00851. ವರ ಲಕುಮಿಗೆ ನಮಿಪೆ..


00851. ವರ ಲಕುಮಿಗೆ ನಮಿಪೆ..
_______________________

ವರದ ಹಸ್ತೆ, ನಮಿಪೆ ಮಾತೆ
ದಿನ ನಿತ್ಯ ಸ್ತುತೆ, ವರದಾತೆ
ನಿರಂತರ ಧನ ಕನಕ ಭಾಗ್ಯ
ನೀಡುತೆ ಪೊರೆವ ಅನ್ನದಾತೆ ||

ಹಿಡಿದ ಕೊಡ ತುಂಬಿ ಅಕ್ಷಯ
ಧಾರೆಯೆರೆದು ಸತತ ಐಶ್ವರ್ಯ
ಯಾರಿಗುಂಟು, ಯಾರಿಗಿಲ್ಲ ಸಕಲ ?
ಸೆರಗೊಡ್ಡಿ ಬೇಡೆ ಐಸಿರಿಯ ಭಾಗ್ಯ ||


ಹರಿ ಸೇವೆಗೆ ನಿಂತವಳ ಧ್ಯಾನ
ಇಂದೇಕೋ ಭುವಿಯತ್ತ ಗಮನ
ಕೋಟಿ ಕೋಟಿ ಕರೆದಿರೆ ತಾಯ
ಹಿಗ್ಗುತ ಲಕುಮಿ ಆಲಿಸಿ ಗುಣಗಾನ ||

ಅಷ್ಟಲಕ್ಷ್ಮಿಯರ ಇಷ್ಟರೂಪ ತೊಟ್ಟು
ಅರಿಶಿನ ಕುಂಕುಮ ಕಲಶ ಬೊಟ್ಟು
ಸಂಪತ್ತಲೆ ಪೂಜೆ ನಿನ್ನಡಿಗಿಟ್ಟು ಶಿರ
ನೈವೇದ್ಯ ನಿನಗೆ ನೀನೆ ಕೊಟ್ಟ ಸಗಟು ||

ವರಲಕ್ಷ್ಮಿ ವ್ರತ ಕಾಯೆ ಅನವರತ
ಆರಾಧಿಸಿಹರು ಮನ್ನಿಸಿ ಕಾಯುತ
ಪೂರೈಸುತ ನಿನ್ನ ಭಕುತರ ಮನದ
ಸರ್ವದಾ ಸುಖ ಸೌಖ್ಯದಾ ಇಂಗಿತ ||

– ನಾಗೇಶ ಮೈಸೂರು

ಚಿತ್ರಗಳು : ಅಂತರ್ಜಾಲ 

00340.ವರಮಹಾಲಕ್ಷ್ಮಿ ವ್ರತ..(2)


00340. ವರಮಹಾಲಕ್ಷ್ಮಿ ವ್ರತ..(2)
_______________________

ವರಮಹಾಲಕ್ಷ್ಮಿ ವ್ರತ
ಮಾಡುವ ಬಾ ನಮಿಸುತ
ಬೆಳ್ಳಿ ಬಂಗಾರದ ಗುಡಿ ಕಲಶವಿಟ್ಟು
ಕಾಸಿನಹಾರ ಧರಿಸಿ ಮಾವಿನೆಲೆ ತೊಟ್ಟು ||

(click the page link here to read the rest:  https://nageshamysore.wordpress.com/00340-%e0%b2%b5%e0%b2%b0%e0%b2%ae%e0%b2%b9%e0%b2%be%e0%b2%b2%e0%b2%95%e0%b3%8d%e0%b2%b7%e0%b3%8d%e0%b2%ae%e0%b2%bf-%e0%b2%b5%e0%b3%8d%e0%b2%b0%e0%b2%a4/)
———————————————————————
ನಾಗೇಶ ಮೈಸೂರು
——————————————————————–