕು ಚಕಚಕ ಚಾಕಚಕ್ಯತೆ
ಧರಿಸಿಬಿಡಬೇಕು ಅದೇ ಗಳಿಗೆ ಗರ್ಭದಲಿ
ನವವೊ ಅಭಿನವವೊ ಕ್ಷಣವೊ ದಿನವೊ ಮಾಸವೊ
ಯಾರಿಡುವ ಲೆಕ್ಕಾಚಾರ ಬಸಿರ ಚೀಲ
ಏದುಸಿರ ಬಗಿಲಲಿಟ್ಟು ಮುಲುಗುತ
ಅನುಭವಿಸಬೇಕು ಪ್ರಸವ ಯಾತನೆ..

ಗರ್ಭಪಾತಗಳಾದದ್ದುಂಟು
ಅವಸರದ ಹೆರಿಗೆಯ ಅನುಭಾವ
ಅನುಭೂತಿಗಳದೆ ಸೊಗ ದುಗುಡ ಗೊಂದಲ
ಜಿಗುಟುತನದಲಿ ಬಿಡದೆ ಪ್ರಳಯ ಕಾವ್ಯ
ಹಿಂಡಿ ಕಸುವೆಲ್ಲವ ಪ್ರನಾಳ ಶಿಶು ಜನನ..

ಅಲ್ಲಿಂದ ಶುರು ಬಾಣಂತನಗಳಿಗೆ
ಹುಟ್ಟಿತೇನೊ – ಗಂಡೊ,ಹೆಣ್ಣೊ,ಮತ್ತಾರೊ.. ?
ಕೂಸೆ ಮೂಸೆಯಿಂದೆದ್ದು ನಿಂತು
ಕತ್ತ ಪಟ್ಟಿ ಹಿಡಿದು ದಬಾಯಿಸೊ ಗಮ್ಮತ್ತು ;
ಹುಟ್ಟಿಸಿದ್ದಾರನೆಂದರೆ ಹೇಳಲಿ ಏನ ?
ವೈದ್ಯನಾ ? ತಾಂತ್ರಿಕನಾ ? ಲೆಕ್ಕಿಗನ ? ಜವಾನನಾ ?
ಅಲ್ಲಾರೊ ಕುಳಿತ ಮೌನ ನ್ಯಾಯಾಧೀಶರು
ತೀರ್ಪೀಯುವವರೆಗು ಬದುಕೆಲ್ಲಿ ?
ಉತ್ತರವೆಲ್ಲಿ ಬದುಕಿನ ಗುನುಗಲ್ಲಿ..
ಯಾರು ಓದುವರೊ, ಯಾರ ಮಡಿಲೊ.

ಹರಿದ ಮುದುರಿದ ಬಟ್ಟೆ ಕೊಡವಿ
ಹಾಸಿಟ್ಟು ಜತನದಿ ಮಲಗಿದ ಹಸುಳೆ
ಕಾದು ಕೂರು ನಿನ್ನ ಸರದಿಯ ಸರತಿ ;
ಬರದಿದ್ದರೇನು ಬಿಡು ಹುಟ್ಟೆ ಸಂತೃಪ್ತಿ..
ಅಯೋನಿಜ ಜನುಮ ಭಾವಗಳ ಕೊಳ್ಳಿ
ನೀರಿಗದ್ದಿದಂತೆ ತಂಪು ಪ್ರಸವದಲಿ..

ಸುಮ್ಮನೆ ಕಾಯುವ …
ಮತ್ತೊಂದು ಪ್ರಸವದ ಹೊತ್ತು..
ಜೊತೆಗೆ ಜೊತೆಗಾರರು ಬರುವರು…
ಮುರಿದು ಮೌನದ ಏಕಾಂತವನು…
ನಿರಂತರ ಬಸುರಿ ಪ್ರಸವ ಬಾಣಂತನ
ಕವಿ(ತೆ)ಯಾ ಹಣೆಬರಹ.

– ನಾಗೇಶ ಮೈಸೂರು

00732. ‘ತಾಯ್ಗಂಡನ ತಂದು’ – ತಾಯಿಗೆ ಗಂಡ ಅದೆಂತು ?


00732. ‘ತಾಯ್ಗಂಡನ ತಂದು’ – ತಾಯಿಗೆ ಗಂಡ ಅದೆಂತು ?
___________________________________________

ಚಿಕ್ಕವನಿದ್ದಾಗ ಪ್ರೈಮರೀ ಸ್ಕೂಲಿನಲ್ಲಿದ್ದ ಹೊತ್ತಲ್ಲಿ ನಮಗೊಬ್ಬ ಕೊಡವತಿ ಹೆಡ್ ಮೇಡಮ್ಮಿದ್ದರು. ಅವರು ಮಾತು ಮಾತಿಗೂ ಅವರದೇ ಕೊಡವ ಕನ್ನಡ ಶೈಲಿಯಲ್ಲಿ ‘ತಾಯಿ ಗಂಡನ ತಂದು’ ಅಂತ ಬೈಯುತ್ತಿದ್ದರು. ನನಗೋ ಬೈಗುಳಕಿಂತ ಹೆಚ್ಚಿನ ಕುತೂಹಲ ‘ತಾಯಿಗೆ ಗಂಡ’ ಹೇಗೆ ? ಅಂತ. ಹೇಗಿರಬಹುದು ಅಂತ ಹೊಳೆದದ್ದು ದೊಡ್ಡವನಾದ ಮೇಲೆ ಈ ಕವನ ಬರೆಯುವಾಗ ಅನ್ಕೊಳ್ಳಿ.. ಅದರ ಕುತೂಹಲ ನಿಮಗೂ ಇದ್ದರೆ ಇದೊ ಇಲ್ಲಿದೆ ಆ ಕವನ. ನಿಮಗೆ ಇದರ ಹೊರತು ಬೇರೆ ಅರ್ಥ ಗೊತ್ತಿದ್ದರೆ ಕಾಮೆಂಟಿನಲ್ಲಿ ಹಂಚಿಕೊಳ್ಳಿ…😊


ತಾಯ್ಗಂಡನ ತಂದು..!
_______________________

ಕೊಡವತಿ ಅಜ್ಜಿ ಪ್ರೈಮರಿ ಹೆಡ್ಮೇಡಮ್ಮು
ತಂಟೆ ತಕರಾರಿಗೆ ಅವರದದೆ ರಿದಮ್ಮು
ಅದೆ ತರಕಾರಿಯೂಟ ದಿನವು ತಿಂದು
ಬೈಯೇ ಬೈಗುಳ ‘ತಾಯ್ಗಂಡನ ತಂದು’ ||

ಕೈಯಲ್ಹಿಡಿದೆ ಬೆತ್ತ ಸೆರಗಾಕಡೆ ಸುತ್ತಿತ್ತಾ
ಕೊಡವರ ಶೈಲಿಯ ಮಾತ ಮಲ್ಲಿಗೆ ಗತ್ತ
ಅಳುವ ಮಕ್ಕಳೆಡೆಗೆ ಕೆಂಗಣ್ಣನೆ ಬಿಡುತ
‘ತಾಯಿ ಗಂಡನ ತಂದು’ ಅನ್ನುವರು ಸತತ ||

ಆಗರಿವಿರದ ಕಾಲ ಏನ್ಹಾಗೆಂದರೆ ತಾಳ
ತಾಯಿಗೆ ಮಗ ಗಂಡನ್ಹೇಗೆಂದು ತಳಮಳ
ತಾಯ್ಗಲ್ಲವೆ ಮಗ ಹುಟ್ಟುವುದು ಸಕಲ
ಹುಟ್ಟೋ ಮೊದಲೆ ಪತಿ ಹೇಗೆ ? ಗೊಂದಲ ||

ಹಿಡಿಯಿತು ಸಮಯವೆ ಬಹಳ ನಿಗೂಢ
ಅರ್ಥವ ಬಿಡಿಸಲು ತಿಣುಕಾಡಿಸಿ ಕಾಡ
ಗಂಡನೆನೆ ಅರ್ಥ ಗಂಡನಿರಬೇಕಿಲ್ಲ ದಡ್ಡ
ಗಂಡಾಂತರದ ‘ಗಂಡ’ ತಿಳಿಲಿಲ್ಲವೆ ಭಂಡ ? ||

ತಾಯಿಗಂಡನ ಮಾತು ತಾಯಿಗೆ ಮಿತ್ತು
ಗಂಡಾಂತರ ತಂದೊಡ್ಡುವ ಗಂಡದ ಕುತ್ತು
ಅರಿವಾದಾಗ ನಿರಾಳ ಮನಸಿನ ಮಸ್ತು
ಗಂಡಾಂತರ ತಹ ತಾಕತ್ತಿನ್ಹೆಮ್ಮೆಗೆ ಸುಸ್ತು ||

ಕಾಟ ಕೊಡುವ ಗಂಡು ಮಕ್ಕಳಿಗಿ ಬಿರುದು
ಯಾಕೊ ಅರಿಯೆ ಹೆಣ್ಮಕ್ಕಳಿಗೆ ಬಾರದು
ಕೋಟಲೆ ಕೊಡದವರೆಂದೆನೇ ಅನಿಸಿಕೆಗೆ
ಮಾತಲ್ಹೊಂದದ ಹೊಂದಾಣಿಕೆ ಬೆಸುಗೆಗೆ ||

ತಾಯ್ಗಂಡರೋ ತಲೆ ತಿನ್ನುವ ಪೊಗರೋ
ಬಾಲ್ಯದಾ ಪದ ಕುಣಿತ ಆ ಹೆಣ್ಣ ಚಿಗುರೋ
ನೆನಪಿಸುವ ಚಿತ್ರ ಗೌರವ ರಕ್ಷೆಯ ತರಹ
ಮೂಟೆ ಕಟ್ಟಿದ ಸೆರಗ ಗತ್ತಿನ ಮುಖ ಬರಹ ||

———————————————————-
ನಾಗೇಶ ಮೈಸೂರು
———————————————————-

00675. ಚುಚ್ಚು ಮಾತಿನ ಸೂಜಿಮದ್ದು


00675. ಚುಚ್ಚು ಮಾತಿನ ಸೂಜಿಮದ್ದು
___________________________


ಏನು ಮಾಡುವುದು ಬಿಡದೆಲೆ
ಬದುಕಲಿ ಕಾಡುವಾ ಭೂತಗಳ ?
ಬರಿ ಭವಿತದಲಾಗಿಬಿಡುವ ಬೊಗಳೆ ಮಾತು
ಭೂತದ ಹೀಯಾಳಿಕೆ ಮಾತ್ರ ಗೊತ್ತು..
ವರ್ತಮಾನದಲಿ ಬದುಕಿದ್ದು ಯಾವತ್ತು ?

ಯಾರೋ ಏನೋ ಆಗಿದ್ದ ಹೊರತು
ಸಹಿಸುವುದೆಂತು ದಿನ ನಿತ್ಯದ ಗುದ್ದು ?
ತಾಳಿದವನು ಬಾಳಿಯಾನೆ ? ಅನುಮಾನ
ಆನೆ ಬದುಕಿದ್ದರೆ ತಾನೇ ಬಾಳುವೆ ಯಾನ
ಕಟ್ಟಿಕೊಂಡ ಕೆಂಡ ಮಡಿಲ ಸುಟ್ಟ ವ್ಯಥೆಯೆ.

ಮಾತಿಗೊಂದು ಹುಡುಕಿದರೆ ಮೊನೆಚು
ತರಚು ಗಾಯಕೆಸೆದ ಉಪ್ಪಿನ ಅನುಭವ
ತಪ್ಪು ಹುಡುಕೆ ಸಿಗುವುದು ತಪ್ಪೇ ಹೌದು
ಸರಿಯನ್ಹುಡುಕೊ ಮನಸುಗಳೆ ಕಾಣದು
ಜಗವೆ ಚುಚ್ಚು ಮಾತಿನ ಸೂಜಿಮದ್ದಂತೆನಿಸಿ..

– ನಾಗೇಶ ಮೈಸೂರು

(Picture source: https://myspace.com/harsh.words)

00674. ಅರಿತೇನು ಬಂತು, ಕಲಿಯದೆ ?


00674. ಅರಿತೇನು ಬಂತು, ಕಲಿಯದೆ ?
___________________________


ಅರಿತೆ ಅರಿತೆ ಅರಿತೆ
ಬಂತೇನು ಸುಖ ?
ಅರಿತದ್ದ ಕಲಿಯದೇ ಹೋದರೆ..
ಅರಿತು ಜೀರ್ಣವಾಗೆ ಕಲಿಕೆ
ಅಜೀರ್ಣವಾಗೆ ಬದುಕೇ ನುಲಿಕೆ…

ಉರು ಉರು ಉರು
ಹೊಡೆಯುತ್ತಲೆ ಜಗದ್ಗುರು
ಕೇಳಿದ್ದೆಲ್ಲಾ ಕವಿತೆ
ಜ್ಞಾಪಕಶಕ್ತಿಯ ಪರೀಕ್ಷೆ
ಅರಿತೆ, ಏನು ಕಲಿತೆ ?

ದೊಂಬರಾಟ ಗುರುಕುಲ ಜಾಲ
ಅಂಕಿ ಅಂಶದ ಸಮ ಸಮರ
ಬೆನ್ನಟ್ಟಿ ಅಂಕದಲೇ ಶತಕ
ಮರೆತೆಬಿಡುವ ಮೈದಾನ ಕಲಿ
ಕಣ್ಣು ಬಿಟ್ಟಾಗ ಶೂನ್ಯ, ಕಲಿತಿದ್ದೇನು ?

ಅಕ್ಷರ ಜ್ಞಾನ ಮೊದಲ ಕಲಿಕೆ
ಕಲಿತಾದ ಮೇಲೆ ಅರಿವಿಗೆ
ಕಲಿಸಬೇಕು ಕಲಿಯುವ ಬಗೆ ಕುತೂಹಲ
ಜಿಜ್ಞಾಸೆ ಶೋಧನೆ ಚಿಂತನೆ ಚರ್ಚೆ
ಹೊಸತ ಸ್ವತಃ ಕಲಿಯುವ ತಾಕತ್ತು..

ಆಗಷ್ಟೆ ನಿಂತ ನೀರಾದ ಜ್ಞಾನ
ಕೊಳದಲೀಜಾಡೊ ಮತ್ಸ್ಯ ಸಂತಾನ
ಕಲಿಸುವುದು ಸೃಜಿಸೆ ಸೃಷ್ಟಿಸೆ ಹೊಸತ
ದಾಸ್ಯವಲ್ಲದ ಸ್ವತಂತ್ರ ಚಿಂತನಾ ಅದ್ಭುತ
ಸ್ವಾವಲಂಬನೆ ಸ್ವಾಯತ್ತತೆಯ ಕಲಿಸುತ್ತಾ..

– ನಾಗೇಶ ಮೈಸೂರು

(Picture source: https://en.m.wikipedia.org/wiki/File:France_in_XXI_Century._School.jpg)

00664. ಖಾಲಿ ಬಯಲಿನ ಜಾತ್ರೆ..


00664. ಖಾಲಿ ಬಯಲಿನ ಜಾತ್ರೆ..
________________________

 
(Picture source: https://upload.wikimedia.org/wikipedia/commons/b/b9/Camden_Market_is_empty.jpg)

ಉಳಿಸಿ ಹೋಗಿದ್ದೊಂದು ಪರಿ ಯಾತನೆ
ಬರಿ ನೆನಪುಗಳ ಜಾತ್ರೆ ಸಂತೆ
ಭಣಗುಟ್ಟುತಿದೆ ಖಾಲಿ ಬಯಲು
ಕೂತರೂ ಕೊಳ್ಳುವರಿಲ್ಲ, ಮಾರಲೇನು ?

ಬಿಕರಿಗಿಟ್ಟ ಭಾವನೆಗಳ ಹೊಸ ತರಕಾರಿ
ಮೂಟೆ ಗೂಡೆ ಬುಟ್ಟಿಯೆಲ್ಲಾ ಬಿಚ್ಚಿಟ್ಟು
ಅದೇ ಸರಕಾದರು ಎಳಸು, ಹೊಸತು
ಹಾಸಿ ಸುರಿದು ಕೂತರು ದಿಕ್ಕೆಟ್ಟ ಮೌನ..

ಗಮಗಮಿಸುತಿದೆ ಹಣ್ಣು ಹಂಫಲ ಜೀವ
ಭಾವಕೆ ಜೋಡಿ ತಾನಾಗಿ ಒಕ್ಕೊರಳು
ಜೋಡಿಸಿದ ಚಿತ್ತಾರ ರಂಗೋಲಿಯ ಸೆರಗು
ನೆಚ್ಚಿದ್ದೆಂದರು ನೋಡದೆ ಹೋದ ವ್ಯಥೆಯೆಲ್ಲ..

ರಾಶಿ ರಾಶಿ ಅಲ್ಲೇ ಮೊಲ್ಲೆ ಅರಳಿದ ಹೂವು
ಜೀವ-ಭಾವವ ಬೆಸೆಯೊ ನೂಲಿನಂತೆ ಕಾದಿವೆ
ಸುಡುತಿಲ್ಲದ ಬಿಸಿಲು ಬೀಸುತಿದೆ ತಂಗಾಳಿ
ಮೊಗ್ಗ ಹಿಗ್ಗಿನ ಮಳೆ ಹನಿ ತುಂತುರಲು ನೀನಿಲ್ಲ..

ಒಣಗಿ ಕೊಳೆತು ಮುದುಡಿ ಮುರುಟಿ ಹೋದಾವು
ಎಂದಿನಿತೂ ಕನಿಕರವಿರದೆ ನಡೆದ ನಿಶ್ಯಬ್ದದಲಿ
ಹನಿಗಳೆಲ್ಲ ಕಲಸಿ ಅಳಿಸುತಿವೆ ಸೊಗದ ಚಿತ್ತಾರವ
ಅಸಹಾಯಕ ನೋಟ ಉಳಿಸಿ ನಿರ್ವಾತ ಯಾತನೆ..

– ನಾಗೇಶ ಮೈಸೂರು

00649. ಸೆಲ್ಪೀಪುರಾಣಾ !


00649. ಸೆಲ್ಪೀಪುರಾಣಾ !
________________________

  

(Picture source: https://www.hastac.org/blogs/lstrombergsson/2015/11/03/vandyvienna2015-using-instagram-selfie-critical-lens-and-identity)

ಹೋದ್ಯಾ ಪುಟ್ಟಾ ? ಬಂದ್ಯಾ ಪುಟ್ಟ ?
ಮೇಲ್ಹತ್ತಿದ್ರೇನು ನಮ್ಮನೇದೆ ಅಟ್ಟ
ಹಂಗೆ ತೆಗ್ದೆ ತಾನೇ ಸೆಲ್ಪೀ ಮೊಬೈಲು ?
ಬೆಳಗಿನ್ಹೊತ್ತಲಿ ಕೂತ್ ಕೆರೆ ಗದ್ದೇ ಬಯಲು !

ರೀಲ್ ಹಾಕಂಗಿಲ್ಲ ಪ್ರಿಂಟ್ ಮಾಡಂಗಿಲ್ಲ
ಸರಿ ಕ್ಯಾಮರ ಇದೆಯಾ ಕೇರ್ ಮಾಡಂಗಿಲ್ಲ
ಆರ್ಕಾಸಿನ ಮೊಬೈಲ್ಗೂ ಕ್ಯಾಮರ ಕಣ್ಣು
ತಗಿ ಕೂತ್ಕಡೆ ನಿಂತ್ಕಡೆ ವಯ್ಯಾರದ ಹೆಣ್ಣು !

ತೆಗೆದಿದ್ ಗಳಿಗೆಲೆ ಅಪ್ಲೋಡು ಜಗಕೆಲ್ಲ
ಲೈಕು ಕಾಮೆಂಟು ಹಿಂಡಿಂಡೆ ಬಂದ್ವಲ್ಲ
ರಾಶಿ ರಾಶಿ ಲೈಕು ಮುಖ ನೋಡ್ದೆಲೆ ಹಾಕು
ಬಾಣಲೆ ತುಂಬಾ ತುಂಬ್ಕೊಂಡರೆ ಸಾಕು !

ಗುಂಪ್ಗುಂಪಾಗಿ ಸೇರೋ ಸಮೂಹ ಸನ್ನಿ
ಹೊಡೆದಿದ್ದೆ ಸೆಲ್ಪಿ ಎಷ್ಟೊಂದ್ ಜನ ನನ್ನೀ
ಬದುಕೋದೇ ಸ್ಟೈಲು ಸೆಲ್ಪೀ ತರ ಡೌಲು
ಇರಲಪ್ಪ ಸ್ವಲ್ಪ ಭೂಮಿ ಮೇಲ್ ಕಾಲು !

ಪರ್ಸ್ನಲ್ಲು ಫೋಟೊ ಪ್ರೈವೇಟಾಗಿಟ್ಟಿರು
ಸಿಕ್ಸಿಕ್ದಂಗೆಲ್ಲ ಹಾಕ್ಕೊಬಾರ್ದು ಮ್ಯಾಟರು
ಗೊತ್ತಿಲ್ದಿರೊ ಮಂದಿ ಕೈಗ್ಹಾಕದೆ ನಮ್ಮನ್ನೇ
ಸೆಲ್ಪಿ ತೊಗೊ ಸೇಫಾಗಿ ಕತ್ತಿಗ್ ಬರ್ದಂಗೆ !

– ನಾಗೇಶ ಮೈಸೂರು

00648. ನೀ ಮಾಯೆಯೊಳಗೊ? ನಿನ್ನೊಳು ಮಾಯೆಯೊ ?


00648. ನೀ ಮಾಯೆಯೊಳಗೊ? ನಿನ್ನೊಳು ಮಾಯೆಯೊ ?
__________________________________________

  
(Picture source: https://upload.wikimedia.org/wikipedia/commons/2/26/Blood_1.svg)

ನೀ ಮಾಯೆಯೊಳಗೊ? ನಿನ್ನೊಳು ಮಾಯೆಯೊ ?
ಬಗೆಹರಿಯದ ಜಿಜ್ಞಾಸೆ ಗೊಂದಲ ಮಡುಗಟ್ಟಿ
ಬಿಚ್ಚಿದೆ ಪದರ ಪದರ ಕಾಯದ ಚದರ ಚದರ ಅಡಿಗೆ
ಕಂಡಂತಾಗಿಸಿ ಕಾಣದೆ ಮಾಯವಾಗೋ ಒಗಟು..

ಏನಿದರರ್ಥ ಮರುಳೆ ನೀ ಮಾಯೆಯೊಳಗೊ ?
ಸಿಕ್ಕಿಬಿದ್ದ ಜೀವ ಜೀವನ ಜಂಜಾಟದ ಬಂಧದೆ
ಆಡಿಸಿದಂತೆ ಆಡುತ ಮಾಯೆಯ ಮೋಹದಲಿ
ಕುಣಿಸಿದಂತೆ ಕುಣಿತ ಮದ ಮತ್ಸರ ಪಾಶ ಕುಣಿಕೆ..

ನಿನ್ನೊಳು ಮಾಯೆಯೆಂದೊಡೆ ಗೆದ್ದಂತೇನವಳ ?
ಮುಷ್ಟಿಯಲ್ಹಿಡಿದಿಟ್ಟಂತೆ ಆಡಿಸುವ ಬೆರಗೇನು ?
ನುಂಗಿದರೇನು ಅವಳ ಶಿವಲಿಂಗದಂತೆ ಆತ್ಮೈಕ್ಯ
ಆಡಿಸುತಾಳೆ ಕೂತೊಳಗೆ ತೊಡಿಸಜ್ಞಾನದ ಬಲೆಯ..

ಶರಣಾಗತ ಭಾವವದು ನೀ ಮಾಯೆಯೊಳಗಾದರೆ
ಇಹಪರ ಒಪ್ಪಿಸಿ ಕರ್ಮಕೆ ಮುನ್ನಡೆಯುವ ಸೊಗಡೆ
ನಿನ್ನೊಳಿದ್ದರೆ ಮಾಯೆ ತಾನಾಗುತ ಅಜ್ಞಾನ ಅಹಮಿಕೆ
ಕೊಬ್ಬಿದ ಕುರಿಯಾಗಿಸುವಳು ಬಲಿತಷ್ಟು ಅವಳ ಲಾಭ..

ಬಿಡು ಒಳಗೊ ಹೊರಗೋ ಸಾಪೇಕ್ಷ ಸಿದ್ಧಾಂತ ಬರಿದೆ
ಒಳಗ್ಹೊರಗೆಲ್ಲ ಅವಳದೆ ಹಾಸು ಅಂದ ಮೇಲೆ ಮತ್ತೇನು ?
ಅವಳೊಳಗಿರೆ ಗರ್ಭದ ಕೂಸು ನೀನ್ಹೊರಗಿರೆ ಸೃಷ್ಟಿ ನಕಾಶೆ
ಒಳಗ್ಹೊರಗೆಲ್ಲೆಡೆ ಪೋಷಿಸೋ ಒಂದೇ ಮಾಯಿ ಮಾಯೆಯಂತೆ !

– ನಾಗೇಶ ಮೈಸೂರು

00647. ನಾ ನನ್ನನೆ ಹುಡುಕಿ…


00647. ನಾ ನನ್ನನೆ ಹುಡುಕಿ…
________________________________

  
(Picture from : https://psychlopedia.wikispaces.com/Introspection)

ನಾನು ನನ್ನೇ ಹುಡುಕಿ ಹೊರಟಿದ್ದ ಗಳಿಗೆ
ತೊಟ್ಟು ಸೂಟೂ ಬೂಟು ಕಂಠ ಕೌಪೀನ
ನಾನೇ ನನ್ನೆಲ್ಲಿ ಹುಡುಕಲಿತ್ತೊ ಅರಿವಿಲ್ಲ
ಗೊತ್ತು ಗುರಿಯಿಲ್ಲದ ನನ್ನನೆ ನಾ ಹೊತ್ತು ||

ನಾನಲ್ಲಿರುವೆನೆಂದರು ಕಂಡವರವರಿವರು
ಅಲ್ಲಲ್ಲ ಇಲ್ಲೆಂದು ತೋರಿ ದಾರಿ ಕೆಲವರು
ಅಲ್ಲರ್ಧ ಹೆಜ್ಜೆ ಇಲ್ಲರ್ಧ ಮೊತ್ತ ಇದ್ದಲ್ಲೇ
ನಿಂತಲ್ಲೆಲ್ಲಿ ನಿಲುವುದು ತಳ್ಳಾಟದ ಮಧ್ಯೆ ||

ನನ್ನೇ ತೋರುವೆನೆಂದು ಪಣ ತೊಟ್ಟವರ
ನಂಬದಿರಲೆಂತು ನಂಬಿ ನಡೆದಿದ್ದುಂಟು
ನಾನು ನಾನೆಂದರು ಕಂಡ ಕಲ್ಲುಗಳೆಲ್ಲ
ನಾನಲ್ಲವೆನಲು ಬಿಡದ ಮಾಯೆಯ ಸೊಲ್ಲು ||

ನಡೆದು ದಣಿದು ಸಾಕಾಗಿ ಕೂತರು ಸುಸ್ತಾಗಿ
ನನ್ನ ಕಾಣದ ನಿಟ್ಟುಸಿರು ನಿರಾಶೆ ಕೊರಗಲಿ
ನಾನಾದವರೊಬ್ಬರನು ಕಾಣದ ಚಿತ್ರಪಠ
ಅಂತೆಕಂತೆಗಳಂತೆ ಕಾಣುತಲಿ ನಿರ್ವಾತ ||

ಕುಕ್ಕರಿಸಿ ಕೂತೆ ತಲೆ ತಗ್ಗಿಸಿ ನಿರಾಶಾಜನಕ
ತಟ್ಟನೆ ಕಂಡಿತಲ್ಲೆ ನನ್ನೊಳಗೇನೊ ಪುಳಕ
ತಗ್ಗಿದ ತಲೆಗೆ ಕಂಡಿತ್ತಲ್ಲಿ ಒಳಗಿನ ನಾನು
ಇರುವೆಡೆಯ ಬಿಟ್ಟಿಲ್ಲದೆಡೆಗೆ ಹುಡುಕಿ ಬೇಸ್ತು ||

– ನಾಗೇಶ ಮೈಸೂರು

00641. ವಿದೇಶದಲಿ ಯುಗಾದಿ


00641. ವಿದೇಶದಲಿ ಯುಗಾದಿ
_______________________

ತಳಿರು ತೋರಣವಿಲ್ಲ
ಸದ್ದು ಗದ್ದಲವಿಲ್ಲ
ಸಂತೆ ಕೊಳ್ಳುವ ತರದೂದಿಲ್ಲ
ತುಟ್ಟಿ ಹೂ ಮಾವಿಗೆ ಗೊಣಗುವಂತಿಲ್ಲ
ನಮದೂ ಯುಗಾದಿ !

ಆಫೀಸಿಗೆ ರಜೆಯಿಲ್ಲ
ನೆರೆಯವಗೆ ಹಬ್ಬವೂ ಇಲ್ಲ
ಸಸ್ಯ ಮಾಂಸಾಹಾರದ ಪರಿವಿಲ್ಲ
ಪೂಜೆ ನೈವೇದ್ಯ ಮಾಡುವ ಗೋಜಿಲ್ಲ
ನಮದೂ ಯುಗಾದಿ !

ಹಬ್ಬದ ನೆನಪೂ ಇಲ್ಲ
ಹಾರೈಕೆ ಕಳಿಸಲೂ ಇಲ್ಲ
ಶುಭಾಶಯದ ವಿನಿಮಯವಿಲ್ಲ
ಬರಿ ಖಾಲಿ ಖಾಲಿ ಮನಸಿನ ವಿಲ್ಲಾ
ನಮದೂ ಯುಗಾದಿ !

ನಾವಿಲ್ಲಿ ಮನಸಿಲ್ಲಿಲ್ಲ
ನೀವಲ್ಲಿ ಮನಸಲ್ಲಿಲ್ಲ
ಯಾರಲ್ಲೂ ನಿರಾಳವೆ ಇಲ್ಲ
ಏನೋ ಎಂತೋ ಆಚರಿಸದೆ ವಿಧಿಯಿಲ್ಲ
ನಮದೂ ಯುಗಾದಿ !

ಹಬ್ಬಕೆ ಮನ ಕೇಳದಲ್ಲ
ಚಡಪಡಿಕೆ ಊರ ಕರೆಯಿತಲ್ಲ
ದೂರವಾಣಿ ಕರೆಯ ಮಾತಾಯ್ತಲ್ಲ
‘ನೀವಿಲ್ಲದೆ ನಮಗೂ ಹಬ್ಬವಿಲ್ಲ’
ನಮ್ಮೆಲ್ಲರ ಯುಗಾದಿ !

ಯುಗಯುಗಾದಿ ಬಿಡಿರಲ್ಲ
ವರುಷವರುಷ ಬಹುದಲ್ಲ
ಅದೇ ರಾಗ ಅದೇ ತಾಳ ಕಂಜರ
ಕುಸ್ತಿ ಮತ್ತದೇ ಬದುಕಿನಸ್ತಿ ಪಂಜರ
ಯುಗಾದಿ ನಮಗಿಲ್ಲ !

– ನಾಗೇಶ ಮೈಸೂರು

00627. ಯಾರೂ ಕೇಳದ ಹಾಡು…


00627. ಯಾರೂ ಕೇಳದ ಹಾಡು…
____________________

  

ಯಾರೂ ಕೇಳದ ಹಾಡದು
ಗುನುಗುಕೊಂಡಿದೆ ತನಗೇ ತಾನೆ
ಕೇಳುವರಿದ್ದು ಮನೆಗೇಕೊ ಗದ್ದಲ
ಕೇಳುವರಿಲ್ಲ ಮನದಲಿ ನಿಶ್ಚಲ ||

ಮಧುರವಿತ್ತೆಂದೆ ಮಧುಗೀತೆ
ಹಾಡಿದ್ದೆ ಹಾಡುತ್ತ ಹಾಡುತಿದೆ
ಕೇಳದ ಮನಸು ಅನ್ಯಮನಸ್ಕ
ಯಾಕೋ ಮತ್ತದನೆ ಹಾಕುವುದೇ ! ||

ನಿರಾಳವಾಗಿಸಲದು ಹಾಡು
ಕೇಳದೆ ಆಗುವುದೆಂತೊ ಸಾಂತ್ವನ
ಸೂತಕ ಹಿಡಿದ ಎದೆಯೊಳಗೆ
ಜಾತಕವೇಕೊ ಬಿಡದು ಅರೆಗಳಿಗೆ ||

ಆದಿತಲ್ಲಿಲ್ಲೊಂದು ಮಿಂಚಿನ ಸೆಲೆ
ಸಾಲದಾವುದೊ ತಟ್ಟನೆ ಸೆಳೆದು
ಕರವಶ ಪರವಶ ಭಾವದ ಚಿತ್ತ
ಚಂಚಲವೆಂದಾಯ್ತೊ ಗೊತ್ತಾಯ್ತಾ ? ||

ಇದು ಬದುಕಿನ ಶ್ರುತಿ ಲಯ ರಾಗ
ಗಾಯನ ವಾದನವಿದ್ದೂ ಸರಾಗ
ಬದುಕಲಿ ಬದುಕಿರದಿದ್ದರೆ ಜಗ ಜಾತ್ರೆ
ಸಂತೆಯ ಮನಕೆ ತಟ್ಟದು ಬೆರಗು ||

– ನಾಗೇಶ ಮೈಸೂರು

(Picture source: https://www.google.com.sg/imgres?imgurl=http://vignette1.wikia.nocookie.net/promised-land/images/7/7e/Song.png/revision/latest%253Fcb%253D20141120113911&imgrefurl=http://www.myricketyroad.com/2015/12/07/is-this-song-about-you/&h=827&w=975&tbnid=S5_TXrcxotCMIM:&docid=xPq7pV294JjDeM&ei=G8P8VoGLJuLwmAW4v5rYCw&tbm=isch&ved=0ahUKEwjBhPHAperLAhViOKYKHbifBrsQMwgjKAIwAg)

00626. ಮುನಿಸಿನ ಮಹತಿ, ಮಿಡಿದಾ ಗೆಳತಿ…


00626. ಮುನಿಸಿನ ಮಹತಿ, ಮಿಡಿದಾ ಗೆಳತಿ…
______________________________

(Poem for 3k picture poem – 35) 
(Picture from 3K – https://www.facebook.com/photo.php?fbid=10209407274363249&set=gm.1689965874596227&type=3)
ಯಾಕೋ ಮೂತಿ ತಿರುವೀ ಕೂತಾ
ಗಣಿತ, ನಿಮಗೇನಾದರು ಗೊತ್ತಾ ?
ಗೋಣಾಡಿಸೊ ರಾಜಕೀಯ ಗಹನ
ಪ್ರೀತಿ ಪ್ರೇಮ ಪ್ರಣಯ ನಾನಾ ಕಾರಣ !

ಒಪ್ಪಬೇಕಂತವನ ರಾಜಾ, ಸರಿ ಮಾತು
ಆಗೆಬಿಡಲೆಂತೊ, ಬಹು ಪತ್ನೀ ವಲ್ಲಭಾ ?
ಪಟ್ಟದ ರಾಣಿಯ ಅಟ್ಟ ಕೊಟ್ಟರೇನು ಬಂತು
ಎತ್ತರ ಕೊಂಬೆ ಒಂಟಿ ಬದುಕು ಬದುಕೇನು ?

ಯಾರಿಗೆ ಬೇಕು ಬಿಡು, ಅಟ್ಟದ ಮೇಲ್ಗೂಡು
ಅಟ್ಟಣಿಗೆಯಲಿಟ್ಟು ಕಟ್ಟಿ ಹಾಕಿ ಕೈ ಕಾಲು
ಹೊಡೆದಾದರು ಹುಳು ಹುಪ್ಪಟೆ ಒಂದೆ ತಟ್ಟೆ
ಹಂಚಿ ತಿಂದರೂ ಸರಿ, ಇನ್ನೊಬ್ಬಳೆಂದರೆ ಕೆಟ್ಟೆ !

ಅಂತಃಪುರ ಜನ ಜನಾನ – ಬೇಡದ ತಾಣ
ಹುಡುಕುವೆ ಏಕಾಂತ ರಾಜಕಾರ್ಯ ಬಿಡ
ಹುಣ್ಣಿಮೆ ಹೋಳಿಗೆಗೊಮ್ಮೆ ಜತೆಯಾಗಿದ್ದು
ಪಕ್ಕದಲಿದ್ದು ದೂರ, ಯಾಕೆ ಬೇಕೋ ದರ್ದು ?

ನೋಡೀ ದೂರದ ಅಂತರ ಗುಟ್ಟಲೆ ಕತ್ತು
ತಿರುವಿದ ಹೊತ್ತಲಿ ಕಣ್ಣು ಕಣ್ಣು ಮಾತಾಗೆ
ಮುನಿಸೆಲ್ಲ ಸೊರಗಿ ಕಲ್ಲು ಕರಗೊ ಹೊತ್ತು
ಹಠಬಿಟ್ಟು ಬಾ ಜಾಣ ಸುಮ್ಮನೆ ಬಿಟ್ಟು ಕ್ಯಾಣ !

– ನಾಗೇಶ ಮೈಸೂರು

00625. ನಾ ಸರಿ, ನೀ ಸರಿ..


00625. ನಾ ಸರಿ, ನೀ ಸರಿ..
__________________________
  
(Picture source: http://www.gp-training.net/training/communication_skills/ta/lifeposi.gif)

ನಾನು ಸರಿ, ನೀನು ಸರಿ
ಇಬ್ಬರು ಸರಿ ಸರಾಸರಿ
ಇರದಿದ್ದರೆ ದೂರ ದುಬಾರಿ
ದೂರ ಸರಿವುದೆ ಸರಿ ದಾರಿ ! ||

ನೀನಿಲ್ಲ ಸರಿ, ನಾನಿಲ್ಲ ಸರಿ
ಸರಿ..ಸರಿ ಆಕ್ರಂದನ ಭಾರಿ
ಕಂದನ ಅಸಹಾಯಕತೆ ಪರಿ
ಹುಟ್ಟಿದ ಗಳಿಗೆಯ ಸವಾರಿ.. ||

ನಾನಿಲ್ಲ ಸರಿ, ನೀವೆಲ್ಲ ಸರಿ
ಪಾರ್ಕು ಸಿನೆಮ ಎಲ್ಲೋ ಹೊರಟಿರಿ
ಹುಡುಕಿ ನನ್ನಿಲ್ಲೇ ಬಿಟ್ಟೋಗುವ ದಾರಿ
ಅಲ್ಲಾ, ಬೆಳೆಯುವುದೇಕಿಷ್ಟು ದುಬಾರಿ ? ||

ನೀವಿಲ್ಲ ಸರಿ, ನನದೇ ಸರಿ !
ಸರಿಯಿರಿ ಬಿಟ್ಟು ನನ್ನಾ ದಾರಿ
ನನ್ನ ಮೀಸೆ ನನ್ನ ದೇಶ ಕಾಣಿರಿ
ನಾನರಿತೆ ಸತ್ಯ ರೋಮ ನಿಮಿರಿ.. ||

ನನದೂ ಸರಿ, ನಿಮದೂ ಸರಿ
ಜ್ಞಾನೋದಯವಾಗೇ ಕುದುರಿ
ತಲುಪೆ ಬುದ್ಧ ಅಪಕ್ವತೆ ಮೀರಿ
ತಲುಪರೆಲ್ಲ ಬದುಕೇ ಪರಾರಿ..! ||

– ನಾಗೇಶ ಮೈಸೂರು
(೨೯.ಮಾರ್ಚ್.೨೦೧೬)

(ಸೂಚನೆ: ವ್ಯಕ್ತಿತ್ವ ವಿಕಸನ ತತ್ವದ ‘ಟ್ರಾನ್ಸ್ಯಾಕ್ಷನ್ ಅನಾಲಿಸಿಸ್’ನಲ್ಲಿ ಬರುವ ‘ಐ ಯಂ ಓಕೆ ಯು ಆರ್ ಓಕೆ’ ಸೈದ್ದಾಂತಿಕ ಹಿನ್ನಲೆಯಲ್ಲಿ ಓದಿ)

00624. ಪೋಷಕ, ವಯಸ್ಕ, ಬಾಲಕ..


00624. ಪೋಷಕ, ವಯಸ್ಕ, ಬಾಲಕ..
______________________________

 
(Picture source : http://www.drivertrainingassociates.com/src/images/xpac_head.jpg.pagespeed.ic.6hnfenWeOc.jpg)

ಇದು ಮನಃ ಸತ್ವಗಳ ಮಾತು
ಪಕ್ವಾಪಕ್ವ ಪ್ರಬುದ್ದ ಬಾಲಿಶ ನಡುವಳಿಕೆ
ವ್ಯಕ್ತಿತ್ವದ ವ್ಯವಹಾರದಲುಂಟಂತೆ ಮೊತ್ತ
ನಾವಾಡುವ ನಡೆನುಡಿ ಸಂಹಿತೆ ಸಮಸ್ತ..

ಏಯ್ ! ನೋಡಲ್ಲವನ ಕೀಟಲೆ ?
ಕೂರು ಬಾರೋ ತೆಪ್ಪಗೆ ಸುಮ್ಮನೆ ಮೂಲೆ
ಕೇಳಪ್ಪ ಹೇಳಿದ ಮಾತು ನಿನಗುತ್ತಮ
ಮಂದೆ ದಿನವೆಲ್ಲ ನುಡಿದಾ ಪೋಷಕ ಶಾಲೆ..

ಸರಿ ಸಮಾನ ಮನಸ್ಕ ಅನಿಸಿಕೆ ವಯಸ್ಕ
ಬಿಚ್ಚಿಟ್ಟರು ಮನದ ಮಾತು ತೆರೆಯದೆ ಪೂರ್ತ
ಗುಟ್ಟಿನ ಹನಿ, ಜುಟ್ಟಿನ ಬಣ್ಣ, ತುಟಿ ರಂಗು
ಅವನವಳಾ ಸಖ್ಯ ಪಿಸುಗುಟ್ಟುತ ರಹಸ್ಯ..

ನೋಡಿದೆಯ ಕರಗಿದರೆಲ್ಲಾ ಮುಖವಾಡ ?
ಕಾಣುವ ಹಸುಗೂಸು ಶಿಶು ಬಾಲಕ ಚೇಷ್ಟೆ !
ಛೇಢನೆ ಕೀಟಲೆ ನಗೆಯುಲ್ಲಾಸದ ವರ್ತನೆ
ತಂದಿಕ್ಕಿದೆ ಗಳಿಗೆ ಮದಿರೆಯಂತೆ ಹಸುಳೆಯ..

ತ್ರಿವೇಣಿ ಸಂಗಮ ಪ್ರತಿ ಮನಸಿನ ಸೂಕ್ತಿ
ಅನುಪಾತದಲದರನಾವರಣ ತಕ್ಕಂತೆ
ಸಾಕಾಗಿದೆ ವಯಸ್ಕ ಪೋಷಕ ನಿತ್ಯ ವೃತ್ತಿ
ಬಾಲಕನಾಗೆ ಮಡಿಲಾಸೆ ಹುಡುಕಿದೆ ಪ್ರವೃತ್ತಿ..

– ನಾಗೇಶ ಮೈಸೂರು
(೨೯.ಮಾರ್ಚ್.೨೦೧೬)

(ಸೂಚನೆ: ವ್ಯಕ್ತಿತ್ವ ವಿಕಸನ ತತ್ವದ ‘ಟ್ರಾನ್ಸ್ಯಾಕ್ಷನ್ ಅನಾಲಿಸಿಸ್’ನಲ್ಲಿ ಬರುವ ಪೇರೆಂಟ್, ಅಡಲ್ಟ್, ಚೈಲ್ಡ್ ಸೈದ್ದಾಂತಿಕ ಹಿನ್ನಲೆಯಲ್ಲಿ ಓದಿ. ಹೆಚ್ಚು ಆಸಕ್ತರಿಗೆ – ಎರಿಕ್ ಬರ್ನೆ ಯವರ ಸುಪ್ರಸಿದ್ದ ಪುಸ್ತಕ ‘ಗೇಮ್ಸ್ ಪೀಪಲ್ ಪ್ಲೇ’ – ಈ ಸಿದ್ದಾಂತದ ಬಗ್ಗೆ ಹೆಚ್ಚು ಬೆಳಕು ಬೀರುವ ಪುಸ್ತಕ )

  

(Picture source: https://madl.s3.amazonaws.com/images/p-a-c-wants.jpg)

00598. ಸೋಲೊಪ್ಪದೆ ಸೋಲಪ್ಪುತ….


00598. ಸೋಲೊಪ್ಪದೆ ಸೋಲಪ್ಪುತ….
_____________________________  

ಬಿಟ್ಟುಕೊಟ್ಟಿತೆ ಮನ ಕೊನೆಗೂ
ಸೋಲೊಪ್ಪದೆ ಸೋಲಪ್ಪುತ
ಬರಿ ಯತ್ನದ ಪ್ರಯಾಸ
ಖೇದಗಳೆ ಬರಿದಾಗಿಸುತ..

ಬಿಚ್ಚಿ ಹಾಸಿತೆ ಮೌನ
ಬಾ ಗೆಳೆಯ ವಿಶ್ರಮಿಸು
ರಣರಂಗ ಜಯಾಪಜಯ
ಮೆಲುಕ ಹಾಕದೆ ಕಾಲ್ಚಾಚು..

ನೋಡಿಲ್ಲಿದೆ ದ್ರಾಕ್ಷಾರಸ
ನೋವ ಹುಳಿ ಹಿಂಡಿದೆ ಒಳಗೆ
ನಿನ್ನೊಳಗಿನ ನೋವಿಗೆ ನೋವೆ
ಮದ್ದಾಗುತ ಕುಡಿದಾ ಗಳಿಗೆ..

ಮತ್ತದು ಮದಿರೆ ಕ್ಷಣಿಕ ನಿಜ
ನೋವು ನಲಿವಿನದೇನು ?
ಕೊಟ್ಟವರು ಪಡೆಯುವ ಗಣಿತ
ಕಾದು ಕೂತಿರು ನಿನ್ನ ಸರದಿಗೆ..

ನೊಂದು ಬಂದಾಗ ಸೋತು
ಬೇಡ ಅಪಮಾನ ಅವಹೇಳನ
ಅಪ್ಪಿ ಬಿಡವರ ಸೋಲಿನ ಸಹಿತ
ಮತ್ತೆ ಬಿಡದೆ ಸೋಲ ದವಡೆಯತ್ತ..

– ನಾಗೇಶ ಮೈಸೂರು

Picture source: http://img04.deviantart.net/20d4/i/2011/031/2/b/defeated_warrior_by_photogninja-d38iptl.jpg

00594. ಮರಳಿ ಬಾರೆ..


00594. ಮರಳಿ ಬಾರೆ..
____________________

 

ಬರಬಾರದೇ ತಿರುಗಿ ?
ಮಮ್ಮಲ ಮರುಗುತಿದೆ ಕೊರಗಿ
ಕೂತಲ್ಲೆ ಗಿರಗಿರ ಗಿರಣಿ ತಲೆ
ಗಿರಗಿಟ್ಟಲೆ ಬಿಡದಾ ಶೂಲೆ..

ಕಾಲದ ಲೇಹ್ಯ ಹಚ್ಚಿದೆ
ಮಾಯವಾಗುವುದೆಂದು ತಿಳಿದೆ
ನಿಂತರು ದೂರದೆ ನೀನು
ನುಣ್ಣನೆ ಬೆಟ್ಟ ಕಾಣುವೆ ಗೊತ್ತೇನು ?

ನಿರಾಳವಿದ್ದರು ಅರೆಗಳಿಗೆ
ಬರದಿದ್ದೀತೆ ಕಾಡುವ ಗಳಿಗೆ ?
ಪ್ರತಿ ಕ್ಷಣದ ಯಾತನೆ ಗಣನೆ
ಬಿಚ್ಚು ಮಾತಲ್ಲಿರೆ, ಬೇಕೆ ಸುಮ್ಮನೆ ?

ಬಿಡು ಆಡಿದ್ದೆಲ್ಲಾ ಮಾತಾಟ
ಮನದ ಬಗೆಬಗೆ ಕೂತಾಟ
ಅರಿತಾಗಿ ನಿಜ ಮನದೊಳಗು
ಆಪ್ಯಾಯತೆ ತೆರೆಯುವ ಬೆರಗು..

ಇಂದಿಲ್ಲದ ಶೂನ್ಯದೆ ಆಕಾಶ
ಬರಿ ಕತ್ತಲು ಹೆಣೆದ ಜೀವಕೋಶ
ಇದ್ದ ಹಾಗೆ ಒಪ್ಪೆ, ತೆರೆದವಕಾಶ
ಬಿಟ್ಟರದೆ ಬೆಪ್ಪೆ, ಉಳಿಸಿ ಬರಿ ಕ್ಲೇಷ..

– ನಾಗೇಶ ಮೈಸೂರು
೧೭.೦೩.೨೦೧೬

(Picture source: https://www.google.com.sg/imgres?imgurl=http://etc.usf.edu/clipart/74000/74085/74085_return_home_lg.gif&imgrefurl=http://etc.usf.edu/clipart/74000/74085/74085_return_home.htm&h=564&w=1024&tbnid=_tYMO-m_jPSWpM:&docid=_ZQoeVWfw6FC0M&ei=SP3pVvisM9DVuQTU7K7wDQ&tbm=isch&client=safari&ved=0ahUKEwj48MKovsbLAhXQao4KHVS2C94QMwh3KE0wTQ)

00585. ನಿರ್ದೋಷಿ ಕವಿತೆಗೆ..


00585. ನಿರ್ದೋಷಿ ಕವಿತೆಗೆ..
____________________________   

ಮಾತಾಡಳು ಏಕೋ ಕವಿತೆ
ಆಡದಂತೆ ಮೌನ ಸುಲಿದಿದೆ ಮನಸ
ಸುಲಿದೆಸೆದ ಸಿಪ್ಪೆ ಎಂದೋ ಆಡಿದ ಮಾತು
ಒಣಗಿ ನಲುಗಿ ಒರಟಾಗಿ ಕಂಬನಿ ಕುಯಿಲು ||

ಮಾತೆ ಆಡಿರದಿದ್ದರದು ಸರಿ
ಇಂದಿಲ್ಲ, ಎಂದೂ ಇರಲಿಲ್ಲ ಮೊತ್ತ
ಈ ಕಳವಳ ಕಸಿವಿಸಿ ಯಾಕಂತ ಗೊತ್ತಾ ?
ಬೆವರಲಿ ಬಸಿದಿಟ್ಟ ಮಾಲಿದು ಹೀಗೆ ಕಳುವಾಗಿತ್ತೆ ||

ಏನೀ, ಏಕೀ ಜರೂರತ್ತು ಶರತ್ತೂ?
ಯಾವತ್ತೂ ಇರದ ಜೂರತ್ತಿನ ದರ್ಪಣ
ಕಾರಣ ಹೇಳದೆ ಹೋಗುವ ಕಾರಣವೇನು?
ಅರಿಯದ ತೊಳಲಾಟದಲಿ ಒಗಟಾಗಿ ಕವಿತೆ ||

ಆದರು ಬರದೇಕೊ ಮುನಿಸಲ್ಲಿ
ಹುಡುಕುತಲ್ಲಿ ಕಾರ್ಯಾಕಾರಣ ಪ್ರವೃತ್ತಿ
ಹಿತವೇನನೊ ಬಯಸಿದೆ ಕವಿತೆ ಮನದಲ್ಲಿ
ದೂರುತ ದೂರಾಗುವ ಹವಣಿಕೆ ಮುಖವಾಡ ||

ಮೌನ ನಿನದು, ಮೂಕನಾಗಿದ್ದು ನಾನು
ಇದು ತಾದಾತ್ಮ್ಯಕತೆಯ ಅಚ್ಚರಿಯದ್ಭುತ
ಅರಿತೂ ಅರಿಯದ ಸೋಗಲಿ ನಡೆದಿರುವೆ ನೀ
ಹುಡುಕಿರುವೆ ಕಾರಣ ನಿನ್ನ ನಿರ್ದೋಷಿಯಾಗಿಸಲು ||

– ನಾಗೇಶ ಮೈಸೂರು

(Picture source wikipedia: https://upload.wikimedia.org/wikipedia/commons/a/a4/P_literature.gif)

00574. ನಾನು ನನ್ನ ಕವಿತೆ…


00574. ನಾನು ನನ್ನ ಕವಿತೆ…
_________________________

  
ಜತೆಯಲಿ ಯಾರಿಲ್ಲದ ಗುಟ್ಟು
ನೋವ ಮರೆಸಲು ಯಾರುಂಟು ?
ಎಂದೆಲ್ಲೆಲ್ಲೊ ಅರಸುತ ನಾ ಅವಿತೆ
ಕೊನೆಗುಳಿದಿದ್ದು ನಾನು ನನ್ನ ಕವಿತೆ ||

ಯಾರೊ ಬಂದರು ಹೋದರು ಪಿಚ್ಚೆ
ದೀವಿಗೆಯಿತ್ತರು ಹೊಸಲಿಗೆ ಹಚ್ಚೆ
ಪೆಚ್ಚಾಗಿ ಖೇದ ಬರಿ ಮನದ ಹುಚ್ಚೆ
ನೋವಿಂದಲೆ ಬರೆ ಹಾಕಿದಂತೆ ಹಚ್ಚೆ ||

ಕ್ಷುದ್ರ ಯಾತನೆ ಘೋರದ ಅಪಾರ
ತುಂಬಿದೆದೆಯಲಿ ತುಳುಕಿ ಸಪೂರ
ಕಂಬನಿಯಾಗಲು ಸಂಕಟ ವ್ಯಾಪಾರ
ಬಾಹ್ಯದ ಪರಿವೆ ನಾಚಿಸೊ ಅವತಾರ ||

ಚಡಪಡಿಸುತ್ತಿರೆ ಇದ್ದೂ ಇಲ್ಲದ ಅನಾಥ
ಯಾವುದು ಕೆಳೆ ? ಬಂಧಕು ಸ್ವಾರ್ಥದ ಗಣಿತ
ಬಿಕ್ಕಳಿಸುವ ನಿಶ್ಯಬ್ದ ಸದ್ದಾಗದೆ ಚೀತ್ಕಾರ
ನೀಗಿಸಲೆಂತೊ ತೀರದ ಬವಣೆ ಎದೆಭಾರ ||

ತಟ್ಟನವತರಿಸಿದ ಅಂತರಂಗದ ಕೂರ್ಮ
ಬೇಡವೆಂದರೂ ಸಖ, ಬೆನ್ನಿಗಂಟಿದ ಕರ್ಮ
ಕಂಬನಿಗು ಜಾರಬಿಡದೆ ಬೆರೆತು ಹರಿಸುತೆ
ರಮಿಸುಳಿದಿದ್ದು ಕೊನೆಗೆ ನಾನು, ನನ್ನ ಕವಿತೆ ||

– ನಾಗೇಶ ಮೈಸೂರು

(Picture source wikipedia : https://en.m.wikipedia.org/wiki/File:Visual_poetry.jpg)

00531. ಜೋಗುಳ ಬ್ಲಾಗಿನ ನಿದ್ದೆಗೆ, ಕವಿತೆ ಮರಳಿ ಬರುವವರೆಗೆ..


00531. ಜೋಗುಳ ಬ್ಲಾಗಿನ ನಿದ್ದೆಗೆ, ಕವಿತೆ ಮರಳಿ ಬರುವವರೆಗೆ..
_______________________________________

 

ಜೋಜೋ ಮಲಗು ನನ್ನ ಬ್ಲಾಗೆ..
ಮತ್ತವಳು ಕವಿತೆ, ಮರಳುವ ತನಕ
ಮನಶ್ಯಾಂತಿಗರಸಿ, ನಡೆದಿಹಳು ದೂರಕೆ
ಹುಡುಕಿ ತಡಕಿ, ಕಾಲಯಾನದ ಅನಂತ… ||

ಗಳಿಗೆ ದಿವಸ ವಾರ ತಿಂಗಳು ವರ್ಷ ?
ತಿಥಿ ನಕ್ಷತ್ರ ಗೋತ್ರ ಶುಭ ಶಕುನದ ಪಾತ್ರ
ತಿಳಿಯದಂತವಳಿಗು ಮೊತ್ತದೆ, ಅಲೆದಾಟ
ತನುವೇರಿದ್ದೇನೊ ವಾಹನ, ಮನಸೇಕೊ ಅಸ್ವಸ್ಥ.. ||

ಮನದಲೆದಾಟ ವಿಮಾನ, ಹಕ್ಕಿಯ ಜಾಡು
ಹೋಗುವುದೆಲ್ಲೊ ಎಂತೊ, ಕಾಣದ ಗಗನದೆ ಹೆಜ್ಜೆ
ವಿಲವಿಲ ವಿಲಪಿಸಿ ಕವಿಮನ, ತಡೆದು ಬೇಡಿದರು
ಸ್ವಾಭಿಮಾನಿ ಕವಿತೆ ನುಡಿ, ಬಿಡೆನ್ನ ಪಾಡಿಗೆ ನನ್ನರೆಗಳಿಗೆ..||

ಶಾಂತಿಯ ತವರಿಗೆ ತಲುಪಿ, ಮಿಂದು ಜಳಕ
ಮುಗಿದಾಗೆದ್ದು ಬರುವ, ಅರೆಬರೆ ವಚನದ ಚಳಕ
ಬರುವಳೊ? ಬಾರಳೊ? ನೆನೆದು ಗಡಿಬಿಡಿ ಮನ ಧ್ವಂಸ
ಮಾಡಿದ ತಪ್ಪನೆ ಮಾಡಿಸೆ, ಯಾವ ಕ್ಷೀರ, ಎಲ್ಲಿಯ ಹಂಸ ? ||

ಸದ್ದುಗದ್ದಲ ಮಾಡಿ, ಕೆಡಿಸದಿರವಳ ಶಾಂತಿಯ ಯಾತ್ರೆ
ಚಿಮ್ಮುತಿರಲೆಲ್ಲಿಂದಾದರದು, ನೀ ಸುಮ್ಮನಿರು ನನ ಬ್ಲಾಗೇ..
ಅದೇ ಜೋಗುಳ ಪದ ಹಾಡುವೆ, ದಿನವು ನಿನ್ನ ಮಲಗಿಸುವೆ
ಮರಳಿದ ಹೊತ್ತಲಿ ಸಂಭ್ರಮ, ನಟ್ಟಿರುಳಲು ಬಡಿದೆಬ್ಬಿಸುವೆ.. ||

– ನಾಗೇಶಮೈಸೂರು

00529. ಬೆಳೆಯುತ್ತಾ ಕೂಸು..? 


00529. ಬೆಳೆಯುತ್ತಾ ಕೂಸು..?
_______________________________

  
(Picture from wikipedia – https://en.m.wikipedia.org/wiki/File:Niger_childhood_malnutrition_16oct06.jpg)

ಬೆಳೆಯುತ್ತಾ ಈ ಕೂಸು ?
ಬಾಲಿಶದಿಂದ ಪ್ರಾಯಶಃ ಪಕ್ವ ಪ್ರಬುದ್ಧ ಬುದ್ಧ
ಅದೇ ನೀರು ಗಾಳಿ ಮಣ್ಣು ಮತ್ತದೆ ಗೊಬ್ಬರ
ಜೊತೆಗಿಷ್ಟು ಜೀವನ ಪ್ರೀತಿ ತಬ್ಬಿಕೊಂಡ ಹತ್ತಿರ..

ಬೆಳೆಯೊ ಆಸೆ ಆಗಸದಾಚೆಗೆ
ಖಾಲಿ ಬಯಲ ಪಾರದರ್ಶಕದ ಅಪಾರ..
ಅಡೆತಡೆಯಿಲ್ಲ ಅಂತೆ ಚೌಕಟ್ಟಿಲ್ಲದ ಚಿತ್ರಪಠದೆ
ಗೊಂದಲ ಶಿಶುವನಾಥ ಕಳುವಾದಂತೆ ಸಂತೆ ಗದ್ದಲದೆ..

ಕಸಿವಿಸಿ ಮಗುವಿಗು ಯಾಕೊ
ಕಂಡಾಗೆಲ್ಲ ದಷ್ಠಪುಷ್ಠ ಮಕ್ಕಳ ಮೇಳ
ಕೃಶಕಾಯದೊಣಗಿದ ಬೆರಳಲಿ ಕೊರೆಗ್ಹುಡುಕಿ ಪ್ರಶ್ನೆ
ಉತ್ತರಕೆ ಬದಲು ಮೇಲ್ಹತ್ತಿದ ಸಂದಣಿ ನೂಕುನುಗ್ಗಲೂ..

ತನ್ನಂತಾನೆ ದಿಟ್ಟಿಸಿ ನೋಡಿ ಕೂಸು,
ಏನಿದೆ ಕಮ್ಮಿ? ಅರಿವಾಗದೆ ತೊಳಲಾಡಿ
ಎಲ್ಲೆಡೆಗ್ಹುಡುಕುತ ವಿಹ್ವಲ ಸೂತ್ರವದೇನು ತೋಚದೆ
ದಿಕ್ಕೆಟ್ಟಲೆಯುತ ಪಾತಾಳ ನೆಲ ಜಲ ಮುಗಿಲ ಕೊಳದಲಿ..

ಬೆಳೆದಿದ್ದೇನೊ ನೈಜ ಊದಿದಂತೆ ಹೊಟ್ಟೆ
ಕೃಶಕಾಯದ ಕೈಕಾಲು ಬೆಳೆದುದ್ದ ಹುಲ್ಲಂತೆ
ಸರ್ವಾಂಗೀಣ ಪ್ರಗತಿ ಮಾತಾಗುತಿದೆ ವೇದಿಕೆ ಗರಡಿ..
ಅಧಿಗಮಿಸೀತೆ ಕೂಸು ? ಬಲಿಪಶುವಾಗದೆ ಅವ್ಯವಸ್ಥೆಯ ನೀಗಿ..

– ನಾಗೇಶಮೈಸೂರು

00528. ಏನು ಗೊತ್ತಾ, ವಿಷಯ..?


00528. ಏನು ಗೊತ್ತಾ, ವಿಷಯ..? 
___________________________

   
(photo source wikipedia – https://en.m.wikipedia.org/wiki/File:Leonid_Pasternak_-_The_Passion_of_creation.jpg)

ನಿನಗೊಂದು ವಿಷಯಾ ಗೊತ್ತಾ ..
ಈಚೆಗ್ಯಾಕೊ ಏನೂ, ಸರಿ ಬರೀತಿಲ್ಲಾ ಚಿತ್ತ.
ಬುಳಬುಳ ಜೊಂಪೆ ಬರ್ತಿತ್ತಲ್ಲ ಎಲ್ಲಾ..?
ಯಾಕೊ ಕಣಿ-ಧರಣಿ, ಕೂತಲ್ಲೆ ತಟ್ಟಿ ಬೆರಣಿ..

ಒಂದಲ್ಲ ಹತ್ತಲ್ಲ ನೂರಾರು ವಸ್ತು !
ಸಾಲುಸಾಲು ಸೀಮೆಣ್ಣೆ, ರೇಷನ್ನಿನ ಹಾಗೆ..
ನಿಂತಿತ್ತಲ್ಲ ಕೂಗಾಡಿ, ಜಗಳಕೆ ಬಿದ್ದ ತರ ?
ತಾ ನಾ ಮುಂದು, ಗುದ್ದಾಡಿದ್ದೆಲ್ಲಾ ನಿಶ್ಯಬ್ದ…

ಹುಟ್ಟುತ್ತೇನೊ ಚಿಲುಮೆ, ಅಕ್ಷರ ಮಣಿಯೊಡವೆ
ಪದಪದವಾಗೊ ಮೊದಲೆ, ಯಾಕೊ ಒಲ್ಲದ ಮದುವೆ.
ತಟ್ಟಂತೇನೊ ಬೆಟ್ಟ, ಕುಸಿದಂತೆ ಮನೆ ಮಾಡು
ಪದಗಳವಕವಕೆ ಜಗಳ, ಹುಟ್ಟೊ ಮೊದಲೆ ಹಾಡು..

ಹುಟ್ಟಿದ್ದೂ ಹಸುಗೂಸು, ಮೀರಲೊಲ್ಲ ಬಾಲ್ಯ
ಬೆಳೆಯೊ ಕೂಸಿಗು ಹುಟ್ಟಲೆ, ಏನೊ ಅಂಗವೈಕಲ್ಯ..
ಹೆತ್ತ ಹೆಗ್ಗಣ ಮುದ್ದಿಗೆ, ಕಟ್ಟಿದರು ತೋರಣ ಬಳಗ
ತಡವಿ ಮೇಲೆತ್ತಿ ಆದರಿಸೋಕಿಲ್ಲ, ಪುರುಸೊತ್ತಿನ ಜಗ ..

ಆದರು ಬರೆಯೊದಂತು ತಾನು, ನಿಲಿಸಿರಲಿಲ್ಲ ಚಿತ್ತ
ಯಾಕೊ ಇದ್ದಕಿದ್ದಂತೆ, ಅನಿಸಿಬಿಡುತೆಲ್ಲ ಬರಿ ವ್ಯರ್ಥ
ಹಠದಿ ಸಂಪು ಕೂತಿವೆ, ಹಾಕೆಲ್ಲ ಭಾವಕೆ ಬಿಗಿ ಬೀಗ
ಮನ ಕಳವಳ ಮಾತ್ರ ಹುಡುಕಿದೆ, ಕೀಲಿ ಸಿಕ್ಕೊ ಜಾಗ..

– ನಾಗೇಶಮೈಸೂರು

00526. ಯಾಕೊ ಯಾತನೆ ಸುಮ್ಮನೆ… (01)


00526. ಯಾಕೊ ಯಾತನೆ ಸುಮ್ಮನೆ… (01)
_______________________________
  
(picture source – http://edunderwood.com/wp-content/uploads/2010/09/suffer.jpg)

ಯಾಕೊ ಏನೊ ಯಾತನೆ
ಸಮ ಕೂತಲ್ಲಿ ನಿಂತಲ್ಲಿ
ಸರಿ ಒಂದೆ ಸಮನೆ
– ಕಾಡಿದ ಗೊನೆ ||

ಕಿತ್ತೊಂದೊಂದೆ ಹೂವನೆ
ಮುಡಿಗೇರಿಸಿ ಭಾವನೆ
ಹಣ್ಣಾಗೊ ಸಾಧನೆ
– ಕತ್ತರಿಸಿ ತೆನೆ ||

ಬೀಜವೃಕ್ಷ ನ್ಯಾಯದಲೆ
ತೆನೆಯಾಗಿ ಮೊದಲೆ
ಯಾತನೆಗೆ ಕವಲೆ
– ಅರಿವೆ ಕಪಿಲೆ ||

ಅರಿವಿದ್ದರೆ ಮುಗ್ದತೆ ತರ
ಯಾತನೆಯೆ ದೂರ
ಅರಿತಷ್ಟು ಆಳಕ್ಕೆ
– ನೋವಿನ ಗಾಳ ||

ಮೌಢ್ಯ ಮುಟ್ಟಾಳತನ
ವರವಾಗಿ ಜಾಣತನ
ಜ್ಞಾನಾರ್ಜನೆ ಕಣ
– ದುಃಖಕೆ ಮಣ ||

———————————————————-
ನಾಗೇಶ ಮೈಸೂರು
———————————————————–

00509. ಕಾಲದ ಗುಂಡು


00509. ಕಾಲದ ಗುಂಡು
___________________

ಗುಂಡು ಬೆಲ್ಲದುಂಡೆಯನ್ಹಿಡಿದು ಉರುಳಿ ಬಂದ ತಂಡಿನಂತೆ (ಕಬ್ಬಿಣದ ಕೋಲು) ಉರುಳಿ ಬರುವ ಕಾಲದ ಹೊಡೆತ ಎಣಿಕೆಗೆ ನಿಲುಕದ ಖೂಳ. ಸಿಹಿಯಚ್ಚಿದ ಬೆಲ್ಲದ ತುದಿಯನ್ನಿಡಿದೆ ಬರುವ ಕಾಲದ ಭಾರವಾದ ಕೋಲು ನಮಗರಿವಿಲ್ಲದೆಲೆ ದೇಹವನೆಲ್ಲ ಹಂತ ಹಂತವಾಗಿ ದುರ್ಬಲಿಸುತ್ತಾ ಸಾಗಿದ್ದರು, ಮನಕದರ ಅರಿವಿರುವುದಿಲ್ಲ. ಹಳೆಯ ಶಕ್ತಿ, ಸಾಮರ್ಥ್ಯಗಳೆ ತುಂಬಿಕೊಂಡ ಭಾವ ಮನದಲ್ಲಿ. ದೇಹದ ತೂತುಗಳನರಿಯದ ಮನಕೂ, ಮನದ ತುರುಸು, ಹುರುಪನ್ನರಿಯದ ದೇಹಕು ನಡೆವ ತಾಕಲಾಟವೆ – ಕಾಲದ ಗುಂಡು. ಎರಡು ಪರಸ್ಪರರ ಸಾಮರ್ಥ್ಯ, ಮಿತಿಗಳನ್ನರಿತು ಸಮತೋಲನ ಸ್ಥಿತಿಯ ಘಟ್ಟವನ್ನು ತಲುಪುವ ತನಕ ಕಾಡುವ ಅಂತರದ ಕಾಟ, ಪಾಡಾಟ, ತನುಮನ ಕಾದಾಟ.

  
(Picture sourc Wikipedia: https://kn.m.wikipedia.org/wiki/%E0%B2%9A%E0%B2%BF%E0%B2%A4%E0%B3%8D%E0%B2%B0:MontreGousset001.jpg)

ಗುಡ ಗುಂಡು ಗುಂಡಿನ ಚಂಡು
ಗುಡುಗುಡು ಲೋಹದ ತಂಡು
ಗುಣದರಿವಿರದಂತೆ ಹೆಣ್ಣೊ ಗಂಡು
ಉರುಳಿ ಬಂತೋ ಕಾಲದ ಗುಂಡು ||

ಉರುಳುತ್ತೋ ಕಾಲದ ಚಕ್ರ
ಮಾಡುತ್ತೆಲ್ಲರಾ ಬಕರಾ
ಗಾಬರಿಯಾಗೋ ಮೊದಲೆ
ನಮಗರಿಯದೆ ನಾವೇ ಪೆಕರ ||

ಕ್ಷಣಕ್ಷಣಕೆ ನಿಮಿಷದ ಗಣನೆ
ನಿಮಿಷ ಗಂಟೆಯ ಗುಣಗಾನೆ
ಕಟ್ಟೆ ಗಂಟೆ ದಿನದ ಪರಿಗಣನೆ
ವಾರ ವರ್ಷ ಕರಗಿತೆ ಹಿಮ ಮನೆ ||

ಅಚ್ಚರಿ ಅದು ಸಮ್ಮೋಹನೆ
ನಮ್ಮೊಳಗದು ಬರಿ ಕಲ್ಪನೆ
ವಯಸಾಗದ ಮನಸ ಮಾತು
ಕೇಳದಲ್ಲ ದೇಹದಾ ತೂತು ||

ಮನ ಎಂದಿನಂತೆ ಖುಷಿಯ ಬುಗ್ಗೆ
ಜಯಿಸಿಟ್ಟು ಬಿಡುವ ವಿಶ್ವಾಸ ನುಗ್ಗೆ
ಹೆಜ್ಜೆಯಿಡಲು ಏದುಸಿರ ಫಸಲು
ಯಾರ್ಹಿಡಿದರೊ ತಡೆ ಆತಂಕಗಳು ||

ಗಟ್ಟಿ, ನಿನ್ನೇ ತಾನೆ ಮಾಡಿದ್ದುಂಟು
ಇಂದೇತಕೊ ಮಿಸುಕಾಡಿದ್ದುಂಟು
ಮಾಗಿದ್ದರು ಮನ ಪ್ರಾಯೋಪವೇಶ
ಮಿಕ್ಕಿಲ್ಲದ ದೇಹ, ಅಂಥ ತ್ರಾಸಾವೇಷ ||

————————————————————
ನಾಗೇಶ ಮೈಸೂರು
————————————————————

ಕಠಿಣ ಪದಗಳ ಅರ್ಥ :
—————————–
ತಂಡು = ಗುಂಪು, ತಂಡ, ಕೋಲು , ದೊಣ್ಣೆ , ಭಾರವಾದ ಕಬ್ಬಿಣದ ಕೋಲು, ಗದೆ
ಗುಡ = ಬೆಲ್ಲ

00508. ಚಾಟಿನ ಲೈಫು


00508. ಚಾಟಿನ ಲೈಫು
_______________________

ಈ ಜಗವೆಂಬ ಜಾಗತಿಕ ಹಳ್ಳಿ ಮತ್ತು ಉಸರವಳ್ಳಿಯಂತೆ ಚಮಕಾಯಿಸಿ ಬದಲಾಗುವ ತಾಂತ್ರಿಕ ಪ್ರಗತಿಯ ಮಳ್ಳಿ, ದೈನಂದಿನ ಬದುಕಿನ ತರದಲ್ಲಿ ತಂದಿಟ್ಟಿರುವ ಸಂದಿಗ್ದಗಳು, ಹೊಂದಾಣಿಕೆಗಳು ಅಗಣಿತ. ಈ ಜಗ ಗೋಮಾಳದಲಿ ಒಂದೆಡೆ ಇದೆ ಪ್ರಗತಿ ಅವಕಾಶಗಳ ಹರಿವಾಣ ಬಿಚ್ಚಿ, ಐಷಾರಾಮಗಳ ಹಾಸಿಗೆ ಹಾಸಿ, ಜೀವನ ಮಟ್ಟದಲಿ ತಟ್ಟನೆಯ ಏರಿಕೆಗೆ ಕಾರಣವಾಗಿದ್ದರೆ, ಅದೇ ಪ್ರಗತಿಯ ಅನಿವಾರ್ಯತೆ ಒಂದೆಡೆ ಕಲೆತು ಬಾಳಬೇಕಾದ ಗಂಡು ಹೆಣ್ಣುಗಳನ್ನು, ಸತಿ-ಪತಿಯರನ್ನು, ತಂದೆ, ತಾಯಿ, ಮಕ್ಕಳನ್ನು ಬೇರ್ಪಡಿಸಿ ಒಬ್ಬಂಟಿ ಜೀವನದತ್ತ ದೂಡುವ ವಿಪರ್ಯಾಸ. ಅದೇ ತಾಂತ್ರಿಕ ಪ್ರಗತಿ ದೂರವಿರುವ ಮನಗಳನ್ನು ಹತ್ತಿರಾಗಿಸುವಂತೆ ಚಾಟು, ವೀಡಿಯೊ ಕ್ಯಾಮ್, ನೆಟ್ ಪೋನುಗಳಂತ ತಂತ್ರಜ್ಞಾನದ ಮುಖಾಂತರ ಸುಲಭ ಸಾಧ್ಯವಾಗಿಸುವುದು ಆ ವಿಪರ್ಯಾಸದ ವ್ಯಂಗಗಳಲ್ಲಿ ಒಂದೆಂದೆ ಹೇಳಬಹುದೇನೊ.

ಈ ಕವನದಲ್ಲಿ ಇಂಥದೆ ಯಾವುದೊ ಕಾರಣದಿಂದ ಬೇರೆ ಬೇರೆಯಾದ ಊರುಗಳಲ್ಲಿ ವಾಸಿಸುತ್ತಿರುವ ಸತಿ ಪತಿಯರು, ಚಾಟಿನ ಮುಖಾಂತರ ಸಂಭಾಷಿಸುವ ಬಗೆ, ಅದೇ ತಂತ್ರಜ್ಞಾನದ ಸಾಮರ್ಥ್ಯದ ಮತ್ತು ಭವಿಷ್ಯದ ಸಾಧ್ಯತೆಗಳ ಕುರಿತು ಅಚ್ಚರಿ ಪಡುವ ಬಗ್ಗೆ, ಮತ್ತೆ ಕಡೆಯದಾಗಿ ಇಂಥಹ ಶಕ್ತಿಯೆ ನಮ್ಮ ಹಳೆಯ ದೇವರುಗಳ ಪವಾಡಶಕ್ತಿಗಳ ಹಿನ್ನಲೆಯಾಗಿತ್ತೆ ಎಂದು ಸಂಶಯಿಸುವ ತನಕ ವಿವಿಧ ಸ್ತರಗಳಲ್ಲಿ ಹರಿದಾಡುತ್ತದೆ. ಕೊನೆಗೆ, ವಾಸ್ತವದ ಜಗತ್ತಿಗೆ ಎಳೆದು ತಂದ ಮೀಟಿಂಗೊಂದರ ನೆಪವಾಗಿ ಸಂಭಾಷಣೆ, ಸಂವಾದ ಅಂತ್ಯಗೊಳ್ಳುತ್ತದೆ. ಇದೆಲ್ಲಾ ತೆಳು ಹಾಸ್ಯದ ಲಘು ದಾಟಿಯಲ್ಲಿ ನಡೆಯುವುದು ಈ ಕವನದ ಮತ್ತೊಂದು ವಿಶೇಷ ಅಂಶ.

  
(Picture source from wikipedia: https://commons.m.wikimedia.org/wiki/File:Seiyu.png)

ನಾನು ಚಾಟು ಅವಳು ಚಾಟು, ಚಾಟೆ ನಮ್ಮ ಲೈಫು
ಕಷ್ಟ ಸುಖವ ಹಂಚಿಕೊಳಲು, ದೂರ ಹಸ್ಬೆಂಡು-ವೈಫು
ಟೈಮುಜೋನು, ಹಗಲು-ಇರುಳು, ಸೂರ್ಯಚಂದ್ರ ಪಾರ್ಟು
ನಾ ಮಲಗುತಲುಲಿ, ಅವಳೇಳುತಲಿ, ‘ಶೇರ’ಬೇಕು ಹಾರ್ಟು ||

ನಾ ಬೆಡ್ಡಿನಲಿ, ಅವಳೊ ಟ್ರೈನಲಿ, ಆದರೇನು ಪಜಲ್ಲು
ಕಂಪ್ಯುಟರೆ ಇರದಿದ್ದರೇನು, ಅವಳ ಕೈಲಿ ಮೊಬೈಲು
ಇನ್ನು ಆಫೀಸಲಿ, ಬಲೆ ಗಾಂಚಲಿ, ಬಿಡದ ಪರ್ಸನಲ್ಲು
ಕೇರೆತಕೆ ಈ ಹುಡುಗರಿಗೆ, ಮೊಬೈಲಲ್ಲೂ ಇ-ಮೈಲು ||

ಜಾಗತೀಕರಣದ ಈ ಜಗದಿ, ಜಗವೆ ದೊಡ್ಡ ಹಳ್ಳಿ
ಕಾಲ-ದೇಶ ದೂರು ಸಲ್ಲ, ಬೆಳವಣಿಗೆಯೇ ಮಳ್ಳಿ
ಮೊದಲಿನಂತಿಲ್ಲ ತುಟ್ಟಿ, ಜಗದ ಕಮ್ಯುನಿಕೇಷನ್
ಆಗಿದ್ದರೂನು ಲೆಕ್ಕ ಇಲ್ಲ, ಸಂಬಳವೇ ಸೆನ್ಸೇಷನ್ ||

ಆದರಿಲ್ಲಿ ವೇಗ ಗಲ್ಲಿ, ಕೊನೆಯಾ ಮೊತ್ತ ಒಂದೇ
ವೇಗವೆ ಬೇಕೆಂದರೀಗ, ಬೇಕೆ ಹೊಂದಾಣಿಕೆ ಮಂಡೆ
ಏನೊ ಕ್ರಾಂತಿ, ನಡೆ ಪ್ರಗತಿ ದೊಡ್ಡೋರ ತುಟಿಮಂತ್ರ
ಬೇಗ ಗಳಿಸಿ, ಮನೆಗಷ್ಟುಳಿಸೆ ನಮ್ಮ ಕಾರ್ಯತಂತ್ರ ||

ಒಂಭತ್ತರಿಂದ ಐದು ಮನೆಗೆ, ಮರೆತುಬಿಟ್ಟಾ ಕಾಲ
ಒಂದೇ ಊರಲಿರಲೂ ಕೂಡಾ ದಂಪತಿಗಳಿಗಕಾಲ
ಬಹುಶಃವಿದು ಸಂಕ್ರಮಣ ಕಾಲ, ತೀರ ಸೇರೊ ಗಬ್ಬ
ಅಲ್ಲಿತನಕ ಮಾಡುತ್ತ ತ್ಯಾಗ, ಆಚರಿಸಿ ಒಂಟಿ ಹಬ್ಬ ||

ತಾಂತ್ರಿಕತೆಯ ಅಗೋಚರ, ದಿನದಿನವಾಗುತೆ ನಿಖರ
ಭೌತಿಕತೆ ದೂರಾದರು, ಅಭೌತಿಕ-ಜತೆ ಬಲು ಪ್ರಖರ
ಮುಂದೊಂದಿನ ಬರಬಹುದಲ್ಲೇ ಜೀವನದೆಲ್ಲಾ ಗಮನ
ಅಂತರ್ಜಾಲ-ಚಾಟಿನಲ್ಲೆ ಒಳಹೊಕ್ಕ ಭೌತ ನಾವ್ಪಯಣ ||

ಅಲ್ಲಿತನಕ ಇಹೆವೋ ಇಲ್ಲವೊ, ಯಾರರಿತಿಹ ಗಾನ
ನಮ್ಹಳೆ ಕಥೆ ದೇವ್ರುಗಳಿಗೆ ಆ ತರವೇ ತಾನೆ ಯಾನ
ಬರಲಿ ಬಿಡಲಿ ಮುಂದಿನ ಪಾಡು, ಈಗಿನ ಕಥೆ ನೋಡು
ಮೀಟಿಂಗಿದೆ ಚಾಟಿಂಗ್ಗೆ ‘ಡುನಾಟು ಡಿಸ್ಟರ್ಬ್’ ಬೋರ್ಡು ||

————————————————————
ನಾಗೇಶ ಮೈಸೂರು
————————————————————

00507. ಅಲ್ಲೊಂದು ಇಲ್ಲೊಂದು ಹೀಗೆ ಸ್ಮರಿಸೋಣ… (ಮಕ್ಕಳಿಗೆ)


00507. ಅಲ್ಲೊಂದು ಇಲ್ಲೊಂದು ಹೀಗೆ ಸ್ಮರಿಸೋಣ…(ಮಕ್ಕಳಿಗೆ)
______________________________________________

ಮಹಾ ಪುರಾಣಗಳಿಂದ ಪುನೀತವಾದ ನಮ್ಮ ಪರಂಪರೆಯಲ್ಲಿ, ಆ ಪುರಾಣದ ಅಸಂಖ್ಯಾತ ಪಾತ್ರಗಳು ಅದೆಷ್ಟು ಹಾಸುಹೊಕ್ಕಿವೆಯೆಂದರೆ, ನಮಗರಿವಿಲ್ಲದೆಯೆ ನಮ್ಮೆಷ್ಟೊ ನಡೆ,ನುಡಿ,ಆಚಾರಗಳು ಅದೆ ಆದರ್ಶವನ್ನು ಪ್ರತಿಪಾದಿಸುತ ನಡೆದಿರುತ್ತವೆ. ಅದರಲ್ಲೂ, ಪುರಾಣದ ವನಿತೆಯರ, ಮಹಾಸತಿಯರ ಉದಾಹರಣೆಗಳಂತೂ ಲೆಕ್ಕವಿಲ್ಲದಷ್ಟು. ಅಂಥಹ ಕೆಲವು ಪುರಾಣದ ವ್ಯಕ್ತಿತ್ವಗಳ ನೆನಕೆಯೆ ಈ ಕವನ. ಪ್ರಾಸಾಂಗಿಕವಾಗಿ ಒಂದೆರಡು ಗಂಡುಗಳ ಹೆಸರೂ ಬರುವುದಾದರು, ಮುಖ್ಯ ಭೂಮಿಕೆ ಆ ಮಹಾಸತಿಯರದೆ!  

 (Picture source from: https://commons.m.wikimedia.org/wiki/File:Anasuya_feeding_the_Hindu_Trinity,_The_Krishna-Sudama_Temple_of_Porbandar,_India.JPG)

ಭಕ್ತ ಮಾರ್ಕಂಡೇಯ, ಭೇಷ್! ಯಮನನ್ನೇ ಗೆದ್ದ
ಭಕ್ತಿಯಲೇ ಸೋಲಿಸಿ, ಮಾಡದಲೆ ಯುದ್ಧ!
ಈಕೆ ಸತಿ ಸಾವಿತ್ರಿ, ಸತ್ಯವಾನನ ಮೇಸ್ತ್ರಿ
ಏಮಾರಿಸಿ ಯಮನ, ಮೂರು ವರ ಪಡೆದಳಾ ಪುತ್ರಿ ||

ಇನ್ನು ಸತಿ ಅನಸೂಯಾ, ಬಿಡಿ ಯಾಕೆ ಅಸೂಯ
ದತ್ತಾತ್ರೇಯನ ಹಡೆದೆ, ಆಡಿದಾ ಲೀಲೆಯ
ಯಾರಿಗುಂಟು ಭಾಗ್ಯ ಒಂದೇ ಬ್ರಹ್ಮಾದಿ ಹರಿಹರ
ಮಕ್ಕಳಾದರವರೆ ಬ್ರಹ್ಮ, ವಿಷ್ಣು, ಮಹೇಶ್ವರ ||

ಪಾಪದ ಚಿಕ್ಕವಳ್ಹುಡುಗಿ, ಸತಿ ಸುಕನ್ಯ
ಕುರುಡಾಗಿ ಪತಿ ದೇವ, ಮುದಿ ಚೌವ್ವನನ
ಒಲಿಸಲಿಲ್ಲವೇ ಕಡೆಗೂ ಅಶ್ವಿನಿ ಕುಮಾರನ
ಪತಿಗೆ ಹಿಂತಿರುಗಿಸಿ ಮತ್ತೆ ಗರಿಗರಿ ಯೌವ್ವನ ||

ರೇಣುಕಾದೇವಿ ಕಥೆ, ಕಾಡಿತ್ತು ಚಂಚಲತೆ
ಜಮದಗ್ನಿ ದಾರುಣತೆ, ತಪ್ಪೇನಿತ್ತೆ ವನಿತೆ?
ಬಿಡದೆ ಕೊಚ್ಚಿದ ಪುತ್ರ ಪರಶುರಾಮನ ಘನತೆ
ಮತ್ತೆ ಬೇಡಲು ಪಿತನ ಬದುಕಿದಳು ಮಾತೆ ||

ಗೌತಮನ ಅಹಲ್ಯೆ, ಮೋಸ ಹೋದವಳಲ್ಲೆ
ಇಂದ್ರ ಚಪಲಕೆ ಸಿಕ್ಕಿ ಶಿಲೆಯಾದ ಮಹಿಳೆ
ಸಾವಿರ ಕಣ್ಣಿನ ಶಾಪ ದೇವರಾಜನ ಪಾಲೆ
ಕಾಯಬೇಕಾಯಿತೆ ಅಬಲೆ, ಶ್ರೀ ರಾಮನ ಕಾಲೇ ||

ಹುಡುಕುತ್ತ ಹೋದರೆ ಹೀಗೆ ನಮ್ಮ ಪುರಾಣ
ಹೇಳಿ ಮುಗಿಯದ ಮಹಿಮೆ ಹೇಳ್ಹೇಳಿ ನಿತ್ರಾಣ
ಅಲ್ಲೊಂದು, ಇಲ್ಲೊಂದು ಹೀಗೆ ಹುಡುಕೋಣ
ಆಗೊಮ್ಮೆ, ಹೀಗೊಮ್ಮೆ ಕುಳಿತು ಸ್ಮರಿಸೋಣ ||

– ನಾಗೇಶ ಮೈಸೂರು

00506. ವಿರಹ…


00506. ವಿರಹ…
________________

ಪ್ರಾಯ / ವಿರಹದ ಸಹಸ್ರಾಕ್ಷನ ಕಬಂಧ ಬಾಹುವಿನಲಿ ಸಿಕ್ಕ ಜೀವದ ವಿಲವಿಲ ವದ್ದಾಟ ಮಾತಾಗಿ ಹೊರಬಿದ್ದ ತರಹ. ದೈಹಿಕ ಕಾಮನೆ, ಮಾನಸಿಕ ಭಾವನೆ ಹಾಗೂ ಇವೆರಡರ ನಡುವಿನ ಒದ್ದಾಟ, ತಲ್ಲಣ, ತುಮುಲಗಳ ಚಿತ್ರಣ..

ಬೆಂಕಿಯ ಅಲೆ ಮೈ ತಟ್ಟಿದೆ
ನಿಮಿರಿ ನಿಂತ ರೋಮ
ಪ್ರಜ್ವಲಿಸುವ ಸಲೆಯಾಗಿದೆ
ಒಡಲೊಳಗಿನ ಕಾಮ ||

ಒಳಗುಟ್ಟಿದೆ ಹೊರಗುಟ್ಟಿದೆ
ವೇದನೆ – ನಗು ಒಸಗೆ
ಒಣ ಮೌನದಲೇ ಘೀಳಿಟ್ಟಿದೆ
ಮರೆತ ಮನದ ಬೆಸುಗೆ… ||

ತುಟಿ ಮುತ್ತಿನ ಹನಿ ಹನಿಯಲಿ
ಬಿಸಿಯೇರಿದ ಬಯಕೆ
ಬಳಲಿ ಬೆಂದು ಬಿರುಕಾಗಿದೆ
ಕಾದು ನಿನ್ನಾ ಮನಕೆ…||

ಕೋಲಾಟದ ಬಡಿತಕ್ಕೆದೆ
ಏರಿಳಿದಿದೆ ಕಾವು
ಹದಿ ಹರೆಯಕೆ ಮುಪ್ಪಡರಿದೆ
ನೀನುಡಿಸಿದ ನೋವು…||

ನೆನಪಾಗದೆ ಬಿಸಿಯುಸಿರಲಿ
ಹೆದೆಯೇರಿದ ಇರುಳು
ಮತ್ತೇರಿಸಿ ಮನದಣಿಸಿದ
ಪರಿವಿಲ್ಲದ ಹಗಲೂ ? ||

ಸಾಕಾಗಿದೆ ಈ ವಿರಹದ
ದಳ್ಳುರಿಯಲಿ ನೋವು..
ಮರೆತೆಲ್ಲವ ಬರಬಾರದೇ
ನೀಗಿ ಮನದ ಬಾವು…||

– ನಾಗೇಶ ಮೈಸೂರು

00505. ವಿಷಾದಗಳು


00505. ವಿಷಾದಗಳು
_________________

ವಿಷಾದಗಳ ಹಲವು ವಿಶ್ವ ರೂಪಗಳಲ್ಲಿ, ಕೆಲವು ವಿಷಾದವ್ಹುಟ್ಟಿಸಿದ ಪ್ರತಿಕ್ರಿಯೆಗಳು ಮತ್ತೊಂದು ತರದ ವಿಷಾದವಾಗಿಯೆ ಹೊರಹೊಮ್ಮುವ ವ್ಯಂಗ್ಯ, ಈ ಸಾಲುಗಳಲ್ಲಿ ಅಡಕ. ಹೊರಬರುವ ಯತ್ನವೆ ಹೋರಾಟದ ದನಿಯಾದರು ಅದನ್ನಡಗಿಸುವ ವಾಸ್ತವಗಳ ಗುದ್ದಿನ ಶಕ್ತಿ, ಈ ಕವಿತೆಯ ಮತ್ತೊಂದು ಭಾವ. ವಿಷಾದಗಳನೆ ಬಿತ್ತಿ ವಿಷಾದಗಳನೆ ಬೆಳೆವ ವಿಷಾದವೆ ಇದರ ಸಂಗ್ರಹ ಸಾರ.

  
(Picture source wikipedia : https://en.m.wikipedia.org/wiki/File:Maud-Muller-Brown.jpeg)

ನಿನ್ನ ನೆನಪಲ್ಲಿ ಅರಳುತ್ತವೆ
ನೂರೆಂಟು ಕವನ, ಚಿತ್ರ …
ಅಂಚೆಯಲ್ಲಿ
ಸಂಪಾದಕರ ವಿಷಾದ ಪತ್ರ ||

ಮುಗ್ದ ನಗುವಲ್ಲಿ ಆಸೆಯ
ಚಿಮ್ಮಿಸಿದ್ದು ಇತಿಹಾಸ..
ನಿನ್ನ ಪ್ರತಿಕ್ರಿಯೆ –
ಅರ್ಥವಾಗದ ಮಂದಹಾಸ ||

ಅಪ್ಪಿ ಬಿಸಿಯಾಗಲೆ ಬಯಸಿ
ಪಡೆದದ್ದು ನಿನ್ನ ಸಂಗ..
ಆಗಿದ್ದು ಬೆಂಕಿ ಮುಟ್ಟಿದ
ಸುಟ್ಟ ರೆಕ್ಕೆಯ ಪತಂಗ ||

ಕನಸ ಕಣ್ಣಲ್ಲಿ ನೋವ
ಮರೆಸಿದ್ದು ನಿನ್ನ ಪ್ರೀತಿ ;
ಯಾರ ಬಯಕೆಗೋ ಬಿರಿದ
ಹೂವಾಗಿ ಬರಿಯ ಭ್ರಾಂತಿ…||

ಸಂಕ್ರಾಂತಿ ನೋವ ಮನದಿ
ಹಂಚಿದ್ದು ಹಚ್ಚ ಹಸಿರು..
ಆ ನೋವ ಬಿತ್ತಿ ದಿಗ್ಭ್ರಮೆಯ
ಬೆಳೆದಿದೆ ಕ್ಷೀಣ ಉಸಿರು…||

– ನಾಗೇಶ ಮೈಸೂರು

00501. ಅಂತರ್ಯಾನದ ಅವತಾರ


00501. ಅಂತರ್ಯಾನದ ಅವತಾರ
____________________________

  
(Picture source from: http://plato.stanford.edu/entries/introspection/Rubin2.jpg)

ಹುಡುಕಾಟದ ತವಕ ಮಾನವನ ಮನಸಿನ ಕೊನೆ ಮೊದಲಿಲ್ಲದ ಕುತೂಹಲದ ನಿರಂತರತೆಯ ಸಂಕೇತ. ಈ ಹುಡುಕಾಟ ಕೆಲವೊಮ್ಮೆ ಆಧ್ಯಾತ್ಮಿಕದ ಪರಿಧಿಯ ಸುತ್ತ ಗಿರಕಿ ಹೊಡೆದರೆ, ಮತ್ತೊಮ್ಮೆ ಭೌತಿಕ ಜಗದ ವಾಸ್ತವಿಕತೆಯ ಸುತ್ತ ತೊಳಲಾಡಿರುತ್ತದೆ. ಈ ಹುಡುಕುವಿಕೆ ಭೌತಿಕ ಹಾಗೂ ಆಧ್ಯಾತ್ಮಿಕದ ನಡುವೆ ಓಲಾಡುವ ವಸ್ತುವಾದರೆ, ಎರಡು ದೋಣಿಗಳಲ್ಲಿ ಕಾಲಿಟ್ಟು ನಡೆವ ಪ್ರಕ್ರಿಯೆಯಂತೆ ಹುಡುಕಾಟವೂ ಲೋಲಕದಂತೆ ಎರಡರ ಮಧ್ಯೆ ತೂಗಾಡತೊಡಗುತ್ತದೆ.

ಅಂತರ್ಯಾನದ ಈ ಪ್ರವರ ಅಂತದ್ದೆ ಹುಡುಕಾಟವೊಂದರ ವರ್ಣನೆ. ಆಧ್ಯಾತ್ಮಿಕದ ಹುಡುಕಾಟದ ಗಮ್ಯವನ್ಹೊತ್ತ ಆಶಯವೊಂದು ಭೌತಿಕ ಜಗತ್ತಿನಲ್ಲಿ ಸೆಣೆಸುತ್ತ ಅಧ್ಯಾತ್ಮದ ಬೆಳಕಿಗೆ ಹುಡುಕಿ ಹೊರಡುವ ಪಯಣ ಇದರ ವಸ್ತು; ಆದರೀ ಭೌತಿಕ ಜಗ ಹೊರಗಿನ ಪರಿಸರವಾಗಿರದೆ, ಒಳಹೊಕ್ಕು ನೋಡುವ ಅಂತರ್ಯಾನವಾದಾಗ ದರ್ಶನವಾಗುವ / ಹಾದು ಹೋಗುವ ಒಳಾಂಗಗಳ ಸಾಂಕೇತಿಕತೆ ಇಲ್ಲಿ ಚಿತ್ರಿತ. ಪಯಣದ ಅಂತ್ಯದಲಿ ಕೊನೆಗೂ ಕಾಣಿಸುವ ತಾತ್ವಿಕ, ಆಧ್ಯಾತ್ಮಿಕ ಗಮ್ಯವೆ “ಅಂತರ್ಯಾನದ ಅವತಾರ”

ನನ್ನೊಳಗನು ನಾನೇ ಹೊಕ್ಕಾದ ಮೇಲೆ
ನಾನೇ ನಾನಾಗುವ ನಾಳೆ ಇನ್ನು ಮೇಲೆ
ಹೊಕ್ಕ ಒಳಗಿನ ಪಾಳು ನೆನೆದರೆ ಹಾಳು
ಮಿಕ್ಕ ಸರಿಗಟ್ಟುವ ಪಾಲು ಬೆರೆಸಿ ಹಾಲು ||

ಒಳಚಕ್ಷುವಿಗೆ ಕುರುಡು ಕಾಣದಾ ಕರಡು
ಕಂಗಳಿಲ್ಲದ ಒಳಾಂಗ ಕಂಡರೂ ಕೊರಡು
ಇನ್ನು ನಂಬಿಕೆ ಸಾಕು ಹೂತು ಬಿಡಬೇಕು
ಅದಕೆ ಗಟ್ಟಿಸಿದೆ ಮನಸೊಳ್ಹೋಗಬೇಕು ||

ಅಲ್ಲ ಸುಲಭದ ಪಯಣ ಕತ್ತಲೆ ಸಂಪೂರ್ಣ
ತಡವುತ ಎಡವುತ ನಡೆವ ಅಗಮ್ಯ ಯಾನ
ಅಂಗಾಂಗ, ಅನ್ನಾಂಗ ತಣ್ಣನೆ ಮೂಳೆ ಮೌನ
ಹರಿವ ರಕ್ತದೆ ಸ್ನಾನ ಕಪ್ಪು ನರನಾಡಿ ಚರಣ ||

ಕಾಣದ ಅನುಭವದಾ ನಡುವೆ ಮತ್ತೆ ಜಗ್ಗು
ಅನುಭವಿಸೋ ಅನುಭಾವದ ಗಡಿಗೆ ಹಿಗ್ಗು
ಕುಳುಕುಳು ಕಾಲುವೆಯರಿವು ಬಿದ್ದು ಜಠರ
ಅನುಭವವ ಜೀರ್ಣಿಸಲು ಕರುಳಿನಾ ವಠಾರ ||

ಶ್ವಾಸಾಂಗ ಹೃದಯ ಹೊಕ್ಕಂತೆ ತುಸು ನಿರಾಳ
ಶೋಧಿಸಿದ ಗಾಳಿ, ನೆತ್ತರು ಮಾಡಿಸಿತು ಹೇರಳ
ಲಬಡಬದ ನಡುವೆ ತೇಲಿ ವಿಹರಿಸಿದ ಸಮ್ಮೇಳ
ಗಟ್ಟಿ ಆಧಾರಕಿಡಿದು ನಿಂತ ಅಸ್ತಿಗಳ ಹಿಮ್ಮೇಳ ||

ಅಂತೂ ಶಿರ ಶಿಖರ ಪಾದ ಉಂಗುಷ್ಟಾಂತರ ವರ್ಷ
ನೆನೆದು ಹಸಿಯಾದಂತೆಲ್ಲ ಹುಟ್ಟಿಸಿತು ಹೊಸ ಹರ್ಷ
ನೀರಿಗಿಳಿದಾ ಮೇಲೆ ಚಳಿಯೇನು ಮಳೆಯೇನು ಕರ್ಮ
ಅಂಧಕಾರದಲೇ ಈಜುತ ಲಹರಿ ಹರಿಬಿಟ್ಟಿತು ಮರ್ಮ ||

ಆಗ ಕಾಣಿಸಿದ ಅಲ್ಲಿ ಹೊಳೆ ಹೊಳೆಯುವ ಹರಿಕಾರ
ಕಣ್ಣು ಕೋರೈಸಿದ ತಂಪು ಕಾಂತಿಗಳನೆಸೆವ ಸರದಾರ
ಹೊಮ್ಮಿಸುತ ಅಲೆಅಲೆ ಪೂರ ಹರಿಸುತ ಶಾಂತಸಾಗರ
ಹಿಡಿದೆತ್ತಿ ದಡ ಕೂರಿಸಿ ಮುಗಿಸೆ ಅಂತರ್ಯಾನವತಾರ ||

– ನಾಗೇಶ ಮೈಸೂರು

00486. ಕೆಂಡಕಂಠನ ಬವಣೆ..


00486. ಕೆಂಡಕಂಠನ ಬವಣೆ..
____________________

  
(Picture source wikipedia : https://en.m.wikipedia.org/wiki/File:Montana_16_bg_062406.jpg)

ಮುಚ್ಚಿಟ್ಟಿಕೊಳ್ಳೊ ಮಗನೆ ಒಳಗಿನ ಬೆಂಕಿ
ಎದೆಯನ್ನೆ ಸುಡುತಿದ್ದರು ನಗೆ ನಕ್ಕು
ನೋಡಿ ನಲಿವ ಮನಸುಗಳಷ್ಟು
ನಿರಾಳವಾಗಲಿ ಬರಿ ಬೆಳಕಲ್ಲೆ ಮಿಂದು..

ಸುಡುಸುಡು ಕೆಂಡ ಮನದೊಳ ಕೊಂಡ
ದಾಟಲೆಲ್ಲಿ ಬರಿಗಾಲಿನ ಒದ್ದೆಯಲಿ
ಹಾಯಿಸಬೇಕು ಮನಸಾ ಮನಸಾರೆ
ಸುಟ್ಟವಾಸನೆ ತನ್ನನೆ ಉರುವಲಾಗಿಸುತ..

ನೋಡಲ್ಲ್ಯಾರೊ ಬಿಕ್ಕಿ ಅಳುತ ಕೂತ ಸದ್ದು
ತಪ್ಪು ನಿನದೊ ಪರರದೊ ವ್ಯರ್ಥಾಲಾಪ
ಯಾರದಿರಲೇನು ಕಂಬನಿ, ನಿನ್ನದೆ ಹಸ್ತ
ತೊಡೆಯುವ ಸಖನಾದರೆ ಜಗಕದೆ ಇತ್ಯರ್ಥ..

ನಕ್ಕರೊ ಅತ್ತರೊ ನಟಿಸುವರೊ ಅನುಮಾನ
ಜಗವೆ ನಾಟಕ ಪಾತ್ರಧಾರಿಗಳೆ ತಾನೆ ಎಲ್ಲಾ ?
ನಟನೆಯೆಂದೆ ನಡೆ ಮುಂದೆ, ನಿನ್ನಯ ಪಾಲು
ನಟಿಸುತ ಮುನ್ನಡೆದಂತೆ ತೆರೆದು ಕದ ಮುರಿದು..

ಜೀವದ ಜೊತೆಗೊಂದು ಜೀವ ಅಡಗಿದೆ ಎಲ್ಲೊ
ಕಪಟ ನಾಟಕವಿಲ್ಲದೆ ಚೆಲ್ಲುತೆಲ್ಲ ಅಹಂಭಾವ
ಹುಡುಕಾಟವದು ಜೀವನ, ಶೋಧದಲಿ ಚಿತ್ತ
ಮಗ್ನತೆ ಬದಿಗೆ ಕೂತ ಸರೀ ಜೀವವೇಕೊ ಕಾಣದಲ್ಲ..?

00484. ಅಯ್ಯೊ ಪರಮಾತ್ಮ, ನಿಂಗೆ ಪಂಥಾನ!


00484. ಅಯ್ಯೊ ಪರಮಾತ್ಮ, ನಿಂಗೆ ಪಂಥಾನ!
____________________________________

ಸಾಧಾರಣ ಮಾನವರೆಲ್ಲರಿಗು ಭಗವಂತನ ಮೇಲೆ ಭಯ ಭಕ್ತಿ ಹೆಚ್ಚು.. ಹೀಗಾಗಿ ಕಷ್ಟ ಕೋಟಲೆ ಅನುಭವಿಸುವಾಗಲೂ ಅವನ ಮೇಲೆ ದೂರಲು, ಬೈದಾಡಲು ಹಿಂದೆ, ಮುಂದೆ ನೋಡುತ್ತಾರೆ ಜನರು.. ಆದರೆ ಒಂದು ಗುಂಪಿನವರು ಮಾತ್ರ ಇದಕ್ಕೆ ಅಪವಾದ.. ಅವರು ಒಂದು ರೀತಿ ‘ಇತರೆ’ ಪರಮಾತ್ಮನನ್ನೆ ಸೇವಿಸುತ್ತ, ಅದರಿಂದ ಪಡೆದ ಸ್ಪೂರ್ತಿ, ಧೈರ್ಯದ ಬಂಡವಾಳದಲ್ಲಿ ಆ ನಿಜವಾದ ಪರಮಾತ್ಮನನ್ನು ಮುಲಾಜಿಲ್ಲದೆ ಕಿಚಾಯಿಸುತ್ತ ಅವನಿಗೆ ಚಾಲೆಂಝ್ ಮಾಡುತ್ತ ದ್ವಂದ್ವದ ಪಂಥಾಹ್ವಾನವನ್ನು ಒಡ್ಡುತ್ತಾರೆ, ಅವರದೆ ಆದ ರಮ್ಯ, ರಂಜನೀಯ ಭಾಷೆಯಲ್ಲಿ..

   
(picture source wikipedia – https://en.m.wikipedia.org/wiki/File:Interesting_alcoholic_beverages.jpg )

ಅಂತಹವರ ಭಾಷೆ, ಸಂವಾದ, ವ್ಯಾಕರಣ ಎಲ್ಲವೂ ರಂಜನೀಯವೆ ಆದರು, ಅದೇನಿದ್ದರೂ ಆ ‘ಪರಮಾತ್ಮನ’ ಅಮಲಿನ ಒಲುಮೆ ಇದ್ದಾಗ ಮಾತ್ರ.. ಆ ಒಲುಮೆ ಕರಗಿ ನೈಜ ಜಗಕ್ಕೆ ಬರುತ್ತಿದ್ದಂತೆ ಎಲ್ಲಾ ಕಶ್ಮಲವೂ ಕರಗಿ ಸ್ವಚ್ಛವಾಗಿ ಹೋದಂತೆ, ದೂಷಿಸಿದ್ದು, ಪಂಥಕ್ಕೆ ಕರೆದದ್ದು, ಏನೇನೊ ಅಂದದ್ದು – ಎಲ್ಲವು ಸ್ಮೃತಿಪಟಲದಿಂದ ದೂರವಾಗಿ ಹೋಗಿಬಿಟ್ಟಿರುತ್ತದೆ.. ಆದರೆ ಆ ‘ಪರಮಾತ್ಮನ’ ಸನ್ನಿಧಾನದ ಸೇವೆ ಮತ್ತೆ ದೊರಕುತ್ತಿದ್ದಂತೆ ಮತ್ತೆ ಯಥಾರೀತಿ ಆರಂಭ ಅವರದೆ ಲೋಕದ ಯಕ್ಷಗಾನ..!

ಆ ಪರಮಾತ್ಮನ ಪಂಥದವತಾರ ಈ ಜೋಡಿ ಕವನದ ವಸ್ತು..😊

ಅಯ್ಯೊ ಪರಮಾತ್ಮ, ನಿಂಗೆ ಪಂಥಾನ! (01)
——————————————————

ಗುಂಡಿನಲೆನಿತೊ ದಿವ್ಯಗಾನ
ಪರಮಾತ್ಮನ ಅಂತರ್ಯಾನ
ಬಾಯಿಂದಲೆ ಒಳಪ್ರಯಾಣ
ತದನಂತರವೆ ಪಂಥಾಹ್ವಾನ ||

ನಾಲಿಗೆ ಸವರಿ ತೇವ ಕುಸುರಿ
ಜುಂಜುಮ್ಮೆನಿಸಿ ಕೆನ್ನೆಗೆ ಮರಿ
ಅನ್ನನಾಳದಲಿಳಿದಾ ಕಮರಿ
ಜಠರದಲ್ಹೇಗೊ ಸೇರುವ ಗುರಿ ||

ಕೂತಾಗಿ ಸ್ವಸ್ಥ ನಾವೇ ನಿಮಿತ್ತ
ಮಾಡುವುದೇನೊಳಗೇ ಪ್ರಸ್ತ
ಇದ್ದೀತೊಳಗೇ ವಿದೇಶೀ ಹಸ್ತ
ಆಡಿಸುವ ಪರಮಾತ್ಮನೆ ಸುಸ್ತ ||

ಪುಕ್ಕಲು ಪುಕ್ಕಲಿನಾ ವ್ಯಕ್ತಿತ್ವ
ಬುರುಡೆಯೊಳಗೆ ಮೂರ್ಖತ್ವ
ಕುಡಿದಾಗಾ ಹೊರಡುವ ತತ್ವ
ಪರಮಾತ್ಮನದೆಷ್ಟೂ ಮಹತ್ವ ||

ಭಲೆ ಗಾಂಚಲಿ ಒಳಗೆ ಗುಂಡ
ತಡಕಾಡಿಸಿ ಬಿಡುತಲೆ ರುಂಡ
ಸೆಟೆದೆದ್ದು ನಿಲ್ಲುತಲೆ ಉದ್ದಂಡ
ಉದ್ದಟತನ ಕಾಲ ಯಮಗಂಡ ||

– ನಾಗೇಶ ಮೈಸೂರು

ಅಯ್ಯೊ ಪರಮಾತ್ಮ, ನಿಂಗೆ ಪಂಥಾನ! (02)
——————————————————

ಎಲ್ಲರಿಗಾಹ್ವಾನವಿತ್ತ ವಸಂತ
ಬಾಯ್ಬಿಟ್ಟರುದುರಿಸುವಸಂತ
ಮಾತು ಮಾತಿಗು ಕಟ್ಟಿಪಂಥ
ಸವಾಲ್ಹಾಕೆ ದೇವರಿಗು ಬಂತ ||

ಪ್ರಶ್ನೆ ಮೇಲ್ಪ್ರಶ್ನೆ ಕೇಳುತ ಗತ್ತ
ಭಗವಂತ ನಿನಗುತ್ತರ ಗೊತ್ತ
ಕಟ್ಟಿಪಂಥ ಆಹ್ವಾನಿಸಿ ಕುಂತ
ಬವಣೆ ದೇಗುಲ ದ್ವಾರ ಮುಚ್ಚಿತ್ತ ||

ದಾರಿಹೋಕ ಸಿಕ್ಕ ಶುರು ಲೆಕ್ಕ
ಹೊಸಬನೊ ಹಳಬನೊ ನಕ್ಕ
ಅಪರಿಚಿತ ಪರಿಚಿತ ಯಾಕಕ್ಕ
ಸಮಯಕಾದವನೆ ನೆಂಟನಕ್ಕ ||

ಚಕ್ರಾಕಾರದ ವರಸೆ ತೂರಾಟ
ಮಾತೆಲ್ಲ ತೊದಲಿಕೆ ಹಾರಾಟ
ನಿಲುವೆಕಷ್ಟ ಮಾತೆಲ್ಲ ಅನಿಷ್ಟ
ನಗುವೋಅಳುವೋ ನಿಮ್ಮಿಷ್ಟ ||

ಜಠರ ಸಾಗಿ ಕರುಳ ಕರುಳಾಗಿ
ಸುಟ್ಟುಸುಡದೆ ಕುಡಿತ ಮರುಗಿ
ಸೃಷ್ಟಿಕರ್ತನಿತ್ತ ದೇಹದೆಲ್ಲೆ ನಗ್ಗಿ
ಪಂಥವೊಡ್ಡೆ ದಿನವೆಣಿಸು ಮಗ್ಗಿ ||

– ನಾಗೇಶ ಮೈಸೂರು

00483. ದುಂಬಿಯೆಂಬ ತಲೆಹಿಡುಕ….


00483. ದುಂಬಿಯೆಂಬ ತಲೆಹಿಡುಕ….
__________________________

ಪ್ರೀತಿ ಪ್ರೇಮ ಪ್ರಣಯದ ವಿಷಯ ಬಂದಾಗೆಲ್ಲ, ಅದರಲ್ಲು ಹೆಣ್ಣು, ಗಂಡಿನ ಹೋಲಿಕೆಗೆ ಹೂವು, ದುಂಬಿಯನ್ನು ಸಾಂಕೇತಿಕವಾಗಿ ಬಳಸುವುದು ನಮ್ಮಲ್ಲಿ ಸರ್ವೆ ಸಾಮಾನ್ಯ. ಅದರಲ್ಲು ಚಲನ ಚಿತ್ರಗಳಲ್ಲಂತು ದೃಶ್ಯ ಮಾಧ್ಯಮವಾಗಿಯೂ ಪ್ರಸಿದ್ದ. ಇನ್ನು ಚೆಲ್ಲಾಟವಾಡುವ ಗಂಡಿನ ವಿಷಯಕ್ಕೆ ಬಂದರಂತು ಗಂಡೆಂಬ ದುಂಬಿ ಏಕ್ ದಂ ವಿಲನ್ ಆಗಿಬಿಡುತ್ತಾನೆ..! ‘ಹೂವಿಂದ ಹೂವಿಗೆ ಹಾರುವ ದುಂಬಿ’ ಅಂತೆಲ್ಲ ಅವಹೇಳನದ ಹಾಡೂ ಶುರುವಾಗಿಬಿಡುತ್ತದೆ..! ಆದರೆ ನಿಜವಾದ ದುಂಬಿ ಮತ್ತು ಹೂವಿನ ವ್ಯಾಪಾರ ನೋಡಿದರೆ ಕಾಣುವ ಸತ್ಯವೆ ಬೇರೆ.. ಇಲ್ಲಿ ದುಂಬಿ ಗಂಡೆ ಅಲ್ಲ.. ಬದಲಿಗೆ ಒಂದು ಗಂಡು ಹೂವಿಂದ ಮತ್ತೊಂದು ಹೆಣ್ಣು ಹೂವಿಗೆ ಸಂಪರ್ಕವೇರ್ಪಡಿಸುವ ಸಂವಾಹಕ ಮಾತ್ರ – ಪರಾಗ ರೇಣುಗಳನ್ನು ಕಾಲಿಗೆ ಮೆತ್ತಿಕೊಂಡು ಒಂದು ಹೂವಿಂದ ಮತ್ತೊಂದಕ್ಕೆ ತನ್ನ ಹಾರಾಟದ ಮೂಲಕ ಸಾಗಿಸುತ್ತ..ಹಾಗೆ ಹಾರಾಡುತ್ತ ಒಂದಕ್ಕಿಂತ ಹೆಚ್ಚು ಹೂವುಗಳ ಸಂಪರ್ಕ ಏರ್ಪಡಿಸುವ ‘ಘನಂದಾರಿ’ ಕೆಲಸವನ್ನು ಮಾಡುವುದರಿಂದ ಒಂದು ರೀತಿಯ ಮಧ್ಯವರ್ತಿ ಯಾ ತಲೆಹಿಡುಕನ ಹಾಗೆ ಅಂತಲು ಹೇಳಬಹುದು..!

ಆ ತಲೆಹಿಡುಕ ಸ್ವರೂಪದ ಊಹೆಯಲ್ಲಿ ಮೂಡಿದ ಒಂದು ಜೋಡೀ ಕವನ – ‘ದುಂಬಿಯೆಂಬ ತಲೆಹಿಡುಕ’..:-)

   
(picture source / credit : https://suparnabs.wordpress.com/2015/07/09/%e0%b2%ad%e0%b3%8d%e0%b2%b0%e0%b2%ae%e0%b2%b0/)

ದುಂಬಿಯೆಂಬ ತಲೆಹಿಡುಕ – 01
_____________________________

ದುಂಬಿಯೆಂಬ ತಲೆ ಹಿಡುಕ
ಹುಟ್ಟಿಸುತ ಗಿಡಕೆದೆ ನಡುಕ
ಹಾರಾರುತ ಹೂಹೂ ತನಕ
ಹಂಚಿಬಿಡುವ ಸುದ್ಧಿ ಚಳಕ ||

ಹೂವನ್ಹೆತ್ತ ಗಿಡದಾ ಮಂದಿ
ಮನುಜರಂತೆ ನಾಕಾಬಂಧಿ
ಹೆಣ್ಮಕ್ಕಳು ಚಿಗುರಲೆ ನಂಬಿ
ಕಟ್ಟಿಡುವರೆ ಟೊಂಗೆಗೆ ತುಂಬಿ ||

ಯೌವ್ವನ ಹೂ ಬಳುಕಿ ಲಯ
ಹುಡುಗಾಟಿಕೆ ಎಳೆ ಪ್ರಾಯ
ದುಂಬಿ ಹಾರಿ ಬಂದ ಗಳಿಗೆ
ಕುತೂಹಲವೆ ಅಪ್ಪಿ ಬಳಿಗೆ ||

ಹೂ ಹುಡುಗನ ಸವರಿದ್ದಾ
ದುಂಬಿ ಲಂಚವ ಪಡೆದಿದ್ದ
ಸಿಹಿ ಮಕರಂದ ಹಾಕೆ ಲಗ್ಗೆ
ದೇಹಕಂಟಿತೆ ಪರಾಗ ಬುಗ್ಗೆ ||

ಹಿಂದಿರುಗಿಸೆ ಜೇನಿನ ಸಾಲ
ಹೊತ್ತು ನಡೆವ ಪರಾಗ ಕಾಲ
ಕೂತು ಹೆಣ್ಹೂವಿನ ಪಕ್ಕವೆ
ತಲೆಗೆಡಿಸಿರೆ ಮಳ್ಳಿ ಲೆಕ್ಕವೆ ||

ಮಾತು ಮಾತಾಡಿಸುತೆಲ್ಲ
ಮರುಳಾಗೆ ಹೆಣ್ಹೂಗಳೆಲ್ಲಾ
ಜೇನ್ಹಿರುವ ನೆಪ ಶಲಾಕಾಗ್ರ
ಪರಾಗ ರೇಣು ಕೊಡವಿ ಅಗ್ರ ||

– ನಾಗೇಶ ಮೈಸೂರು

ದುಂಬಿಯೆಂಬ ತಲೆಹಿಡುಕ – 02
__________________________

ಮಾತು ಮಾತಾಡಿಸುತೆಲ್ಲ
ಮರುಳಾಗೆ ಹೆಣ್ಹೂಗಳೆಲ್ಲಾ
ಜೇನ್ಹಿರುವ ನೆಪ ಶಲಾಕಾಗ್ರ
ಪರಾಗ ರೇಣು ಕೊಡವಿ ಅಗ್ರ ||

ಪಾಪವರಿಯದಾ ಹೂವೆಣ್ಣು
ಕಂಗಾಲಾಗಿ ಬಿಡುತೆ ಕಣ್ಣು
ಅರಿಯುವ ಮೊದಲೆ ರೇಣು
ಅಂಡಾಶಯಕಿಳಿದ ಗೋಣು ||

ಮುಂದಿನದೆಲ್ಲ ಬರಿ ಚರಿತ್ರೆ
ಗರ್ಭಧರಿಸಿ ಹೂವೆ ಪವಿತ್ರೆ
ತಾಯಾಗ್ಕಾಯಾಗಿಸಿ ಬೀಜ
ಹಣ್ಣಿಂದುದುರುವಳೆ ಸಹಜ ||

ಯಾರ ಬಸಿರೋ ಅರಿಯದೆ
ದುಂಬಿ ಮುಟ್ಟಿದ ಹೂವಾದೆ
ನಳಿಗೆ ಶಿಶುವ ಹೆರುವಂದದಿ
ದುಂಬಿಯೊದರಿದ ಹಣ್ಣಾದೆ ||

ಇದಲ್ಲವೆ ತಲೆ ಹಿಡುಕತನ
ಯಾರಿಗ್ಯಾರಾರನೊ ಮಿಲನ
ಮಾಡಿ ಸುಲಗ್ನ ಸಂಯೋಗ
ಮತ್ತಾರಿಗೊ ನಿ ಸಹಯೋಗ ||

– ನಾಗೇಶ ಮೈಸೂರು

00477. ನಮ್ಮ ಅಂಗಾಂಗಗಳ ಒಳನೋಟ..


00477. ನಮ್ಮ ಅಂಗಾಂಗಗಳ ಒಳನೋಟ..
_________________________________________

ಶಾಲೆಯಲಿದ್ದಾಗ ವಿಜ್ಞಾನದ ತರಗತಿಯಲ್ಲಿ ಅಂಗಾಂಗಗಳನ್ನೆಲ್ಲ ಚಿತ್ರಪಠದಲ್ಲಿ ತೋರಿಸಿ ವಿವರಿಸುತಿದ್ದರು ಟೀಚರುಗಳು.. ಆಗೆಲ್ಲ ಅದೆಷ್ಟು ಅರ್ಥವಾಗುತ್ತಿತ್ತೊ ಬಿಡುತ್ತಿತ್ತೊ. ಆ ಭಾಗಗಳ ಹೆಸರುಗಳಂತು ನೆನಪಿಡಲೆ ಆಗದಷ್ಟು ಕಠಿಣ.. ಆದರು ಆ ಚಿತ್ರಗಳ ಸಮಗ್ರ ರೂಪ ಮಾತ್ರ ಕಣ್ಣಿಗೆ ಕಟ್ಟಿಕೊಳ್ಳುತ್ತಿದ್ದುದು ನಿಜ – ಯಾವಾವುದೊ ಹೋಲಿಕೆಯ ರೂಪದಲ್ಲಿ. ಎಲೆಯಾಕಾರದ ಹೃದಯ, ಕೊಂಬೆಯಾಕಾರದ ಶ್ವಾಸಕೋಶ, ಅವರೆ ಬೀಜದಂತಹ ಮೂತ್ರಪಿಂಡ ಇತ್ಯಾದಿ. ಅವೆಲ್ಲವನ್ನು ಒಗ್ಗೂಡಿಸಿ ಬರೆದ ಅಂಗಾಂಗಗಳ ಸಮಷ್ಟಿತ ಕವನವಿದು.

  
picture source from wikipedia (https://en.m.wikipedia.org/wiki/File:View_of_Viscera_Page_82.jpg)

ಅಂಗಾಂಗದ ಚಿತ್ರಪಟ ನೋಟ
______________________________

ಪಂಜರದ ಗಿಣಿ ತೀಟೆ
ಮುಚ್ಚಿಟ್ಟ ಭದ್ರದ ಕೋಟೆ
ಅಸ್ತಿಪಂಜರ ಕಟ್ಟಿದ ಒಗಟೆ
ಶ್ವಾಸಕೋಶ ಹೃದಯ ಒಳಗಿಟ್ಟೆ ||

ಎಲೆಯಾಕಾರದ ತಟ್ಟೆ
ವಿಶಾಲ ಮನಸೇ ಚಪ್ಪಟ್ಟೆ
ಹೃದಯ ಮಾಡಿಹರೆ ನಿಪ್ಪಿಟ್ಟೆ
ನಿಜರೂಪ ಮುಷ್ಠಿಯ ಹಿಡಿತದಷ್ಟೇ ||

ಮರದ ಕೊಂಬೆ ಕವಲು
ಶ್ವಾಸಕೋಶದಲಿ ಅಮಲು
ಸರಾಗ ಉಸಿರಾಗುವ ಸೊಲ್ಲು
ನಿಂತ ದಿನವೆ ಜೀವದ ಶಿಕ್ಷೆ ಗಲ್ಲು ||

ಊದುಗೊಳಬೆ ನೇರ
ಕಡ್ಡಿಯ ಅನ್ನನಾಳ ದರ
ಆಹಾರ ಗಂಟಲಿಗಿಳಿಸೆ ಚಾರ
ಜಠರ ತಲುಪಿಸೊ ಅವತಾರ ತರ ||

ಪಿತ್ತಜನಕದ ಹುತ್ತ
ನೆತ್ತಿಗೇರಿಸುವ ಕ್ಷಣ ಪಿತ್ತ
ಕಲ್ಲು ಸೇರಿದರೆ ಕುಣಿಕುಣಿತ
ಹೊಟ್ಟೆನೋವಿಗೆ ತೆಗೆದೆಸೆವ ಪಿತ್ತ ||

ಅಣಬೆಯಾಕಾರ ಛತ್ರಿ
ಎಂಟು ಭಾಗಗಳ ಸಾವಿತ್ರಿ
ಪ್ರತಿ ಭಾಗಕು ಹೆಸರು ಖಾತ್ರಿ
ಕತ್ತರಿಸಿದರು ಬೆಳೆವ ಯಕೃತ್ತೆ ಬಿತ್ತ್ರಿ ||

ಕಾಳಿನಾಕಾರದ ಜೋಡಿ
ಮೂತ್ರಪಿಂಡದವಳ ಲೇವಡಿ
ಕೈಯ ಕೊಟ್ಟರಿವಳು ಕಾವಡಿ
ಮಧುಮೇಹ ಕಲ್ಲಾಗುವಳಿ ಲೌಡಿ ||

ಬಗಲಿನ ಚೀಲದ ತಟ್ಟೆ
ಪೀಪಿಯ ಜೋಳಿಗೆ ಹೊಟ್ಟೆ
ಜೀರ್ಣವಾಗದಿರೆ ಸರಿ ಒಗಟೆ
ಜನಿತರಿಂದ ಜರಠರ ಜಠರ ಕೆಟ್ಟೆ ||

ಕಟ್ಟು ಹಾಕಿದ ಟೀವಿ
ಉದ್ದದ ಕರುಳಿನ ಬಾವಿ
ಸಿಂಬಿ ಸುತ್ತಿಟ್ಟ ಹಾವೆ ನೀವಿ
ಸೆಟೆದು ಹೆಡೆಯೆತ್ತಿ ತುದಿ ಕೋವಿ ||

ಹೀಗೆಲ್ಲ ಅಂಗಾಂಗ ಸಂಗ
ಸೇರಿದ ಯಕ್ಷಗಾನ ಪ್ರಸಂಗ
ದೇಹವೊಂದರ ನಡೆಸೊ ಯಾಗ
ಸರ್ವಾಂತರ್ಯಾಮಿಯ ಅದ್ಭುತ ಜಗ ||

– ನಾಗೇಶ ಮೈಸೂರು

00475. ಧಿಮಾಕಿನ ಚಂದ್ರನ ದೌಲತ್ತು..!


00475. ಧಿಮಾಕಿನ ಚಂದ್ರನ ದೌಲತ್ತು..!
_________________________

 (Picture source : http://www.planetsforkids.org/upload/-moon-a.jpg#moon%201024×768

ಸೂರ್ಯನ ಬೆಳಕನ್ನು ಬರಿ ಎರವಲು ಪಡೆದೆ ಮೆರೆವ ಚಂದ್ರನ ಧಿಮಾಕನ್ನು ಲೇವಡಿ ಮಾಡುವ ಲಘುಹಾಸ್ಯದ ಕವನ. ಜತೆಗೆ ಅವನದಲ್ಲದೆ ಅಲ್ಲದ ಬಾಡಿಗೆಗೆ ಪಡೆದ ಸೌಂದರ್ಯದ ನೆರಳಲ್ಲೆ ಕವಿಗಳಿಂದಿಡಿದು ಎಲ್ಲರ ಹೊಗಳಿಕೆಗೆ ಪಾತ್ರನಾಗುವ ಅನ್ಯಾಯದ ಕುರಿತು ಪ್ರತಿಭಟನೆ ಈ ಮೊದಲ ಭಾಗ ‘ಚಂದ್ರನ ದೌಲತ್ತು’ವಿನಲ್ಲಿ ಪ್ರಕಟಿತ.

ಚಂದ್ರನ ದೌಲತ್ತು ……!
______________________

ಚಂದ್ರನ ದೌಲತ್ತು
ಎಷ್ಟೊಂದು ಸವಲತ್ತು
ಪೌರ್ಣಿಮೆ ಬಂದರೆ ಸಾಕು
ಎಂಥ ಬಿಂಕ,ಬಿನ್ನಾಣ,ಧಿಮಾಕು ||

ಹಾಲೋ ಹಾಲಿನ ಬೆಳಕು
ಜಗಮಗಿಸಿ ಸುಧೆ ಥಳುಕು
ಬೆಳಕ್ಕೊಟ್ಟೋನು ಪಾಪ ಪಶ್ಚಿಮ
ಸಾಲ ತಕ್ಕೊಂಡೋನ ಶಂಖ ಚಂದ್ರಮ ||

ಮನೆ ಬಾಗಿಲು ಕಿಟಕಿ
ತಾರಸಿ ಮೇಲ್ಗಡೆ ಹೊಂಚ್ಹಾಕಿ
ಬೀದಿ ಬೀದಿಗೂ ಬುಡುಬುಡುಕಿ
ಬರಿ ಬದಿ ಮರ ರಸ್ತೆ ಮಧ್ಯ ಸಿಲುಕಿ ||

ಮೋರೆ ಮುಳ್ಮುಳ್ಳುಗೆ
ಕಾಲ್ತಲೆ ಮೈ ನಡ ಹುಳ್ಹುಳ್ಳಗೆ
ಬೆಳಕ್ಬಿದ್ದರಷ್ಟೇ ಕಾಣೋದು ಬೆಳ್ಬೆಳ್ಳಗೆ
ಅಷ್ಟಕ್ಕೇ ಏನಾಟ ಕಥೆ ಕುಣಿದ್ಹೊರಗೊಳಗೆ ||

ಕವಿ ಕಳ್ಳರು ಸುಳ್ಳರು
ಸುಮ್ಸುಮ್ಮನೆ ಹೊಗಳುವರು
ದೂರದ ಬೆಟ್ಟ ಬರಿ ನುಣ್ಣಗೆ ತಣ್ಣಗಿರು
ಹೋಗಿ ನೋಡದಿದ್ರು ತಿರಿದು ಬರೆಯುವರು ||

ಕೇವಲ ಹುಣ್ಣಿಮೆಗೊಂದು ದಿನ ಫಳಫಳ ಹೊಳೆದು ಮತ್ತೆಲ್ಲ ದಿನ ಕ್ಷಯವಾಗುವ ಚಂದ್ರಮನ ಧಿಮಾಕನ್ನು , ನೇರ ಅವನ್ನಲ್ಲೆ ಎತ್ತಿ ಹಾಡಿ ಲೇವಡಿ ಮಾಡಿ ತೋರುವ ಕವನ, ‘ಧಿಮಾಕಿನ ಚಂದ್ರ’. ಅವನಿಗೆ ಅವನ ಹುಳುಕನ್ನೆ ಎತ್ತಿ ತೋರಿಸುತ್ತ, ಧಿಮಾಕು ಸಾಕು ಎಂಬ ಸಂದೇಶ ರವಾನಿಸುವ ಯತ್ನ ಈ ಕವನದ್ದು.

ಧಿಮಾಕಿನ ಚಂದ್ರ..!
______________________

ಚಂದ್ರಣ್ಣ ನೀ ಮೋಸ
ಎಡಬಿಡಂಗಿ ಸಹವಾಸ
ತಿಂಗಳಿಗೊಂದ್ಸಲ ಮೇಕಪ್ಪಲಿ
ಮುಚ್ಚಿಬಿಡ್ತಿಯ ಬಾಕಿ ದಿನದ ಖಾಲಿ ||

ಅಪ್ಪುಗೆ ಭಾವದ ನಿದ್ರ
ತೀರಿಸಿ ಪ್ರಣಯಿಗಳ ದಾರಿದ್ರ್ಯ
ಪ್ರೇರೇಪಿಸಿ ಪ್ರೀತಿ ಪ್ರೇಮ ಸುಭದ್ರ
ಪರಿಣಯ ಪ್ರಳಯದ ಅವೇಗದ ಸದರ ||

ಕೆರಳಿಸ್ತಿಯ ಸಮುದ್ರ
ಉಬ್ಬರವಿಳಿಸುತ ಅಲೆ ರುದ್ರ
ಉದ್ರೇಕಿಸಿ ಭಾವದಮನ ಉಪದ್ರ
ಸುರಿ ಸ್ಪುರಿಸುತ ಬೇಕು ಬೇಡ ಸಮೃದ್ದ ||

ಆಡಿಸ್ತಿಯ ಆಟ
ಗ್ರಹಣದ ತರ ಕಾಟ
ಗ್ರಹಗತಿ ಕೆಡಿಸೋ ಕೂಟ
ರಾಹು ಕೇತು ಜತೆ ಚೆಲ್ಲಾಟ ||

ಅಂತು ಚಂದ್ರ ಲಾಂದ್ರ
ಬೀಗಬೇಡ ನೀನೆ ಸುರಸುಂದ್ರ
ತೆಪ್ಪಗೆ ಬಿದ್ದಿರು ಮೇಲ್ಮೂಲೆ ಭದ್ರ
ಗೊತ್ತಿದೆ ನೀನಾಳೆ ಅಮಾವಾಸೆ ಚಂದ್ರ ||

– ನಾಗೇಶ ಮೈಸೂರು

00474. ಮನುಜ ದೇಹದ ನವದ್ವಾರಗಳು


00474. ಮನುಜ ದೇಹದ ನವದ್ವಾರಗಳು
___________________________

ನಮಗರಿವಿಲ್ಲದ ಹಾಗೆ ನಮ್ಮ ದೈನಂದಿನವನೆಲ್ಲಾ ಸಂಭಾಳಿಸೊ ಎಷ್ಟೊ ಅಂಗಗಳು, ನಮ್ಮ ದೇಹವನ್ನು ಕಾಯುವ ಪರಿಯೆ ಸೋಜಿಗ. ಇಲ್ಲಿ ದ್ವಾರ ರೂಪದಲ್ಲಿ ಒಳಗೊ, ಹೊರಗೊ ಅಥವ ಎರಡನ್ನು ಮಾಡುವ ಒಂಭತ್ತು ಅಂಗಗಳನ್ನು ಹಿಡಿದಿಡುವ ಪ್ರಯತ್ನ – ಅವುಗಳ ಕಾರ್ಯ ವೈಖರಿಯ ಜತೆಗೆ…

ನವನವೀನ ತೆರೆತೆರೆ ನವ ದ್ವಾರ..
_____________________________

ನವರತ್ನ ನವಧಾನ್ಯ ನವಗ್ರಹಗಳಾ ತವರ
ನವದ್ವಾರಗಳ ಕುತೂಹಲಕ್ಹುಟ್ಟಿತೀ ಪ್ರವರ
ದ್ವಾರಗಳೊಂಭತ್ತು ಮನುಜ ದೇಹದ ಸ್ವತ್ತು
ಅದರಲಿ ಏಳ್ಹೊತ್ತಾ ತಲೆ ಬುರುಡೆಯಲಿತ್ತು ||

ಕಣ್ಣೆ ಸಂಪತ್ತು ಮೊದಲೆರಡು ದ್ವಾರದ ತಾರೆ
ಬೆಳಕಿನ ನೂಲೇಣಿ ಒಳ ಹೊಕ್ಕು ಬಾರೊ ಸೀರೆ
ಅಂತಃಚಕ್ಷು ಧ್ಯಾನ ಭಾವನೆಯ ಹೊರಯಾನ
ಬಿಟ್ಟರೆ ಒಳ ಸೆಳೆಯುವ ದೃಷ್ಟಿ ಅಂತರ್ಯಾನ ||

ಕಂಗಳ ನೆರೆ ಹೊರೆ ಕರ್ಣಗಳೆರಡರ ಹೆದ್ವಾರ
ಶಬ್ದ ಜಗದ ಒಳ ಹರಿವಿಗೆ ತೆರೆದಾ ಹರಿಕಾರ
ಕೇಳಿದ್ದಾಲಿಸಿದ್ದೆಲ್ಲವಾಗಿ ಸಂವಹನದ ಗ್ರಹಣ
ಮನನವಾಗಲಿ ಬಿಡಲಿ ದತ್ತವಾಗಿ ಸಂಗ್ರಹಣ ||

ಕಿವಿಯಿರೆ ಮುಖದಾಚೀಚೆ ಕಣ್ಣಿರೆ ನೇರಕ್ಕೆ ಚಾಚೆ
ಎರಡರಾ ದ್ವಾರಗಳು ಸಾಕಷ್ಟು ದೂರಗಳಾಚೀಚೆ
ಐದಾರನೆ ನಾಸಿಕ ದ್ವಾರ ಬಲು ಹತ್ತಿರದ ಸಮರ
ಒಳಹೊರಗೆರಡು ಹರಿವಿನ ಜೀವ ಮೂಗಿನ ನೇರ ||

ಈ ಏಳನೆ ದ್ವಾರ ಹೊಟ್ಟೆ ಪಾಡಿನ ತುಂಬೋದರ
ಆಹಾರ ದೇಹದೊಳಗಿಳಿಸುವ ಕೊಳವೆಯ ದಾರ
ಬಾಯಿಂದಲೆ ಸುಖಾಗಮನ ಜೀರ್ಣಾಂಗ ರವಾನ
ನಾಲಿಗೆ ರುಚಿ ತೆವಲಿಗೆ ತಾವಿತ್ತು ಸಾಕುವ ತಾಣ ||

ಇನ್ನುಳಿದೆರಡು ದ್ವಾರ ಹೊರದಬ್ಬುವ ಕಸ ಸಾರ
ಮೂತ್ರ ವಿಸರ್ಜನೆಗೆ ದ್ರವಿಸಿದ ತ್ಯಾಜ್ಯಕೆ ಕಾತುರ
ಮಲ ವಿಸರ್ಜಿಸಲು ಘನ ತ್ಯಾಜ್ಯವು ಹೊರಬಾರಾ
ದೇಹದ ಗಬ್ಬೆಲ್ಲ ಹೊರಗಟ್ಟುವ ವಿಸ್ಮಯದ ದ್ವಾರ ||

ಅದ್ಭುತ ನವದ್ವಾರಗಳ ಕಥೆ ದೇವ ವಿನ್ಯಾಸ ಲತೆ
ಕಣ್ಣು ಕಿವಿ ಬಾಯಿ ಒಳಹರಿವೇಕಪಥ ದಾರಿ ಜತೆ
ಮೂಗೊಂದೆ ವಿಸ್ಮಯ ಗಾಳಿಗೆ ಒಳಗೂ ಹೊರಗೂ
ವಿಸರ್ಜನಾಂಗಕೂ ಬರಿ ಹೊರಹರಿವಿನ ಬುರುಗು ||

– ನಾಗೇಶ ಮೈಸೂರು

00468. ಸಿಕ್ಕು ಸಿಕ್ಕು, ಗೋಜಲು..


00468. ಸಿಕ್ಕು ಸಿಕ್ಕು, ಗೋಜಲು..
_________________________

ನಿರೀಕ್ಷೆಗಳೂ ಇಲ್ಲ
ಪರೀಕ್ಷೆಗಳೂ ಇಲ್ಲ
ಬರಿ ಕಾಯುವ ತುಮುಲ
ದುಗುಡ ದೂರದ ಆಸೆಯ ಬೆಟ್ಟ…

ಮಂಕಾಗುತಿದೆ ಎಲ್ಲ
ಮಸುಕು ಮಸುಕು ಚಿತ್ತಾರ
ಅಪ್ಪಿದ ಬಿಗಿ ನೆನಪು
ಉಪ್ಪು ಹುಳಿ ಸಿಹಿ ಖಾರ…

ಎಷ್ಟಿತ್ತಲ್ಲ ಆಳ, ದೂರ ?
ಹಿಂದೆ ಮುಂದೆ ಯೋಚಿಸದೆ
ಮುನ್ನಡೆದ ನಿರಾಳ ನಡಿಗೆ
ಯಾಕೊ ಹೆಜ್ಜೆಗುರುತಿಗು ಲಜ್ಜೆ..

ಕದಡಿಬಿಟ್ಟರಾಯ್ತೆ ಹಾದಿ ..?
ಮರೆಯಲೇನು ಮರೀಚಿಕೆಯೆ ?
ತಲ್ಲಣಗಳಾಗಿ ಶೋಧನೆ ವೇದನೆ
ಶೋಧಿಸಲೆಂತು ಒಪ್ಪಿದ ಮನಸಾ ?

ಮೌನಕೆ ಆಲಿಸುವ ಕೆಲಸವೀಗ
ಗುದ್ದಾಡದೆ ಸದ್ದು ಮಾಡದೆ ನಿರ್ಲಿಪ್ತ
ಆಣೆ ಪ್ರಮಾಣ ಮಾತು ಮತ್ತೊಂದು
ಕಿರುನಗೆಯ ಮುಖವಾಡ ಹುಸಿನಗುತ..

– ನಾಗೇಶ ಮೈಸೂರು 

00467. ನಮ್ಮ ಸೃಜನಶೀಲತೆ ಮೂಲ (ಮಕ್ಕಳಿಗೆ)


00467. ನಮ್ಮ ಸೃಜನಶೀಲತೆ ಮೂಲ (ಮಕ್ಕಳಿಗೆ)

___________________________

ಜಗತ್ತಿನ ಎಲ್ಲೆಡೆ ಭಾರತೀಯ ಮೂಲದ ವಿದ್ಯಾವಂತ ಬಳಗ ತುಂಬ ಸೃಜನ ಶೀಲಾ, ಕ್ರಿಯಾಶೀಲಾ ಹಾಗೂ ಚಾತುರ್ಯಪೂರ್ಣ ಗುಂಪೆಂದೆ ಹೆಸರುವಾಸಿ. ಮಾಹಿತಿ ತಂತ್ರಜ್ಞಾನ, ತಂತ್ರಾಂಶ ಸಂಬಂಧಿ ಕ್ಷೇತ್ರಗಳಲ್ಲಿ ಇರುವ ನಮ್ಮ ಪ್ರತಿಭೆಗಳನ್ನು ಗಮನಿಸಿದರೆ ಇದರ ಅಗಾಧತೆಯ ಅರಿವಾಗುತ್ತದೆ. ನಮಗೆ ಇಂಥ ಸಹಜ ಚತುರತೆ, ಸೃಜನಾತ್ಮಕತೆ, ಸೃಜನಶೀಲ ಚಾಕಚಕ್ಯತೆ, ಕಲ್ಪನಾ ಚತುರತೆ – ಇವೆಲ್ಲ ಹೇಗೆ ಬಂದಿರಬಹುದು? ನಾವು ಚಿಕ್ಕಂದಿನಿಂದ ನೋಡುತ್ತ, ಕೇಳುತ್ತ ಬಂದಿರುವ ದೇವತೆಗಳ ಚಿತ್ರಣ, ಅಸಹಜವೆನಿಸದ ಅವರ ವೇಷಭೂಷಣ, ಆಕಾರ, ವಿಚಾರ – ಇತ್ಯಾದಿಗಳೆ ಇದರ ಮೂಲವಿರಬಹುದೆ ಎಂಬ ಜಿಜ್ಞಾಸೆಯ ಭಾವ ಈ ಪದ್ಯ. ನಮ್ಮ ದೇವಾನುದೇವತೆಗಳ ರೂಪಾಕಾರ ಕಥಾವೈವಿಧ್ಯ ವಿಸ್ತಾರಗಳು ತಾರ್ಕಿಕ ನೆಲೆಗಟ್ಟನ್ನು ಮೀರಿ, ಅತಿ ಕಲ್ಪನೆಯ ಭ್ರಾಮಕ ಲೋಕವೆಂಬ ಅನುಮಾನಕ್ಕೂ ಎಡೆಯಿರದಂತೆ ನೈಜ, ಸಹಜ ವಿಷಯವೆಂಬಂತೆ ನಮ್ಮ ಸ್ಮೃತಿಯಾಳದಲ್ಲಿ ದಾಖಲಾಗಿಬಿಟ್ಟಿರುವುದರಿಂದಲೊ ಏನೊ – ಅವುಗಳ ಪ್ರಭಾವ ನಮ್ಮ ಎಲ್ಲಾ ಚಿಂತನೆಯಲ್ಲಿ ನಮಗರಿವಿಲ್ಲದಂತೆ ಆಗಿಬಿಟ್ಟಿರುತ್ತದೆ. ಸೃಜನಶೀಲ ಸೃಷ್ಟಿಗೆ ಊಹಾತೀತ ಕಲ್ಪನೆಯೂ ಒಂದು ಮೂಲ ಸರಕಾದ ಕಾರಣ ಅದು ಹೆಚ್ಚಿನ ಶ್ರಮದ ಅಗತ್ಯವಿಲ್ಲದೆ ನಮ್ಮ ನಿಲುಕಿಗೆಟಕುವ ಪರಿಯಿಂದಾಗಿ, ಆ ಕ್ಷೇತ್ರಗಳಲ್ಲಿ ನಾವು ನೀರಿಗಿಳಿದ ಮೀನಿನಷ್ಟೆ ಸಹಜವಾಗಿ ಈಜಾಡಲು ಸಾಧ್ಯವಾಗಿರಬಹುದು. ಆ ಅನುಮಾನವನ್ನು ಕವನ ರೂಪದಲ್ಲಿ ನಿರೂಪಿಸಲೆತ್ನಿಸಿದ ರೂಪ ಈ ಕೆಳಗಿದೆ..

ನಮ್ಮ ಸೃಜನಶೀಲತೆ ಮೂಲ

______________________________________

ನಾವುಡೊ ಉಡುಗೆ ತೊಡುಗೆ, ದಿನ ಸಾದಾ ಸೀದ ನಡಿಗೆ
ಯಾವುದಾಗಿರಲಿ ನೆಲವಾಸ, ಹೆಚ್ಚು ಕಡಿಮೆ ಒಂದೆ ತರಹ ;
ನಮ್ಮ ದೇವರ ಕಥೆ ಹಾಗಲ್ಲ – ಉಡುಗೆ ತೊಡುಗೆಯೆ ಬಹಳ
ತರತರದಾ ವೈವಿಧ್ಯಮಯ, ನಮಗೊ ಬರಿ ಮಾಮೂಲಿ ಕಾಯ ||

ಹಲವು ಕೈ, ಹಲವು ತಲೆ ನಮ್ಮನ್ನು ಅಚ್ಚರಿಸುವುದಿಲ್ಲ
ಪ್ರತಿ ಕೈಗೊಂದು ಶಕ್ತಿ, ಕಥೆ ಕಲ್ಪನೆ ಕಟ್ಟಿ ಕೂತಿಹೆವಲ್ಲ !
ಮನುಜರಲಿ ಒಂದೇ ತಲೆ, ಎರಡು ಕೈಗಳೆ ಸರ್ವರಲು
ಒಂದು ಹೆಚ್ಚುಕಮ್ಮಿ ಆದರು, ಕರೆಯುವರೆ ಅಂಗವಿಕಲರು ||

ನಾವಿಡುವ ಟೋಪೀ ಕಿರೀಟ, ಬರಿನಾಟಕ ಪ್ರದರ್ಶನದಾಟ
ಬಿಸಿಲು-ನೆರಳು-ಚಳಿ-ಮಳೆಗೆ ತಲೆ ರಕ್ಷಿಸುವ ಸರಿ ಹೊದಿಕೆ ;
ನಮ್ಮ ದೇವರ ಕೇಸೇ ಬೇರೆ, ಕಿರೀಟಗಳ ತಲೆ ಹೊಳೆದಾಟ
ಏನಿರಲೀ ಇರದಿರಲಿ ಬೇರೆ, ಕಿರೀಟವಿಡದಿಹ ದೇವರಾರೆ ? ||

ನಮ್ಮಾಯುಧಗಳೆ ಬೇರೆ ತರ, ಪರವಾನಗಿ ಬೇಕು ಕೆಲವರ
ಚಾಕು ಚೂರಿ ಕೊಚ್ಚೆ ತರಕಾರಿ, ಆಗಬಹುದಾಗೀಗ ಸುಪಾರಿ ;
ನಮ್ಮನೆ ಕಂಡರೆ ಭೀತಿಯೊ, ನಮ್ಮ ದಂಡಿಸೊ ರೀತಿಯೊ
ಆಯುಧವಿಲ್ಲದಾ ದೇವರೆಲ್ಲಿ ? ಒಂದೊಂದ್ಹಲವತ್ತತ್ತು ಕೈಲಿ! ||

ನಮ್ಮ ದೇವರುಗಳ ಕಲ್ಪನೆ, ನಮಗೆ ಅತಿಶಯವೇನಿಲ್ಲ
ಹುಟ್ಟಿನಿಂದ ನಾವವರನೇ, ನೋಡುತಲೆ ಬಂದಿಹೆವಲ್ಲ |
ನೈಜ್ಯವೊ ಕಲ್ಪನೆಯೊ ಬಿಡಲ್ಲ, ನಂಬಿಕೆ ಪ್ರೇರೆಪಿಸಿತಲ್ಲ
ನಮ್ಮಿ ಸೃಜನಶೀಲತೆ ಮೂಲ, ನಮ್ಮ ದೇವರುಗಳೆ ಅಲ್ವಾ? ||

—————————————————————
ನಾಗೇಶ ಮೈಸೂರು
—————————————————————

ದೈವ, ಅಚ್ಚರಿ, ಸೋಜಿಗ, ತಾತ್ವಿಕ, ವಿಚಾರ, ವೈಚಾರಿಕ, ಸೃಜನಶೀಲತೆ, ಮೂಲ

00466. ಕಾಲ ವಿಸ್ಮಯ..


00466. ಕಾಲ ವಿಸ್ಮಯ..
_______________________

    
Picture courtesy , wikipedia – https://en.m.wikipedia.org/wiki/File:1214Clock.svg

& https://en.m.wikipedia.org/wiki/File:Blender3D_NormalWalkCycle.gif

ಹೊರಡವಸರ ಹೊರಡಲವಸರ
ಹೊರಡಿಸಲೇನವಸರ ಧಾವಂತ
ಎಲ್ಲ ಕಾಲದ ದೂತ ಕಾಲ ಧೂರ್ತ
ಕಾಲಡಿಗೆ ಸಿಗದು ಕಾಲದ ಬಾಲ ||

ಮೊದಲು ಕೊನೆಯುಂಟೆ ಕಾಲಕೆ ?
ಆದಿ ಅನಾದಿ ಬುನಾದಿ ಸೋಜಿಗ
ಆಲ್ಲಿತ್ತೆ ಸೃಷ್ಟಿಗೆ ಮೊದಲು ಕಾಲ
ಕಾಲಿಕ್ಕಿ ನಡೆದಿತ್ತೆ ಯಾರದೊ ಹಂಬಲ ? ||

ಕಾಲ ಹೆಜ್ಜೆಯ ವೇಗ ಅನಿಯಮಿತ
ನಿಯಾಮಕವಾವುದೊ ಗಣಿತದ ಲೆಕ್ಕ
ಗುರುತ್ವವದು ತಗ್ಗಿಸಿ ಬಗ್ಗಿಸಿ ಕುಗ್ಗಿಸಿ
ವೇಗಾವೇಗಗಳ ನಿರ್ಧರಿಸುವ ಜಾಲ ||

ಅತಿ ಗುರುತ್ವದತಿಶಯವಾಗಿ ವೇಗ
ಕಾಲ ಓಡುವುದಂತೆ ನಾಗಾಲೋಟ
ಕೂತದರ ಯಾನದಲಿ ನಡೆ ಭವಿತಕ್ಕೆ
ಇಡಲು ಸಾಧ್ಯವೆ ಮರಳೆ ಭೂತಕ್ಕೆ ? ||

ಭೂಗುರುತ್ವದಡಿ ಏರಿಳಿಸೆ ಗುರುತ್ವ
ಕಾಲಯಾನದ ಯಂತ್ರವಾದೀತು ಸ್ವಸ್ಥ
ಏರದರಲಿ ಇಳಿದರದೆ ಭೂಗೋಳ
ದಾರಿ ತಪ್ಪೆ ಬ್ರಹ್ಮಾಂಡದಾವುದೊ ಮಾಳ ||

00457. ಹೆಜ್ಜೆಯ ಅಚ್ಚೆ…


00457. ಹೆಜ್ಜೆಯ ಅಚ್ಚೆ…
___________________________________

ಕೆಲವು ಹೆಜ್ಜೆಗಳೆ ಹಾಗೆ..
ಜೇಡಿ ಮಣ್ಣಲಿ ಅಚ್ಚೊತ್ತಿದ ಹಾಗೆ
ಗುರುತಿನ ಆಳ ಅಗಲ ಉದ್ದ
ಒದ್ದೆಯೊ ಒಣಗೊ ಗುರುತು ನಿಖರ..

ದನಿ ಸಂತಸದ ಗೆಜ್ಜೆ ನಾದ
ನೋವಿನಾಲಾಪ ಪ್ರಲಾಪ ಬೀಜ
ಒಂದರ ಮೇಲೊಂದೊತ್ತಿ ಪದರ
ಮುಜುಗರ ಅಳು-ನಗು ಸಮ್ಮಿಶ್ರ…

ಊರಿಬಿಡಲಿತ್ತರೂ ತಾವು ತೆರೆದು
ಕದಗಳೇಳರಾಚೆಯ ಸರಹದ್ದು
ಕುಣಿದೆಬ್ಬಿಸಿ ಧೂಳು ನಿರೀಕ್ಷೆ ಬೆಟ್ಟ
ಸುರಿದ ತಣ್ಣೀರ ಮಳೆ, ಎಲ್ಲಿ ಮೋಕ್ಷ ?

ಹೆಜ್ಜೆಯಿಕ್ಕಿದ ಸಂತಸ ಕುಣಿದುದೆಷ್ಟೊ
ಮಿಕ್ಕ ಗುರುತಿನ ನೋವು ಕಾಡಿದ್ದಷ್ಟೂ
ಬಾರೆಂದು ಕರೆಯದೆಯೆ ಬಂದ ಸಲಿಗೆ
ಹೇಳದೆ ಕೇಳದೆ ಹೋದೆ ಯಾರ ಬಳಿಗೆ ?

ಕಂಗಾಲಾಗಿ ದಿಟ್ಟಿಸಿ ಅದೆ ಅಚ್ಚಿನ ಸುತ್ತ
ಸವೆಯಬಿಡದೆ ತುದಿಗಳ ಜತನ ಸ್ವಸ್ಥ
ಕತ್ತೆತ್ತಿ ನೋಟ ದೇಗುಲ ಗಂಟೆ ನಿನಾದ –
ತಂದೀತೇನು ಮರಳಿ ಹೆಜ್ಜೆಯ ಸದ್ದನ್ನು..?