01653. ಘಜಲ್ (ಹೋರಾಟ ನಿತ್ಯ ಹೋರಾಟ)
__________________________________________
ತುಟ್ಟಿ ಕಾಲದಲೊಂದು ಗಟ್ಟಿ ಬದುಕಾಗೆ
ಹೋರಾಟ ನಿತ್ಯ ಹೋರಾಟ
ಗಟ್ಟಿ ಬದುಕಿಗೆ ಮೆಟ್ಟಿ ನಡೆವ ಪಥ ಬೇಗೆ
ಹೋರಾಟ ನಿತ್ಯ ಹೋರಾಟ ||
ಸಾಲು ಕುರಿ ಸಂತೆ ಹೋಲಿದರೇನಂತೆ
ಬಿದ್ದವರ ತುಳಿದು ನಡೆವ ಕತ್ತಿ ಅಲುಗೆ
ಹೋರಾಟ ನಿತ್ಯ ಹೋರಾಟ ||
ಚೌಕಟ್ಟಿಲ್ಲದ ಚಿತ್ರ ಬಿಡದೆ ಹಾಕಿ ಸುತ್ತ
ಆವರಣದಲ್ಲೆ ತೊಳಲಾಟ ಸೋಗೆ
ಹೋರಾಟ ನಿತ್ಯ ಹೋರಾಟ ||
ಅನಾವರಣಕೆಂಥ ಅದ್ಭುತದ ಭೀತಿ
ಸೃಜನ ಪ್ರವೃತ್ತಿ ಅನುಮಾನದ ಕಾಗೆ
ಹೋರಾಟ ನಿತ್ಯ ಹೋರಾಟ ||
ಗುಬ್ಬಿ ಚಡಪಡಿಕೆ ನೀರಾಚೆ ಮೀನು
ಸ್ವಂತಿಕೆ ತುಟ್ಟಿ ಜೀವಂತಿಕೆ ಕುಗ್ಗಿ ಕೊರಗೆ
ಹೋರಾಟ ನಿತ್ಯ ಹೋರಾಟ ||
– ನಾಗೇಶ ಮೈಸೂರು
೧೫.೦೩.೨೦೧೮
(Picture source : Internet / social media received via Yamunab Bsy – Thanks! 🙏👍😊)
ಮನದಿಂಗಿತಗಳ ಸ್ವಗತ 