ರಾಮ – ಮನದಿಂಗಿತಗಳ ಸ್ವಗತ

00881. ಗಿಣಿರಾಮನ ಗಿಣಿಪಾಠ

00881. ಗಿಣಿರಾಮನ ಗಿಣಿಪಾಠ
_____________________________

ಚಂದದ ಗಿಣಿ ಏನೆಂದರೂ ಚಂದ
ಬಿಟ್ಟುಬಿಡೊ ರಾಮ ಗಿಣಿರಾಮ
ರಂಜನೆಯಾಗಲಿ ಪೆದ್ದು ಮಾತಿನ ಬಾಣ ||

ಮಗು ಮುದ್ದು ಮುದ್ದು ಮಾತಾಡೇ ಚೆನ್ನ
ಬೀಸಣಿಕೆ ಬೀಸಿದಂತಂತೆ ಕಾಣೋ
ಹೆಣ್ಣು ಮಗುವಿನ ಕಿಲಕಿಲ ಚಂದದಲಿ ಚಂದ ||

ಏನೋ ಆಡಿತು ಕಂದ ಗೊತ್ತಿರದೆ ಚರಿತ್ರೆ
ಅರಿತೊ ಅರಿಯದೆಯೊ ಹಾಡಿದ ಗೀತೆ
ಅದನ್ನೆತ್ತಿ ಆಡುವ ಚಪಲ ಬಿಡೋ ಚೆನ್ನಿಗರಾಯ ||

ಬಿಟ್ಟಿದ್ದಾದರೂ ಯಾರನು ಕೀರ್ತಿಶನಿ ?
ಚೆಂದದ ಹೆಣ್ಣಿಗೆ ಸುದ್ದಿಯಾಗುವ ಸಮರ
ಸದ್ದು ಮಾಡಿದರು ಸರಿ ಖಾಲಿ ಡಬ್ಬಾ ಬಿಡಿರಯ್ಯಾ ||

ಪಕ್ವಾಪಕ್ವ ಪ್ರಬುದ್ಧ ತಲೆಗಳು ನೀವಾದೊಡೆ
ಅರಿಯಿರಯ್ಯ ಕುಟಿಲ ಕುಶಲ ಯೋಜನೆ
ನೀವೆಳೆದಷ್ಟೂ ಕಾಲು ಖುಷಿಯ ತೋಪಿನ ಕುಶಾಲು ! ||

– ನಾಗೇಶ ಮೈಸೂರು
31.08.2016

00656. ರಾಮನವಮಿ ಹಾಯ್ಕುಗಳು (೦೨)

00656. ರಾಮನವಮಿ ಹಾಯ್ಕುಗಳು (೦೨)
______________________________

ರಾಮನವಮಿಯ ಸಂಭ್ರಮ ಮುಗಿಯುವ ಹೊತ್ತಿಗೊಂದು ಹಾಯ್ಕು ಕಂತೆ 😊

(೦೧)
ರಾಮನ ಸೀತೆ
ಅಯ್ಯೋ ಪಾಪ ವನಿತೆ
– ಕಲಿಗಾಲದೆ!

(೦೨)
ರಾಮ ಪಾದುಕೆ
ಹೊತ್ತ ಭರತ ಘನ
– ಮುಟ್ಠಾಳತನ !

(೦೩)
ಪೆದ್ದ ಲಕ್ಷ್ಮಣ
ಬಿಟ್ಟು ಹೋದ ಊರ್ಮಿಳೆ
– ಸೀತೆಯಾಗಳು !

(೦೪)
ರಾವಣ ಕೆಟ್ಟ
ಶೂರ್ಪಿಣಿ ನಂಟು ಗಂಟು
– ಅಪಹರಿಸಿ !

(೦೫)
ಸೀತೆಯಿಂದಲ್ಲ
ರಾವಣ ಹತನಾಗಿದ್ದು
– ಶೂರ್ಪಿಣಿಯಿಂದ !

(೦೬)
ಮಾರುತಿ ರಾಯ
ರಾಮನ ಬಲವಾದ
– ಜೈವಿಕಾಯುಧ !

(೦೭)
ಸುರಸೆ ಸ್ವಾಹ
ನೆರಳನ್ನೇ ಸೆಳೆದು
– ಹನುಮ ಭಲಾ !

(೦೮)
ಲಂಕಿಣಿ ಕಾದ
ಲಂಕಾಪುರಾ ಸಮೃದ್ಧ
– ಲಂಕೇಶ ಬಿದ್ದ !

(೦೯)
ಜಯವಿಜಯ
ರಾವಣ ಕುಂಭಕರ್ಣ
– ಎಲ್ಲಿಂದೆಲ್ಲಿಗೆ !

(೧೦)
ಮಂಥರೆ ಕಥೆ
ಇರದಿದ್ದರೆ ವ್ಯಥೆ
– ನಿಕೃಷ್ಟ ನಾರಿ !

– ನಾಗೇಶ ಮೈಸೂರು

00655. ರಾಮನವಮಿ ಹಾಯ್ಕು (೦೧)

00655. ರಾಮನವಮಿ ಹಾಯ್ಕು (೦೧)
___________________________

(picture from: http://www.wikidates.org/hindu-holidays/images/Ram-Navami.jpg)

(೦೧)
ರಣ ಬಿಸಿಲು
ನೀರ್ಮಜ್ಜಿಗೆ ಪಾನಕ
– ಜೀವಕೆ ತಂಪು..

(೦೨)
ಯಾಕೆ ಬೇಕೇಳಿ
ಬೇಡದ ರಾಮಾಯಣ
– ಸೀತೆಗೇ ಸಾಕು..

(೦೩)
ಸೀತಾ ರಾವಣ
ಇರದ ರಾಮಾಯಣ
– ಬರೆಯ ಜಾಣ !

(೦೪)
ಅಪ್ಪಾ ರಾವಣ
ಜನಕನ ಮಗಳು
– ಕೈಗೆ ಸಿಗಳು !

(೦೫)
‘ಶಿವ’ ಧನುಸ್ಸು
ಮುರಿದೆತ್ತಿದ ರಾಮ
– ‘ಲಯ’ ರಾವಣ !

(೦೬)
ಜಾಗರೂಕತೆ
ರಾಮಾಯಣದ ನಾಡು
ರಾವಣರುಂಟು !

(೦೭)
ಸೀತೆಯ ಪುಣ್ಯ
ಹೊತ್ತೊಯ್ದವ ರಾವಣ
– ಕೂರಿಸಿ ‘ಬಿಟ್ಟ’ !

(೦೮)
ಸ್ವಯಂವರದೆ
‘ಸ್ವಯಂ’ವರ ಎಲ್ಲಿದೆ ?
– ಗೆದ್ದರೆ ಹಾರ ..

(೦೯)
ರಾಮಬಾಣಕೆ
ನಾಟುವುದಷ್ಟೆ ಗುರಿ..
– ಕೊಟ್ಟ ಮಾತಿಗೆ.

(೧೦)
ಪಟ್ಟಾಭಿಷೇಕ
ಮಾಡಬಿಡಳು ಕೈಕೆ
– ಲೋಕ ಕಲ್ಯಾಣ..!

– ನಾಗೇಶ ಮೈಸೂರು

00310. ಶ್ರೀ ರಾಮನಾಗುವ ಸಂಕಟ

00310. ಶ್ರೀ ರಾಮನಾಗುವ ಸಂಕಟ
________________________

ಶ್ರೀ ರಾಮನವಮಿಯ ಸಂಧರ್ಭದಲ್ಲಿ ಶ್ರೀ ರಾಮ ನಾಮಾಮೃತವನ್ನು ಪಾನಕ, ನೀರು ಮಜ್ಜಿಗೆಗಳ ಸೇವನೆಯ ಮೂಲಕ ಆಚರಿಸುವ ಸಂಭ್ರಮ ನಮಗೆ ಹೊಸದೇನಲ್ಲ. ಬೇಸಿಗೆಯ ಬಿರುಸು ಬಿಚ್ಚಿಕೊಳ್ಳುವ ಹೊತ್ತಿಗೆ ಈ ಪಾನಕ-ನೀರು ಮಜ್ಜಿಗೆಯ ತಂಪುಗಳು ನಿಜಕ್ಕೂ ಆಹ್ಲಾದಕರ ಅನುಭೂತಿ ತರುವ ಪೇಯಗಳು. ಆದರೆ ಬರಿ ಹೊಟ್ಟೆ ತಂಪಾದರೆ ಸಾಲದು, ಆಧ್ಯಾತ್ಮಿಕ ಹಸಿವಿಗೆ ತಂಪೆರೆವ ದೇವನ್ನಾಮ ಸ್ಮರಣೆಯೂ ಆಗಬೇಕಲ್ಲ ? ಶ್ರೀರಾಮ ನವಮಿಗೆ ಅವನ ಸ್ಮರಣೆಗಿಂತ ಮಿಗಿಲಾದದ್ದು ಏನಿದ್ದೀತು ಅನಿಸಿ ರಾಮನ ಬಾಲ್ಯದ, ಮದುವೆಯಾಗುವವರೆಗಿನ ರಾಮ ಕಥಾ ಸಾರವನ್ನು ಈ ಕೆಳಗಿನ ಪದ್ಯಗಳಲ್ಲಿ ಬಿಡಿಸಿಡಲು ಯತ್ನಿಸಿದ್ದೇನೆ. ‘ಶ್ರೀ ರಾಮನಾಗಿ ಬದುಕುವ ಸಂಕಟ’ ಅನ್ನುವ ತಲೆ ಬರಹದೊಂದಿಗೆ ಆರಂಭಿಸಿದ ಈ ‘ಫ್ರೀಸ್ಟೈಲ್ ರಾಮಾಯಣ’ ಕೊನೆಯತನಕ ಹೊರಟರೆ ತುಂಬಾ ಉದ್ದದ ಸರಕಾಗುವ ಕಾರಣ ಬರಿ ಹದಿನೈದು ಪಂಕ್ತಿಗೆ ನಿಲ್ಲಿಸಿದ್ದೇನೆ. ದೇವರ ಸ್ಮರಣೆಯ ನೆಪಕ್ಕೆ ಉದ್ದ ಎಷ್ಟಾದರು ಸಾಲದು, ಬರಿ ಅಷ್ಟಿಷ್ಟಿದ್ದರೂ ಸಾಕು – ಎಲ್ಲವು ಮನಸಿನಂತೆ ಮಹಾದೇವ ಅನ್ನುವ ಲೆಕ್ಕ ಅಲ್ಲವೆ ? ಪಂಕ್ತಿಯ ವ್ಯಾಖ್ಯಾನ, ವಿವರಣೆಗೆ ಸಮಯದ ಅಭಾವ – ಮುಂದೆಂದಾದರು ಮತ್ತೆ ಪ್ರಯತ್ನಿಸುವೆ. ಹಿನ್ನಲೆ / ಮುನ್ನುಡಿಯ ರೂಪದ ಮೂರು ಪದ್ಯಗಳನ್ನು ಜತೆಗೆ ಸೇರಿಸಿದ್ದೇನೆ 🙂

ಹಿನ್ನಲೆ / ಮುನ್ನುಡಿ
____________________________________________

ಮೂರ್ಖತೆಯ ತೆಗುಳು, ದ್ವಾರಪಾಲರ ಅಹಂಕಾರಗಳು
ನೆಮ್ಮದಿಯ ವೈಕುಂಠ, ಕಿಚ್ಚನ್ಹಚ್ಚಿಸಿ ಮಹಾಲಕ್ಷ್ಮಿಗೆ ದಿಗಿಲು
ಸನಕಾದಿ ಮುನಿಗಳ ಶಾಪ, ಭೂಲೋಕದ ಜನ್ಮಪರಿತಾಪ
ಸೇವೆಯಾಳುಗಳ ವತಿಯಿಂದ, ಶ್ರೀ ಹರಿಗೂ ಬಿಡದ ಕೂಪ || 01 ||

……. (to read the full article, please click the page link below and scroll down : https://nageshamysore.wordpress.com/00310-%e0%b2%b6%e0%b3%8d%e0%b2%b0%e0%b3%80-%e0%b2%b0%e0%b2%be%e0%b2%ae%e0%b2%a8%e0%b2%be%e0%b2%97%e0%b3%81%e0%b2%b5-%e0%b2%b8%e0%b2%82%e0%b2%95%e0%b2%9f/ )

ಧನ್ಯವಾದಗಳೊಂದಿಗೆ / ನಾಗೇಶ ಮೈಸೂರು
Thanks & Best Regards / Nagesha MN
WeBlog site: nageshamysore.wordpress.com

00195. ನರಮಾನವನಾಗಿ ರಾಮನ ಜನುಮ…(೦೫ / ೦೫)

ಯುದ್ಧ ಗೆದ್ದಾಯ್ತು, ರಾವಣ ಬಿದ್ದಾಯ್ತು ಇನ್ನೆಲ್ಲಾ ನಿರಾಳವಾಯ್ತು ಎಂದು ಎಲ್ಲರು ಅಂದುಕೊಳ್ಳುತ್ತಿರುವಾಗಲೆ ಬಂದೆರಗಿತು ಮತ್ತೊಂದು ರೀತಿಯ ಧರ್ಮ ಸಂಕಟ. ಸೀತೆಯ ಪಾವಿತ್ರ್ಯ, ಪಾತಿವ್ರತ್ಯದ ಬಗ್ಗೆ ಶ್ರೀರಾಮನಿಗೆಷ್ಟೆ ನಂಬಿಕೆಯಿದ್ದರೂ, ಅವನು ಇಳೆಯ ರಾಜವಂಶದವನ ಪಾತ್ರದಲ್ಲಿ ಆ ನಂಬಿಕೆಯನ್ನು ಮಾತ್ರ ಆದರಿಸಿ ನಿರ್ಧಾರ ಕೈಗೊಳ್ಳುವಂತಿಲ್ಲ…..

00195. ನರಮಾನವನಾಗಿ ರಾಮನ ಜನುಮ…(೦೫ / ೦೫)