01744. ಸುಲೋಚನಧಾರಿಣಿ..


01744. ಸುಲೋಚನಧಾರಿಣಿ..

_____________________________

ಚಂದದ ಮುಖ-ಕೊಂದು

ಬಂತು ಬಂಧದ ಆವರಣ

ಕಾಣದಕ್ಷರ ದೂರದ ತಾಣ

ನಾಸಿಕ ಜೊತೆ ಸುಲೋಚನ ||

ಸಿಗ್ಗು ಸಂಕೋಚ ತುಸು ತಲ್ಲಣ

ಅಂತರಾಳ ಭೀತಿ ಅವಲಕ್ಷಣ

ಸೌಂದರ್ಯಕೆ ಕುಂದು ಅನಿಸಿಕೆ

ಗುಟ್ಟಲಿ ಧರಿಸುವ ಚಿಟ್ಟು ಮನಕೆ ||

ಸಿಕ್ಕೆ ತಂಪು ಕನ್ನಡಕದ ದಾಯಾದಿ

ತುಸು ಸಾಂತ್ವನ ಕರಗಿದ ಬೇಗುದಿ

ಹಚ್ಚಿ ಅದರದೆ ಬಣ್ಣ ಮುಚ್ಚೆ ಗಾಜನು

ಬಿಸಿಲಲಿ ಕಪ್ಪು ಕನ್ನಡಕ ತಾನಾದನು ||

ಮೊದಮೊದಲವತಾರ ಗೊಂದಲ

ನಡು ನಡುವಲಿ ಇಣುಕುತ ಸಾಕಾರ

ನಿಧನಿಧಾನವಾಗಿ ಸರಾಗ ಸಲೀಸು

ಗೊತ್ತಾಗೆ ಅಕ್ಕಪಕ್ಕದವರದದೆ ಕೇಸು ||

ಕಾಲಕ್ರಮೇಣ ಅಭ್ಯಾಸವಾಗಿ ಸಮಸ್ತ

ಸಹಜತೆ ನೈಸರ್ಗಿಕವಾಗಿ ಮನ ಸ್ವಸ್ಥ

ಚಂದ ಕಾಣೆ ಚಾಳೀಸಲಿ ನಗೆ ಮುಖ

ನಿರಾಳ ಆತ್ಮವಿಶ್ವಾಸ ಮತ್ತದೆ ಪುಳಕ ||

– ನಾಗೇಶ ಮೈಸೂರು

೨೯.೦೫.೨೦೧೮

(Picture source :

https://goo.gl/images/h7DCQ1

https://goo.gl/images/7cGCf6

https://goo.gl/images/qhZUr1)

Advertisements