01746. ಸೃಷ್ಟಿ ಧರ್ಮಾಕರ್ಮ..


01746. ಸೃಷ್ಟಿ ಧರ್ಮಾಕರ್ಮ..

______________________________

ನಾ ಪರಬ್ರಹ್ಮ

ಸೃಷ್ಟಿ ನನ್ನ ಧರ್ಮ

ಅಹಂ ಬ್ರಹ್ಮಾಸ್ಮಿ ಪರಮ

ಮಾಡಿದ್ದೆಲ್ಲ ಅವರವರ ಕರ್ಮ ! ||

ನಾನೆ ಮೂಲ ಬೀಜ

ಬಿತ್ತಿದೆ ಮೊದಲ ತಾಜ

ಬೆಳೆದ ಪೈರಲಿತ್ತು ಹೊಸತು

ಮತ್ತದೆ ಬಿತ್ತುತ ಸೃಷ್ಟಿ ಕಸರತ್ತು ||

ಮೊದಲಿತ್ತು ಉತ್ಕೃಷ್ಟ

ಮರುಕಳಿಸಲದೆ ಅದೃಷ್ಟ

ಮಾಡುವ ಮಂದಿ ನೂರಾರು

ಗುಣಮಟ್ಟದಲದಕೆ ತಕರಾರು ||

ಆಗೀಗೊಮ್ಮೆ ಫಸಲು

ಬಡ್ಡಿಯ ಜತೆಗೆ ಅಸಲು

ಅತಿವೃಷ್ಟಿ ಜತೆ ಅನಾವೃಷ್ಟಿ

ಹಿಗ್ಗಲು ಬಿಡ ವಿನಾಶ ಸಮಷ್ಟಿ ||

ಪ್ರಯೋಗದೆ ಬೇಸತ್ತು

ಅರಿವಾದಾಗೆಲ್ಲ ಕೊಳೆತು

ಮಾಡುತ್ತೆ ವಿನಾಶ ಪ್ರಳಯ

ಮತ್ತೆ ಮಾಡೆ ಹೊಸ ಪ್ರಣಯ ||

– ನಾಗೇಶ ಮೈಸೂರು

೩೦.೦೫.೨೦೧೮

(Picture source : internet / social media)