01387. ಮಳೆ ಹನಿ ಸಾಲದ ಲೆಕ್ಕ
______________________________
ಲೆಕ್ಕ ಹಾಕುತ ಕುಳಿತೆ
ಮಳೆ ಹನಿ ಮೊತ್ತ
ಗಗನವಿತ್ತ ಸಾಲ ಭುವಿಗೆ..
ಯುಗಯುಗಾಂತರ ಯಾರಿಟ್ಟಿಹರೊ ?
ಅಸಲು ಬಡ್ಡಿ ಚಕ್ರಬಡ್ಡಿಯೆ ಕರಾಳ.. ||
ತೀರಲಿಲ್ಲ ಅಸಲು ಸಹಜ
ಕಟ್ಟಲಿಲ್ಲ ಬಡ್ಡಿಗು ವನವಾಸ
ಬದುಕಬೇಕಲ್ಲ ಸಾಲ ನಿರಂತರ
ತುಂತುರಲ್ಲೆ ಬಾಕಿ ಏರುತ್ತಾ ದರ
ಈ ಲೇವಾದೇವಿ ಚುಕ್ತಾ ಮಾಡುವವರಾರು ? ||
ಎಲ್ಲಾ ಅವರವರ ಬದುಕಲಿ ವ್ಯಸ್ಥ
ಸ್ವಂತ ಸ್ವಸ್ಥಕೆ ಅಲ್ಲೆ ಮೊಗೆಯುತ್ತ
ಹನಿ ಸಾಲವೆಲ್ಲ ಸಿಕ್ಕೆಲ್ಲೆಡೆ ಚೆಲ್ಲಾಪಿಲ್ಲಿ
ತಿರುಗಿ ಕೊಡರಲ್ಲ ತುಂಬಿರೆ ಸರಿ ಪೆಟಾರಿ
ಏರಿ ಸಾಲದ ಮೊತ್ತ ಇಳೆ ಮೇಲೆ ಸವಾರಿ ||
ಕಾದ ಕೊಟ್ಟವ ಈಗಾದ ಕೆಟ್ಟವ
ಕೊಟ್ಟದ್ದನೆ ಸುರಿಸಿ ಮಾಡಿಹ ನಿರ್ಜೀವ
ಮೋಡದಾರ್ಭಟ ಮುಸುಕಿ ಧೂರ್ತ
ಅಸಲು ಬಡ್ಡಿ ಹನಿಯಲೆ ಮುಳುಗಿಸುತ
ಸೇಡಿಗಿಳಿದು ವಸೂಲಿ ಧ್ವಂಸ ಮಾಡುತ.. ||
– ನಾಗೇಶ ಮೈಸೂರು
(Nagesha Mn)
(picture source: from Readoo Kannada)