01671. ನೀ ನನಗಂಟಿದ ವ್ಯಾಧಿ..! (ಲಘು ಹಾಸ್ಯ)
______________________________________________
ಹೇಗಿದಿಯಾ ನನ್ನ ಪ್ರೀತಿಯ ತಲೆ ನೋವೆ?
ಅಂದರೇಕೆ ಹೀಗೆ ಸಿಡುಕು ಮೋರೆ, ತರವೆ ?||
ನನಗೆ ನೀ ನಿಜಕು ತಲೆನೋವೆ ನಿರಂತರ
ನೆನಪಿಸಲದೆ ನಿನ್ನ ಮರೆಯಬಿಡದ ಸಹಚರ ! ||
ನೀ ನನ್ನ ಬಾಳಿಗಂಟಿದ ನೆಗಡಿ ನಿನ್ನಾಣೆಗು
ಸೀನಿದರು ಸಿಡಿಸಿ ಸುತ್ತೆಲ್ಲ ನಿನದೆ ಗುನುಗು ||
ಎಡಬಿಡದೆ ಕಾಡುವ ವಿಷಮಶೀತ ಜ್ವರ ನೀನೆ
ಸೊರಗಿ ಬೆವರಿ ತನು ಚಂಚಲ ಚಿತ್ತ ನಿನದೇನೆ ||
ಬಿಡು ಬೇರೆ ಮಾತೇಕೆ, ಸತ್ಯ ನೀ ಜೀವಕಂಟಿದ ಅರ್ಬುಧ
ಬಿಡದೆ ಕಾಡುತಿದ್ದರೆ ತಾನೆ ನಿತ್ಯ ಸ್ಮರಣೆ, ಗಟ್ಟಿ ಸಂಬಂಧ ? ||
– ನಾಗೇಶ ಮೈಸೂರು
೨೮.೦೩.೨೦೧೮
(Picture source: internet / social media)
ಮನದಿಂಗಿತಗಳ ಸ್ವಗತ 